Þjóðviljinn - 07.11.1986, Blaðsíða 6

MINNING
ALÞÝÐ UBAN DALAGIÐ
Alþýðubandalagið Reykjanesi
Kjördæmisráðsfundur
Boðað er til fundar í kjördæmisráði í Þinghóli Kópavogi, mánudaginn 10.
nóvember kl. 20.30.
Dagskrá: 1) Undirbúningur kosninga. 2) Skipun 9 manna blaðnefndar. 3)
Önnur mál. - Stjórnin.
Alþýðubandalagið Rangárþingi
Aðalfundur
Aðalfundur Alþýðubandalagsins í Rangárþingi, verður haldinn föstudaginn
7. nóvember kl. 21.00 á Snjallsteinshöfða í Landssveit.
Dagskrá: 1) Inntaka nýrra félaga og forval. 2) Önnur mál. Margrét Frí-
mannsdóttir mætir á fundinn. Fjölmennið.
Stjórnin.
Alþýðubandalagið í uppsveitum Árnessýslu
Félagsfundur
Félagsfundur verður haldinn n.k. föstudag 7. nóvember kl. 14.00 í
Reykholti, Biskupstungum.
Fundarefni: 1) Inntaka nýrra félaga. 2) Afgreiðsla kjörskrár fyrir forval
vegna alþingiskosninga. 3) Önnur mál.
Stjórnin.
Alþýðubandalagið Akranesi
Bæjarmálaráð
Fundur verður haldinn mánudaginn 10. nóvember kl. 20.30 í Rein. Dag-
skrá: 1) Fréttir af starfi nefnda. 2) Bæjarstjórnarfundur 11. nóvember. 3)
Önnur mál.
Alþýðubandalagsfélag Selfoss og nágrennis
Framhaldsfélagsfundur
Almennum félagsfundi sem hófst 5. nóvember sl. verður framhaldið föstu-
dagskvöldið 7. nóvember kl. 20.00 aö Kirkjuvegi 7.
Dagskrá: 1) Inntaka nýrra félaga. 2) Staðfesting kjörskrár vegna forvals.
Nýir félagar velkomnir. - Stjórnin.
Ragnar og uppreisnin
í tilefni af miðstjórnarfundinum um helgina verður opið hús í Miðgarði,
Hverfisgötu 105, laugardagskvöldið 8. nóvember frá kl. 21. Að lokinni
sýningu á Uppreisninni á Isafirði í Þjóðleikhúsinu mætir höfundur verksins,
Ragnar Arnalds, á staðinn og situr fyrir svörum.
Alþýðubandalagsfélagar og stuðningsmenn eru hvattir til að koma og njóta
samvista við félaga á landsbyggðinni.
Stjórn ABR
ÆSKULÝÐSFYLKINGEN
Halló, halló!
Um leið og við þökkum öllum þeim sem hafa keypt af okkur happdrættis-
miða, minnum við þá sem eiga gíróseðla upp á ísskáp hjá sér að þeirra
stuðningur verður vel þeginn.
DREGIÐ 1. DESEMBER N.K.
Æskulýðsfylking Alþýðubandalagslns.
Utanríkismálanefnd ÆFAB
Fundur verður í utanríkismálanefnd ÆFAB sunnudaginn 15. nóvember að
Hverfisgötu 105 kl. 17.00.
Dagskrá: 1) Skýrslur frá landsfundi SHA og aðalfundi El Salvadornefndar-
innar. 2) Starfið framundan (Nánar auglýst síðar.) - Utanrfklsmálanefnd
ÆFAB.
Æskulýðsfylking Alþýðubandalagsins
Framkvæmdaráð ÆF
Matarfundur verður hjá framkvæmdaráði á laugardaginn 8 nóvember að
Hverfisgötu 105.
Dagskrá: 1) Útgáfumál. 2) Fjármál. 3) Utanríkismál. 4) Starfið framundan.
Bon apetit.
Kennarar
Vegna forfalla vantar nú þegar kennara við
grunnskólann í Grindavík.
Kennslugreinar: Stærðfræði og eðlisfræði í 7.-9.
bekk. Nánari upplýsingar veitir skólastjóri í
símum 92-8555 og 8504.
Aðalfundur
El-Salvadornefndarinnar
verður haldinn á morgun laugardag kl. 14.00 í
Lækjarbrekku (uppi).
Venjuleg aðalfundarstörf og starfið framundan
rætt.
Stjórnin.
Ragnhildur Sigurbjörnsdóttir
Fædd 10. sept. 1923 - Dáin 31. okt. 1986
Nú eru liðin fjörutíu ár síðan
fundum okkar Ragnhildar mág-
konu minnar bar fyrst saman hér í
Reykjavík. Þrátt fyrir fárra ára
aldursmun höguðu atvikin því
svo að hún var um tíma kennari
minn í Húsmæðrakennaraskóla
íslands. Okkur skólasystrunum
féll strax ákaflega vel við unga
kennarann og við dáðumst að
þessari fallegu, háttvísu og
brosmildu stúlku sem var þá þeg-
ar orðin mikill snillingur í matar-
gerð og kunni ekkert verk að
vinna öðruvísi en vel.
