Þjóðviljinn - 30.08.1986, Qupperneq 9
Fáguð
og fín...
Það er ekki ónýtt að hafa í
kallfæri slíka snillinga sem Marti-
al Nardeau flautuleikara og fiðlu-
leikarann Szymon Kuran. Þessir
ungu músíkantar eru hér í sjálf-
viljugri útlegð frá sínu heima
(Frakklandi og Póllandi) og von-
andi berum við gæfu til að njóta
hérvistar þeirra sem lengst og
best. Þeir hóuðu saman í kvartett
um daginn og fengu til liðs við sig
tvær yndislegar stúlkur, sem fyrir
utan að vera ágætt augnayndi
kunna svo vel að spila á sín hljóð-
færi, að hvaða stórstaður i
heimsbyggðinni sem er gæti verið
fullsæmdur af þeim. Þetta voru
Ásdís Valdimarsdóttir víólu-
leikari og Guðrún Theódóra Sig-
urðardóttir sellóleikari. Það sem
er öllu verra er að eftir sem ég
best veit ætlar Ásdís að vera í
sjálfviljugri útlegð við tónlistar-
störf í Þýskalandi, í það minnsta
næstu árin og Guðrún mun einnig
hyggja á dvöl erlendis á næst-
unni. En vonandi koma þær til
baka, því hér er þörf fyrir þær og
nauðsyn.
Ég held að þau fjórmenning-
arnir hafi ekki æft saman lengi,
líklega bara part úr sumri. En
mikið voru þau vel samstillt, fág-
uð og fín, en þó um leið full af
eldmóði æskunnar. Maður
heyrði að þetta var velheppnað
allt saman strax í upphafi, í Tríó-
divertimento Haydns. Svo lék
Szymon einleik í Ciacconettu
eftir sjálfan sig og það var frá-
bært, en alltof stutt.
Serenaðan í D dúr op. 25 eftir
Beethoven, sem ég held samt að
MENNING
Martial, Guðrún, Ásdís og Szymon.
sé samin á undan op. 1 og sé
æskuverk, er gullfalleg og heyrist
eiginlega alltof sjaldan. Ég held
t.d. að hún hafi aldrei áður verið
flutt hér á opinberum tónleikum.
Hún er í sjö þáttum, og sumum
finnst hún eflaust löng og hljóð-
færaskipanin er býsna óvenjuleg:
flauta, fiðla og víóla... sumsé
ekkert bassahljóðfæri. En hvílfk
glæsimennska í rithætti, hvílík
hugkvæmni við nýtingu blæ-
brigða hljóðfæra á tiltölulega
þröngu tónsviði. Og serenaðan
var eins vel flutt og mann gæti
dreymt um við allrabestu aðstæð-
ur.
Martial Nardeau hefur víst
ekki samið mikið af tónverkum,
það má líklega telja þau á fingr-
um vinstri handar. Þeim mun
meira komu Deux piéces hans
fyrir flautu fiðlu og selló á óvart,
vegna fagmannlegs forms og eðli-
legs leiks lags og hljóms. En þeg-
ar Martial hóf að leika Piéce pour
flúte seule eftir Ibert, var maður
ekkert lengur hissa, því sá sem
getur leikið svona snilldarlega á
eina flautu er auðvitað til alls vís.
Tónleikunum lauk svo með
einum af flautukvartettum Moz-
arts, og auðvitað voru þau mála-
lok til að gera mann snarlukku-
legan það sem eftir var vikunnar.
LÞ
Nýjar gerðir
□ □ m m □ □ □ □
• E L D H 0 s
JL Byggingavörur kynna nýjar gerðir
eldhúsinnréttinga frá breskum framleiðendum.
Þetta eru smekklegar og stílhreinar innréttingar.
Verðið er mjög hagstætt og greiðsluskilmálar
við allra hæfi. Komið og skoðið uppsett
kynningareldhús í nýrri
verslun okkar að Stórhöfða.
BYGGINGAVÖRUR
Stórhöfða,Sími671100