Þjóðviljinn - 07.11.1986, Blaðsíða 2

—SPURNINGIN-
Telur þú þaö rétta
ákvöröun hjá Stefáni
Benediktssyni að hætta
við framboð fyrir Alþýðu-
flokkinn?

Anna Guðmundsdóttir
húsmóðir:
Þetta er auðvitað samviskumál
fyrir honum en ef honum líður
betur eftir þessa ákvörðun þá er
það ágætt. Mér finnst Stefán
hafa staðið sig ágætlega og
margt gott frá honum komið.
Þetta er góður maður og mér
finnst hann sýna karlmennsku
með því að hætta við að gefa kost
á sér.
Sveinbjörn Hauksson
verkamaður:
Já mér finnst það rétt hjá honum.
Hann gefur með þessu fordæmi
fyrir aðra. Albert hefði átt að víkja
á meðan hann lá undir grun. Stef-
án ætti að draga sig í hlé en sitja
út kjörtímabilið. Hann getur aldrei
hreinsað sig alveg af þessu.
Elías Valgeirsson
fyrrverandi rafveitustjóri:
Það virðist nú víða vera ruglingur
á fjármálunum en mér finnst það
rétt hjá Stefáni að draga sig út úr
framboði. Ég veit ekki hv^ða
reglur gilda um þessi mál, en t.d.
Guðmundur J. var tilbúinn til að
segja af sér ef eitthvað sannaðist
á hann og mér finnst að Stefán
ætti að segja af sér núna.
Karólína Erlendsdóttir
húsmóðir
Mér finnst það gott hjá honum.
Hann ætti að segja af sér þing-
mennsku á meðan málið er
rannsakað. Ef það kemur í Ijós að
þessar ásakanir eru ósannar þá
ætti hann að fara inn á þing aftur.
FRÉTTIR
Borgarspítalinn
Naflaskoðun
öllum
nauðsyn
Björn Friðfinnsson og Eggert Jónsson:
Rekstur ofdýr. Meirihluti borgarstjórn-
arfái meirihlutavald ístjórn sjúkra-
stofnana. Jóhannes Pálmason: Rek-
J , TT. ✓ 77. , 1 • 1 Rekstrarhallinn í fyrra var 170 miljónir og stefnir í svipað í ár.
strarhalli siðasta ars ekki oeðlilegur
Björn Friðfinnsson og Eggert
Jónsson koma víða við í
gagnrýni sinni á rekstur Borgar-
spítalans, en það sem er þeim
helst þyrnir í augum er veik yfir-
stjórn og dýr rekstur. Enda var
rekstrarhalli síðasta árs hvatinn
að því að athugun þeirra á rek-
strinum fór fram.
Rekstrarhalli síðasta árs nam
170 miljónum króna og stefnir í
svipaða útkomu á þessu ári. Að
sögn Jóhannesar Pálmasonar
framkvæmdastjóra spítalans var
hallinn á starfseminni í Fossvogi
88 miljónir króna fyrstu sex mán-
uði þessa árs, eða 18.4% af
heildargjöldum. Jóhannes gaf þá
skýringu á halla síðasta árs að
spítalinn hefði misst marga legu-
daga og auk þess væru daggjöidin
allt of lág. Þetta væri því alls ekki
óeðlileg útkoma, enda hefði hún
verið viðurkennd af heilbrigðis-
yfirvöldum og borgarsjóður hefði
fengið sitt til baka með fullum
vöxtum.
Stjóm sjúkrastofnana, sem
telst vera yfirstjórn Borgarspítal-
ans, samanstendur af tveimur
fulltrúum meirihluta borgar-
stjórnar, einum fulltrúa minni-
hlutans og tveimur fulltrúum
starfsmanna. í skýrslu sinni kom-
ast þeir Bjöm og Eggert að þeirri
niðurstöðu að þessi stjórn sé
veik, að mörgu leyti getulaus til
ákvarðana og að hana skorti
fmmkvæði til ákvarðana. Hluta
af vanda þessarar stjórnar segja
þeir vera þá staðreynd að starf-
andi meirihluti í borgarstjórn hafi
ekki meirihlutavald í stjórninni,
og því leggja þeir til að leitað
verði eftir lagabreytingu til þess
að tryggja meirihluta borgar-
stjórnar á hverjum tíma meiri-
hlutavald í stjórninni.
Jóhannes tók undir þetta sjón-
armið í samtali við Þjóðviljann í
gær. Hann sagði það einnig eiga
við rök að styðjast sem kemur
fram í skýrslunni að ekki gætti
nægilega mikillar samkenndar
milli starfsfólks spftalans. Rík
stéttarvitund og djúp, jafnvel á-
greiningur, milli starfshópa gerði
starfið að mörgu leyti ómark-
visst.
Það er vart við því að búast að
starfsfólk spítalans, hjúkrunar-
fræðingar, læknar og sjúkraliðar,
taki þeirri fullyrðingu skýrsluhöf-
unda mótbárulaust, að það hjálp-
ist ekk'i að sem skyldi og kröfur
þess um bætt kjör og aðstöðu
komi niður á sjúklingum. Hvað
þá að meira sé gert úr manneklu
en ástæða sé til.
