Þjóðviljinn - 03.07.1987, Blaðsíða 7

Sudur-Kórea
Verður Kwangju sárið grætt?
Ráðamenn hyggjast gefa uppreisnar
leiðtogum upp sakir, greiða œttingjum
myrtra skaðabœtur og reisa
minnismerki
Stjórn Suður-Kóreu heldur
áfram að koma mönnum í
opna skjöldu. Um síðustu helgi lét
hún undan þrýstingi almennings í
landinu og boðaði frjálsar kosn-
ingar, frelsi til handa samvisku-
föngum og afnám ritskoðunar. í
gær kvaðst hún ætla að leggja sitt
af mörkum til að bæta fyrir of-
beldisverk sín í Kwangju en árið
1980 lét Chun forseti dáta sína
þar í borg drekkja uppreisn gegn
herforingjastjórninni í blóði.
Broddar úr flokki Chuns,
Lýðræðislega réttlætisflokknum,
kváðust ætla að setja á laggirnar
nefnd sem á að ákveða bóta-
greiðslur til ættingja fórnarlamb-
anna. Ennfremur hyggst stjórnin
gefa leiðtogum uppreisnarmanna
upp allar sakir, reisa minnisvarða
um fallna og „hugsanlega biðjast
afsökunar"!
Einn flokksforkólfanna sagði
við þetta tækifæri: „Þótt nú séu
liðin 7 ár frá því þjóðar-
harmleikurinn átti sér stað eru
sárin ekki gróin.“
Samkvæmt upplýsingum ráða-
manna féllu 193 einstaklingar
fyrir hendi hermanna í Kwangju
en stjómarandstæðingar í borg-
inni fullyrtu nýverið að mönnum
væri óhætt að margfalda þá tölu
með fimm til að komast nærri
sannleikanum. Harmleikurinn
hefur allar götur síðan verið lík í
lest Chunstjórnarinnar og and-
ófsmenn hafa ávallt sagt að stjórn
sem skíri sig í blóði þegna sinna
hafi enga lögsögu yfir þjóðinni.
Svipmynd frá Kwangju í maí árið 1980. Fórnarlömb herböðlanna liggja í líkkistum og ættingjar harma.
Hinn þekkti andófsmaður Kim
Dae-Jung var einn af forsprökk-
Vesturevrópuher
Hollendingar
hlynntir
Hollenska varnarmálaráðherranum líst vel á hugmyndir
stjórnarinnar í Bonn umfransk/þýskan her sem yrði vísir að
aukinni hernaðarsamvinnu þjóða Vestur-Evrópu
um uppþotsins í Kwangju og það
var ekki fyrr en á mánudag að
honum voru gefnar upp „sakir“.
Chun Doo Hwan forseti og
Roh Tae-Woo, formaður Lýð-
ræðislega réttlætisflokksins, vom
báðir hershöfðingjar á þessum
tíma og komu við sögu í
Kwangju. Þeir eru í hópi fimm
yfirmanna í hemum sem andófs-
menn í borginni nefna „illmennin
fimm“ því það vom þeir sem gáfu
skipanirnar um hrannvígin.
-ks.
Frakkland
Mitteirand í uppáhaMi
Forsetinn hefur myndarlegtforskot á
aðra líklegaframbjóðendur í
forsetakosningum að ári. Fasistanum
Le Pen vex ásmegin
Samkvæmt nýrri skoðana-
könnun eru flestir Frakka
áfram um að Francois Mitter-
rand forseti sitji um kyrrt í Elyse-
ehöllinni. Vinsældir forsetans
hafa aukist jafnt og þétt frá því
flokkur hans beið ósigur í þingk-
jöri í fyrra og þykir hann hafa
haldið vel á spöðunum í „sam-
búðinni“ við Jacques Chirac for-
sætisráðherra hægristjórnarinn-
ar.
í könnun vikublaðsins Ipsos
kom í ljós að 37 af hundraði kjós-
enda hyggjast greiða forsetanum
atkvæði í fyrri umferð forseta-
kosninga, gefi hann kost á sér á
ný. Ennfremur kom fram að
hann myndi léttilega sigra báða
frambjóðendur hægri manna,
væntanlega Chirac eða Raymond
Barre, í síðari umferð.
Niðurstaðan er keimlík þeirri
sem birt var í sama blaði í maí en
þá kváðust 39 af hundraði ætla að
ljá Mitterrand atkvæði í fyrri um-
ferð.
