Þjóðviljinn - 10.01.1986, Blaðsíða 3

FRÉTTIR
Kolbeinsey ÞH
s
Akvörðunfrestað. Mikil átök bak við tjöldin um hvaða
tilboði eigi að taka í togarann Kolbeinsey ÞH
r
Igær var haldinn stjórnarfund-
ur í Fiskveiðasjóði og þar átti
að taka endanlega ákvörðun um
hvaða tilboði skyldi taka í togar-
ann Kolbeinsey ÞH. Að sögn Más
Elíssonar forstjóra Fiskveiða-
sjóðs var ákvörðun um málið
frestað fram til næsta þriðjudags,
að annar stjórnarfundur hefur
verið boðaður.
Mjög mikil átök eiga sér nú
stað um það hvaða tilboði skuli
tekið í skipið. Hæsta tilboðið um
180 miljónir króna kemur frá
Þórshöfn, þar sem annar togari er
fyrir og Þórshafnarmenn hafa því
lítið við annað skip að gera, nema
til að breyta því í frystiskip og
græða vel. Það mun og vera
meining heimamanna á Þórs-
höfn.
Meirihluti stjórnarmanna
Fiskveiðasjóðs mun vera hlynnt-
ur því að Húsvíkingar, sem áttu
en misstu Kolbeinsey vegna doll-
aralána, fái það aftur en tilboð
þeirra er nokkru lægra en tilboð-
ið frá Þórshöfn. Húsvíkingar
bjóða um 160 miljónir, sem er sú
upphæð sem hægt væri að ráða
við með því að nota kvóta Kol-
beinseyjar og hins Húsvíkurtog-
arans Júlíusar Hafstein, sem
stundar rækjuveiðar. Ef Þórs-
höfn fær skipið þá er aðeins um
að ræða kvóta Kolbeinseyjar sem
alls ekki dugar til að greiða niður
það sem þeir bjóða í skipið og
mun ætlunin að nota hagnaðinn
af frystitogaranum sem nú er á
Þórshöfn til að greiða það niður.
Halldór Ásgrímsson sjávarút-
vegsráðherra mun vera því
hlynntur að tilboði Húsvíkinga
verði tekið, enda yrði atvinnu-
lífið á Húsavík lagt í rúst ef skipið
fengist ekki.
-5S.dór.
Esjan er ógnþrungin í samanburði við natóskipið, sem lá í Sundunum í gær einsog ekkert væri sjálfsagðara. -E.ÓIason
LIN
Orð Sverris marklaus
Starfsmenn LÍN beðnir um að vinna yfirvinnu á ný. Guðmundur
Sœmundsson: Ráðherra hefur ekkert vit á þvísem hann er að tala um.
Sífelltfleiri mótmœla
Dagsbrún
Vegiég
afmælis-
hátíð
80 ár liðinfrá stofnun
Verkamannafélagsins
Dagsbrúnarþann 26.
janúarn.k.
Verkamannafélagið Dagsbrún
heldur hátíðlega uppá 80 ára af-
mæli sitt síðar í þessum mánuði
en félagið var stofnað 26. janúar
1906. Afmælisdaginn ber upp á
sunnudag og verður m.a. haldið
veglegt afmælishóf fyrir félags-
menn og aðra gesti að Hótel Sögu
á afmælisdaginn.
Guðmundur J. Guðmundsson
formaður Dagsbrúnar sagði í
samtali við Þjóðviljann í gær að
ýmislegt yrði á döfinni í tilefni
afmælisins og sögu og starfa fé-
lagsins minnst á margvíslegan
máta en nánar yrði gerð grein
fyrir því síðar í þessum mánuði.
-Ig-
Starfsmenn Lánasjóðs náms-
manna ákváðu í fyrrakvöld að
vcrða við beiðni Hrafns Sigurðs-
sonar framkvæmdastjóra sjóðs-
ins um að vinna þá yfirvinnu sem
þörf væri á vegna verkefna sjóðs-
ins og var fyrst unnin yfirvinna í
stofnuninni í gær eftir nokkurt
hlé. Óhófleg yfirvinna er eitt af
því sem Sverrir Hermannson hef-
ur gagnrýnt harðlega og nota ó-
spart í aðför sinni að sjóðnum.
„Við ákváðum að verða við
þessari beiðni Hrafns og lítum
þannig á að hún hafi gert orð
menntamálaráðherra um yfir-
vinnu hér marklaus. Þetta sýnir
að hann hefur ekkert vit á því sem
hann hefur verið að ræða um,“
sagði Guðmundur Sæmundsson í
LIN í samtali við Þjóðviljann í
gær.
Guðmundur sagði enn fremur
að afstaða þeirra til meirihluta
stjórnar sjóðsins væri óbreytt,
þeir gætu ekkert samstarf átt við
meirihlutann nema í gegnum
framkvæmdastjóra.
