Þjóðviljinn - 13.12.1986, Qupperneq 4

LEIÐARI
Sjálfstæði Borgarsprtalans
Forysta Sjálfstæöisflokksins vinnur aö því af kappi
að Borgarspítalinn verði seldur úr höndum Reykvík-
inga og sameinaður ríkisspítulunum. Þannig á enn
að auka á miðstýringuna í þessu dvergvaxna þjóðfé-
lagi, og er hún þó ærin fyrir.
Þetta gerir Flokkurinn án þess að borgarfulltrúar,
lýðræðislega kjörnir af fólkinu í bænum, fái nokkurs
staðar að ræða og reifa málið.
Þetta gerir Flokkurinn án þess að fulltrúar fólksins í
borgarráði fái einu sinni að rökræða málið við Drottin
allsherjar í líki þeirra Davíðs og kompanís.
Þetta gerir Flokkurinn líka, án þess að þau 1500
manna sem vinna á Borgarspítalanum fái rönd við
reist, án þess að þau eigi nokkurn kost á að setja
fram sitt álit.
Sé einhvers staðartil sovésk hugsun á íslandi, þá
hljóta menn nú að skilja hvar hún er niðurkomin.
Það er nefnilega meir en undarlegt, að sá flokkur
sem í orði kveðnu berst fyrir sjálfstæði sveitarfélaga
og valddreifingu skuli nú hafa frumkvæði að því að
svipta Reykvíkinga vissu sjálfræði og auka enn á
ríkisbáknið.
Það hlýtur að vera nöturlegt fyrir sjálfstæðismenn í
hópi starfsmanna Borgarspítalans að horfa upp á
sína eigin forystu leggjast þannig á sveif með sovét-
inu.
Það hlýtur líka að vera nöturlegt fyrir þá Sjálfstæð-
ismenn sem nú fylla Morgunblaðið af greinum í veikri
von um að koma vitinu fyrir forystu flokksins að finna
að einu bandamennirnir sem þeir eiga í baráttunni
gegn vaxandi ríkisbákni eru sósíalistar.
Staðreyndin er auðvitað sú, að í öðrum vestræn-
um löndum eru menn nú markvisst að flytja heilsu-
gæslu og rekstur sjúkrahúsa út til sveitarfélaganna.
Sjálfstæðisflokkurinn vill fara öfuga leið.
Það er líka staðreynd, að smáar rekstrareiningar á
þessu sviði er betri en of stórar. í óvandaðri skýrslu
um Borgarspítalann sem Sjálfstæðisflokkurinn notar
óspart til að réttlæta söluna á spítalanum er einmitt
bent á þetta, og það atriði er raunar eitt fárra sem
byggir á sannfærandi rökstuðningi í skýrslunni. Þar
er talað um að líklega sé hagkvæmt að skipta spítai-
anum niður í smærri rekstrareiningar og efla þannig
rekstrarvitund starfsmanna. Sjálfstæðisflokkurinn
vill þarna fara öfuga leið, - stækka eininguna.
Það er ef til vill erfitt að rökstyðja nauðsyn hluta á
borð við faglega samkeppni. Þeirsem hafa nasasjón
af vísindum gera sér grein fyrir hversu mikill aflvaki
hún hefur verið í þróun bráðnauðsynlegra nýjunga.
En í rekstri stofnana á borð við sjúkrahús er fagleg
samkeppni milli stofnana einnig afar jákvæð, og það
er vísast einmitt henni að þakka að á Borgarspítalan-
um til dæmis hafa verið gangsettar margvíslegar
nýjungar, sem skipta sköpum fyrir fjölmarga sjúkl-
inga í landinu. Og það er, vægast sagt, undarlegt, að
sjá Sjálfstæðismenn leggja til að þessari faglegu
samkeppni verði útrýmt.
( orðni kveðnu er sagt, að sala Borgarspítalans
ráðist af því að senn eigi að setja hann á fjárlög og
þarmeð út af daggjaldakerfinu. Ástæðan sé sú, að
tapið sé of mikið á spítalanum og opinberlega láta
forystumenn Sjálfstæðisflokksins sér sæma að ýja
að því að tapið stafi af lélegum rekstri. Þetta er
bábilja. Tapiðstafareinvörðungu af því, að daggjöld-
in hafa hækkað miklu minna en rekstrark-
ostnaðurinn. Af því orsakast tapið. Borgarspítalinn
er heldur ekki eina fórnarlamb þessa.
