Þjóðviljinn - 27.06.1984, Síða 3

Þyrlukaupin
Hentar
íslenskum
aðstæðum
Landhelgisgœslan:
Nýja þyrlan búinfull-
komnustu tœkjum og
varahlutum kostar
um 100 miljónir.
Þyrla að láni fram að
afhendingu.
Á föstudaginn var undirritaður
kaupsamningur á Dolphin 2 þyrlu
fyrir Landhelgisgæsluna og er
kaupverðið alls um 100 miljónir
króna.
Gunnar Bergsteinsson for-
stjóri Landhelgisgæslunnar kvað
stofnunina vera ánægða með
kaupin, en afhending þyrlunnar
er að ári. Hún tefst nokkuð m.a.
vegna þess að koma þarf fyrir
tækjabúnaði í henni: ratsjárbún-
aði til að þyrlan geti athafnað sig í
kyrrstöðu við björgun auk þess
sem sérstakur útbúnaður verður
hannaður í þyrluna til að hægt sé
að fljúga í myrkri. Gunnar kvað
þennan útbúnað allan hinn
fullkomnasta til hvers konar
björgunarstarfa. Þyrlan er mjög
hraðfleyg og lítil hætta er á ísingu
einsog margir hafa haldið fyrir
misskilning, sagði Gunnar Berg-
steinsson.
Á meðan beðið er eftir nýju
þyrlunni, fær Landhelgisgæslan
aðra sömu tegundar að láni frá
septembermánuði, en sú er þó
ekki búin eins fullkomnum tækj-
um og hin sem keypt verður.
Gunnar kvað hana tiltölulega
nýja. Með henni koma flugmenn
og flugvirkjar auk þess sem ís-
lenskir koma til með að læra á
hana til undirbúnings fyrir nýju
þyrluna. Með kaupunum hafa
opnast möguleikar til meiri
björgunarstarfa á vegum Land-
helgisgæslunnar en áður hefur
verið, sagði forstjóri gæslunnar.
-óg
Psoriasis_____
UýíT
«yf
Krem borið beint á
húð. Finnsk upp-
fynding.
Fyrir nokkru var haldin ráð-
stefna í Kaupmannahöfn um
psoriasis. Þar kynnti prófessor
Kimmo Mustakallio frá Finn-
landi nýtt lyf, Buthantron, sem er
hannað til meðferðar á þessum
algenga sjúkdómi. Það er að
formi til líkt og varalitur, gulleitt
krem sem borið er beint á húðina.
Samsetning kremsins er sögð
líkjast lyfi sem nú er í notkun en
hið nýja lyf hefur þó þann kost að
það hefur ekki í för með sér kláða
eða eyðileggingu fata.
Ekki er enn vitað hvenær But-
hantron kemur á markaðinn. Það
er ekki talið að prófun og fullgerð
lyfsins taki langan tíma og því
ættu íslenskir psoriasissjúklingar
að geta fengið þetta lyf innan tíð-
ar.
-raf
Geir Hallgrímsson flytur ávarp sitt í flugskýlinu í gærmorgun. Til vinstri er Namir fiotaforingi en til hægri Nall höfuðsmaður. Ljósm. Atli.
Herinn
Björgunarmenn heiðraðir
Sú sveit bandaríska herliðsins á
Keflavíkurflugvelli sem fæst
við björgunarstörf var heiðruð
með ræðuhöldum og gjöfum í
gærmorgun. Utanríkisráðherra
þakkaði sveitinni fyrir uppá flug-
velli og bauð til kaffísamsætis í
Stapa á eftir. Þyrlusveitin er talin
hafa bjargað um 200 mannslífum
síðan hún kom hingað í nóvember
1971 enda hafa íslensk yfirvöld í
síauknum mæli reitt sig á aðstoð
Bandaríkjahers við almanna-
varnir og björgunarstörf.
