Þjóðviljinn - 23.12.1986, Blaðsíða 5

VIÐHORF
Um
inntöku-
skilyrði
í Fósturskóla
íslands
Vegna ítrekaðra skrifa í Þjóð-
viljanum um inntökuskilyrði í
Fósturskóla íslands (ummæli
Guðmundar J. Guðmundssonar
á Alþingi 14. og 18. nóvember
svo og grein Þóru Þórðardóttur 4.
desember) óska ég undirrituð
eftir að koma eftirfarandi upplýs-
ingum á framfæri.
Inntökuskilyrði í
Fósturskóla Islands
eru eftirfarandi:
a) Stúdentspróf, kennarapróf
eða tveggja ára nám á fram-
haldsskólastigi eða sambæri-
legt nám.
b) Heimilt er að veita umsækj-
anda skólavist þótt hann
fullnægi ekki kröfum 1. tölu-
liðar. Skólanefnd metur þá
sérhvern umsækjenda með til-
liti til undirbúningsmenntun-
ar og að nokkru með tilliti til
starfsreynslu á stofnunum
sem skólinn menntar starfslið
til.
c) Nemandi skal ekki vera yngri
en 18 ára.
Að gefnu tilefni vil ég taka
fram að ekki er krafist ákveðinn-
ar lágmarkseinkunnar í einstök-
um námsgreinum heldur aðeins
að nemandi hafi staðist próf sam-
anber ofangreind inntökuskil-
yrði.
Aukið starfssvið
fóstru:
Síðastliðinn áratug hefur
starfssvið fóstra aukist mjög að
umfangi og ábyrgð. Atvinnuþátt-
taka kvenna á íslandi er nú um
18%. Hlutverk fóstrunnar verður
æ viðameira og ábyrgð meiri eftir
því sem fleiri börn dveljast á dag-
vistarheimilum. Æ flóknara og
tæknivæddara samfélag kallar á
dagvistarheimili og vel menntað-
ar fóstrur til að styðja uppeldi
foreldra og heimila.
Fóstran skal nú kappkosta í
samvinnu við heimilin að efla al-
hliða þroska barnanna (þ.e.
líkams-, tilfinninga,- vitsmuna-,
félags-, fagur-, og siðgæðis-
þroska) í samræmi við eðli, þarfir
og þroska hvers og eins.
Fóstrunni er jafnframt ætlað
að stuðla að því að börnin nái
þroska til að mæta kröfum
skyldunámsins. Einnig er henni
ætlað að skapa eðlileg tengsl milli
dagvistarheimila og grunnskóla.
Fóstran skal sömuleiðis skipu-
leggja markvisst foreldrasam-
starf. (Sbr. uppeldisáætlun fyrir
dagvistarheimili 1985).
Fóstran er í rauninni fyrsti fag-
lærði kennari barnsins.
í lögum um byggingu og rekst-
ur dagvistarheimila fyrir börn nr.
12/1976 er kveðið á um aukin
stjórnunarstörf forstöðumanna
og eflingu samvinnu starfsfólks
og foreldrasamstarf.
Fóstran þarf einnig að hafa
náið samstarf við ýmsa sérfræð-
inga svo sem lækna og sálfræð-
inga.
Skv. lögum um aðstoð við
þroskahefta nr. 4/1978 skal veita
þroskaheftum börnum þjónustu
á almennum deildum og á sér-
deildum tengdum leikskóla og
dagheimilum að svo miklu leyti
sem því verður við komið.

Nauðsynlegur
undirbúningur
Starfsmenntun fóstra tekur
þrjú ár. Ný verkefni og aukin
starfsábyrgð kalla ennfremur á
aukna möguleika fóstru á endur-
og framhaldsmenntun. Nauðsyn-
Staðgóð tungumálakunnátta
er nauðsynleg þar sem mikill
hluti námsefnis í Fósturskólanum
er á erlendum málum. Auk
grunnefnis á erlendri tungu er
stór hluti námsefnis greinar úr er-
lendum fagtímaritum. Stefnt er
að því í framtíðinni að þýða
Síðastliðinn áratug hefur starfssvið
fóstra aukistmjög að umfangi og
ábyrgð. Atvinnuþátttaka kvenna á Is-
landi er nú um 18%. Hlutverkfóstrunn-
ar verður œ viðameira og ábyrgð meiri
eftir þvísemfleiri börn dveljast á dag-
vistarheimilum
leg undirbúningsmenntun fyrir
fóstrunám er traust undirstöðu-
þekking í almennum greinum svo
sem íslensku, einu norðurlanda-
máli og ensku.
Fóstrur gegna mikilvægu hlut-
verki í málörvun ungra barna.
Þær þurfa því að hafa gott vald á
íslenskri tungu, jafnt talmáli sem
rituðu máli.
grunnefni eftir föngum, þýðingar
eru þó því miður dýrar og mark-
aður takmarkaður. Auk þess er
nauðsynlegt fyrir starfandi fóstr-
ur að geta fylgst með faglegri um-
ræðu og rannsóknum í nágranna-
löndum okkar og það gera þær
m.a. með því að lesa erlend fagt-
ímarit.
