Þjóðviljinn - 24.12.1985, Blaðsíða 8

ATVINNULIF
Baldur Baldursson slökkviliðsmaður:
Vona að
jólin verði
viðburðasnauð
Soffía Sveinsdóttir og Sigurbjörg Sigurðardóttir símaverðir:
Mikið að gera á aðfangadagskvöld
Yfir jólin eru fimmtán menn á
vakt hjá Slökkviliði Reykjavíkur.
Þar af eru fjórir menn á vakt í
slökkvistöðinni á Ártúnshöfða,
tveir í sjúkraflutningum og tveir á
brunavakt, sagði BaldurBaldurs-
son slökkviliðsmaður.
Af þeim ellefu sem eru á aðul-
stöð eru tveir í sjúkraflutningum
og tveir á vakt á skiptiborðinu.
Við erum með beinar línur til ým-
issa aöila, svo sem lögreglunnar,
út á flugvöll, á slysavarðsstofuna
og út á Bessastaði líka þó þeir séu
ekki í umdæmi okkar. Þá erum
við nteð talstöðvarsamband við
aila okkar bíla, bæði dælubíla og
sjúkrabíla. Eins og segir í reglu-
gerð er hlutverk Slökkviliðs
Reykjavíkur slökkvistaf, eld-
varnareftirlit, sjúkraflutningar,
neyðarþjónusta og starf að al-
mannavörnum í lögsagnarum-
dæmi Reykjavíkur. Við erum því
líka í talstöðvarsambandi við Al-
mannavarnir ríkisins og Al-
mannavarnarnefnd Reykjavíkur
heyrir undir slökkviliðsstjórann
sem er framkvæmdastjóri nefnd-
arinnar.
En við vorum að tala um jóla-
vaktina. Við reynum að hafa sem
hátíðlegast hjá okkur, festum
upp jólaskreytingar og kveikjum
á kertum. Við erum með kaffi og
hingað koma slökkviliðsstjórinn
eða varaslökkviliðsstjórinn með
snittur og kökur á aðfangadags-
kvöld. Ef ekki er verið að vinna
er sest niður og hlustað á bisk-
upinn, maður reynir að notfæra
sér fjölmiðlana. Það færist ró yfir
mannskapinn þegar líður að
miðnætti og hugurinn leitar þá oft
heirn. Yngri menn verða oft fjarr-
ænir á svip þvt auðvitað vilja allir
vera heima unt jólin.
Viö sem erum á vakt á jólanótt
eigum frí frá því á jóla-
dagsmorgun og næstu þrjá sólar-
hringa. Við vinnum á fjórum tólf
tíma vöktum og erum reyndar
sextán á hverri vakt, fimmtán að
vinna og einn í fríi. Ástæðan er sú
að við eigum að skila 40 stunda
vinnuviku en skilum 42 tímum og
þá eru þessir tveir tímar teknir út
í vetrarfríi. Við sem vinnum á
jólanótt eigum líka vakt á gaml-
árskvöld og nýárskvöld. Yfir ára-
mótin er bætt viö ftmm mönnurn
á vaktina. Yfirleitt eru það erfið-
ari vaktir, rneira um óhöpp og
fleiri útköll í sambandi við bruna.
Það sem ergir okkur mest á þess-
um árstíma er þegar veður spill-
ast og erfitt að komast leiðar
sinnar eins og oft er kringum jól
og nýár.
Slökkviliðsstarfið, drauma-
starf margra pilta er stressandi
starf en auðvitað venst maður
því. Fyrstu árin er virkiiega erfitt
að vera alltaf að bíða eftir útkalli.
Útköllin eru milli 360 til 400 ári.
Sjúkraflutningar eru hins vegar
um 11 þúsund á ári, þar af um það
bil 3000 neyðarflutningar og eru
slýsin um það bil helmingur
þeirra sem er geigvænleg tala.
Umferðarslys eru unt það bil 800.
Það eru ótrúlegustu útköll sem
við lendum í. Eitt sinn á gamlárs-
kvöld fórum við með miklum
látum á öllum bílurn aö húsi þar
sem haföi verið tilkynnt um
bruna og komum askvaðandi inn
í huggulegasta samkvæmi. Það
sem orsakaði útkalliö var kerti út
á svölum. Það kemur fyrir að fólk
hringir í okkur að óathuguðu
máli, eða eins og við sögðum eftir
þetta útkall, það hefur ekki séð
kertið í réttu ljósi.
Það er lítið um kvartanir yfir
störfum okkar þó viðkvæm séu.
Mun algengara er að fólk sýni
Baldur:... við sögðum eftir þetta útkall, það hefur ekki séð kertið í réttu Ijósi.
