Þjóðviljinn - 09.12.1986, Síða 5

Spurt
um...
... jarðskjálftamæla
á Suðurlandi
Ami Johnsen spyr fjármála-
ráðherra hvort íslensk stjórnvöld
hafi tekið afstöðu til þess hvort
þau samþykkja að kosta rekstur
þeirra jarðskjálftamæla á Suður-
landi, sem norrænir jarðskjálfta-
fræðingar hafa sótt um styrk til
Norðurlandaráðs að upphæð 6
miljónir sænskra króna, að settir
verði upp. Árni spyr einnig
hvernig áætlað sé að þessi tækja-
búnaður nýtist best við forvarnir
og fræðslustarf.
... fullvirðisrétt bænda
Kristín Halldórsdóttir spyr
landbúnaðarráðherra hve mörg
býli hafi fengið fullvirðisrétt í
mjólkurframleiðslu frá gildistöku
búvörulaganna frá 1985. Hún
spyr hve mörg bú beri skerðingu í
mjólkurframleiðslu og hvort ein-
hver bú megi nú framleiða meira
en þau gerðu fyrir gildistöku áð-
urnefndra laga. Kristín óskar
skriflegs svars.
... rekstrarvörur
bænda
Árni Johnsen spyr hverjar hafi
verið tekjur ríkissjóðs af rekstr-
arvörum bænda á árinu 1985 og
hver sé uppsafnaður söluskattur
af landbúnaðarvörum á því sama
ári.
... fæðispeninga
sjómanna
Eiður Guðnason spyr sjávarút-
vegsráðherra hve hárri fjárhæð
inneign sjómanna vegna fæðis-
dagpeninga nemi í áhafnadeild
Aflatryggingasjóðs. Hann spyr
hve mikið hafi þegar verið greitt
til sjómanna og hvenær þeir megi
vænta þess að fá þær greiðslur
sem á vantar. Eiður óskar skrif-
legs svars.
... sleppibúnað
Árni Johnsen spyr samgöngu-
ráðherra hvað líði úttekt á sjálf-
virkum sleppibúnaði björgunar-
báta sem öryggismálanefnd sjó-
manna lagði til á s.l. ári að yrði
gerð, ætlað var að unnin yrði af
tæknideild Fiskifélags íslands og
fjármagn hafði verið tryggt til.
... löggildingu
sjúkranuddara
Guðrún Helgadóttir spyr
heilbrigðisráðherra af hverju
reglugerð nr. 13/1986 um
menntun, réttindi og skyldur
sjúkranuddara var numin úrgildi.
Hún spyr einnig hvort ný reglu-
gerð sé fyrirhuguð og þá hvenær
hennar sé að vænta.
... mat á
heimilisstörfum
Sigríður Dúna Kristmunds-
dóttir spyr félagsmálaráðherra
hvað líði framkvæmd þingsálykt-
unar frá 22. apríl sl. um mat heim-
ilisstarfa til starfsreynslu.
... stöðugildi á
heilbrigðis-
stofnunum
Kolbrún Jónsdóttír spyr heil-
brigðisráðherra hversu mörg
stöðugildi séu á heilbrigðisstofn-
unum fyrir hjúkrunarfræðinga,
sjúkraliða og lækna. Hún spyr
hvaða breytingar hafa orðið á
stöðugildum vegna afnáms
starfsskyldna hjúkrunarnema.
Loks spyr Kolbrún hvað ráðið sé í
margar af þessum stöðum og
óskar skriflegs svars.
Umsjón:
Álfheiður
Ingadóttir
Sjómannadagurinn verði
lögbundinn frídagur
Skúli
Alexandersson:
Farsœlastað
hafa engar
undanþágurtil
að mismuna
ekki sjómönnum
og
fiskvinnslufyrir-
tœkjum
Sjávarútvegsnefnd efri deildar
alþingis hefur nú til athugunar
stjórnarfrumvarp um að sjó-
mannadagurinn verði lögskipað-
ur frídagur íslenskra sjómanna
og fánadagur að auki. Frumvarp-
ið gerir ráð fyrir því að sjó-
mannadagur verði fyrsta sunnu-
dag í júní hvert ár, nema þegar
hvítasunnu ber upp á þann dag,
þá frestist sjómannadagur um
eina viku. Þetta gerist fjórða
hvert ár og einmitt á næsta ári,
árinu 1987.
