Þjóðviljinn - 06.06.1987, Blaðsíða 2

—SPURNINGIN—
Á fundi NATO-ríkjanna á
íslandi í næstu viku verð-
ur m.a rædd sú hug-
mynd að flytja meðal-
drægar kjarnorkuflaugar
frá Evrópu í Norðurhöfin.
Óttast þú að þetta geti
orðið að veruleika?
Sigfús Baldursson
nemi:
Já, ég óttast aö þróunin verði sú
að þeir auki kjarnorkuvígbúnað í
höfunum almennt og fjölgi jafn-
framt langdrægum flaugum.
Björgvin Sigurðsson
matsmaður:
Ég tel einfaldlega að þeir eigi að
fækka þessu öllu saman og
hætta þessu rugli.
Jón Halldórsson
ellilífeyrisþegi:
Ég vil losna við öll kjarnorkuvopn.
Þuríður Gunnarsdóttir
atvinnulaus:
Ég er andvíg öllum kjarnorku-
vopnum.
Guðrún Gígja Karlsdóttir
afgreiðslustúlka:
Ég gæti alls ekki sætt mig við það
að þetta yrði þróunin. Það þarf að
útrýma öllum kjarnorkuvopnum.
FRÉTTIR
Vinnumarkaðurinn
Þenslan fér sívaxandi
Vantaði Í3200 stöður í apríl. Ekkert bendir til minnkandi þenslu. Ásmundur
Stefánsson: Líkur á vaxandi verðbólgu og auknu launamisrétti. Verður að koma í
vegfyrir að þeir lœgra launuðu sitji eftir
Mjög mikil þensla er á vinn-
umarkaðaðinum og meiri en
verið hefur undanfarin misseri.
Eftirspurn eftir vinnuafli er mikil
og er talið að í aprfl hafi vantað
fólk í 3200 stöður á landinu.
Þjóðhagsstofnun og Vinnu-
málaskrifstofa félagsmálaráðu-
neytisins hafa gert könnun á at-
vinnuástandinu í apríl og horfum
í sumar og niðurstaða þessara að-
ila er sú að þenslan fari sívaxandi
og ekkert bendi til þess að hún
muni minnka með haustinu.
Könnunin náði til atvinnu-
greina með yfir 84 þúsund árs-
verk árið 1985, en landbúnaður,
fiskveiðar, póstur og sími og op-
inber þjónusta nema sjúkrahúsin
voru undanskilin.
í ljós kom að á höfuðborgar-
svæðinu voru 1500 ófylltar stöður
í apríl, en á sama tíma í fy rra vant-
aði fólk í um 600 stöður.
Atvinnuleysi var mun minna í
apríl sl. en á sama tíma í fyrra.
Vinnuaflsskortur er mest áber-
andi í fiskvinnslu utan höfuð-
borgarsvæðisins, í ýmsum iðn-
greinum og á sjúkrahúsum og
velferðarstofnunum, eins og
segir í frétt frá Þjóðhagsstofnun.
„Það er augljóst að atvinnu-
ástand er gott og eftirspurn eftir
fólki er mikil á flestum sviðum.
Það er einnig ljóst að það ríkir
mikil þensla í þjóðfélaginu, ekki
aðeins á vinnumarkaðinum,
heldur alls staðar og sú þensla er
líkleg til þess að skila sér í vax-
andi verðbólgu og auknu launa-
skriði og þannig vaxandi mis-
gengi á milli hinna ýmsu hópa
launafólks. Þessar staðreyndir
knýja enn frekar á um nauðsyn
þess að gildandi kjarasamningar
verði teknir til endurskoðunar
strax til þess að koma í veg fyrir
að þeir lægra launuðu sitji eftir,“
sagði Ásmundur Stefánsson, fors-
eti ASÍ, þegar Þjóðviljinn leitaði
álits hans á þessu í gær. ~gg
Forvarnaraðgerðir gegn kransæðasjúkdómum og öðrum æðasjúkdómum ásamtlæknum. Frávinstri:HjördísKröyer,GuðmundurÞorgeir8sonlæknir
virðast vera vænlegasti kosturinn í baráttunni við þessa sjúkdóma á meðan á Landspítala, Stefán Júlíusson, Uggi Þórður Agnarsson læknir og Nikulás
engin varanleg lækning á þeim er þekkt. Á þeim grunni starfar rannsóknastöð Sigfússon yfirlæknir.
