Þjóðviljinn - 23.08.1984, Blaðsíða 2

FRÉTTIR
Kópavogsstrœtó
Aftur ný
áætlun
Fleiri vagnar - fleiri ferðir
Fjölgun vagna á kvöldin og um
helgar, sama skiptistöð, leið
upp í Breiðholt, aukin tengsl
austurbæjar við skiptistöð - þetta
eru heistu atriðin í nýrri strætis-
vagnaþáætlun í Kópavogi sem
samþykkt var á bæjarstjórnar-
fundi í fyrrakvöld.
„Þetta kerfi á að gilda til 1.
nóvember frá núverandi skipti-
stöð“, sagði Björn Ólafsson
bæjarfulltrúi í samtali við blaðið í
gær. Hann var spurður hvort
komið hefði til tals að flytja
skiptistöðina í Hamraborg og
sagði hann að sú hugmynd hefði
fallið út: „það voru ýmsir ann-
markar á því“, sagði hann, „en
við erum að skoða ýmsa mögu-
leika í þeim efnum. Mér sýnist að
þetta kerfi veiti betri þjónustu en
eldri kerfi, og ef koma í ljós erfið-
leikar verður því að sjálfsögðu
breytt. Við eigum reyndar von á
því að þetta verði nokkuð stíft á
álagstímum en það verða til
aukavagnar til að mæta þör-
finni“.
„Ég held að þetta nýja kerfi
þjóni það mörgum betur en þau
sem áður hafa verið að það verði
að teljast gott“, sagði Björn Ól-
afsson að lokum.
-gat
Ég skal bara láta þig vlta það að ég
skal fó hærra kaup, þó ekki væri
nema vegna þess, að ég er ekkert
skyld þér, erekki íflokknum þínum
og mér dettur ekki í hug að gerast
kunningl þinn.
Kópavogur
Ný
sundlaug
Unnið er að undirbúningi
sundlaugarbyggingar í Kópavogi.
Lögð hefur verið fram kostnaðar-
áætlun varðandi 50X22 m laug og
10X10 mvaðlaug á Rútstúni í
Kópavogi þar sem lítil sundlaug
bæjarins er staðsett. Einnig hefur
undirbúningsnefnd um byggingu
sundlaugar verið með hugmyndir
um 25 m laug.
Högna Sigurðardóttir arkitekt
að fyrri sundlaug bæjarins var ný-
lega á fundi með nefndinni og er
tillögum frá henni vænst í lok
septembermánaðar.
-jþ
Enn á ný þurfa Kópavogsbúar að læra á ferðir strætisvagnanna. Rætt hefur verið um að færa skiptistöðina en þessi mun
að minnsta kosti verða í notkun til 1. nóvember. Mynd -eik.
Umhverfið
Ferðast um Seltjarnarnes
Seltjarnarnesið kann að vera
lítið og lágt en þar er margt að
sjá, bæði náttúru og sögulegar
minjar. Á laugardaginn býður
NVSV (Náttúruvernarfélag Suð-
vesturlands) til skoðunarferðar
um nesið með leiðsögn sérfróðra
fararstjóra.
Farið verður frá Norræna hús-
inu klukkan 13.30 og er áætlað að
ferðinni ljúki um fimmleytið.
Gengið verður á Valhúsahæð og
Tchernenko
Heilsan að bila?
Ekkert hefur verið minnst á Chernenko leiðtoga Sovétríkjanna opin-
berlega í rúman mánuð. Vestrænir fréttaskýrendur telja að leiðtog-
anum hafi mistekist að treysta stöðu sína innan kerfisins. Leiðtoginn er
nokkuð við aldur, - og ekki heilsuhraustur, þannig að skýringin gæti
eins verið heilsuleysi leiðtogans.
farið útá Snoppu, eftir Kota-
granda útí Suðurnes, lífríki fjör-
unnar skoðað og fjörumór við
Seltjörn, farið að Nesi og Bakka-
vör.'
Leiðsögumenn verða Ásgrím-
ur Guðmundsson jarðfræðingur,
Ása Aradóttir grasafræðingur,
Jóhann Óli Hilmarsson (fuglar og
fjörulíf) og Pétur Sigurðsson frá
Hróflsskála (saga og örnefni).
Fargjald er 200 krónur og eru
allir velkomnir, einkum seltirn-
ingar, sem hér gefst gott tækifæri
til að fræðast betur um heima-
byggð sína, náttúru hennar og
mannvistarminj ar.
Sauðamergur og Sortulyng
Póst- og símamálastofnunin hefur gefið út tvö ný frímerki. Annað
þeirra er af Sauðamerg og er verðgildi þess 650 aurar. Hitt er af
sortulyngi og er verðgildi þess 750 aurar. Þröstur Magnússon teiknaði
bæði frímerkin. Frímerkin eru marglit. -óg

Leigubílar
Steindórsmenn metnir einsog aðrir
Framtíð bílstjóra á Steindóri rœðst í október.
Umsóknir leigubílstjóra á
Steindóri um akstursleyfi
verða afgreiddar á sama hátt og
umsóknir annarra. Þær fá engan
forgang, en starfstími bifreiða-
stjóranna á Steindóri verður tek-
inn til greina þótt leyfi þeirra hafi
dæmst ólögleg. „Ég er auðvitað
ekki í úthlutunarnefndinni en
þetta liggur í loftinu“, sagði Guð-
mundur Valdimarsson formaður
Frama, stéttarfélags leigubifr-
eiðastjóra, í samtali við Þjóðvilj-
ann í gær.
Ráðherra hefur úrskurðað að
dómi Hæstaréttarí Steindórsmál-
inu verði að hlíta frá og með 11.
október og verður Steindórsstöð-
in þá lögð niður, að minnsta kosti
í þeirri mynd sem rekstur hennar
hefur nú. Um 30 bflar aka nú með
Steindórsmerkið og töldu stöðv-
armenn sig hafa 45 leyfi, en ljóst
er talið að slíkan fjölda leyfa
muni Steindórsmenn ekki hafa úr
kiafsinu hjá úthlutunarnefnd
akstursleyfa. Umsóknum um út-
hlutun skal skilað fyrir fyrsta okt-
óber. í úthlutunarnefnd sitja
þrir, einn fulltrúi frá Frama, einn
frá launþegum á leigubílum (þ.e.
úr hópi væntanlegra umsækj-
enda) og einn frá samgönguráð-
herra.
Ólíklegt er að Steindórsstöðin
starfi áfram. „Það yrði of smá
rekstrareining og varla áhuga-
verð“, sagði formaður Frama.
Þarvið bætist að Reykjavíkur-
borg mun bráðlega eiga þess kost
að nýta forkaupsrétt sinn á lóð
bifreiðastöðvarinnar milli
Austurstrætis og Hafnarstrætis
og talið sennilegt að hún geri það.
Varla mikil hœkkun
Gjaldskrá leigubflstjóra hefur
ekki breyst í tæpt ár og hyggjast
forystumenn þeirra nú fara fram
á endurskoðun. Að sögn Guð-
mundar Valdimarssonar er ekki
að vænta mikillar taxtahækkun-
ar. Aðeins um 28% af fargjaldi
með leigubfl rennur til bifreiða-
stjóra sem kaup, og á móti al-
mennum launahækkunum og
verðbólgu vegur vaxtalækkun
undanfarið ár.
-m
2 SÍÐA - ÞJÓÐVIUINN