Þjóðviljinn - 24.07.1984, Blaðsíða 6

LANDÐ
MUNIÐ
FERÐJ
im
BOKINA
Handhægt uppsláttarrit sem veitir fleiri almennar
upplýsingar um ferðalög og ferðamöguleika
innanlands og utan en nokkur önnur íslensk bók.
Meðal efnis eru 48 litprentuð kort, vegalengdatöflur,
upplýsingar um gististaði og aðra
ferðamannaþjónustu, um sendiráð og ræðismenn
erlendis, vegaþj ónustu, veðurf ar á ýmsum stöðum og
margt fleira. Fæst í bókabúðum og
söluturnum um allt land.
Ferðavasabókin; ómissandi ferðafélagi!
FJÖLVÍS
Síðumúla 6 Reykjavík
Sími 91-81290
Tónlistarkennari/
organisti
Viö Tónlistarskóla Siglufjarðar vantar píanó-
kennara sem jafnframt getur gegnt starfi org-
anista viö Siglufjaröarkirkju. Ennfremur vant-
ar blásarakennara við skólann.
Upplýsingar gefa skólastjóri sími 96-71224
og formaður sóknarnefndar sími 96-71376.
FAGVERK S/F
Verktakafyrirtæki
Sími 26098
1. Sprunguviðgerðir með bestu fáanlegum efnum. Efni
þessi standast vel alkalísýrur og seltu, hefur mikla teygju
og góða viðloðun.
2. Gerum við steyptar þakrennur og berum í þær þéttiefni.
3. Þök: Tökum að okkur allar viðgerðir og breytingar á
þökum, þéttum bárujárn, skiptum um járn o.fl. (erum með
mjög gott þéttiefni á slétt þök).
4. Gluggar: Sjáum um allar viögerðir og breytingar á
gluggum. Kíttum upp glugga, setjum opnanleg fög, gler-
ísetningar o.m. fleira.
5. Málning: Önnumst alla málningarvinnu utan húss sem
innan.
Áhersla lögð á vönduð vinnubrögð og viðurkennd
efni, viðráðanleg kjör og góða þjónustu. Komum á
staðinn, mælum út verkið, sýnum prufur og send-
um skriflegt tilboð.
Vinsamlegast pantið tímanlega í síma 26098.
- Geymið auglýsinguna -
Siglufjörður
Samgöngur
Fimmtán flugferöir
- engin bílferð
Siglfirðingar vilja tengjast Norðurleið
með áætlunarbíl til Varmahlíðar.
- Mikill sparnaður miðað við að fljúga.
Siglfirðingar eru óánægðir
með hvernig háttað er sam-
göngum við kaupstaðinn, einkum
að því er varðar möguleikana á
að komast landleiðina með Norð-
urleið til Reykjavíkur, sem er
mun ódýrara en að fljúga.
Nú munu flugferðir milli
Reykjavíkur og Siglufjarðar vera
15 á viku, eða rúmar tvær á dag.
Mun það svipaður ferðafjöldi og
undanfarin sumur. Að vetrinum
eru ferðir eitthvað færri. Á hinn
bóginn er Siglufjörður ekki
tengdur við Norðurleiðarferðirn-
ar milli Akureyrar og Reykjavík-
ur. Áætlunarferðirnar milli Siglu-
fjarðar og Varmahlíðar voru
lagðar niður fyrir nokkrum árum.
Vilji Siglfirðingar því komast
með Norðurleið er ekki annað að
gera fyrir þá en láta aka sér í
einka- eða leigubíl milli Siglu-
fjarðar og Varmahlíðar eða
a.m.k. til Sauðárkróks.
900-950 kr.
sparnaður
Flugfar milli Reykjavíkur og
Siglufjarðar kostar nú kr. 1750.
Er það meira en helmingi hærra
en fargjald með áætlunarbíl.
Ferðin með áætlunarbflum
myndi kosta um 800 kr. Farið frá
Varmahlíð til Reykjavíkur er nú
kr. 605 og reikna má með að farið
frá Siglufirði til Varmahlíðar
kosti kr. 200. Sparnaður fyrir
einn mann við að velja áætlun-
arbílinn væri því kr. 900-950 og
þó meira, því um leið og unnið er
fyrir peningum upp í fargjaldið
þarf einnig að vinna fyrir dálítilli
fúlgu handa ríki og sveitarfélagi
upp í skatta og útsvar.
Fyrir venjulegt láglaunafólk er
þannig beinlínis fjárhagslegur
ávinningur að því að velja rútuna
en flugið á þessari leið, enda þótt
ferðin kosti vinnutap í heilan dag
aukreitis, sem hún þó gerir næst-
um aldrei.