Sífellt fleiri verða nú til að mót-
mæla niðurskurði Sverris á náms-
lánum og brottvikningu Sigur-
jóns Valdimarssonar. BHMR
sendi í gær frá sér yfirlýsingu þar
sem valdníslu menntamálaráð-
herra er mótmælt og stjórnvöld
vöruð við því fordæmi sem það
getur haft í för með sér. Þá
áskilur BHMR sér allan rétt til
aðgerða í þessu máli.
Mímir, félag stúdenta í íslensk-
um fræðum, hefur einnig mót-
mælt niðurskurði og „siðlausum
vinnubrögðum ráðherra viðvíkj-
andi brottvísun Sigurjóns Vald-
imarssonar".
Þessi mál hafa valdið miklum
átökum meðal stúdenta í háskól-
anum og segir frá ágreiningi milli
Vöku og umbótarsinna, sem
mynda núverandi meirihluta
Stúdentaráðs í fréttaskýringu.
-gg
Sjá bls 14
Föstudagur 10. janúar 1986 ÞJÉtfJVILJINN - SÍÐA 3
Háskólaráð
Rektor
frestaði
fundi
Reglulegum fundi háskólaráðs
sem halda átti i gær, var skyndi-
lega frestað að beiðni rektors og
fundur boðaður að viku liðinni.
Páll Skúlason prófessor og
forseti heimspekideildar hafði
boðað fyrir fundinn að hann ætl-
aði að taka þar til umræðu emb-
ættisveitingu Sverris Hermanns-
sonar menntamálaráðherra í ís-
lenskudeild þar sem ráðherra
hafnaði Helgu Kress dósent, sem
var sá umsækjandi sem bæði sér-
stök dómnefnd deildarinnar og
deildarráð höfðu eindregið mælt
með.
Páll sagði í samtali við Þjóðvilj-
ann í gær að þetta mál yrði tekið
upp á næsta fundi háskólaráðs.
Helga Kress hefur ákveðið að
kæra menntamálaráðherra fyrir
Jafnréttisráði vegna embætti-
sveitingarinnar.
Stjórn Mímis félags stúdenta í
íslensku hefur sent frá sér yfirlýs-
ingu þar sem harðlega er mót-
mælt vinnubrögðum mennta-
málaráðherra. Ákvörðun ráð-
herrans gangi á skjön við álit og
gegn vilja deildarinnar og sé að
auki móðgun og vanvirðing við
Heimspekideild Háskólann.
-•g-
Konur
Stjórninni
ekki
treystandi
Samtök kvenna á
vinnumarkaði:
Samningar eru lausir. .
Krefjumst 30 þúsund
króna lágmarkslauna.
„Konur - það eru lausir samn-
ingar - hvað getum við gert í því,“
segir í fréttatilkynningu, sem
Samtök kvenna á vinnumarkaði
hafa sent frá sér og boða til fund-
ar á laugardaginn á Hótel Borg til
að ræða stefnuna í kjaramálum.
„Ennþá hafa aðeins sárafá að-
ildarfélög ASf og BSRB haldið
almenna félagsfundi tíl að fjalla
um kröfugerð og kanna vilja al-
mennra félagsmanna. En „for-
ystumenn" okkar birtast á skján-
um og tala um „nýjar leiðir".
Hverjar eru svo hinar nýju leiðir?
Svo er helst að skilja á fræðingun-
um að við eigum að treysta ríkis-
stjórninni til að sjá fyrir okkur.
Er þetta raunhæft?
Núna boðar ríkisstjórnin stór-
hækkur. á ýmissi þjónustu og
vörum: sérfræðiþjónusta lækna
hækkar úr 270,- kr. í 325,- kr,
sjúkraflutningar hækka úr 700,-
kr. í 1.100,- kr, endurnýjun á
ökuskírteinum hækkar um 555%
vörugjald á sætabrauð og kökur
verður 30%, gjaldskrá pósts og
síma hækkar um 17% 1. febrúar,
fyrirframgreiðsla skatta hækkar í
65% og svo mætti lengi telja.
Árið 1985 minnkaði krónan um
25%. Er svona ríkisstjórn
treystandi??????
Samtök kvenna á vinnumark-
aðnum hafa sett fram kröfur um
30.000,- kr. lágmarkslaun og
óskertar dýrtíðarbætur mánaðar-
lega.
Laugardaginn 11. janúarmunu
Samtök kvenna á vinnumarkaðn-
um halda fund til að ræða stefn-
una í kjaramálum að Hótel Borg
kl. 15.00.
Frummælendur verða Bjarn-
fríður Leósdóttir og Birna Þórð-
ardóttir.
Fundarstjóri verður Elín G.
Ólafsdóttir.
Konur - sýnum vilja okkar til
öflugrar kjarabaráttu í verki -
mætum allar.“