Ljósm. Sig.
þakklæti sitt til dæmis með því að
senda okkur blóm. Ég vona að
jólin verði gleðileg hjá öllum, en
helst af öllu ?ent viðburðasn-
auðust fyrir okkur slökkviliðs-
menn. -aró
Auk innanlandssamtala erum við
með bílasíma, þeir eru um 400
núna. Það er mikið að gera í þeim
dags daglega en ætli það sé ekki
rólegt yfir jólin.
Þegar mest er að gera á að-
fangadagskvöld stendur allt fast
og þegar verst er nær maður ekki
einu sinni uppí Breiðholt. Eigin-
lega erum við alltof samvisku-
samar, hömust í þessu stanslaust
og reynum eins og vitlausar
manneskjur að ná sambandi.
Við höfum það mjög huggulegt
hérna á aðfangadagskvöld,
skreytum allan salinn og kaffi,-
stofuna hátt og lágt. Við leggjum
á borð og Síminn skaffar okkur
jólamat. Við borðum við kertalj-
ós í friði og ró, því það er rólegt
yfir matartímann.
Það er leiðinlegt að þurfa að
vinna á jólunum en maður venst
því. Við erum búnar að gera
þetta alla ævina. Þessi starfsstétt
er með mjög langan starfsaldur,
lágmarkið hér er 21 ár.
Hér ríkir bara sú jólastemmn-
ing sem við sköpum okkur sjálf-
ar. Við erum orðnar mjög sam-
tengdar og miklar vinkonur eftir
svona langa samveru. Það er hér
einhver sérstakur andi og fólk
flytur sig ekki einu sinni milli
deilda.
Við erum líka með vakning-
arsþjónustu á jólanótt sem aðrar
nætur. Hún er mikið notuð í des-
ember og janúar líka. Það eru á
níunda hundrað vakningar á
hverri nóttu í desember. Fólk
virðist eiga erfiðara með að
vakna í svartasta skammdeginu.
Við vinnum líka á jóladag en
hin vaktin á gamlárskvöld og ný-
ársdag. Við vinnum á tvískiptum
vöktum, fyrir hádegi annan dag-
inn og eftir hádegi næsta dag. Það
hefur oft komið fyrir að sama
vaktin lendi í því að vinna jól eftir
jól því hlaupárin setja oft strik í
reikninginn.
Upplýsingum 03 er lokað
klukkan fimm á aðfangadag og
eftir það er oft hringt í landssím-
anum og beðið um upplýsingar
en vjð getum ekki gefið upplýs-
ingar um símanúmer. Það er ann-
ars mikið hringt í 03 eftir hádegi á
aðfangadag til að spyrja um
heimasíma búðareigenda. Ann-
að hvort hefur fólk gleymt að
kaupa jólagjafirnar eða gleymt
þeim í búðinni. Það er líka algent
að spurt er um heimasíma
eigenda efnalauga eftir hádegi á
aðfangadag.
Þetta starf er mjög lifandi og
fjölbreytt. Við erum alltaf í sam-
bandi við fólk og það er áreiðan-
lega ekki kaupið sem heldur í
okkur. Við erum með lægra kaup
en aðrir símaverðir sem vinna hjá
ríkinu. Við erum til dæmis sex
flokkum neðar en símaverðir Al-
þingis og símaverðir á öðrum rík-
isstofnunum eru tveimur til
þremur launaflokkum ofar en
við. Skýringin er einfaldlega sú
að þessir hópar hafa náð betri
sérkjarasamningum en við, segja
þær Soffía og Sigurbjörg. _aró
Það er yfirleitt meira að gera á
aðfangadagskvöld en önnur
kvöld, sögðu Soffía Sveinsdóttir
og Sigurbjörg Sigurðardóttir,
símaverðir.
Milli klukkan sex og átta er þó
rólegt, fólk er að borða og taka
upp gjafir en upp úr átta er æðis-
leg traffík alveg framundir mið-
nætti. Símakerfið er að mestu
leyti sjálfvirkt en það eru margir
sem vilja fá afgreiðslu í gegnum
okkur og á suma staði á landinu
er ekki hægt að hringja öðruvísi.
Við byrjum vaktina klukkan
þrjú á aðfangadag. Venjulég vakt
er ekki nema sjö tímar en á að-
fangadagskvöld verðum við að
vera frameftir eftir þörfurn þar til
næturvaktin kemur upp úr ellefu.
Soffía og Sigurbjörg: Hér ríkir bara sú jólastemmning sem við sköpum okkur sjálfar. Ljósm. Sig.
■m0>

8 SÍÐA - ÞJÓÐVILJINN Þriðjudagur 24. desember 1985