Þjóðviljinn - 26.07.1986, Page 4

LEtÐARI
Hættulegar hugmyndir iðnaðarráðherra
Innan Sjálfstæðisflokksins hafa löngum verið
uppi menn sem sjá lítið athugavert við að selja
landið með ýmsum hætti í hendur erlendra
auðhringa. Gróðinn hefur verið þeirra takmark,
og það raskar lítt svefnró þeirra þó sneiðast
kunni um hluti einsog efnahagslegt sjálfstæði
eða þjóðlega menningu. Gróðinn og útlent auð-
magn er það eitt sem skiptir þá máli. Þessvegna
hefur það löngum orðið hlutskipti Sjálfstæðis-
flokksins og málgagna hans að halda uppi
málsvörn fyrir þá sem vilja brjóta erlendum
auðfyrirtækjum braut inn í íslenskt efnahagslíf.
Skammsýni flokksins og vantrú á eigin getu
þjóðarinnar er slík, að það er ekki giska langt
síðan að áhrifamestu forystumenn Sjálfstæðis-
flokksins töldu það ráð eitt til bjargar fjárhag
lýðveldisins að láta holskeflu erlends auð-
magns dynja yfir landið. í því skyni var anað út í
freklega ótímabærar fjárfestingar í orkumálum,
til að skapa aðstæður sem kynnu að lokka til
landsins útlendinga á höttunum eftir miklu
magni af ódýrri orku.
Dæmið gekk hins vegar ekki upp. Fáir út-
lendir hringar knúðu dyra í orkuleit. Þó Sverrir
Hermannsson hafi á iðnaðarráðherratíð sinni
nánast haft Birgi ísleif Gunnarsson í stöðugri
frakt heimshorna á milli til að falbjóða íslenska
orku á útsöluverði var ekki áhugi til staðar. En
offjárfestingin var staðreynd eftir sem áður. Og
hennar vegna greiða íslendingar nú miklu
hærra orkuverð en ella.
íslendingar hafa þar að auki fengið meir en
nóg af viðskiptum við erlenda auðhringa. Alusu-
isse sá um það. Viðskipti þess við íslendinga er
sorgarsaga, - dæmi um hvernig alþjóðlegur
einokunarhringur reynir á alla lund að hlunnfara
og svíkja litla viðskiptaþjóð. í ráðherratíð Hjör-
leifs Guttormssonar fletti enda Alþýðubanda-
lagið rækilega ofan af klækjum hins útlenda
risa, og þau vinnubrögð vöktu verðskuldaða
athygli og aðdáun vítt um heim.
En Sjálfstæðisflokkurinn lærir ekki af
reynslunni og nú er hann enn við sama
heygarðshorn. Gagnmerkur forystumaður í
flokknum, Albert Guðmundsson, nú um stundir
gjarnan kenndur við Hafskip, hefur lagt fram í
ríkisstjórninni afskaplega vont frumvarp til laga
um breytingu á iðnaðarlögum. í frumvarpi
þessa gagnmerka forystumanns Sjálfstæðis-
flokksins er beinlínis lagt til, að framvegis geti
hann sem iðnaðarráðherra veitt erlendum
auðfyrirtækjum leyfi til að verða meirihlutaaðilar
í rekstri iðnfyrirtækja hér á landi. Nú þarf hins
vegar leyfi alþingis til þvílíkra hluta. Hér er
a.uðvitað lagt út á mjög hálar brautir og vafa-
samar í meira lagi: hreinlega lagt til að úrslita-
vald um hlutdeild erlendra fyrirtækja í íslensku
atvinnulífi sé fært úr höndum alþingis til eins
ráðherra. Það má aldrei verða.
Sömuleiðis leggur Albert til að erlend fyrirtæki
geti einnig átt og rekið fasteignir hér á landi með
einföldu leyfi ráðherra, án þess að alþingi eða
ríkisstjórnin í heild fjalli um málið.
