Þjóðviljinn - 23.09.1986, Blaðsíða 7

HEIMURINN
Messuvín
er nú orðið að miklu deilumáli í
Danmörku, og deila bindindis-
menn harðlega á lútherskan
biskup fyrir orð hans um altar-
issakramentið nýlega. Vincent
Lind biskup af Fjóni leyfði að
notað væri áfengislaust mess-
uvín við altarisgöngu í kirkju í
Óðinsvéum, en lýsti því þó yfir
í sjónvarpsviðtali að hann vildi
heldur að við slík tækifæri
væru notaðar höfgari veigar,
svo sem sérrí eða púrtvín,
vegna þess að bragðið af þeim
væri fyllra. Þetta tók Jorgen
Larsen, talsmaður danskra
bindindissamtaka, mjög illa
upp, og sagði hann að með
þessu sýndi biskupinn hroka
og lítilsvirti þá fjölmörgu sem
hvorki gætu né vildu neyta
áfengis. Sagðist Larsen
þekkja menn sem færu ekki til
messu, þar sem áfengi væri
þar haft um hönd.
Eiturnöðrum
fjölgaði svo grimmt í dýragarði
í Brúgge í Belgíu um helgina,
að yfirmenn hans eru í ofboði
farnir að leita að nýjum
heimkynnum fyrir þær. Sagði
einn gæslumaðurinn í orma-
deild safnsins, að afríkönsk
eiturnaðra hefði eignast 85 af-
kvæmi um helgina, og væru
þau öll víð góða heilsu og ætu
fleiri mýs en hægt væri að
finna handa þeim. Venjutega
eignast nöðrur af þessu kyni
ekki nema tuttugu slöngubörn
í einu.
Þrælasala
viðgengst stöðugt á Ítalíu, og
skýrði júgóslavneskt blað frá
því í gær, að þrátt fyrir sam-
eiginlegar aðgerðir ítalskrar
og júgóslavneskrar lögreglu
hef ði ekki tekist að stöðva sölu
á júgóslavneskum sígauna-
börnum til Ítalíu. Sagði blaðið,
Vecernje Novosti í Beigrad, að
eftir skotbardaga í grennd við
ítölsku landamæraborgina Po-
drice nýlega hefði lögreglan
gómað tvo smyglara meö
fimm sígaunabörn á aldrinum
frá 14 til 18 ára. í mars sl. var
gefin út í Mílanó handtöku-
skipun gegn 77 ítölum og Júg-
óslövum, sem þjálfuðu unga
þræla af Sígaunaættum í vasa-
þjófnaði, innbrotum og vændi.
Yfirvöld landanna beggja hafa
skýrt frá því að þótt þungar
refsingar séu lagðar við
smygli á börnum, hafi hundruð
Sígaunabarna verið flutt ólög-
lega til Ítalíu á síðustu árum.
Brugg
er nú talsvert útbreitt í enskum
fangelsum, að sögn tals-
manna breska fangavarðafé-
lagsins, og hafa margir fangar
veikst af þeim sökum. Nota
fangarnir að sögn alls kyns
matarleifar úr eldhúsum fang-
elsanna, og koma því jafnvel til
leiðar að jastri er smyglað til
þeirra í kiefana. Úr þessu búa
þeir til einhverja blöndu, sem
þeir láta síðan gerjast í öllum
fáanlegum ílátum, jafnvel næt-
urgögnum, og fela í fangaklef-
unum. Talsmennirnir sögðu
að þetta væri algengt meðal
þeirra 55.000 tugthúslima sem
gista prísundir Bretlands, og
hefðu fangar orðið svo sjúkir
af þessum görótta drykk.að
nauðsynlegt hefði verið að
dæla upp úr þeim.
ERLENDAR
FRÉTTIR
JÓNSSON /RELHER
Samkomulag tókst
í Stokkhólmi
Stokkhólmi - Friðarráðstefn-
unni í Stokkhólmi lauk í gær
eftir nærri þriggja ára
þreytandi samningaþóf með
því að gert var samkomulag
um eftirlit með vígbúnaði. Er
það fyrsta samkomulagið af
þessu tagi sem gert er síðan
heimsstyrjöldinni síðari lauk.