Dœmið um hjónin
Við getum tekið dæmi þessu til
skýringar. Hjón úr Reykjavík,
bæði úr láglaunahópum, komu í
ættingjaheimsókn til Siglufjarðar
í sumar, ásamt börnum sínum
tveim. Þau eiga ekki bíl en fengu
far norður með kunningja sínum,
sem staddur var syðra með bfl.
Þegar þau fóru svo að athuga,
hvað kosta mundi fyrir þau að
fara með flugvél suður kom í ljós,
að það var um 5250 kr. Fargjaldið
með áætlunarbfl frá Varmahlíð til
Reykjavíkur mundi hinsvegar
aðeins kosta 1815 kr. En hvemig
áttu þau að komast til Varma-
hlíðar?
Endirinn varð sá, að kunningi
þeirra skaut þeim í Varmahlíð á
einkabfl sínum gegn því að þau
borguðu bensínið, sem var ríflega
reiknað á 600 kr. Spamaður þess-
arar fjölskyldu, miðað við það að
fljúga, var því rúmlega 2800 kr.,
eða um það bil vikukaup annars
hjónanna í dagvinnu að frádregn-
um skatti og útsvari, og breytir
litlu þótt þau hefðu orðið að bæta
200 kr. við farið til Varmahlíðar.
Nú ber þess að geta, að á með-
an áætlunarferðir vom daglega til
Siglufjarðar, ásamt flugferðum,
voru þær oft illa nýttar, enda
flugið hlutfallslega miklu ódýrara
þá en nú. Flugfélögin stilltu far-
gjöldum í það hóf, að töluvert
álitamál var hvort hagstæðara
væri að ferðast með bfl eða flugv-
él, þegar á allt var litið.
Saga Siglfirðings
Siglfirðingur, sem rætt var við
um þetta mál; sagði:
- Nú em það sennilega mark-
aðsöflin, sem stjóma ferðinni á
þessum sviðum sem öðmm. Því
miður er það svo, að „frelsi fyrir-
tækjanna“ virðist oft hafa þann
tilgang og hlutverk fyrst og
fremst, að nytja almenning sér til
hagnaðar, eins og búpeningur er
nytjaður. Samkeppnin í sam-
göngumálum hingað hefur und-
anfarið helst virtst liggja í því, að
koma fram sem mestum hækkun-
um á fargjöldum. Ef einn hækkar
verðið þá gerir hinn það líka.
„Samkeppnisaðilamir“ eru í
reynd einokunaraðilar. Raunar
er skiljanlegt að þeim veiti ekki af
hækkunum til að geta haldið vit-
leysunni áfram. Ég veit ekki hver
nýtingin er á þessum 15 ferðum á
viku, en ég trúi ekki fyrr en ég
sannreyni, að nokkur skynsemi
sé í þessum ferðafjölda. Mættu
þeir, sem mest hneykslast á fjár-
bruðlinu í sveitamannaatvinnu-
vegunum eins og fiskveiðum og
landbúnaði gjarnan gefa þessu og
fleiri áþekkum dæmum gaum.
Ekki má skilja orð mín svo, að
ég sé neitt að abbast upp á flugfé-
lögin. Þau mega mín vegna fljúga
hingað á hverjum klt. allan sólar-
hringinn. Mín krafa og margra
annarra er einfaldlega sú að við
fáum þó ekki væri nema 2-3 áætl-
unarferðir á viku milli Varma-
hlíðar og Siglufjarðar, í tengslum
við Norðurleiðaferðirnar milli
Akureyrar og Reykjavíkur.
Svo mælti Siglfirðingur.
Hvar er ákvörðunar-
valdið?
Nú er það vitað, að í vetur sam-
þykkti bæjarstjóm Siglufjarðar
áskorun til samgönguyfírvalda
um að tengja Siglufjörð áætlun-
arleiðinni. Ekki verður séð að sú
áskorun hafi borið mikinn árang-
ur. Hvað veldur? Vantar viljann
hjá yfirstjórn samgöngumála?
Eða kannski getuna? Eru það
einhverjir aðrir sem þarna ráða
ferð og þá hverjir? Einu sinni var
til stofíiun, sem skipulagði land-
flutninga, einkum áætlunarferð-
ir. Skyldi hún vera enn ofar
moldu?
Og að endingu: Af hverju vom
umræddar áætlunarferðir lagðar
niður? Má vænta þess að þær
verði teknar upp á ný og þá hve-
nær? Ef ekki þá hversvegna?
Hér í blaðinu verður að sjálf-
sögðu veitt rúm fyrir svörin, sem
ekki verður að óreyndu dregið í
efa að muni berast.
bs/mhg
6 SÍÐA - ÞJÓÐVILJINN Þrlðjudagur 24. júlí 1984