Þjóðviljinn - 16.11.1985, Blaðsíða 15

VIÐHORF
Sögulegur landsfundur
eftir Helgu Sigurjónsdóttur
„Fyrir „lýðrœðiskynslóðina“ varð kjör
varaformannsins táknræn í baráttunni
fyrir tilverurétti okkar íflokknum. Hér
fannst mér vera gefið svar við þvíhvort
AB-menn væru tilbúnir til að opna dyr
sínar og gluggafyrir breyttum
viðhorfum, fyrir okkar viðhorfum. “
Sjöunda landsfundi Alþýðu-
bandalagsins er lokið. Sögulegur,
tímamótamarkandi landsfundur
sem brýtur blað í sögu hreyfing-
arinnar ef marka má viðbrögð
manna. Eitt ervíst, að varla hefur
það farið framhjá neinum, sem á
annað borð hefur augu og eyru
opin, að landsfundurinn fór fram
um síðustu helgi.
Fjölmiðlar hafa keppst við að
lýsa fundinum og gera úttekt á
þeim atburðum sem gerðust þar.
Sú hreinskilni, sem réð ríkjum í
umræðum, skilaði sér margfalt til
baka í áhuga fjölmiðla og al-
mennings á málefnum Alþýðu-
bandalagsins. Mér finnst umfjöll-
un fjölmiðla vera til vitnis um að
opinská umræða er afdráttarlaust
af hinu góða. Við höfum ekkert
að fela.
Persónulega hef ég orðið vör
við geysilega jákvæð viðbrögð fé-
laga og stuðningsmanna. Þegar
maður komst í samband við um-
heiminn á ný eftir 3ja daga fund-
arsetu uppgötvaði maður að fólk
um allt land hafði fylgst með og
áttað sig á að þarna voru mikil-
vægir atburðir að gerast.
Ekki svo að skilja að ég óski
endilega eftir jafnmikilli drama-
tík um hvern atburð í starfi Ab.,
en hitt er ljóst að sú hræðsla og
ergelsi gagnvart fjölmiðlum sem
hefur verið áberandi er alls
óþörf. Auðvitað kemst allt ekki
fyllilega rétt og satt til að skila og
síst er dregið úr spennu og dra-
matík, en að miklu leyti endur-
speglar umfjöllun fjölmiðla þann
skilning sem utanaðkomandi
leggja í umræðuna.
Það kom fjölmiðlafólki í opna
skjöldu hversu opinskátt menn
ræddu málin. Landsfundurinn
var svo fjarri því að vera einhver
halelúja-samkoma. Hér var
vissulega tekist á. Mikil spenna
og tilfinningahiti ríkti samhliða
köldum klókindum. Við erum
sem betur fer manneskjur af
holdi og blóði, og síst veitir bar-
áttufólki af skaphita og tilfinning-
um.
í mínum huga er landsfundur-
inn stórkostlegur sigur fyrir Al-
þýðubandalagið. Pað er sögulegt
gæfuspor að meirihluti lands-
fundarfulltrúa sýndi vilja til
breytinga bæði á stefnu og starfs-
háttum. Þessi „hreyfing", sem í
raun varð til á fundinum sjálfum
sem samstætt afl, hefur verið
nefnd „lýðræðiskynslóðin“.
Mörgum hefur gramist mjög
þessi nafngift og fundist nærri sér
höggvið, þar eð allir aðrir væru
með því stimplaðir „ólýðræðis-
legir“.
Ég þykist ekki skilja þessar
hræringar til fulls. Hins vegar veit
ég að fjöldamörgum félögum
mínum af „lýðræðiskynslóð“ er
svipað innanbrjósts. Við viljum
einfaldlega hafa áhrif á mótun
þess samfélags sem við lifum í.
Við erum búin að fá okkur
fullsödd af því að láta sífellt aðra
stjórna lífi okkar og aðstæðum.
Við erum launþegar, eigum börn
og erum að basla við að koma yfir
okkur húsnæði. Vilji okkar og
viðhorf eru fótum troðin af vald-
höfum samfélagsins. Við erum
mörg, sem höfum valið okkur
starfsvettvang innan Alþýðu-
bandalagsins vegna þess að það
er flokkur launafólks og vinstri
jafnaðarmanna. Ýmsir hafa farið
aðrar leiðir sbr. Kvennalista og
Bandalag jafnaðarmanna.
Landsfundurinn sýndi svo ekki
varð um villst að við erum á rétt-
um stað og á réttri leið.
Fyrir „lýðræðiskynslóðina"
varð kjör varaformannsins tákn-
ræn í baráttunni fyrir tilverurétti
okkar í flokknum. Hér fannst
mér vera gefið svar við því hvort
Abl.-menn væru tilbúnir til að
opna dyr sínar og glugga fyrir
breyttum viðhorfum, fyrir okkar
viðhorfum. Ég get því ekki annað
en glaðst í hjarta mínu yfir því að
innan okkar vébanda er svo stór
hópur af stórhuga og kjarkmiklu
fólki.
Við stöndum nú á vissum tíma-
mótum. Landsfundurinn skilaði
okkur forystu sem í eiga sæti full-
trúar hinna ýmsu „arma“. Ég
vona að henni takist að starfa
saman af eindrægni enda þótt
viðhorf og reynsla sé ákaflega
misjöfn. En forystunni einni mun
aldrei takast að uppfylla þær
gífurlegu væntingar sem félagar,
stuðningsmenn og fjöldi fólks
bindur nú við framtíð flokksins.