í tilefni af þessum afleitu tillögum iðnaðarráð-
herra, ályktaði framkvæmdastjórn Alþýðu-
bandalagsins m.a. eftirfarandi:
„Framkvæmdastjórn Alþýðubandalagsins
mótmælir þessari tillögu harðlega... Með fram-
kvæmd tillögu iðnaðarráðherra væri stigið enn
eitt skref á þeirri braut að afhenda útlendingum
úrslitaáhrif í íslensku efnahags- og atvinnulífi.
Reynslan af samskiptum við Alusuisse ætti að
verða víti til varnaðar í þeim efnum.
Auk þess sem iðnaðarráðherra beitir sér fyrir
meirihlutaeign útlendinga í íslenskum iðnfyrirt-
ækjum er Ijóst að innan stjórnarflokkanna er
áhugi á því að útlendingar seilist enn lengra inn í
íslenskt fjármálalíf. Forystumenn Framsóknar-
flokksins og Sjálfstæðisflokksins hafa nú stofn-
að tvö ný fjármögnunarfyrirtæki með þátttöku
erlendra fjármálafyrirtækja án þess að fyrir liggi
neinar lagareglur eða stjórnvaldsákvarðanir um
starfshætti slíkra fyrirtækja. Framkvæmda-
stjórn Alþýðubandalagsins varar við þessum
vinnubrögðum, sem einnig eru skref á þeirri
braut sem viðreisnarstjórn Alþýðuflokksins og
Sjálfstæðisflokksins mótaði andspænis útlend-
ingum og hlutdeild þeirra í íslensku efnahags-
og atvinnulífi." _ös
LJOSOPIÐ
Mynd: Einar Ól.
DJOÐVIIJINN
Málgagn sósíalisma, þjóðfrelsis
og verkalýðshreyfingar
Útgefandi: Útgáfufélag Þjóðviljans.
Rit8tjórar: Ámi Bergmann, össur Skarphóðinsson.
Fróttastjóri: Valþór Hlöðversson.
Blaðamenn: Garðar Guðjónsson, Ingólfur HjörJeifsson, Kristín Ólafs-
dóttir, Lúðvík Geirsson, Magnús H. Gíslason, Mörður Árnason, Sigur-
dórSigurdórsson, SigurðurÁ. Friðþjófsson, VíðirSigurðsson (íþróttir),
Yngvi Kjartansson (Akureyri).
Handrlta- og prófarkalesarar: Andrea Jónsdóttir, Elías Mar.
Ljósmyndarar: Einar ólason, Sigurður Mar Halldórsson.
Utlltsteiknarar: Sævar Guðbjörnsson, Garðar Sigvaldason.
Framkvæmdastjóri: Guðrún Guðmundsdóttir.
Skrifstofustjóri: Jóhannes Harðarson.
Skrifstofa: Guðrún Guðvarðardóttir, Magnús Loftsson.
Útbreiðslustjóri: Sigríður Pótursdóttir.
Auglysingastjóri: Sigríður Hanna Sigurbjörnsdóttir.
Auglýsingar: Ásdís Kristinsdóttir, Guðbergur Þorvaldsson, Olga
Clausen.
Símvarsla: Katrín Anna Lund, Sigríður Kristjánsdóttir.
Húsmóðir: ólöf Húnfjörð.
Bílstjóri: Jóna Sigurdórsdóttir.
Afgreiðslustjóri: Hörður Jónsson.
Afgreiðsla: Bára Sigurðardóttir, Khstín Pótursdóttir.
Innheimtumenn: Brynjólfur Vilhjálmsson, Ólafur Björnsson.
Útkeyrsla, afgreiðsla, ritstjórn:
Síðumúla 6, Reykjavík, sími 681333.
Auglýsingar: Síðumúla 6 símar 681331 og 681310.
Umbrot og setning: Prentsmiðja Þjóðviljans hf.
Prentun: Blaðaprent hf.
Verð í lausasölu: 40 kr.
Helgarblöð: 45 kr.
Áskriftarverð á mánuði: 450 kr.
4 SÍÐA - ÞJÓÐVILJtNN Laugardagur 26. júlí 1986