Þjóðviljinn - 29.09.1987, Qupperneq 1
Þriðjudagur 29. september 1987 215. tölublað 52. órgangur
Sjúkrahúsin
Alþýðubandalagið
Kaupleigur látnar
fjáimagna tækjakaup
Fyrirtæki og stofnanir á vegum hins opinbera viðskiptavinir
kaupleigufyrirtœkja. Davíð Gunnarsson: Ríkisspítalarnir hafa ekki
notfœrtsérþessaþjónustu. Víglundur Þorsteinsson: Hef staðfestar
heimildir um að opinberir aðilar eru í viðskiptum við kaupleigur
Sjúkrahúsin hafa gert töluvert
af því af fjármagna tækjakaup
í gegnum kaupleigufyrirtækin,
samkvæmt áreiðanlegum heim-
ildum Þjóðviljans. Þau eru þó
ekki einu stofnanirnar og fyrir-
tækin á vegum hins opinbera sem
hafa notað þessa fjármögnunar-
leið, þrátt fyrir fyrirmæli frá fjár-
málaráðuneytinu um að opinber-
ir aðilar noti ekki fjármögnunar-
leigufyrirtækin til að taka erlend
lán.
Davíð Gunnarsson, forstjóri
Ríkisspítalanna sagöist ekki
kannast við að tækjakaup á veg-
um Ríkisspítalanna hefðu verið
fjármögnuð af kaupleigufyrir-
tæki. „Þau hafa haft samband við
okkur og boðið okkur þessa
þjónustu, en við höfum ekki not-
fært okkur það. Ekki svo ég
muni.“
Davíð sagðist hafa skoðað þau
kjör sem kaupleigufyrirtækin
biðu og í fljótu bragði hefði sér
sýnst að þau væru mun óhagstæð-
ari en ef samið væri beint við
söluaðila erlendis.
„Ég hef staðfestar upplýsingar
um það að opinber fyrirtæki, þar
á meðal ríkisfyrirtæki, eru meðal
viðskiptavina fjármögnunarleig-
anna,“ sagði Víglundur Þor-
steinsson við Þjóðviljann í gær.
Hann vildi þó ekki gefa upp
hvaða fyrirtæki hér væri um að
ræða.
Sveinn Hannesson hjá Lýsingu
sagðist kannast við að ríkisstofn-
anir hefðu haft viðskipti við fyrir-
tækið en vildi ekki tjá sig nánar
um málið.
Hjá Lind fengust þær upplýs-
ingar að það hefði komið fyrir að
opinberir aðilar hafi leitað til
fyrirtækisins, en fyrirtæki á hin-
um almenna markaði væru þó í
meirihluta. Fjármálaráðuneyt-
ið mun hafa vísað þessu máli til
ríkisendurskoðunar til að fá ná-
kvæmar upplýsingar um hvaða
fyrirtæki og stofnanir hér er um
að ræða.
-Sáf
Sigríður
í framboði
Efnahags- og atvinnu-
stefna aðalefni mið-
stjórnarfundar um helg-
ina auk landsfundarund-
irbúnings
Allt bendir til þess að Sigríður
Stefánsdóttir bæjarfulltrúi á Ak-
ureyri gefi kost á sér við for-
mannskjör á landsfundi Alþýðu-
bandalagsins í byrjun nóvember.
Á miðstjórnarfundi flokksins
nú á sunnudag sagði Sigríður að
hún mundi ekki skorast undan
yrði farið fram á það við hana að
hún gæfi kost á sér til forystu í
flokknum og hún fyndi að fram-
boð sitt nyti víðtæks stuðnings.
Talið er víst að Ólafur Ragnar
Grímsson gefi einnig kost á sér og
er ekki annað að sjá nú en að
kosið verði milli þeirra Sigríðar á
landsfundinum. - m
Sjá frásögn/fréttaskýringu af
miðstjórnarfundinum á síðum 5-
6
Fiskvinnslufólk
Eggjahljóð í
vinnuveitendum
Jón Kjartansson, for-
maður24 manna samn-
inganefndar VMSÍ:
Samningafundurinn 1.
október næstkomandi.