Friðarráðstefnunni var slitið
þremur dögum síðar en áætlað
hafði verið, en það tók fulltrúa
þátttökuríkjanna 35 ekki nema
einar fjörutíu mínútur að sam-
þykkja samninginn formlega.
Meðan á athöfninni stóð voru all-
ar klukkur í fundarsalnum kyrrar
og sýndu nokkrar mfnútur fyrir
ellefu. Klukkurnar vorð stoppað-
ar í þessari stöðu á föstudaginn,
þegar sýnt var að ráðstefnan
myndi fara yfir þau tímamörk
sem henni voru sett, og verður
dagsetning föstudagsins á samn-
ingnum.
Allir viðstaddir sögðu að
samningurinn myndi bæta öryggi
Evrópu. Samkvæmt honum
skuldbinda stjórnir þeirra ríkja
sem þátt tóku í ráðstefnunni sig
til að tilkynna 42 dögum fyrir-
fram um allar heræfingar sem
meira en 12.000 hermenn eða 300
skriðdrekar taka þátt í. Komið
verðu'r upp rannsóknarkerfi til að
fylgjast með heræfingum og
standa að verki þá sem kynnu að
reyna að brjóta gegn ákvæðum
samningsins. Auk þess skuld-
binda stjórnirnar sig til að skipt-
ast á árlegum áætlunum um
stríðsleiki sína og verða þær að
gefa sérstakar viðvaranir um
stærri heræfingar. Fréttamenn
segja, að þessi samningur sé mikil
framför frá síðustu ákvæðum um
heræfingar, en' þær voru í
samkomulaginu, sem gert var á
öryggisráðstefnunni í Helsinki.
Verður nú rætt nánar um
samkomulagið í Stokkhólmi á
ráðstefnu sem haldin verður í
Vínarborg. Hefst undirbúningur
hennar í dag.
Að ráðstefnunni lokinni
skáluðu allir fulltrúarnir í kampa-
víni fyrir árangrinum. í Bonn
lýsti utanríkisráðherra Vestur-
Þýskalands að árangur ráðstefn-
unnar lofaði góðu og sýndi að
hægt væri að ná mikilvægu vesturs um eftirlit með vígbún-
samkontulagi milli austurs og aði.
Hústakamir fómaiiömb
valdabaráttu í borgarstjóm
Frá Gesti Guömundssyni:
Kaupmannahöfn - Hústakarnir í
Ryesgade í Kaupmannahöfn
eru kornnir vel á veg með að
vinna sigur í baráttu sinni.
Fyrir helgi kom í Ijós að tæpur
helmingur borgarfulltrúa var
tilbúinn að fallast á allar kröfur
hústakanna og að hluti borgar-
fulltrúa myndi sitja hjá við
slíka atkvæðagreiðslu.
Þennan nýja „meirihluta"
mynda flokkarnir vinstra megin
við sósíaldemókrata ásamt
nokkrum miðjumönnum og ein-
um íhaldsmanni, en sá síð-
astnefndi snerist í málinu eftir að
hafa heimsótt hústakana í Ryes-
gade. Þar með virtist björninn
unninn. En um helgina lýstu
borgarfulltrúar sósílíska Þjóðarf-
lokksins því yfir, að þeir myndu
mynda traustari meirihluta ef
sósíaldemókratar yrðu aðilar að
lausn málsins. Þeir hafa því neit-
að að kalla á skyndifund borgar-
stjórnar, sem leyst gæti málið en
vilja halda áfram að semja við
krata. Það er því áframhaldandi
taugastríð í Ryesgade, þótt lög-
reglan hafi haft sig á brott úr
hverfinu, og eru hústakar von-
sviknir yfir þessari afstöðu sósía-
lista. Hann ber eflaust að skoða í
samhengi við vilja sósíalfska
þjóðarflokksins til að ná sam-
starfi við krata um verkalýðs-
stjórn.