Pess vegna, félagar og stuðn-
ingsmenn. Nú skiptir hver einasti
einstaklingur máli. Komið til
starfa og takið þátt í að byggja
upp kraftmikla vinstrihreyfingu,
sem einnig á okkar forsendum
getur ógnað og hnekkt ofurvaldi
fjármagnsins.
Helga Sigurjónsdóttir
er varaformaður Abi. R.
LANDSFUNDUR
Landsfundur AB
Dagvistun fyrír öll böm
Landsfundur Alþýðubanda-
lagsins leggur áherslu á að það er
samfélagslegt verkefni að tryggja
góð dagvistarrými fyrir börn úr
öllum þjóðfélagshópum. Fund-
urinn hafnar einkarekstri og því
að litið sé á dagvistarvandann
sem vandamál hverrar fjölskyldu
eða hvors foreldris fyrir sig. Af er
sú tíð að einungis feður starfi
utan heimilis. Nánast allar mæð-
ur gera það líka.
Sífellt meiri kröfur eru gerðar
til uppeldisstétta og uppeldishlut-
verka dagvistarheimila án þess að
það sé metið í launum til starfs-
manna. A undanförnum mánuð-
um hefur víða ríkt neyðarástand
á dagvistarheimilum vegna flótta
úr fósturstörfum, neyðarástand
sem fyrst og fremst kemur niður á
börnunum og lýsir sér í öryggis-
leysi og almennri vanlíðan.
Til að tryggja umönnun og
uppeldi yngstu barnanna verður
stóraukin uppbygging dagvistar-
heimfla að hafa forgang hjá ríki
og sveitarfélögum og það tryggt
að þau geti sinnt uppeldishlut-
verki sínu. Jafnframt þarf að
lengja fæðingarorlof til beggja
foreldra.
1. Landsfundur Alþýðubanda-
lagsins krefst þess að þegar í
stað verði brugðist við því ó-
fremdarástandi, sem ríkir í
uppbyggingu og rekstri dag-
vistarheimila. Landsfundur-
inn leggur áherslu á að það er
samfélagslegt verkefni að
tryggja góð dagvistarrými
fyrir börn úr öllum þjóðfé-
lagshópum, hafnar einka-
rekstri og því að litið sé á dag-
vistarvandann sem vandamál
hverrar fjölskyldu eða hverr-
ar móður fyrir sig.
2. Því verður stóraukin upp-
bygging dagvistarheimila að
hafa forgang í nánustu fram-
tíð og sérlega skal gætt að
uppbyggingu fyrir yngstu
börnin og skólabörn, en fyrir
þau eru fæst rýmin í dag.
3. Að auki verður að búa dag-
vistarheimilum góð skilyrði
til að sinna verkefni sínu.
4. Á undanförnum mánuðum
hefur ríkt neyðarástand á
dagvistarheimilum í Reykja-
vík og víðar vegna skammar-
lega lágra launa starfs-
manna. Landsfundurinn
heitir á verkalýðssamtökin {
landinu að krefjast og ná
fram úrbótum á þessu sviði
strax, því það er hagsmuna-
mál hennar fyrst og fremst að
börnum séu búin góð skilyrði
til dagvistaruppeldis, ekki
síst eins og vinnuþrælkunin
er í þessu landi. Á sama hátt
má ekki slaka á kröfum til
menntunar starfsmanna dag-
vistarheimilanna. Lands-
fundurinn krefst þess að þeg-
ar í stað verði komið á sam-
felldum skóladegi og lengri
viðveru yngstu nemenda
grunnskólans.
Málefni neytenda
Löggjöf vantar
Landsfundur Alþýðubanda-
lagsins bendir á að löggjöf til
verndar neytendum er í ýmsum
efnum langt á eftir því sem gerist í
nágrannalöndum okkar. Lands-
fundurinn hvetur þingflokk Al-
þýðubandalagsins til að vinna að
stórbættri löggjöf um neytenda-
vernd, verðlagseftirlit og eftirlit
með einokunarfyrirtækum. Setja
þarf ný lög um lausafjárkaup,
fasteigna-, kreditkorta- og af-
borgunarviðskipti.
A sama hátt þarf löggjafinn að
tryggja stóraukið fjármagn til
þessara mála, svo Neytendasam-
tökin geti sinnt nauðsynlegri
lögfræði- og leiðbeiningarþjón-
ustu fyrir almenning og til þess að
geta í ríkari mæli staðið fyrir gæð-
akönnunum.
Landsfundurinn hvetur til þess
að neytendastarf í landinu verði
viðurkennt í ríkari mæli. í því
sambandi skorar hann á sósíalista
að fylkja sér í félög neytenda, því
aldrei hefur það verið brýnna en
nú þegar kaupsýslustéttinni hefur
verið gefið aðhaldslaust frelsi til
verðákvörðunar. Sömu áskorun
flytur landsfundurinn til verka-
lýðsfélaganna og hvetur til náins
samstarfs þeirra og félaga
neytenda.
Frá landsfundi: Steingrímur Sigfússon segir Erlingi Sigurðarsyni og Finnboga Jónssyni sögur að norðan.
Laugardagur 16. nóvember 1985 ÞJÓÐVILJINN - SÍÐA 15