Samkomugestir í flugskýli 885
stóðu upp þegar tilkynnt var um
komu utanríkisráðherra í skýlið
um tíuleytið í gær, bæði hermenn
og þeir gestir sem ekið hafði verið
frá Reykjavík í rútu frá utanríkis-
ráðuneytinu: blaðamenn, ráðu-
neytismenn og hópur frá þeim
björgunarsveitum og stofnunum
sem starfað hafa með þyrlu-
sveitinni bandarísku. Eftir þjóð-
söngva tók Namir flotaforingi til
máls og sagði hernum vera heiður
að komu ráðherrans. Voru ævi-
atriði Geirs rakin frá stúdents-
árum til ráðherratíðar og ráð-
herranum hælt fyrir áhuga á ör-
yggismálum, en að sögn flotafor-
ingjans er Geir Hallgrímsson
fróðastur íslendinga á því sviði og
því vel við hæfi að hann gegni
embætti utanríkisráðherra. Að-
Reykjavík
4800 fyrir hund á ári
Nýjar hundareglur á borðum borgarstjórnarmanna en
hundur í heilbrigðiseftirlitinu
Ný rcglugerð um hundahald
bíður nú seinni umræðu í
borgarstjórn Reykjavíkur og er
þar gert ráð fyrir að hundar verði
leyfðir í borginni gegn gjaldi og
ýmsum skilyrðum. Lagt er til að
borgarbúar grciði atkvæði um
málið innan fjögurra ára. Gert er
ráð fyrir tveimur umræðum um
reglugerðarbreytingar í borgar-
stjórn, en borgarfulltrúar tóku
ekki til máls við hina formlegu
fyrri umræðu og ætla að geyma
sér orðræður þar til síðar.
Heilbrigðiseftirlit Reykjavík-
ursvæðisins hefur lagt fram at-
hugasemdir við reglugerðina og
er þar lagt til að hundahald verði
bannað áfram. Heilbrigðiseftir-
litsmenn stinga uppá að þeim sem
nú halda hund verði leyft að gera
það meðan hundurinn lifir, hver
sem úrslit atkvæðagreiðslunnar
verða.
í reglugerðardrögunum nýju
er gjald vegna hundahalds ákveð-
ið 400 krónur á mánuði frá gildis-
töku til 1. mars 1985.
-m
Málfar
Greinar Oddnýjar á bók
Ráðist að slangri og slangurorðabók í „Islenzkri aulafyndni“
Það er ekki tími til að gamna vegna menn segja á Húsavík en I
sér við að athuga, hvers Reykjavík, meðan skrípimál-
Kvennaráðgjöf
Lokuð í 2 mánuði
lýzka er að útrýma íslenzkunni“
segir meðal annars í nýútkomnu
kveri, íslenzkri aulafyndni, sem
geymir greinar eða ritdóm
Oddnýjar Guðmundsdóttur um
Slangurorðabókina frá 1982.
' Kvennaráðgjöfin hefur starfað
sl. 5 mánuði og verið opin eitt
kvöld í viku. Mjög margar konur
hafa leitað til Kvennaráðgjafar-
innar, en næstu tvo mánuði, júlí
og ágúst, verður hún lokuð vegna
sumarleyfa starfskvenna.
Kvennaráðgjöfin opnar aftur
fyrsta þriðjudag í sept. og er opin
milli kl. 20 og 22.
Ráðgjöfin er til húsa í Kvenna-
húsinu, Hótel Vík, Pósthólf 836.
í greinum sínum ræðst höfund-
ur að orðabókinni og að notkun
slangurs og annarra „sorpyrða“
og kemur víða við. „Islenzk
aulafyndni" er 17 síður, fjölritað-
ar.
mírállinn sagði skilyrði öll mjög
sérstæð hérlendis og þakkaði
fyrir þau tækifæri sem sveitin hef-
ur fengið hér til æfinga.
Utanríkisráðherra tók til máls
og þakkaði björgunarsveitinni
störf sín. Hann minnti á að auk
almennra björgunarstarfa hefði
sveitin þá skyldu að vera ávallt
viðbúin í björgunar- og leitar-
störfum kunni ófriður að brjótast
út.
Eftir að ráðherra hafði afhent
Nall höfuðsmanni þakkarskjal og
höfuðsmaður þakkað fyrir var
ekið í bflalest niðrað Stapa í
Njarðvíkum. Þar var kaffi og
meðlæti á borðum. Utanríkisráð-
herra bauð menn velkomna með
nokkrum orðum og talaði ensku,
blaðlaust. Síðan voru um fjörutíu
þyrluhermönnum afhentir ís-
lenskir kertastjakar með hrauná-
ferð í viðurkenningarskyni. Það
annaðist ásamt ráðherra Sverrir
Haukur Gunnlaugsson forstöðu-
maður varnarmáladeildar utan-
ríkisráðuneytisins. Að lokum af-
henti Nall höfuðsmaður utan-
ríkisráðherra að gjöf innramm-
aða ljósmynd af þyrlu.
-m
i TORGIЗ
Ætlar Davíð líka að hafa uppboð á
„lóðunum" í kirkjugarðinum?
Miðvikudagur 27. júní 1984 ÞJÓÐVILJINN - SÍÐA 3