Ragnhildur hafði flust á ung-
lingsaldri austan af landi með for-
eldrum sínum og systkinum.
Föðurbróðir hennar, Jón Sig-
urðsson, varð skólastjóri
Laugarnesskóla þegar honum var
komið á fót og foreldrar hennar,
Sigbjöm Sigurðsson frá Hjartar-
stöðum og Anna Sigurðardóttir
frá Borgarfirði eystra, tókust á
hendur húsvörslu og ræstingu
skólans og áttu þar heimili sitt um
áratuga skeið. Er mörgum enn í
fersku minni trúmennska þeirra
og dæmafá gestrisni.
Ragnhildur gekk í Mennta-
skólann í Reykjavík og lauk stú-
dentsprófi þaðan vorið 1943.
Haustið 1944 hóf hún nám í
Húsmæðrakennaraskóla íslands,
sem stofnsettur hafði verið tveim
árum áður, og útskrifaðist úr
þeim skóla vorið 1946.
Á þessum árum lagði Kjartan
bróðir minn stund á læknisfræði-
nám í Háskóla íslands og þau
Ragnhildur kynntust og felldu
hugi saman. Það var glaður hóp-
ur sem hittist í gamla Sjálfstæðis-
húsinu við Austurvöll eitt kvöld í
sumarbyrjun 1948 til að kasta af
sér prófaklafanum. Þar lyftu
glösum með góðum vinum lækn-
arnir Alma Thorarensen, Hulda
Sveinsson, Kristjana Helgadótt-
ir, Borgþór Gunnarsson, Hjalti
Þórarinsson og Kjartan.
Síðan lá leiðin austur í átthag-
ana. Á heimili foreldra okkar á
Vopnafirði gaf sr. Jakob Einars-
son á Hofi þau Ragnhildi og
Kjartan saman í hjónaband hinn
30. júní. Varð hin unga tengda-
dóttir þegar hvers manns hugljúfi
í okkar 'stóru fjölskyldu.
Ungu hjónin áttu heima um
skamman tíma á Akureyri og í
Reykjavík en árið 1950 mátti
segja að örlög þeirra réðust. Þá
tók Kjartan við héraðslæknis-
embætti á Höfn í Hornafirði og
þar áttu þau heima óslitið upp frá
því. Kjartans beið erfitt og anna-
samt starf í víðlendu og ógreið-
færu héraði og álagið var mikið á
eiginkonu hans og heimili. Ekki
mun Ragnhildi alltaf orðið svefn-
samt um nætur þegar hún vissi
eiginmann sinn vera að brjótast
áfram yfir beljandi jökulár eða
fönnum þakta fjallvegi. En
Kjartan var ókvalráður og þolinn
ferðamaður og ekki urðu jökul
vötnin honum að aldurtila -
nema ef til vill óbeinlínis.
Heimili þeirra hjónanna var
fagurt og rausnarlegt enda átti
húsfreyjan fáa sína líka í heimilis-
haldi. Gestagangur var mikill
bæði af venslamönnum og vanda-
lausum á ýmsum árstímum og
öllum fagnað með vinsemd og
veislukosti.
Þeim Ragnhildi og Kjartani
fæddust fjögur mannvænleg
börn, Birna, Árni, Anna og Sig-
björn, sem öll eru hin farsælustu í
námi og starfi og þrjú hin eldri
farin að ala upp nýja kynslóð.
Þegar börnin fóru að dveljast
langdvölum fjarri heimilinu gerð-
ist Ragnhildur læknaritari við
heilsugæslustöðina á Höfn. Undi
hún því starfi ágætlega og ávann
sér hylli samstarfsfólks síns.
En „fögnuður vor skal fyrstur
enda taka“, segir í undurfögru
Broti sveitunga míns og vinar,
Þorsteins Valdimarssonar skálds
frá Teigi. Vorið 1978 varð Kjart-
an bráðkvaddur úti í Skotlandi
þar sem þau hjónin voru í leyfi
ásamt nokkrum vinum sínum.
Hann varð mörgum harmdauði
og Ragnhildi varð fráfall hans
óbærilega sárt. Árin liðu og vinir
og ættmenn báðu og vonuðu að
tíminn, sá mikli læknir, megnaði
að stilla þessa kvöl. En gleði þess-
arar góðu konu var slokknuð og
varð ekki vakin á ný. Engin
læknisráð komu að haldi og að
lokum þurfti þeirra ekki lengur
við því að eins og Edith Söder-
gran segir:
Smartan ger oss allt vad vi
behöva - -
hon ger oss nycklerna till
dödens rike.
