Þjóðviljinn - 15.07.1986, Qupperneq 14
Kennarar
Kennara vantar aö Grunnskóla Blönduóss í
eftirtaldar greinar:
Almenna kennslu í 4. til 6. bekk.
Dönsku og íslensku í 7. til 9. bekk.
Mynd- og handmennt.
íþróttir.
Sérkennslu.
Við höfum ýmislegt aö bjóða þér. Hringdu í
Svein Kjartansson yfirkennara í síma 95-
4437 og fáöu nánari upplýsingar um kjörin.
Skólanefnd.
If| BORGARSPÍTALINN Ifl
f Laus staða f
Félagsráðgjafi
Félagsráðgjafi óskast að geðdeildum Bsp.
Starfsreynsla áskilin. Yfirfélagsráðgjafi geð-
deildanna veitir allar nánari upplýsingar í síma
13744. Umsóknir skulu sendast til yfirlæknis
geðdeilda Bsp. fyrir 1. ágúst nk.
Reykjavík, 10. júlí 1986.
Borgarspítalinn. Sími 696600.
Viðgerða- og
ráðgjafarþjónusta
leysiröll vandamál húseigenda. Sér-
hæfðir á sviði þéttinga og fl.
Almenn verktaka.
Greiðslukjör. Fljót og góð þjónusta.
Sími 50439 eftir kl. 7 á kvöldin.
Kennarar
2 kennara vantar að Reykholtsskóla í Biskups-
tungum. Upplýsingar gefur skólastjóri í síma 99-
6831.
Ungmennafélag íslands óskar aö ráöa fram-
kvæmdastjóra fyrir samtökin. Starfiö felst
m.a. í fjármálastjórn, umsjón meö erlendum
samskiptum svo og kynningu og útbreiðslu-
starfsemi.
Umsækjandi þarf að hafa áhuga fyrir starfi og
stefnu ungmennafélagshreyfingarinnar og
gjarnan aö þekkja eitthvað til almennrar fé-
lagsmálastarfsemi úti á landsbyggðinni.
Nánari upplýsingar hjá stjórnarmönnum
UMFÍ og á skrifstofunni að Mjölnisholti 14, en
þar fá umsækjendur umsóknareyðublöð.
Umsóknarfrestur er til 1. ágúst 1986.
Ungmennafélag íslands.
Bróðir minn og mágur
Daníel Jónsson Álfheimum 68
lést á sjúkrahúsi í London laugardaginn 12. júíl.
Ólafur Jónsson Margrét Gunnarsdóttir
Auglýsið í Þjóðviljanum
i
I
HEIMURINN
Áhyggjufullir menn. Ytzhak Shamir, utanríkisráöherra, annar frá vinstri, ásamt Shimon Peres, forsætisráðherra, fylgjast
með umræðum á ísraelska þinginu, Knesset, um vantrauststillögu á ríkisstjórnina.
Ísrael/Shin Bet hneykslið
Æðstu menn í klípu
Nú er deilt umþað íísrael hvort ný rannsókn skulifarafram á morði
tveggja araba meðan þeir voru íyfirheyrslu hjá Sin Bet
öryggisþjónustunni. Stjórnarsamstarfið er íhættu og jafnvelpólitísk
framtíðþeirra Shimonar Peres, núverandiforsætisráðherra, og
Ytzhaks Shamir utanríkisráðherra
Shin Bet njósnahneykslið í ísrael
færist nú sífellt nær æðstu
tnönnum innan ríkisstjórnarinn-
ar og er nú svo komið að pólitísk
framtíð þeirra er jafnvel í veði.
Málið snýst um dauða tveggja
Palestínuaraba sem barðir voru
til dauða í yfirheyrslum Shin Bet,
öryggisþjónustu hersins. Arab-
arnir tveir rændu ásamt tveimur
öðrum strætisvagni fullum af
farþegum á Gaza svæðinu í apríl
1984. Yfirmenn í hernum héldu
því fyrst fram að þeir hefðu allir
látist í árás hersins á strætisvagn-
inn en ljósmyndir sýndu að tveir
þeirra höfðu verið Ieiddir á brott
af hermönnum. Nánari rannsókn
leiddi síðan í ljós að Arabarnir
tveir höfðu verið barðir til bana
við yfirheyrslur.
Nú er deilt um hvort á að láta
hefja rannsókn á þætti æðstu
manna í þessu máli og hver á að
standa fyrir þeirri rannsókn.
Yitzhak Shamir, forystumaður í
öðrum stærsta flokki landsins,
Likud bandalaginu, og núverandi
utanríkisráðherra, var á þessum
tíma forsætisráðherra og þar með
æðsti yfirmaður Shin Bet.
