Þjóðviljinn - 26.03.1987, Blaðsíða 3

Lœknaráð Landspítalans
Þjóðarvá
fynr dymm
Fjármálaráðherra virðistekki vita hvað
raunverulega er að gerast
„Stjórn læknaráðs Landspítal-
ans lýsir yfir vaxandi áhyggjum
vegna verkfalla og uppsagna
starfsfólks á Ríkisspítölunum.
Staðan er þegar orðin alvarleg
vegna verkfallsins. Þann 1. apríl
bætast svo við uppsagnir yfir 300
sérhæfðra starfsmanna. Þar með
stefnir f algert neyðarástand.
Málið verður að leysa og það
strax. Verkfallslög gilda ekki um
það sérmenntaða starfsfólk
Ríkisspítalanna, sem ætlar að
hverfa til annarra starfa eftir 1.
apríl. Ekki verður því hægt að
beita lagaákvæðum um neyðar-
þjónustu gagnvart þessu fólki.
Ekki er heidur unnt að ráða nýtt
fólk í þær stöður sem losna. Það
hefur þegar verið reynt árangurs-
laust.
Liðnir eru 6 mánuðir síðan
þessar uppsagnir fóru að berast.
Þær eru óháðar yfirstandandi
verkföllum og eiga einfaldlega
rætur að rekja til þess að sér-
menntað starfsfólk Ríkisspítal-
anna býr við verulega lakari kjör
en því býðst á öðrum opinberum
stofnunum svo að ekki sé talað
um einkafyrirtæki. Mörgum hafa
þegar boðist betur launuð störf.
Stjóm Ríkisspítalanna hefur ver-
ið öll af vilja gerð til að leiðrétta
þetta alvarlega misræmi en er í
reynd valdalaus. Hún hefur ekki
fengið til þess brautargengi hjá
fjármálaráðuneytinu sem ræður
ferðinni. Stjóm læknaráðs telur
að hér sé um að ræða hina verstu
miðstýringu. Ákvörðunarvaldið
er hjá þeim, sem ekki virðast vita
hvað raunvemlega er að gerast.
Vitaskuld ætti það að vera hjá
stjómendum Ríkisspítalanna.
Stoðunum er kippt undan mikil-
vægustu heilbrigðisstofnun
landsins og heilbrigðisþjónust-
unni stefnt í hreinar ógöngur.
meðal annars mun starfsemi
Blóðbankans lamast. Þar með
verða skurðlækningar að mestu
aflagðar á öllum sjúkrahúsum
landsins. Einnig blóðgjafir fyrir
slasaða og sjúklinga með krabba-
mein. Þessari vá verður að bægja
frá.“
FRETTIR
Thorvald Stoltenberg, utanríkisráðherra Noregs: Trúi því að árangur náist á fundinum í Reykjavlk. Mynd: Sig.
Kjarnorkuvopnalaus Norðurlönd
Stoltenberg bjartsýnn
Strandið við Rif
Náðist á flot
Á strandstað voru níu-tíu vindstig.
Varðskipsmenn urðu að brenna
dráttartaugina ísundur
Varðskipið Óðinn náði danska
flutningaskipinu Arktis River
af strandstað við Rif um tvöleytið
f fyrrinótt.
Að sögn Þrastar Sigtryggs-
sonar í stjórnstöð Landhelgis-
gæslunnar var skipið farið að
ramba til á grjótrifinu þegar fór
að gæta háflæðis og var þá gerð
tilraun til að kippa í það og tókst
hún með ágætum miðað við að-
stæður.
Á strandstað vom þá komin
níu-tíu vindstig og stóð vindurinn
aftan á skipið og inn á stjórn-
borðshlið þess.
Þegar skipið var komið á flot
lentu varðskipsmenn í erfið-
leikum við að losa dráttartaugina
og var þá tekið á það ráð að
brenna vírinn í sundur þar sem
hann var í danska skipinu.
Sigldi skipið síðan af vettvangi
fyrir eigin vélarafli en fljótlega
fór að bera á ofhitnun í vélinni
sem gerði það að verkum að ferð-
in til Reykjavfkur tók lengri tíma
en ella. Var búist við skipunum til
Reykjavíkur um fimmleytið í
gær. Þar var ætlunin að kafarar
könnuðu skemmdir á botni skips-
ins, en sem kunnugt er þá var
farið að leka úr olíugeymum þess
á strandstað. grh.