Skúli Alexandersson lýsti
stuðningi við frumvarpið eins og
reyndar svipað frumvarp frá
þremur þingmönnum Alþýðu-
flokksins í efri deild, en mæltist til
þess að sjómannadagurinn væri
fremur fluttur framar, þ.e. fram
til síðustu helgar í maí en fram í
miðjan júní, þegar hvítasunnu
bæri upp á fyrstu helgi júní. Skúli
sagði það reynslu manna að
minna yrði úr bæði sjómannadeg-
inum og 17.júní, þegar þessir hát-
íðisdagar væru með stuttu milli-
bili.
Undanþágur óþarfar
Skúli sagði undanþáguákvæði
frumvarpsins varðandi fiskiskip
hins vegar óþarfar, en í 5.grein
segir að víkja megi frá almennum
frídegi sjómanna ef um er að
ræða skip sem ætlað er að sigla
með afla sinn á erlendan markað
og að aðrir hagsmunir séu í húfi.
Gert er ráð fyrir að samkomulag
verði um undanþágurnar í þessu
tilviki, en farmenn eru undan-
þegnir lögunum með öllu, nema
hvað farskip sem ekki er farið úr
höfn fyrir miðnætti á föstudegi
fyrir sjómannadag, getur ekki
farið fyrr en á hádegi á mánudegi.
Þá taka lögin ekki til Landhelgis-
gæslunnar.
„Ég tel fráleitt að verið sé að
mismuna bæði þeim sem eru á
skipunum og um leið ákveðnum
rekstrarþáttum, þ.e. fiskvinns-
lunnni,“ sagði Skúli. „Það er ver-
ið að gera fiskvinnsluna hér
heima að hluta til skylduga til að
hafa sín skip í landi, en þeir sem
ætla að sigla og þjóna erlendum
aðilum skulu vera undir aðrar
reglur settur.“
„Á að fara að mismuna sjó-
mönnum á skipum út frá ein-
hverjum hugmyndum þeirra sem
stjórna fiskvinnslunni? Mér
finnst það alveg fráleitt. Það er
frekar verið að skapa vandamál
með þessum undanþágum en að
verið sé að leysa þau vandamál
sem skapast af því að þessi dagur
verður lögbundinn. Ég tel að ein-
mitt sem undanþáguminnst séu
málin farsælast leyst. Það mun
ábyggilega ganga jafnt yfir út-
gerðarmenn og fiskverkun ef það
verður gert á þann veg. Allar
undanþágur frá svona ákvæðum
eru af hinu verra og skapa óá-
nægju milli aðila," sagði hann.
-ÁI.
ÞJÓÐVILJINN - SÍÐA 5
Alþingi
250 miljónir
íleiguíbúðir
Kvennalistinn: Leigjendur settir hjá við breytingará
húsnœðiskerfinu.
Kvennalistinn hefur lagt fram á
alþingi þingsályktunartillögu um
byggingu leiguhúsnæðis. Gerir
tillagan ráð fyrir að ríkisstjórnin
verji 250 miljónum króna á nú-
gildandi verðlagi á hverju ári þar
til þörfinni fyrir leiguhúsnæði
hefur verið fullnægt.
í greinargerð segir m.a. að á
þeim tveimur árum sem liðin eru
síðan tillagan var fyrst flutt hafi
ýmsar úrbætur náðst fram í hús-
næðismálum. Einn hópur fólks
liggi þó óbættur hjá garði, en það
séu lejgjendur. Nýleg könnun á
vegum Húsnæðisstofnunar sýni
að sveitarfélögin telji að þörf sé á
1750-2000 leiguíbúðum. Fé-
lagasamtökin Öryrkjabandalag
íslands, Bandalag íslenskra sér-
skólanema, Leigjendasamtökin
og Félagsstofnun stúdenta telji
sitt fólk þurfa rúmlega 900 íbúðir,
þannig að þörfin sé á bilinu 2650-
2900 íbúðir.
Flutningsmenn telja brýnt að
eyrnamerkja fé í byrjunarfram-
kvæmdir til að anna þessari þörf
en einnig að gera þurfi 10 ára
áætlun um það hverig vandi
leigjenda verði leystur. Benda
þeir á að lífeyrissjóðirnir ráðstafi
meira fé til byggingarsjóðanna en
reiknað var með á þessu ári og
þar telja þeir að sækja megi fé í
þessu skyni nú þegar. -ÁI.