Auk þessa þurfa fóstrur stað-
góða þekkingu í öðrum al-
mennum greinum svo sem sögu,
almennri félagsfræði, líffæra-
fræði og listgreinum. Nemendur
þurfa einnig að hafa tileinkað sér
sjálfstæð vinnubrögð í námi.
Fósturmenntun á
Norðurlöndum
Fósturmenntun á Norður-
löndum fer nú yfirleitt fram í sér-
skólum að loknu stúdentsprófi,
eða £ tengslum við kennaranám
og þá sem sérdeild innan kenn-
araháskóla.
Þetta er í fullu samræmi við
stefnumörkun Evrópuráðsins frá
áttunda áratugnum um menntun
og stöðu fóstrunnar, en þar var
meðal annars lögð áhersla á að
gerðar væru sambærilegar
menntunarkröfur til fóstru og
kennara á grunnskólastigi.
Við samanburð á inntökuskil-
yrðum Fósturskóla íslands og
inntökuskilyrðum í nágranna-
löndum okkar er augljóst að inn-
tökuskilyrði Fósturskóla íslands
eru síst of ströng svo ekki sé fast-
ar að orði kveðið.
Gyða Jóhannsdóttir
skóiastjóri
Hvers eiga íslendingar að gjalda
Nú þegar samningar hafa tek-
ist og við launaþrælar erum að
undirbúa komu jólanna, þá fer
ekki hjá því að fleira komi upp í
hugann.
Það læðist að manni sá grunur
að þessir samningar hafi verið
framkvæmdir í skugga væntan-
legra kosninga og menn hafi ekki
verið tilbúnir til að gefa sér nema
takmarkaðan tíma í samningana.
Þurfa kannski einhverjir að fara
að huga að framboðsmálum?
En hvað eigum við launþegar
að gera og hverjir eru kostir okk-
ar þegar vorar og gengið verður
til kosninga. Það virðist ekki vera
að það sé að vænta neinna
breytinga frá alþingi, menn halda
áfram að giska á hitt og þetta og
virðast alltaf hafa lag á því að
hafa rangt fyrir sér, svo það þarf
að reyna að giska aftur. Svo trú-
lega rekur okkur nú enn um ó-
komin ár nema tími kraftaverk-
anna sé ekki liðinn.
Alþýðuflokkurinn er nú enda-
nlega orðinn að hagsmunafélagi
ríkisstarfsmanna svo að hann
mun ekki átta sig á uppruna sín-
um. Blessað Alþýðubandalagið
snýst í hringi og virðist alveg vera
orðið áttavilt, enda ekki að furða
þar sem forsvarsmenn þess eru
uppteknir við að þykjast ekki
vera hver á móti öðrum.
Samspil Framsóknar og Sjálfs-
tæðisflokks er með líkum hætti og
þegar þeir sænguðu saman síðast.
Þeir láta enn stjórnast af inn-
lendum og erlendum fjármagns-
öflum. Enda ekki að furða þar
sem þeir hafa ekki úr öðru að
spila en pabbastrákum sem þeir
hafa haft á framfæri frá fæðingu
og losna ekki við nema koma
þeim á nkisjötuna. Það er alltaf
gaman að því hvað sumir geta
verið samkvæmir sjálfum sér.
Það e.ru að vísu fleiri sem munu
gefa kost á sér en þeir teljast varla
valkostur.
Sú hugmynd er að fá aukið
fylgi, að landshlutarnir þurfi að
taka meiri þátt í stjórnun sinna
mála og hafa meiri stjórn á þeim
tekjum sem þeir afla fyrir þjóðar-
búið.
Það hefur heyrst sú hugmynd,
sem vert er að gefa gaum, að
fækka skuli þingmönnum og þeir
verði ekki fleiri en 30. Það eru
jafnvel til menn sem álíta, að
margir þingmenn sem missa
mundu sæti gætu verið hinir nýt-
ustu menn á frjálsum vinnumark-
aði þó flokkamir yrðu sjálfsagt
að sjá um aðra.
Þessir menn ættu að verða
kjörnir með þeim hætti að helm-
ingur þeirra kæmi inn á þing með
atkvæðamagni en hinn helming-
urinn með þeim hætti að lands-
hlutarnir fengju þingmenn eftir
hlutfalli af útflutningstekjum.
Þar sem alltaf er verið að bítast
um peninga þá er orðið tímabært
að þeir aðilar sem afla þeirra fái
aukna hlutdeild í dreifingu
þeirra.
í von um að það sé enn fólk
sem hefur tíma frá brauðstritinu
til þess að hugsa sjálfstætt en láta
ekki mata sig á öllum hlutum
sendi ég þessa jólakveðju og
vona að næsta ár boði betri tíð,
ekki bara í spá Þjóðhagsstofnun-
ar heldur hjá þeim launaþrælum
sem nú voru að fá launahækkun í
vinstra vasann úr þeim hægri.
Reynir Sigurðsson
býr í Keflavík.
Það lœðist að manni sá grunur að þessir
samningar hafi verið framkvœmdir í
skugga vœntanlegra kosninga og menn
hafi ekki verið tilbúnir til að gefa sér
nema takmarkaðan tíma ísamningana.
Þurfa kannski einhverjir aðfara að huga
að framboðsmálum?
Þriðjudagur 23. desember 1986 ÞJÓÐVILJINN — SÍÐA 5