Thorvald Stoitenberg, utan-
rfkisráðherra Noregs, lýsti þvf
yfir á fréttamannafundi f gær að
hann væri bjartsýnn á að árangur
næðist á fundi utanríkisráðherra
Norðurlandanna, en honum lýk-
ur í dag. Hann var spurður hvort
hugmyndin um kjarnorkuvopna-
laus Norðurlönd hefði mætt meiri
andstöðu fslensku ríkisstjórnar-
innar en hann hefði átt von á, og
vildi hann ekki úttala sig um það
að svo stöddu. Það væri enda ekki
tímabært að svara spurningunni
fyrr en utanríkisráðherrarnir all-
ir hefðu fundað, en þó sagðist
hann vona það og trúa þvf að ár-
angur næðist á fundinum.
í skýrslu norrænu þingmanna-
nefndarinnar um kjamorku-
vopnalaus Norðurlönd er lögð
áhersla á að svæðið sem um er að
ræða nái yfir löndin öll; Dan-
mörku, Noreg, Svíþjóð, Finn-
land, ísland, Færeyjar, Græn-
land og Álandseyjar. Stoltenberg
kærði sig ekki um að tjá sig um
hvað gerðist ef íslendingar tækju
ekki þátt. Slíkar vangaveltur
yrðu að bíða þar til niðurstöður
lægju fyrir úr viðræðum utanrík-
isráðherianna.
Þá var Stoltenberg spurður
hvaða áhrif kjarnorkuvopnalaus
Norðurlönd hefðu á aðstæður í
Mið-Evrópu. Hann sagðist von-
ast til að ef Norðurlönd yrðu lýst
kjarnorkuvopnalaust svæði þá
mundi það stuðla að fækkun
kjarnorkuvopna bæði í austri og
vestri. Það væri ekki einasta hægt
að líta á málið í landfræðilegu
samhengi; hvaðeina sem stuðlaði
að því að til fækkunar kjarnorku-
vopna kæmi væri árangur. Hér
væri heldur ekki um einangraða
aðgerð að ræða. Leiðarhnoðað í
öllum vangaveltum um kjam-
orkuvopnalaus Norðurlönd ætti
að vera aukið öryggi í Evrópu,
ekki öfugt.
Stoltenberg var spurður út í
tengsl Noregs við Efnahags-
bandalagið. Hann kvað það ekki
í sínum verkahring að svara
spumingum um hrein og bein
framkvæmdaatriði, en á hinu
væri sér engin launung að Norð-
menn væru ekki á leiðinni að
sækja um aðild. Á hinn bóginn
gæti nánara samstarf Norðmanna
við ríki Efnahagsbandalagsins
haft þýðingu fyrir ísland, og þá
ýmis vandamál í för með sér, en á
slíku yrði að taka þegar þar að
kæmi.
Að lokum kom viðskiptabann
á Suður-Afríku til tals. Aðspurð-
ur sagði Stoltenberg að Norð-
menn gengju út frá algjöru við-
skiptabanni, en þó væri undan-
tekning þar á, sem væri olían.
Annars lægi afstaða
Norðurlandaþjóða ljós fyrir í
þessu máli, nema helst íslend-
inga. Sagðist hann vonast til að
unnt yrði að komast að sameigin-
legri niðurstöðu varðandi við-
skiptabann.
-HS
Náttúrufrœðingar
Engar
veðurspár
Verkfall náttúrufræðínga, sem
boðað hefur verið frá 30. mars
mun hafa mjög vfðtæk áhrif, ef til
þess kemur. Allir veðurfræðing-
ar á Veðurstofu Islands, 26 að
tölu, eru í FÍN og aðeins yrði veitt
undanþága fyrir tvo menn á spá-
deild og deildarstjóra tölvu-
deildar.
Að sögn Hreins Hjartarsonar
veðurfræðings verður aðeins
haldið uppi nauðsynlegustu ör-
yggisþónustu, svo sem stormað-
vörunum og veðurspám vegna
sjúkraflugs. -vd.
Samtök herstöövaandstæðinga
Baráttufundur
Að Hótel Borg sunnudaginn 29. mars klukkan 15
Á DAGSKRÁ ER: /
Setning fundarins:
Ingibjörg Haraldsdóttir formaöur SHA
Söngur:
Guðrún Hólmgeirsdóttir
Ávarp:
Vigfús Geirdal
Tónlist:
Hjörleifur Valsson leikur á fiðlp
Upplestur og söngur:
Aðalsteinn Bergdal leikari
Baráttulög:
Bubbi Morthens
Ræða dagsins:
Birna Gunnlaugsdóttir háskólanemi
Þon/aldur örn Arnason
stjórnar fjöldasöng á fundinum
Fundarstjóri er
Jón Múli Árnason
Inglbjörg
Guðrún
Vigfús
Aðalsteinn
Bubbi
Blma
Þorvaldur
Jón Múli