Þjóðviljinn - 18.01.1986, Side 4

LEHDARI
Grandi og blekkingar Davíðs
Undanfarna daga hefur verið mikil ólga á
meðal starfsfólks Granda hf. vegna afleitrar
framkomu fyrirtækisins í þess garð. Nú síðast
gekk Davíð borgarstjóri á bak orða sinna og lét
hefja stórfelldar breytingar á starfstilhögun í
fyrirtækinu, sem hefur í för með sér mikla
röskun fyrir marga sem þar vinna.
Saga Granda hf. er raunar öll með fádæm-
um, og sýnir einkar vel bæði spillinguna sem
þrífst í skjóli íhaldsins sem og hið ótrúlega virð-
ingarleysi forkólfa þess gagnvart launafólki.
Grandi hf varð til við samruna Bæjarútgerðar
Reykjavíkur og ísbjarnarins, eftir að borgarstjóri
hafði átt í leynilegum viðræðum við vini sína hjá
ísbirninum. Leyndin var slík, að flestir borgar-
fulltrúar fengu fréttir af hinum fyrirhugaða sam-
runa fyrst úr Morgunblaðinu.
Höfuðorsökin fyrir samrunanum var ein, og
aðeins ein. ísbjörninn, sérstakt vildarfyrirtæki
Sjálfstæðisflokksins um langt skeið, var á
hausnum. Fyrirtækið hafði árum saman verið
mært í ritstjórnargreinum Morgunblaðsins sem
dæmi um mátt einkaframtaksins. Eigendur
þess voru jafnframt í innsta hring flokksins í
Reykjavík, og höfðu án efa borgað dyggilega í
sjóði hans árum saman. Þegarsvo Ijóst varð, að
ísbjörninn gat ekki af sjálfs dáðum losað sig úr
skuldafeninu, þágreip borgarstjóri til björgunar-
aðgerða til að bjarga vinum sínum og flokksins.
Það er vert að leggja sérstaka áherslu á, að
þessar björgunaraðgerðir Davíðs Oddssonar
gagnvart vinum sínum í ísbirninum voru auðvit-
að á kostnað borgarbúa. Og það var táknrænt
fyrir ákefð hans til að hygla þessum vinum sín-
um, að þegar forráðamenn Kirkjusands hf. fóru
fram á að vera með í viðræðunum um samruna
fiskvinnslufyrirtækjanna, þá stakk borgarstjóri
beiðni þeirra undir stól, og lét engan vita.
Sömuleiðis var dæmigert fyrir ofríki hans í
málinu, að þegar skipuð var stjórn Granda hf.,
þá kaus borgarstjóri að tilnefna sjálfur fulltrúa
borgarinnar í stjórnina, og hafði ekkert samráð
við fulltrúa minnihlutans.
Viðmót hins nýja fyrirtækis gagnvart starfs-
fólkinu kom svo vel í Ijós þegar allt starfsfólkið,
400 talsins, var sent heim um jólin og tekið af
launaskrá. Rétt fyrir áramótin fengu svo 190
starfsmenn uppsagnarbréf „vegna skipulags-
breytinga".
Að afloknu jólafríinu var svo ráðist enn harðar
að starfsfólkinu. Fráyfirmönnum kom tilkynning
um að innan viku skyldi allt starfsfólk BÚR
gamla flutt yfir í húsnæði ísbjarnarins.
Að sjálfsögðu hafa allar þessar harkalegu
aðgerðir vakið mikla reiði meðal starfsmanna
Granda hf. Vellíðan þeirra er að engu höfð, og
ekkert tillit tekið til tilfinninga þeirra eða óska.
Það er rétt að benda á, að þessi óverjandi fram-
koma í garð starfsfólks Granda brýtur gersam-
lega í bág við loforð sem Davíð Oddsson borg-
arstjóri var búinn að gefa áður.
Á fundi í borgarstjórn þann 19. desember
sagði hann ótvírætt að samrunanum megi fyrir
koma „án þess að atvinnu nokkurs manns
sé í voða stefnt“. Á þetta er bent í yfirlýsingu
frá borgarfulltrúum Alþýðubandalagsins sem
Þjóðviljinn birti fyrr í vikunni, og jafnframt að
annaðhvort hafi borgarstjórinn verið blekktur,
eða hann hafi vísvitandi sagt ósatt.
Nú er hins vegar upplýst af félaga Davíðs úr
borgarstjórnarliði Sjálfstæðisflokksins, Ragnari
Júlíussyni, sem einnig er stjórnarformaður í
Granda hf., að Davíð hafi ávallt verið kunnugt
um að til uppsagnar starfsfólksins myndi koma.
Þannig hefur nú félagi Davíðs úr Sjálfstæðis-
flokknum staðfest að Davíð fór vísvitandi með
blekkingar.
Er hægt að treysta borgarstjóra sem skirrist
ekki við að fara vitandi vits með rangt mál ef það
þjónar hagsmunum hans?
-ÖS
DJOÐVIUINN
Málgagn sósíalisma, þjóðfrelsis
og verkalýðshreyfingar
Útgefandi: Útgáfufélag Þjóðviljans.
Ritstjórar: Árni Berqmann, össur Skarphóðinsson.
Ritstjórnarfulltrúi: Oskar Guðmundsson.
Fréttastjóri: Valþór Hlöðversson.
Blaðamenn: Álfheiður Ingadóttir, Garðar Guðjónsson, Ingólfur Hjör-
leifsson, Lúðvík Geirsson, Magnús H. Gíslason, Mörður Árnason,
Sigurdór Sigurdórsson, Víðir Sigurðsson (íþróttir), Þórunn Sigurðar-
dóttir, Þröstur Haraldsson.
Handrita- og prófarkalestur: Andrea Jónsdóttir, Elías Mar.
Ljósmyndir: Einar ólason, Sigurður Mar Halldórsson.
Útlit: Sævar Guðbjörnsson, Garðar Sigvaldason.
Framkvæmdastjóri: Guðrún Guðmundsdóttir.
Skrifstofustjóri: Jóhannes Harðarson.
Skrifstofa: Guðrún Guðvarðardóttir, Magnús Loftsson.
Útbreiðslustjóri: Sigríður Pótursdóttir.
Auglýsingastjóri: Sigríður Hanna Sigurbjörnsdóttir.
Auglýsingar: Ásdís Kristinsdóttir, Guðbergur Þorvaldsson, Olga
Clausen.
Símvarsla: Katrín Anna Lund, Sigríður Kristjánsdóttir.
Húsmóðir: ólöf Húnfjörð.
Bílstjóri: Jóna Sigurdórsdóttir.
Afgreiðslustjóri: Baldur Jónasson.
Afgreiðsla: Bára Sigurðardóttir, Kristín Pétursdóttir.
Innheimtumenn: Brynjólfur Vilhjálmsson, Ólafur Björnsson.
Útkeyrsla, afgreiðsla, auglysingar, rltstjórn:
Síðumúla 6, Reykjavík, sími 681333.
Umbrot og setning: Prentsmiðja Þjóðviljans hf.
Prentun: Blaðaprent hf.
Verð í lausasölu: 40 kr.
Helgarblöð: 45 kr.
Áskriftarverð á mánuði: 450 kr.
4 SÍÐA - ÞJÓÐVILJINN Laugardagur 18. janúar 1986