Hinn raunverulegi kostnaður við rekstur Borgar-
spítalans mun því ekki minnka við að vera settur á
fjárlög. Hann minnkar einungis með einu móti: með
því að skera niður þjónustuna. Og það er einmitt það
sem að baki býr. Niðurskurður er hins vegar í pólit-
ísku tilliti auðveldari í framkvæmd ef spítalinn er
kominn undir helsi miðstýringarinnar en væri hann
áfram í eigu borgarinnar.
Þetta er auðvitað það sem búið er að vera lengi í
bígerð. Þessvegna byrjaði borgarstjóri árið með bví
að fjargviðrast út í tapið á Borgarspítalanum. ( kjöl-
farið fylgdi svo skýrsluræfillinn sem læknaráð Borg-
arspítalans hefur nú hrakið mjög faglega.
Vilji menn afstýra niðurskurði og lokun deilda á
Borgarspítalanum mótmæla þeir sölunni.
Vilji menn efla sjálfstæði sveitarfélaga og dreifa
valdinu andæfa þeir Sjálfstæðisflokknum.
Vilji menn leggjast gegn aukinni miðstýringu og
útþenslu á illstýranlegu kerfi, þá hlusta þeir á það
sem fulltrúar Alþýðubandalagsins og stjórnarand-
stöðunnar segja um málið.
-ÖS
Mynd: Einar Ol.
LJOSOPIÐ
þlÓÐVILIINN
Málgagn sósíalisma, þjóöfrelsis
og verkalýðshreyfingar
Útgefandi: Útgáfufólag Þjóðviljans.
Rltat|órar:Ámi Bergmann, Þráinn Bertelsson, össur
Skarphóðinsson.
Fróttaatjóri: Lúðvík Geirsson.
Blaðamenn: Garðar Guöjónsson, Ingólfur Hjörleifsson, Kristín
Ólafsdóttir, Magnús H. Gíslason, MörðurÁmason, ÓlafurGíslason,
Sigurður Á. Friðþjófsson, Valþór Hlöðversson, Vilborg Davíðsdóttir,
Víðir Sigurðsson (íþróttir), Yngvi Kjartansson (Akureyri).
Handrlta- og prófarkalesarar: Andrea Jónsdóttir, Eltas Mar.
ýósmyndarar: EinarÓlason, Sigurður MarHalldórsson.
Útlitatelknarar: Sœvar Guðbjömsson, Garðar Sigvaldason.
Framkvœmdastjóri: Guðrún Guðmundsdóttir.
Skrifstofustjórl: Jóhannes Harðarson.
Skrifstofa: Guðrún Guðvaröardóttir, Magnús Loftsson.
Auglýsingastjóri: Sigríður Hanna Sigurbjömsdóttir.
Auglýsingar: Ásdís Kristinsdóttir, Guðbergur Þorvaldsson, Olga
Clausen, Guðmunda Kristinsdóttir.
Simvarsla: Katrin Anna Lund, Sigríður Kristjánsdóttir.
Húsmóðir: Ólöf Húnfjörð.
Bflstjóri: Jóna Sigurdórsdóttir.
Afgreiðslustjóri: HörðurOddfríðarson.
Afgreiðsla: Bára Sigurðardóttir, Kristín Pótursdóttir.
Innheimtumenn: Brynjólfur Vilhjálmsson, ÓlafurBjömsson.
Útkeyrsla, afgrelðsla, ritstjóm:
Síðumúla 6, Reykjavík, sími 681333.
Auglýsingar: Síðumúla 6, símar 681331 og 681310.
Umbrot og setnlng: Prentsmiðja Þjóðviljans hf.
Prentun: Blaðaprent hf.
Verö í lausasölu: 50 kr.
Helgarblöð: 55kr.
Áskrfftarverö á mánuöi: 500 kr.
4 SÍÐA - ÞJÓÐVILJINN Laugardagur 13. desember 1986