Fyrrum yfirmaður stofnunarinn-
ar, Avrahan Shalom, hefur
óbeint viðurkennt að hafa fyrir-
skipað morðið á aröbunum
tveimur og síðan leynt því í þrem-
ur rannsóknum sem settar voru af
stað vegna málsins. Ef ný rann-
sókn fer af stað í þessu máli verð-
ur áreiðanlega athuguð játning
Shaloms þess efnis að hann hafi
fyrirskipað morðin með leyfi og
fyrirskipunum frá sér æðri
mönnum.
Allt í háaloft
Shamir og Shimon Peres, utan-
ríkisráðherra, vonuðust til þess
fyrir tveimur vikum síðan að
þetta mál væri úr sögunni þegar
forseti landsins, Chaim Herzog,
fríaði þá af öllum ákærum varð-
andi þetta mál. Svo reyndist ekki
vera, allt fór í háaloft. Smáflokk-
ar á þingi báru fram fimm van-
trauststillögur í röð og félagar
Peresar í Verkamannaflokknum
kröfðust þess að hann léti fara
fram nýja rannsókn. Peres sagð-
ist tilbúinn til þess, hann hefði
ekkert að fela. Par með beindist
athyglin aftur að Shamir. Hann
hefur hins vegar neitað nokkurri
rannsókn. Talið er að áhugi
margra þingmanna
Verkamannaflokksins fyrir rann-
sókn nú sé ekki fyrst og fremst ást
á því að réttlætið nái fram að
ganga heldur hitt, að hindra að
Shamir verði forsætisráðherra í
október. Verkamannaflokkurinn
og Likud bandalagið gerðu nefni-
lega með sér samkomulag um að
forystumenn skiptust á um að
leiða stjórnina. Nú sjá margir í
Verkamannaflokknum kjörið
tækifæri til að sjá svo um að
Shamir komist ekici í forsætisráð-
herrastólinn. Þá er einnig talað
um að tveir forystumanna Likud
bandalagsins hafi nú augastað á
embættinu, Ariel Sharon
iðnaðar- og verslunarráðherra og
David Levy ráðherra byggingar-
og húsnæðismála. Þeir hafa lengi
reynt að ýta Shamir til hliðar sem
forystumanni flokksins.
Shamir hótar
stjórnarslitum
Likud sem heild vill hins vegar
enga rannsókn á málinu. Shamir
hótar að draga flokk sinn út úr
stjórnarsamstarfinu og hvetja til
nýrra kosninga ef slík rannsókn
fernúfram. En þaðerekkivíst að
Shamir sé í raun mjög viljugur að
gera slíkt þar sem hann hefur
mikinn áhuga á að verða á ný for-
sætisráðherra í október. Hvað
varðar rannsókn segir hann slíkt
mundu gera gera Shin Bet örygg-
isþjónustuna svo til óvirka.
Shimon Peres er einnig í klípu
varðandi þetta mál. Hann segist
ekkert hafa á móti rannsókn,
samt sem áður hefur komið fram í
skoðanakönnunum að meirihluti
almennings er á móti rannsókn
þessa máls. Ef stjórnin fellur er
ekki ólíklegt að honum verði
kennt um og kæmi þar með illa út
úr næstu kosningum.
Á sunnudaginn sagði saksókn-
ari ríkisins, Yosef Harish, hins
vegar á fundi með ráðherrum að
rannsókn á þessu máli nú væri
óumflýjanleg. Hann sagðist
mundu skipa lögregluyfirvöldum
að hefja rannsókn ef ríkisstjórnin
fyrirskipaði ekki slíka rannsókn.
Rannsókn á vegum ríkisins sagði
hann hins vegar æskilegri þar sem
líklegra væri að upplýsingar bær-
ust út sem gætu skemmt fyrir Shin
Bet ef lögreglan sæi um
rannsóknina.
Rannsókn eða
ekki rannsókn
í gær var rætt um það á fundi
stjórnarinnar hvort rannsókn
skyldi fara fram. Þar sem stóru
flokkarnir tveir eru ekki á sama
máli um það hvort rannsókn eigi
að fara fram, gætu atkvæði ráð-
herra úr smáflokkum innan
stjórnarinnar skipt sköpum. Per-
es hefur reynt að finna tíma til að
komast að málamiðlun með því
að fresta atkvæðagreiðsiu innan
ríksistjórnarinnar um það hvort
rannsókn skuli fara fram. Einn
aðstoðarmanna Peresar segir að
þetta sé mesta kreppan sem nú-
verandi ríkisstjórn hefur staðið
frammi fyrir. „Það fæst engin
lausn fyrr en allar staðreyndir
málsins verða gerðar opinberar",
segir hann. Vel gæti farið svo á
endanum að bæði Shamir og Per-
es biðu ósigur vegna þessa máls,
hvort sem ný rannsókn fer fram
eður ei.
IH/Newsweek, Reuter
18 SÍÐA - ÞJÓÐVILJINN Þriðjudagur 15. júlí 1986