Hjartaverndar og hefur gert í 20 ár. Á myndinni eru forvígismenn Hjartaverndar
Rannsóknastöð Hjartaverndar 20 ára jj
Heilbrigði tryggir lengra líf
Aðalverkefnið áþessum tíma er hóprannsóknir. 70þúsund einstaklingar hafa verið skoðaðir.
■ 20 ára starfstíma rannsókna-
Mstöðvar Hjartaverndar frá
1967 hafa helstu áhættuþættir
hjarta- og æðasjúkdóma færst
nyög í rétt horf. Sígarettureyk-
ingamönnum hefur fækkað, með-
ferð háþrýstings batnað mjög og
á síðustu árum hefur blóðfita far-
ið lækkandi.
Á þessu tímabili hafa um 70
þúsund einstaklingar um land allt
verið skoðaðir. Aðalverkefni
rannsóknastöðvar Hjartaverndar
hefur verið mjög umfangsmikil
hóprannsókn á miðaldra fólki á
Reykjavíkursvæðinu. í hópnum
eru nánast allir íbúar Reykjavík-
ur og nágrennis sem fæddir voru
1907-1934, alls um 15 þúsund
karlar og 15 þúsund konur. Með
þessum hóprannsóknum hefur
verið aflað mikilvægra upplýs-
inga með tilliti til hjarta- og æð-
asjúkdóma, sem auðveldað hafa
baráttuna við þá og varnir gegn
þeim.
Langtímarannsóknir eins og
hóprannsókn Hjartaverndar
skapa möguleika á að fylgjast
með breytingum á heilsufari
þjóðarinnar og hvaða þættir það
eru sem valda þessum breyting-
um
Sé litið á dánartölur af völdum
kransæðasjúkdóma, hækkuðu
þær stöðugt til ársins 1970, en
eftir það hættir aukningin og ef til
vill byrjar tíðnin að minnka.
Svipuðu máli gegnir um slag.
Þróun af þessu tagi hefur átt sér
stað í nokkrum löndum undan-
farin 10-15 ár og þakka menn það
fyrst og fremst breyttum lifnaðar-
háttum fólks, það er minnkandi
sígarettureykingum, bættum
neysluvenjum og auknu eftirliti
og meðférð á háþrýstingi.
Forvarnaraðgerðir gegn krans-
æðasjúkdómum og öðrum æðasj-
úkdómum virðast því vænlegasti
kosturinn í baráttunni við þessa
sjúkdóma á meðan engin varan-
lega lækning á þeim er þekkt.
grh
Verkamannabústaðir
Ibúar stofna landssamtök
Tilgangur samtakanna er að gæta hagsmuna félagsmanna gagnvart
löggjafar- og framkvæmdavaldi
Ibúar í verkamannabústöðum
una því ekki lengur að fá afsal af
íbúð sem táknar að þeir séu
eigendur hennar en geta síðan
hvorki selt hana né leigt. Okkur
finnst að með þessu fyrirkomu-
lagi, eins og það hefur verið, sé
eignarrétturinn skertur og því
viljum við breyta, segir Haraldur
Jónasson, lögfræðingur Samtaka
eigenda íbúða í verkamannabú-
stöðum.
1. maí síðast liðinn voru stofn-
uð í Reykjavík Samtök eigenda
íbúða í verkamannabústöðum og
er tilgangur með stofnun samtak-
anna að gæta hagsmuna félags-
manna sem forsvarsaðili
gagnvart löggjafar- og fram-
kvæmdavaldi og veita félags-
mönnum sínum ráðgjöf. Samtök-
in eru landssamtök og aðildarrétt
á sérhver eigandi íbúðar í verka-
mannabústað og umsækjendur
slíkra íbúða.
„Skráður eigandi fbúðar í
verkamannabústöðum greiðir af
íbúðinni öll gjöld og annað eins
og fullgildur eigandi en þegar
kemur að endursölu eða viðkom-
andi vill leigja hana, stendur allt
fast. Með stofnun þessara sam-
taka ætlum við að fá þessu breytt
með samningum án þess þó að
vera með einhvern hávaða né
annan ámóta æsing. Heldur vilj-
um við að menn setjist niður og
reyni að greiða úr þessum málum
af skynsemi,” sagði Haraldur
Jónasson lögfræðingur.
grh
2 SÍÐA — ÞJÓÐVILJINN Laugardagur 6. júní 1987