Þjóðviljinn - 09.10.1987, Blaðsíða 2

•SPURNINGIN
Hvaða áhrif telurðu að
leiðtogafundurinn
Reykjavík fyrir ári hafi
haft?
n
Ásta Einarsdóttlr
húsmóðir:
Ósköp lítil. Ég get ekki séö að það
hafi komið neitt út úr þessu.
Guðbjörg Halldórsdóttir
röntgentæknir:
Það var stigið skref í réfta átt í af-
vopnunarmálum og athyglin beindist
að landinu meðan á þessu stóð, en
ég held nú að það falli fljótt í gleymsku
aftur.
Hanna Dóra Sturludóttir
nemi:
Fundurinn varð til að kynna landið
og fólk fór að líta meira til íslands, en
ég held hann hafi engu breytt að
þeirri kynningu slepptri.
Gunnlaugur Guðmundsson
múrari:
Þetta var góð landkynning, en
hafði litla þýðingu fyrir heimsfriðinn.
Gylfi Ingason
matreiðslumaður:
Það var stigið stórt skref sem á eftir
að hafa mikið að segja, sérstaklega
hvað varðar túrismann.
FRÉTTIR
r Ólafsvík
Oeðlileg vinnubrögð
bæjarstjórans
Yfirlýsing Herberts Hjelm bæjarfulltrúa Alþýðubandalagsins
Herbert Hjelm, bæjarfuiltrúi
Alþýðubandaiagsins, hefur
sent frá sér yfirlýsingu þar sem
hann útskýrir hversvegna hann
telur sig ekki geta lengur átt sam-
starf við Kristján Páisson, full-
trúa Lýðræðissinna í Olafsvík.
Yfirlýsing Herberts fer hér á
eftir:
Vegna ummæla Kristjáns Páls-
sonar bæjarstjóra í fréttum Ríkis-
útvarpsins, telur undirritaður
ábyrgur fulltrúi Alþýðubanda-
lagsins, Herbert Hjelm, sig knú-
inn til að leiðrétta misskilning
sem þar kemur fram.
Þegar ég gerðist bæjarfulltrúi
fyrir Alþýðubandalagið hét ég
því að starfa af heilindum og
heiðarleika, en með því að halda
áfram að styðja athafnir Krist-
jáns Pálssonar hefði ég orðið að
rjúfa það heit. Ég get ekki fellt
mig við lágkúruleg vinnubrögð
Kristjáns Pálssonar og tek þar
sem lítið dæmi, þegar hann upp á
sitt eindæmi lækkaði tímakaup
barna sem voru máttarstólpar í
fegrunarátaki bæjarstjórnar, um
35% frá fyrra ári og féllst ekki á
að leiðrétta þær gjörðir fyrr en
allt bæjarráð hafði beitt hann
þrýstingi.
Á sama tíma keypti Kristján
Pálsson skrautblóm í hundraða-
tali úr Reykjavík og fór fram á
kauphækkun sjálfum sér til
handa. Það sem fyllti mælinn var
það athafnafrelsi sem Kritján
Pálsson bæjarstjóri, starfsmaður
bæjarstjórnar tók sér og upp hef-
ur verið að komast síðustu daga.
Þann 15. júní sl. var gerð sam-
hljóða samþykkt í bæjarstjórn,
þar með talið atkv. KP bæjar-
fulltrúa þess efnis, að strax yrði
stöðvuð öll efniskaup og allar
Herbert Hjelm, bæjarfulltrúi Alþýðubandalagsins á Ólafsvík. Mynd Sig.
skuldbindingar varðandi bygg-
ingu félagsheimilisins. Pað er nú
að koma í ljós að KP bæjarstjóri,
starfsmaður bæjarstjórnar, hélt
áfram skuldbindingum á meðan
þessi samþykkt var í fullu gildi.
Þetta kalla ég óheilindi og við það
get ég ekki sætt mig.
Nefnd á vegum bæjarins var
falið að kanna möguleika á lán-
um hjá lánastofnunum í Ólafsvík
vegna framkvæmda við félags-
heimilið. Kristján Pálsson bæjar-
stjóri og starfsmaður bæjar-
stjórnar hefur ekki fundið ástæðu
til þess að greina bæjarstjórn frá
kjörum lánanna þó annað þeirra
hafi borið 16% hrein afföll en hitt
ekki og honum hafi borið sið-
ferðileg skylda til þess að greina
frá því. Þar fuku tæp 1100 þús-
und. Þetta kalla ég óeðlileg vinn-
ubrögð gagnvart þeim sem greiða
e>ga lánin eða íbúum Ólafsvíkur
og við það get ég ekki sætt mig.
Kristján Pálsson bæjarstjóri og
bæjarfulltrúi ber mig þeim sökum
að hafa ekki viljað reisa félags-
heimilið en það er ekki alls kostar
rétt. Sem ábyrgur fjármálastjóri
leggur Kristján Pálsson bæjar-
stjóri fram gögn þar sem hann
telur sig sjá að 38 milljónir vanti
upp á rekstur bæjarsjóðs árið
1986.
Ábyrgur bæjarfulltrúi Herbert
Hjelm taldi og telur enn að þurft
hefði að beita raunsæi og fara
varlega í sakirnar því rétt einsog
ég hefði viljað sjá að allir íbúar
Ölafsvíkur gætu keypt sér Bens af
bestu gerð þá hefði ég líka viljað
sjá fram á að þeir gætu staðið
undir greiðslu af þeim.
r Pingholtin
Ibúar gegn
hraðakstri
íbúasamtök Pingholta, dagheimili og skólar á
svœðinu með útifund á Skólavörðuholti ídag. Vilja
úrbætur í umferðarmálum
Astand umferðar í hverfinu ein-
kennist af mikilli gegnum-
keyrslu og hraðakstri þrátt fyrir
30 km hámarkshraða sem gildir á
svæðinu. íbúasamtökin hafa tal-
að fyrir daufum eyrum borgaryf-
irvalda um úrbætur og lögreglan
hefur ekki veitt neitt aðhald, segir
í tilkynningu frá íbúasamtökum
Þingholta sem í samvinnu við
dagheimili í hverfinu og Austur-
bæjarskólann boða til göngu og
útifundar á Skólavörðuholti í
dag.
Börn á dagvistunarstofnunum
og nemendur skólans munu
ganga um Þingholtin með borða
og spjöld en kl. 15.30 verður
haldinn útifundir á Skólavörðu-
holtinu þar sem vakin verður at-
hygli á ástandi umferðarmála í
hverfinu. -Ig.
Hvalavinir
Máliðhjá
saksdknara
r
Eg á von á því að það verði
höfðað opinbert mál á hendur
Hval hf. eftir atburðina í Hval-
firði á dögunum. Allt annað
kæmi mér mjög á óvart, sagði
Magnús Skarphéðinsson hjá
Hvalavinum.
Eins og fram hefur komið í
fréttum hafa Hvalavinir kært for-
ráðamenn Hvals hf. til
Rannsóknarlögreglunnar vegna
tjóns sem hlaust á búnaði þeirra
þegar þeir hlekkjuðu sig við hval-
bátana fyrr í sl. mánuði.
Rannsóknarlögreglan hefur sent
málið til nkissaksóknara sem er
með málið til umsagnar. -ig-
2 SÍÐA - ÞJÓÐVILJINN Föstudagur 9. oktober 1987