Þjóðviljinn - 23.12.1986, Blaðsíða 6

ALÞYÐUBANDALAGIÐ
Alþýðubandalagið Akranesi
Jólafagnaður
Félagar og stuðningsmenn mætið á jólafagnaðinn á sunnudag 28. des-
ember kl. 15.00 í Rein.
Kaffi og kökur. Komið og eigið notalega stund með börnunum. Jóla-
sveinninn kemur í heimsókn.
Nefndin
©
Blikki&jan1
Iðnbúð 3, Garðabæ.
Önnumst hverskonar blikksmíði.
Gerum föst verðtilboð.
46711
IAUSAR STÖÐUR HJÁ
REYKJAVÍKURBORG
Nýtt heimili - þroskaþjálfar
og aimennt starfsfólk
Viö opnun á nýju skammtímavistheimili fyrir fötl-
uð börn við Alfaland, vantar okkur til starfa
þroskaþjálfa, almennt starfsfólk, starfsmann í
eldhús og á næturvaktir, vaktavinna - hluta-
starf.
Umsóknarfrestur er til 07.01. 1987.
Upplýsingar veitir forstöðumaður í síma 18797.
Umsóknum ber að skila til Starfsmannahalds
Reykjavíkurborgar, Pósthússtræti 9, 5. hæð, á
sérstökum eyðublöðum sem þar fást.
Söluskattur
Viðurlög falla á söluskatt fyrir nóvembermánuð
1986, hafi hann ekki verið greiddur í síðasta lagi
29. þ.m.
Viðurlög eru 4% af vangreiddum söluskatti fyrir
hvern byrjaðan virkan dag eftir eindaga uns þau
eru orðin 20%, en síðan reiknast dráttarvextir til
viðbótar fyrir hvern byrjaðan mánuð, talið frá og
með 16. janúar.
Fjármálaráðuneytið 17. desember 1986.
HAFNARSUÓRINNI REYKJAVfK
Pósthólf 382 121 Reykjavík
Senn líður að áramótum!
Þeir bátar sem legið hafa í reiðileysi á hafnar-
svæðinu, og fluttir hafa verið á sorphaugana við
Gufunes, verða brenndir á borgarbrennunni, gefi
eigendur sig ekki fram við skipaþjónustustjóra
Reykjavíkurhafnar fyrir 29. desember 1986.
Hafnarstjórinn í Reykjavík.
Eiginmaður minn
Snorri Gunnlaugsson
bóndi, Esjubergi Kjalarnesi
andaðist 19. þ.m.
Útförin auglýst síðar.
Sigríður Gísladóttir.
FRA LESENDUM
„Forráðamönnum Bylgjunnar ætti að vera metnaðarmál að senda út á vönduðu og réttu máli,“ segir bréfritari.
Blöskrar málfarið
á Bylgjunni
Lesandi skrifar:
Það eru fáir hér á suðvestur-
horni landsins, sem komast hjá
því að heyra það sem fer fram á
Bylgjunni og er ég ein þeirra.
Mér hafa oft blöskrað ambögur
og málvillur hjá stjórnendum
þáttanna og virðist sem þar hafi
valist til starfa menn sem kunna
lítt skil á beygingarreglum og
öðrum málfræðiatriðum í ís-
lenskri tungu. Algeng orð og
mannanöfn eru rangt beygð, þág-
ufallssýki heyrist, áherslur oft
rangar og sumir virðast ekki
kunna að lesa upphátt. Auk þess
hafa sumir stjórnendur ekkert að
segja frá eigin brjósti og er þeir
voga sér út í þá sálma, hefði
stundum verið betra að láta það
ógert.
En steininn tók úr miðviku-
dagskvöldið 17. desember sl. er
ung leikkona var að spila jólalög
fyrir hlustendur og ég heyrði
hana kynna hinn fagra jólasálm
„Nóttin var sú ágæt ein“ eftir Ein-
ar í Eydölum á þá leið að textinn
væri eftir Einar Sigurðsson, ekki
útvarpsstjóra Bylgjunnar, heldur
einhvern Einar Sigurðsson, sem
hefði verið uppi á nítjándu öld.
Veit ekki ungt fólk, sem hefur
orðið sér úti um menntun, hver
Einar Sigurðsson í Eydölum var?
Er þetta tímanna tákn?
Eg tel að forráðamönnum
Bylgjunnar ætti að vera metnað-
armál að senda út á vönduðu og
réttu máli. Hlustendur stöðvar-
innar eru að megninu til unga
kynslóðin, sem tileinka sér og tal-
ar það mál, sem hún heyrir í
kringum sig. Jafnframt er það
sjálfsögð krafa til þeirra, sem
hafa tekið að sér að sjá um þætti
af hvaða tagi sem er, að þeir
undirbúi sig undir lágmarkskynn-
ingu á því efni, sem þeir ætla að
flytja.
Engin vopnaleikföng í pakkana!
„Upp’ á loft, inn’ í skáp
eru jólapakkar.