Fiskvinnslufólk þarf
verulega launahœkkun
„Það er ekki laust við að maður
heyri eggjahljóð i vinnuveitend-
um þessa dagana því þeim er full-
Ijóst eins og okkur, að það þarf að
hækka verulega laun fiskvinnslu-
fólks, eins og í pottinn er búið í
kjaramálum þess í dag,“ segir Jón
Kjartansson formaður 24 manna
samninganefndar Verkamanna-
sambandsins og Verkalýðsfélags
Vestmannaeyja.
Að sögn Jóns verður fyrsti
samningafundurinn með vinnu-
veitendum um kaup og kjör fisk-
vinnslufólks næstkomandi
fimmtudag klukkan 10. Áður
hafa menn skipst á hugmyndum
um tilhögun fyrirhugaðra funda,
en eins og kunnugt er renna
samningar ekki út fyrr en með
næstu áramótum.
„Eins og staðan er í dag er
ómögulegt að spá nokkru um það
hvað kemur til með að koma upp
úr þessum samningaviðræðum
okkar og vinnuveitenda og best
að hafa sem fæst orð um það. En í
þessum samningaviðræðum sem
og öðrum, verður maður að gera
sér grein fyrir því á hvað maður
stefnir. Af fenginni reynslu geri
ég ráð fyrir því að maður verði að
reyna að þreyta laxinn, áður en
maður getur innbyrt aflann,“
sagði Jón Kjartansson.
grh
Ámi Johnsen varaþingmaður Sjálfstæðisflokksins var á landsfundi Borgaraflokksins um helgina sem blaðamaður Morgunblaðsins og þátttakandi í umræð-
um. Mynd Sig.
Varaformaður Borgaraflokksins:
Hægra megin við miðju
Ef gengið væri hart að mér og ég
beðinn að staðsetja Borgara •
flokkinn í þessu klassíska litrófi
stjórnmálanna þá teldi ég hann
miðjuflokk, hugsanlega rétt
hægra megin við miðju. En ég tel
hugtökin hægri og vinstri orðin
úrelt í þessu sambandi, segir hinn
nýkjörni varaformaður Borgara-
flokksins Júlíus Sólnes.
En hvaða afstöðu hefur flokk-
urinn til ríkisafskipta?
„Það, sem skiptir máli, eru
markmiðin sem ná á fram. Segj-
um t.d. að markmiðið sé að vel sé
séð fyrir sjúkum, öldruðum og
þeim sem minna mega sín. Menn
geta verið sammála um þetta
markmið en greint á um leiðir.
Ég tel að í jafnlitlu þjóðfélagi og
við búum í, verði að treysta mjög
á forsjá ríkisins og sveitarfélag-
anna. En auðvitað er hugsanlegt
að leysa megi málin með öðrum
hætti hjá stærri þjóðum.
Eru einhver eftirköst eftir var-
aformannskjörið? Þar fékk Júlíus
227 atkvæði en Benedikt Boga-
son verkfræðingur 100. Ásgeir
Hannes Eiríksson dró sig út úr
átökunum áður en gengið var til
atkvæða.
„Hér var ekki um persónuleg
átök að ræða,“ segir Júlíus.
„Miklu frekar var tekist á um
hlutverk varaformanns. Á hann
ekki að vera utan alþingis og
hugsanlega á launum hjá flokkn-
um við að sjá um innra starf hans
og málefni? Eða á hann fyrst og
fremst að vera það sem segir í
starfsheiti hans, varaformaður,
þ.e. staðgengill formannsins? Ég
held að auðvelt eigi að vera að
sameina þessa þætti."
Auk almennrar stjórnmálaá-
lyktunar samþykkti landsfundur-
inn m.a. ályktanir um efnahags-
og viðskiptamál, húsnæðismál,
heilbrigðismál og fjölskyldumál.
„Skoðanaskiptin voru fjörug á
fundinum og betri en ég hef átt að
venjast á hliðstæðum pólitískum
samkomum," sagði hinn ný-
kjömi varaformaður og gefur þar
með fyrri reynslu sinni af Sjálf-
stæðisflokknum ákveðinn gæð-
astimpil. óp
Sjá leiðara bls. 4