Áframhaldandi taugaspenna ríkir
við Ryesgade.
Aróður fyrir
New York - Stjórnvöld Kanada
og forsvarsmenn asbest-
iðnaðarins hafa nú sameinað
krafta sína og lagt í það miljón-
ir doliara að sannfæra aðrar
stjórnir um að asbest hafi ekki
neina hættu í för með sér ef
vissra öryggisreglna sé gætt.
Talið er að asbest geti valdið
vissum tegundum krabba-
meins og hefur umhverfis-
verndarstofnun Bandaríkj-
anna lagt til að það verði bann-
að með öllu. Ef slíkt bann
Inka-rústir fiimast
Cuzco, Perú - Fornleifafræð-
ingar hafa fundið rústir af
týndri Inkaborg, sem er nálægt
hinum þekktu rústum frá tím-
um Inka í Macchu Picchu og
um það bil helmingi stærri.
Það voru fornleifafræðingar
frá Bandaríkjunum og Perú sem
sáu rústirnar af þessari borg, sem
nefnd er Marampata, úr flugvél í
síðustu viku. Sagði talsmaður
þjóðmenningarstofnunarinnar í
Perú að vegna mikilla rigninga
hefði ekki verið hægt að senda
leiðangur að rústunum. Væri
staðurinn þakinn þéttum runna-
gróðri en úr flugvélinni hefðu sést
byggingar og um 200 m langur
múr. Þessar rústir eru um tvo km
frá Macchu Picchu, og gætu þær
stuðlað að því að leysa gátur
þeirra borgarrústa. Rústirnar í
Macchu Picchu, sem fundust ekki
fyrr en á þessari öld, standa á 200
m háum kletti í miðjum Andes-
fjöllum.
kemst í framkvæmd, myndi
það hafa alvarlegar afleiðingar
fyrir stór svæði í Austur-
Kvíbekk, sem eru mjög auðug
að asbesti.
Kanadískir vísindamenn halda
því fram, að þótt of mikil snerting
við asbest kunni að vera hættu-
leg, sé engin sönnun fyrir því að
lítil snerting hafi sömu áhrif. En
almenningsálitið er nú orðið
mjög andsnúið asbest-notkun, og
þegar svo er komið að verka-
menn með andlitsgrímur eru
farnir að rífa asbest burt úr
skólum og skrifstofubyggingum,
verður erfitt að breyta því. For-
svarsmenn kanadfska asbest-
iðnaðarins höfðu vonast til þess
að geta haldið áfram að selja as-
best til landa þriðja heimsins, þar
sem reglugerðir um öryggi og
heilbrigðismál eru ekki eins
strangar, en ljóst er að stefna
Bandaríkjamanna í þessu máli
hefur mjög mikil áhrif.
Þriðjudagur 23. september 1986 ÞJÓÐVILJINN — SÍÐA 11
Mafíustríð
á Sikiley
Agrigento - Sex menn létu lífið á
Sikiley í gær, þegar byssubófar
ruddust inn á bar og hófu skothríð
á viðskiptavini sem voru að spila
á spil í bakherbergi. Er talið að
þessi morð séu tengd valdabar-
áttu innan Mafíunnar.
Að sögn lögreglunnar voru
bófarnir a.m.k. þrír og ruddust
þeir inn á bar við aðalgötuna í
smábænum Porto Empedocle,
þegar staðurinn var troðfullur af
fólki, sem var að njóta sunnu-
dagshvíldarinnar. Þrír hinna
föllnu voru úr Grassonnelli-
fjölskyldu, sem lögreglan telur að
standi í baráttu við aðra Mafíu-
fjölskyldu um yfirráð yfir eitur-
lyfjasmygli. Hundruð manna
voru í grenndinni þegar árásin
var gerð, en þeir lýstu því allir
yfir, að þeir hefðu ekki séð neitt
sem gæti komið lögreglunni að
gagni.