Titra öll af tilhlökkun
tindilfættir krakkar. “
Nú er tími mikilla anna og
amsturs, því hátíð friðar, Ijóss og
barna er í nánd. Pað er siður ís-
lendinga að gera sér glaðan dag
og gleðja ættingja og vini með
gjöfum og samvistum.
Eins og áður eru verslanir upp-
fullar af leikföngum þar sem boð-
ið er upp á meðal annars fjöl-
breytilegt úrval stríðsleikfanga.
Þetta eru leikföng sem eru ná-
kvæm eftirlíking vopna sem not-
uð eru í raunveruleikanum f
stríðum úti í heimi. Þetta eru
eftirlíkingar af drápstækjum og
morðtólum ýmissa manna og
þjóða.
Margir foreldrar eru undir
þrýstingi frá barni sínu um að
kaupa og gefa því þannig
leikföng. Kannski af því að vinur-
inn í næsta húsi á þannig tól.
En er ekki rétt að doka við og
athuga málið?
Hvað erum við að gera ef við
gefum barninu okkar slíkt
leikfang?
Mjög margir tala um að leikur
með þessum leikföngum hætti að
vera spennandi og barnið vaxi
upp úr honum. Það er oft á tíðum
rétt, en um leið og barninu er
gefið byssa, bogi o.þ.h. leikföng,
þá er verið að ýta undir leik sem
einkennist af árásum, ofbeldi og
valdbeitingu og sá fullorðni
viðurkennir leikinn um leið og
gjöfin er gefin.
Viljum við að börnin leikin
með nákvæma eftirlíkingu af
morðtækjum, eða að þau alist
upp við að stríð og ofbeldi sé
leikur?
Tökum nú höndum saman og
veljum af kostgæfni hvað fer í
jólapakka barnanna okkar.
F.h. Friðarhóps fóstra,
Margrét Hákonardóttir, fóstra.
Sigurhanna V. Sigurjónsdóttir,
fóstra.
„Helg em jól“
Jólahátíðin er í aðsigi. Helg-
asta hátíð kristinna manna, Ijós í
skammdegismyrkrinu. Sú hátíð
sem hlýjan 'og einlægni og vel-
vildin nær hámarki í samskiptum
manna. Við bjóðum hver öðrum
gleðileg jól, sendum vinum og
kunningjum árnaðaróskir á fögr-
um jólakortum. Aldrei er meira að
gera ( samskiptum manna. Og
allir keppa að því að vera heima
um jólin. Friður á jörðu, því faðir-
inn er, fús þeim að líkna sem til-
reiðir sér syngjum við.
En eiga allir þá sönn og gleði-
leg jól? Ó nei, því er miður.
Freistingarnar eru á hverju strái.
Gróðahyggjan lætur ekki heilög
jól í friði. Undarlegir menn sem
þurfa að græða á breyskleika
náunga síns. Hver skilur þetta?
Áfengi og eiturefni sem eiga ekki
að koma nálægt helgidómi jól-
anna, virðast alltaf geta smogið
inn ogm menn finna ótrúlegustu
leiðir til að leiða asnann í herbúð-
irnar, kveikja í, leiða í freistni og
þó biðjum við í bæninni okkar um
að leiða oss ekki í freistni. Gróða-
hyggjan lætur ekki tækifærin frá
sér fara. Hún finnur upp á að
kalla vímugjafann Jólaglögg.
Einkennileg uppfinning. En hvað
er í þessu jólaglöggi sem ríður nú
húsum í hverri stofnun, jafnvel
sjúkrahús og annað ekki undan-
tekið?
Áfengi og aftur áfengi og styrk-
leikinn ekki nefndur. Og
freistingin er enn á fullum krafti.
Hvílíkar jólahugleiðingar. Og
hvað vinnst? Svari þeir sem þessa
iðju stunda. Þú færð enga jóla-
gleði í gegnum vímuna. Og ef við
viljum hvert öðru gott þá eigum
við að útiloka allt slíkt á hátíð
hátíðanna. Við höfum nóg af
heilnæmum drykkjum. Þetta
skulum við íhuga um leið og við
fögnum komu jólanna. Einn ung-
ur vinur minn orti í sinni byrjun
um jólaglöggið: Jólaglögg - er
hnefahögg - í heilbrigt líf.
Vímulaus jól eru takmark
hvers hugsandi manns og þeim
sem vill þjóðfélaginu vel. Það er
engin spurning. Ihugum þetta og
hjálpum hver öðrum að bæta
þjóðlífið. Fækkum tárum.
Aukum velsæld. Kjörorð jól-
anna. Um leið og ég sendi lands-
mönnum öllum farsælar óskir um
góð og gleðileg jól, bið ég þess að
þessi vímuefnaflóðgátt sem nú
streymir um, megi þorna, hug-
sjónir rætast, þá mun aftur
morgna.
Arni Helgason, Stykkishólmi.
6 SfÐA - ÞJÓÐVILJINN