Megi Ragnhildur hvíla þar í
Sigrún Árnadóttir
____________ÆSKULYÐSFYLKINGIN_____________
Utanríkismál
Fordæmum vígbúnaðarskriðuna
Kaflar úr ályktun landsþings ÆFAB um utanríkismál
Æskulýðsfylking Alþýðu-
bandalagsins hefur það grund-
vallarmarkmið að ísland endur-
heimti hlutleysi sitt og skipi sér í
sveit óháðra og fullvalda ríkja.
Barátta okkar fyrir herlausu
landi er einn af hornsteinum
utanríkisstefnu íslenskra sósía-
lista. Allir áfangar sem stuðlað
geta að brottför setuliðsins njóta
stuðnings Æskulýðsfylkingarinn-
ar.
Landsþing ÆFAB 1986 for-
dæmir harðlega þá vígbúnaðar-
skriðu sem nú flæðir yfir landið
og lýsir andúð sinni á undirlægju-
hætti ríkisstjórnarinnar gagnvart
hernámsliðinu. Æskulýðsfylk-
ingin telur að taka beri samskipti
íslands og Bandaríkjana til ræki-
legrar endurskoðunar með það
að markmiði að herinn fari af
landi brott, þótt í áföngum væri
og stjórnbúnaður til árása verði
fjarlægður með öllu.
Eftirlitsstöðvar sem þegar eru
staðsettar hér á landi verði mann-
aðar íslenskum og jafnvel alþjóð-
legum sérfræðingum þar til ís-
land hefur sagt sig úr Atlantshafs-
bandalaginu. Samfara lokun her-
stöðvanna verði byggð upp ný at-
vinnutækifæri fýrir núverandi
starfsfólki hersins.
Kjarnorkuvopnalaus
svæði
Æskulýðsfylking Alþýðu-
bandalagsins styður kröfuna um
kjarnorkulaus Norðurlönd og
friðlýst Norður-Atlantshaf.
Landsþingið bendir að gefnu til-
efni á þá ógn sem okkur stafar af
kjarnorkunni og mótmælir því
eindregið siglingu kjarnorkuknú-
inna kafbáta og skipa er hafa
kjarnorkuvopn um borð í ís-
lenskri landhelgi svo og flutning-
um á kjarnorkusprengjum um ís-
lenska lofthelgi.
Upplýsingar um slys og óhöpp
sem orðið hafa við meðferð
kjarnorkuvopna á friðartímum
sýna okkur svo ekki verði um
villst að fiskistofnar okkar eru í
stöðugri hættu og þar með lífsaf-
koma þjóðarinnar allrar. Lands-
þingið telur það vera ögrun við
okkur sem fiskveiðiþjóð þegar
erlend herveldi neita að upplýsa
okkur um vopnabúnað þeirra
skipa sem sigla um íslensk fiski-
mið og eða leggjast að bryggju í
íslenskri höfn.
Þriðja leiðin
Æskulýðsfylking Alþýðu-
bandalagsins styður eindregið
friðarfrumkvæði alþjóðasamtak-
anna PGA og leiðtogahópsins sk.
sem vakið hafa athygli á alþjóða
vettvangi fyrir raunsæjan tillögu-
flutning um afvopnun og árang-
ursríka baráttu fyrir gagnkvæmu
eftirliti með kjarnorkuvopnatil-
raunum risaveldanna.
Þjóðarleiðtogarnir sex og þing-
mannasamtökin með Ólaf Ragn-
ar Grímsson í broddi fylkingar
hafa fært okkur heim sanninn um
að kjarnorkuógnin er ekkert yfir-
náttúrulegt afl sem enginn fær
stöðvað og um leið hafa umrædd-
ir þjóðarleiðtogar svipt risaveldin
einkaréttinum á að fjalla um
þennan málaflokk.
ÆF - fyrir friði
í dag er fjölda þjóða stjórnað
af herforingjastjórnum og hand-
bendum erlends hervalds.
Mannréttindi eru fótum troðin í
öllum heimsálfum. Bilið milli
norðurs og suðurs breikkar
stöðugt og tortryggni milli
austurs og vesturs kyndir undir
æðisgengnasta vígbúnaðarkapp-
hlaupi allra tíma, jafnt á jörðu
niðri sem á hafi úti og nú í himing-
eimnum.
Landsþing ÆFAB 1986 ítrekar
þá grunnseiningu í stefnu ís-
lenskra sósíalista að við fordæm-
um einræði og kúgun, hvar sem
er í heiminum og styðjum ein-
dregið baráttu alþýðu manna
hvarvetna fyrir friði, Iýðræði og
réttlátu þjóðskipulagi.
Æskulýðsfylkingin fagnar því
að stórveldin völdu ísland sem
vettvang leiðtogafundar og vonar
að þjóðin beri gæfu til að gera
ísland að griðastað fyrir stríðandi
öfl í heiminum.
FRIÐUR ER FRAMTÍÐ -
FRIÐUR ER VÖRN
6 SÍÐA - ÞJÓÐVILJINN Föstudagur 7. nóvember 1986