Þjóðviljinn - 14.08.1987, Síða 2

FRETTIR
Bátalón h/f
r"SPURNINGIN“l
Hvemig finnst þér
Kringlan?
Lilja Steinþórsdóttir
afgreiðslumaður:
Hún er bara æðisleg. Flott miðað við
það sem maður hefur séð úti. Mér
finnst nú samt yfirleitt dýrt hérna. Föt
og annað.
Bragi Guðmundsson
bílstjóri:
Mér líst mjög vel á. Þetta er ofsalega
fínt hérna. Ég get ekki betur séð:
Bergljót Kristinsdóttir
húsmóðir:
Prýðileg. Mér finnst hún bara æði,
eins og krakkarnir segja.
Hinrik Grétarsson
yfirkokkur:
Mér líst vel á hana. Þetta er stórt,
margar verslanir og þægilegt að hafa
allt undir sama þaki. Svo er vöruúr-
valið gott.
Hákon Róbert Jónsson,
nemi:
Bara fín og flott að öllu leyti.
Næg verkefni í raðsmíði
Hjalti Sigfússon: Þriðji raðsmíðabáturinn sjósettur ífyrradag. 9.8 brúttó-rúmlestir. Kaupverð
með tilheyrandi búnaði um 11 milljónir króna. Skortur á iðnaðarmönnum
Þetta er þriðji báturinn sem við
sjósetjum af þeim bátum sem
við höfum í raðsmíði hjá okkur í
Bátalóni h/f í Hafnarfirði. Bátur-
inn er 9.8 brúttó-rúmlestir að
staerð, samkvæmt gömlu mæling-
arreglunum, en samkvæmt þeim
gömlu væri hann 16 tonn.
Kaupverðið með öllum útbúnaði
er um 11 milljónir króna, sagði
Hjalti Sigfússon, verkstjóri í
Bátalóni h/f, í samtali við Þjóð-
viljann í gær.
Að sögn Hjalta hafa verið
gerðir samningar um smíði 11
báta af þessari stærð hjá Bátalóni
h/f og auk þess eru þeir með í
smíðum 22 tonna bát, sem kemur
í stað annars sem dæmdur var í
úreldingu. Hann er smíðaður
fyrir togveiðar ýmiskonar, svo
sem á dragnót, innfjarðarrækju
og skelfiskveiðar. Þessi bátur fer
ásamt þeim sem sjósettur var í
fyrradag til Bíldudals.
Þessa stundina hefur skipasm-
íðastöðin nægileg verkefni út
þetta ár og það næsta. Er það
óvenjugott miðað við mörg
önnur fyrirtæki í skipasmíðaiðn-
aðinum. Þrátt fyrir næg verkefni
veitist erfitt að fá mannskap til
vinnu, nema með mjög miklum
yfirborgunum. Sagði Hjalti að
það væri nú að koma fram sem
menn hafa lengi óltast að mjög
erfitt reynist að fá réttindamenn í
járniðnaði til starfa, þar sem lítið
af þeim útskrifaðist um þessar
Þriðji raðsmíðabáturinn rennur út úr Bátalóni. Mynd Ari.
mundir úr iðnskólum landsins.
Þá ber einnig nokkuð á því að
vélvirkjar, svo dæmi sé tekið,
leita í miklum mæli í önnur og
þrifalegri störf, sem gefa ekki
lakari laun, nema síður sé. grh
Bátsöngur
Tónleikar
í Kerinu
Snæfellsás ’87
Sáhfaxtaimót
undir Jökli
Margs konar heildrœnar aðferðir kynntar. Garðar Garðarsson
framkvœmdastjóri Þrídrangs: Mjög jákvœtt viðhorf gagnvart mótinu
Sálvaxtarmót verður haldið að
Arnarstapa á Snæfellsnesi um
helgina, og verður þar saman
komið mikið mannval þeirra sem
starfa að heildrænum aðferðum.
Þrídrangur, fræðslu- og upplýs-
ingamiðstöð fyrir heildrænar að-
ferðir, stendur fyrir mótshald-
inu.
„ Það er mjög jákvætt við-
horf gagnvart mótinu og við höf-
um orðið vör við mikinn stuðn-
ing,“ sagði Garðar Garðarsson,
framkvæmdastjóri Þrídrangs, í
spjalli við blaðið í gær. „Um tvö
hundruð manns eru þegar búin
að skrá sig á mótið og síminn
stoppar ekki. Þetta er allskonar
fólk; einstaklingar, fjölskyldur,
ungir og gamlir.“ Að sögn Garð-
ars er einnig talsvert um það að
útlendingar mæti til leiks.
Mótið verður haldið dagana
15. til 17. ágúst og er mótsstaður-
inn engin tilviljun að sögn frum-
kvöðlanna. Samkvæmt tíbeskum
heimildum er Snæfellsjökull ein
af sjö orkustöðvum jarðar. Forn-
ar sögusagnir herma að Bárður
Snæfellsás hafi gengið inn í jökul-
inn og gerst hollvættur hans. Það-
an er komin yfirskrift sálvaxtar-
mótsins; Snæfellsás ’87.
Dagskráin er mjög fjölbreytt.
Öllum þeim sem starfa að
heildrænum aðferðum er boðin
aðstaða til að kynna aðferðir
sínar, í formi fyrirlestra, nám-
skeiða, einkaviðtala, bæklinga
eða á annan hátt. Reifuð verða
efni á borð við heilun, jurtalækn-
ingar, stjörnulíffræði, Bahaitrú,
Ekemþjálfun, yin/yang og hlut-
skyggni svo eitthvað sé nefnt.
Talsverður fjöldi erlendra
gesta verður á mótinu. Sumir
munu kynna aðferðir sínar, en
aðrir koma til að vera með.
Að sögn Garðars er góð móts-
aðstaða við Arnarstapa, og einn-
ig býður útisvæðið upp á mikla
möguleika, en þar verður að-
staða fyrir börn, útisamkomur og
fleira. Þá verða farnar skoðunar-
ferðir um nágrennið í fylgd farar-
stjóra.
HS
Kristjánarnir, Bubbi og
Bjöggi meðal flytjenda
Sérstæðir sumartónleikar
verða haldnir í Kerinu I
Grímsnesi á sunnudaginn klukk-
an 15.00. Margt stórmennið í
söng og hljóðfæraslætti kemur
fram á tónleikunum, en þeir eru
haldnir að undirlagi Héraðs-
sambandsins Skarphéðins í sam-
vinnu við nokkra einstaklinga.
Meðal þeirra sem koma fram á
Kertónleikunum má nefna Krist-
ján Jóhannsson, Kristján Sig-
mundsson, Bubba Morthens og
Björgvin Halldórsson. Hljóð-
meistari verður Pétur Kristjáns-
son.
Hljómburður í Kerinu er talinn
mjög sérstæður, en tónlistin
verður flutt um borð í bátum úti á
vatninu. Dagskráin er sniðin fyrir
fólk á öllum aldri, og koma lista-
mennirnirfram endurgjaldslaust.
Héraðssambandið Skarphéðinn
selur aðgang að tónleikunum -
fimmhundruðkall miðinn - og er
meiningin að hressa upp á erfiða
fjárhagsstöðu sem upp er komin
eftir miður vel lukkað mótshald
um verslunarmannahelgina.
Sérleyfisbifreiðir Selfoss verða
með sætaferðir frá BSÍ kl. 13.00,
frá Hveragerði kl. 13.45 og frá
Selfossi kl. 14.00. HS
2 SÍÐA — ÞJÓÐVILJINN Föstudagur 14. ágúst 1987