Þjóðviljinn - 23.12.1984, Blaðsíða 16

LEIÐARAOPNA
LEIÐARI
eða tortíming
Friður
Jól eru hátíð friðarins. Fáeina daga á hverju
ári lýsa leiðtogar hollustu við boðskapinn frá
Betlehem. Síðan tekur vígbúnaðurinn við á ný.
Vopnin hlaðast upp. Sprengjunum fjölgar. Him-
inhvolfið er næsti vettvangur tortímingar-
leiksins. í krafti valds og auðs er fámennur hóp-
ur í foiystusveit risaveldanna að leiða mannkyn
fram á ystu brún.
Á þessu ári hafa vísindamenn greint frá niður-
stöðum sem afsanna allar helstu kenningar
sem notaðar hafa verið af talsmönnum hernað-
arbandalaganna til að réttlæta vígbúnaðar-
kapphlaupið. Hernaðarstefna NATO og Var-
sjárbandalagsins hefur verið reist á þeim horn-
steini að kjarnorkuvopn væri hægt að nota gegn
óvininum án þess að skaða sjálfan sig. Ár eftir
ár hefur nýjum voþnum verið bætt við til að
viðhalda trúnni á þessa kenningu.
Lengi vel skorti vitnisburð til að taka af öll
tvímæli um haldleysi hennar. Nú hafa fremstu
vísindamenn frá Bandaríkjunum og Sovétríkj-
unum sannað að þessi hornsteinn kjarnorku-
vígbúnaðarins er alger blekking. Jafnvel þótt
óvinurinn svari alls ekki ef á hann er ráðist snýst
„sigurinn" upp í tortímingu á því ríki sem stríðið
hóf. Kjarnorkuveturinn sem kemur í kjölfar hinn-
ar minnstu sprengjuárásar mun ekki síður
granda þeim sem í skamma stund telursig hafa
sigurpálma í höndum.
Fyrir nokkrum mánuðum skýrðu vísinda-
menn í Bandaríkjunum og Sovétríkjuum frá nið-
urstöðum rannsókna sem framkvæmdar höfðu
verið á sjálfstæðan og aðskilinn hátt. Þær
sýndu sömu niðurstöðu. Afleiðingar kjarnorku-
árásar á annað ríki hefðu í för með sér slíka
umturnun á loftslagskerfi jarðarinnar að íbúar
„sigurvegarans" myndu farast á fáeinum mán-
uðum vegna hungurs, kulda og vatnsskorts.
Sprengjuskýin og reykmengunin frá brunarúst-
um stórborga, jafnvel í fjarlægum heimsálfum,
myndu hylja sólina og skapa samfelldan vetur á
mestum hluta jarðar. Vatn frysi í öllum bólum,
uppskera yrði engin, myrkur yrði mánuðum
saman um miðjan dag. Lífsskilyrði allra myndu
bresta. Mannkynið myndi deyja hvarsem væri á
hnettinum.
Fyrstu viðbrögð herforingjanna og oddvita
hernaðarbandalaganna var að afneita þessum
niðurstöðum. Bandaríska varnarmálaráðuneyt-
ið í Pentagon setti á laggirnar nefnd
nafntogaðra vísindamanna sem margir höfðu
stundað rannsóknir í þágu hernaðaruppbygg-
ingarinnar. Þeir fengu það verkefni aö afsanna
niðurstöðurnar um kjarnorkuveturinn. Það var
mikið í húfi fyrir ráðamenn í Pentagon. Væru
niðurstöðurnar réttar lægi helsti hornsteinn víg-
búnaðarkapphlaupsins mölbrotinn við dyr
valdsmannanna.
í síðustu viku sendi þessi vísindanefnd Pen-
tagon niðurstöðurnar. Hún staðfesti í einu og
öllu greininguna á eðli kjarnorkuvetrarins. Spá-
dómurinn um tortímingu allra, jafnvel „sigurveg-
arans“ sem enginn réðist á, væri algerlega í
samræmi við hinar ströngustu fræðilegu kröfur.
Þegar boðskapurinn var birtur kusu húsbænd-
urnir í Pentagon að þegja. Þeir skildu að nú var
vígbúnaðarstefnan komin að síðustu vega-
mótum.
Þessi vegamót eru mikilvægasta umhugsun-
arefnið á hátíð friðarins. Fámennir hópar valds-
manna geta nú tortímt öllu sem mannkyn hefur
skapað - eytt öllu lífi á jörðu hér. Þeir hafa tekið
sér vald sem hin helga bók segir að guði einum
sé gefið.
Þjóðviljinn óskar landsmönnum öllum gleði-
legra jóla og vonar að hugleiðing um þessi
vegamót mannkynsins verði efniviður í jólaboð-
skap íslendinga.