Það vekur athygli að í nýju
könnuninni kemur í ljós að fas-
istinn Le Pen nýtur aukins fylgis
þótt engar líkur séu á því að hann
komist í aðra umferð. En ef nið-
urstaðan gefur trúverðuga mynd
af viðhorfum Frakka þá vilja 13
Francois Mitterrand Frakklandsfors-
prósent að hann verði forseti -ks.j eti frammi fyrir Elyseehöll.
Hollcndingar eru til í tuskið ef
hugmyndir Vesturþjóðverja
um vesturevrópskan her fá byr í
seglin.
I síðasta mánuði hóf Helmut
Kohl, kanslari Vestur-
Þýskalands, máls á því að
æskilegt væri að Frakkar og Vest-
urþjóðverjar kæmu sér upp sam-
eiginlegri hersveit í því augna-
miði að efla styrk evrópskra að-
ildarþjóða NATÓ. Hann kvað
síðar ekkert vera því til fyrirstöðu
að aðrar Vesturevrópuþjóðir
slægjust í hópinn.
Frakkar hafa tekið vel í þessar
tillögur og í gær lýsti varnarmála-
ráðherra Hollands, Wim van
Eekelen, því yfir á þingi að hann
væri ákaflega veikur fyrir hug-
myndinni og hygðist slá til ef
stóru nágrannarnir tveir láta
hana verða að veruleika.
Aðstoðarmaður van Eekelens,
van Vliet að nafni, kvað foringja
sinn mundu færa sér í nyt for-
mennsku sína í Vesturevrópu-
bandalaginu og leggja að öðrum
aðildarþjóðum að taka þátt í
stofnun Evrópuhers. Bandalag
þetta er skipað þingnefndum úr
sjö ríkjum og lætur hermál til sín
taka. Auk Hollendinga eiga
Frakkar, Vesturþjóðverjar,
Belgar, Italir, Luxemborgarar og
Bretar aðild.
En van Vliet bætir við: „Hvort
hugmyndin verður að veruleika
er alfarið undir frumkvæði Þjóð-
verja og Frakka komið. Við get-
um hreyft málinu á fundum og
lagt því lið en við erum lítils meg-
andi í samanburði við nágrann-
ana.“
-ks.
Vel búnir slagsmálahundar Noriegas leggja tll atlögu við herskáa náms-
menn.
Panama
Námsmenn
gegn Noriega
r
Igær skarst í odda með her-
skáum námsmönnum og
slagsmálahundum stjórnvalda
utan Þjóðarháskólans í Panama-
borg. Skólasveinar vilja stjórn
landsins norður og niður og eink-
um er þeim uppsigað við Noriega
hershöfðingja sem öllu stýrir á
bak við tjöldin.
Námsmennirnir hófu að reisa
götuvígi steinsnar frá háskólan-
um snemma í gærmorgun en þeg-
ar lögregla hugðist rífa nýbygg-
ingarnar eftir tveggja tíma þóf sló
í brýnu. Nemamir brúkuðu hnúa
og hnefa gegn gúmmíkúlum og
kylfum löggunnar í ójöfnum leik.
Samtímis streymdu þúsundir
landsmanna út á götur til að láta í
ljós andstöðu við stjórnina.
Menn veifuðu hvítum vasaklút-
um, þeyttu bflflautur og börðu
potta sína. Öllu var stefnt gegn
Noriega.
Á þriðjudag aflétti stjórnin
neyðarástandi sem lýst var yfir
vegna mikilla mótmæla gegn
stjórninni í fyrra mánuði. Sam-
dægurs og í fyrradag gengu
stjórnarsinnar fylktu liði að
bandaríska sendiráðinu og for-
dæmdu „frekleg afskipti Banda-
ríkjamanna af innanlandsmálum
Panarna". Ástæðan var sú að á
dögunum ályktaði öldungadeild
Bandaríkjaþings í þá veru að
Panamabúar myndu gera vel með
því að sparka Noriega úr valdast-
óli.
í fyrrakvöld var myndarlegri
styttu af Theodore Roosvelt,
fyrrum Bandaríkjaforseta, velt af
stalli í höfuðborginni. Hann var
potturinn og pannan í plotti sem
tryggði Panama sjálfstæði árið
1903 þannig að þetta var ekki fal-
lega gert.
-ks.
Föstudagur 3. júlí 1987 .ÞJÓÐVILJINN — SfÐA 7