Það er heldur ekki líklegt að
þeirri hugmynd verði fagnað
meðal þeirra að stefnt verði að
því að fólk gangi í ríkara mæli inn
á starfssvið hvers annars. Enda
þyrfti eins og Jóhannes benti á að
breyta lögum til þess að slíkt
fyrirkomulag ætti að virka rétt,
þar sem þarna er í mörgum tilvik-
um um að ræða lögvernduð
starfsheiti.
Fastráðnir læknar
of margir
Skýrsluhöfundar benda á í nið-
urstöðum sínum að fastráðnir
læknar væru að líkindum of
margir, að fyrirkomulag innlagna
vekti efasemdir, að álag á stoð-
deildir væri að líkindum of mikið,
að útibú spítalans væru dreifð og
ósamstæð, að kröfur stjórnar og
starfsliðs um aukið húsrými væru
óraunhæfar og að fleiri leituðu til
slysadeildar en þangað ættu brýnt
erindi. Hitti þeir naglann á höf-
uðið í gagnrýni sinni, er ljóst að
margt hefur farið aflaga í þessum
rekstri.
Jóhannes sagði í gær að þessar
niðurstöður athugunarinnar
kæmu sér ekki á óvart, enda væru
þær að sumu leyti samhljóða til-
lögum sem danska ráðgjafafyrir-
tækið IKO hefði gert á sínum
tíma. „Það er auðvitað nauðsyn-
legt að koma skipulagi svona fyr-
irtækis í rétt horf og það þarf sí-
felldrar endurskoðunar við.
Naflaskoðun er öllum nauðsyn-
leg og ég er þess fullviss að þessar
tillögur munu koma að gagni,“
sagði Jóhannes. "88
Ráðheira gagnrýnir
fræðslustjórana
enntamálaráðherra
gagnrýndi fræðslustjórana á
alþingi í gær fyrir að hafa tekið
sér vald sem ekki væri þeirra
varðandi fjármál og sagði einnig
að Parkinsons-lögmálið væri vel
að verki á fræðsluskrifstofunum
sem nú hefðu nær 70 stöðugildi
samtals eða fleiri en menntamála-
ráðuneytið sjálft.
Þessi orð Sverris Hermanns-
sonar féllu í umræðum um fram-
haldsskólafrumvarp Ragnars
Arnalds og fleiri, en Sverrir gerði
athugasemd við þá valddreifingu
í fræðslumálum, sem frumvarpið
gerir ráð fyrir.
Ragnar Arnalds taldi hins veg-
ar eðlilegt að fræðsluumdæmin
réðu sjálf forgangsverkefnum
sínum og hefðu til þess vald að
deila fjárveitingum sínum milli
einstakra liða eins og frumvarpið
gerir ráð fyrir. „Við leggjum líka
áherslu á valddreifingu“, sagði
Ragnar, „með því að fræðslu-
ráðin velji skólastjóra og kennara
án afskipta menntamálaráðu-
neytisins.“
Ragnar vísaði á bug orðum
ráðherrans um of mikla þenslu í
fræðsluskrifstofunum. Hann
sagði aukningu á starfsmanna-
fjölda sl. 10 ár vera til komna
vegna ráðgjafar- og sálfræðiþjón-
ustu, sem grunnskólalögin gerðu
ráð fyrir. Parkinson þessi kæmi
málinu ekki við - þetta væri
nauðsynleg þjónusta ekki síst
fyrir landsbyggðina.
Ummæli Sólrúnar Jensdóttur,
skrifstofustjóra menntamála-
ráðuneytisins í útvarpi sl. laugar-
dag, þess efnis að áhugaleysi
þingmanna stæði nýjum fram-
haldsskólalögum fyrir þrifum,
vísaði Ragnar á bug og rakti til-
löguflutning sinn og annarra
þingmanna þar um á undanförn-
um árum. Bað hann ráðherra að
skila því til skrifstofustjórans að
hún hafi meira en Iítið misskilið
hlutina: áhugaleysi væri ekki til
að dreifa hjá þingmönnum held-
ur hefði ágreiningur og styrr um
málið innan Sjálfstæðisflokksins
tafið framgang skólamálanna. ÁI
Ólafsvík
Vilja endur
skoða
skattinn
Bæjarstjórn Ólafsvíkur hefur
samþykkt að fela framtalsnefnd
bæjarins að yfirfara skattaframt-
öl einstaklinga og fyrirtækja í Ól-
afsvík.
Að sögn Herberts Hjelm
bæjarfulltrúa Alþýðubandalags-
ins í Ólafsvík, er þessi samþykkt
bæjarstjórnar tilkomin vegna
megnrar óánægju fjölmargra
bæjarbúa með óeðlilega lága
álagningu á fjölmarga aðila og
fyrirtæki í bænum.
Jafnframt samþykkti bæjar-
stjórn áskorun til alþingis um
leiðréttingu á skattalögunum.
Bæjarstjómir í Vestmannaeyjum
og á ísafirði hafa einnig nýlega
samþykkt að láta yfirfara álagn-
inguna í sínum heimabæjum.
■2 SÍÐA — ÞJÓÐVILJINN Föstudagur 7. nóvember 1986