Þjóðviljinn - 22.11.1985, Blaðsíða 7

Ma3,s*ut<en
to°rf,TPn'
\nnav
\ Vv-
Hamagangur
í öskjunni
'ringur á Isafirði
Jarðskjálfti á Akranesi
Nemendur í framhaldsskólum
landsins eru í miklum ham þessa
dagana. Það stendur nefnilega
yfir mælskukeppni framhalds-
skólanna sem MORFIS sér um.
Það er skammstöfun fyrir
mælsku- og rökræðukeppni
framhaldsskólanna á íslandi.
Fyrir nokkrum dögum fóru
Verslunarskólanemendur til ísa-
fjarðar og öttu kappi við nem-
endur í Menntaskólanum á ísa-
firði. Verslunarskólanemar hafa
sjálfsagt talið sig nokkuð örugga
um sigur því þeir sendu B-lið sitt
til keppni. ísfirðingar komu þeim
hins vegar á óvart með því að
vinna „glæsilegan sigur“ eins og
Vestfirska Fréttablaðið orðaði
það.
Jarðskjálfti
Það mun hafa verið titringur í
loftinu í Alþýðuhúsinu umrætt
kvöld á ísafirði en nær væri þó að
segja að legið hafi við jarðskjálfta
þegar Fjölbrautarskólarnir á
Akranesi og í Breiðholti leiddu
saman hesta sína í Bíóhöllinni
nokkrum dögum síðar, í sömu
keppni.
Breiðhyltingar mættu upp á
Skaga í fríðu föruneyti stuðnings-
manna úr sínum skóla. Akurnes-
ingar lágu heldur ekki á liði sínu
og á endanum var Bíóhöllin orðin
troðfull af áhangendum beggja
liða sem höfðu svo hátt að hand-
boltalandsleikur í laugardalshöll-
inni hefði orðið eins og mjálm við
hliðina á þeim ósköpum sem
heyrðust úr Bíóhöllinni þetta
kvöld.
Umræðuefnið var Siðprúði
meirihlutinn (Moral Majority),
Breiðhyltingar drógust til þess að
mæla með honum og Akurnes-
ingar á móti. Þeir fyrrnefndu
tóku þann kostinn að draga á
gamansaman hátt upp dökka
mynd af siðferðisástandi Akra-
nesbæjar. Og þeir gerðu það svo
hressilega að þeir voru dæmdir
frá frekari þátttöku í þessari
keppni, eftir að hafa unnið
keppnina á Skaganum. Þessu
vildu þeir ekki una, mótmæltu
þessum úrskurði og eftir að málið
hafði verið tekið upp að nýju
varð endir þessara mála sá að ein-
um kepandanum úr liði Breið-
hyltinga var vísað úr keppni en
Fjölbrautarskólinn í Breiðholti
stóð endanlega uppi sem sigur-
vegari. Akurnesingar sátu hins
vegar eftir með sárt ennið.
Skemmtileg
keppni
Þjóðviljinn hafði samband við
tvo menn úr liði Fjölbrautar-
skólans í Breiðholti, þá Albert
Imsland og Sigsteinn Grétarsson.
Albert er fyrirliði ræðuliðsins og
Sigsteinn er liðsstjórinn.
„Það er dálítið leiðinlegt að
endirinn skuli hafa orðið með
þessum hætti miðað við það hvað
þetta var skemmtileg keppni
þarna í Bíóhöllinni," sagði Al-
bert. Bæði liðin höfðu undirbúið
sig geysilega vel fyrir þessa
keppni, unnið baki brotnu við að
semja ræður og undirbúa flutn-
inginn. Og keppnin varð alveg
geysilega spennandi, þetta voru
jöfn lið.“
- En nú mun hafa orðið einhver
titringur uppi á Skaga vegna þess-
arar keppni vegna bollalegginga
ykkar um siðferðisástandið á
Akranesi.
„Já, okkur finnst þetta nú dá-
lítið yfir strikið með því að blanda
utanaðkomandi aðilum inn í
þessan skáldskap okkar um
Akranes, en við höfum beðið
hlutaðeigandi afsökunar, send-
um skeyti og blóm. Hvað af-
ganginn varðar er ekkert annað
að segja en það að fólk verður að
hafa svolítinn húmor, sérstaklega
hvað varðar málefni eins og Sið-
prúði meirihlutinn. Og við gátum
ekki séð annað en að allir í saln-
um þetta kvöld skemmtu sér hið
besta, Akurnesingar ekki síður
en Breiðhyltingar.
Alveg rosalega
- Og þið hafið skemmt ykkur
vel?
„Alveg rosalega. Það er svo
mikil stemmning í kringum svona
viðburði í skólunum. Sérstaklega
í skólum þar sem er ekkert
bekkjakerfi eins og er í Fjöl-
brautaskólanum í Breiðholti.
Þetta þjappar nemendum saman
um ákveðið málefni, skólinn
verður svo sterklega þeirra skóli.
Og fyrir áhorfendur er sona
keppni geysilega skemmtileg. Ég
held að það megi segja að þetta sé
orðinn einn aðalviðburðurinn í
starfsemi skólanna. Það er aldrei
dauður punktur í svona keppni,
ef Tæðumennirnir eru nógu góðir,
nógu fyndnir. Húmorinn skiptir
miklu máli.
Húmor
„Pið eruð sem sagt ekki á því að
Akranes sé Sódóma íslands?
- Auðvitað ekki, en einhverjir
hafa í hita augnabliksins verið
eitthvað viðkvæmir fyrir þessu.
Við vorum bara svo óheppnir að
lenda í því að þurfa að vera í for-
svari fyrir fyrirbæri á borð við
Moral Majority í Bandaríkjun-
um, sem er auðvitað vægast sagt
heldur leiðinleg aðstaða. Við
reyndum að bjarga hlutunum
með því að nota húmorinn. Og
það gekk upp, svona að flestu
leyti. Skagablaðið talar um fúk-
yrðaflaum, við urðum að tileinka
okkur hugmyndafræði „Siðprúða
meirihlutans" þar sem fúkyrðaf-
laumur hefur verið helsta vopnið.
Og við tókum svo sterkt til orða
að okkur datt ekki í hug að við
yrðum teknir alvarlega utan
ramma þessarar keppni. En ég
held að allir séu nú orðnir sáttir,
þegar mesti hamagangurinn er
genginn yfir,“ sagði Albert að
lokum og Sigsteinn samsinnti því.
IH
ÞJÓÐVILJINN - SÍÐA 7