Þjóðviljinn - 07.01.1988, Blaðsíða 5

Ekki vantar nú mannmergðina og kannski er einmitt hún mesti veikleiki þessar-
ar breiðfylkingar. - Greinilegt er að stefna, aðgerðir og fjárlagafrumvarp ríkis-
stjórnarinnar er í engu samræmi við kosningaloforð stjórnarflokkanna, sögðu
þau á Akureyrarráðstefnunni.
Ráðstefna
Fyrirheitin fótumtroöin
Jafnréttis- og byggðamál rœdcL áAkureyri. Hörð gagnrýni á stefnu og störf ríkisstjórnarinnar
Fyrir nokkru héldu Samtök
jafnrcttis og félagshyggju ráð-
stefnu á Akureyri, þar sem fjallað
var um jafnréttis- og byggðamál.
Voru ráðstefnugestir víðsvegar
að af landinu. Flutt voru allmörg
erindi, bæði af samtakamönnum
og gestum.
Or hópi félagsmanna fluttu
framsöguerindi: Karólína Stef-
ánsdóttir Akureyri, Pétur Þórar-
insson Möðruvöllum, Gunn-
laugur Ólafsson Grímsstöðum,
Bjarni E. Guðleifsson Möðru-
völlum, Björn Guðmundsson
Lóni, Jóhann A. Jónsson Þórs-
höfn, Gunnar Hilmarsson
Raufarhöfn og Stefán Valgeirs-
son Auðbrekku. Úr hópi gesta
töluðu Guðmundur J. Guð-
mundsson Reykjavík, Jóhanna
Þorsteinsdóttir Akureyri, Magn-
ús B. Jónsson Hvanneyri og flutt
var erindi Jónu Valgerðar Krist-
jánsdóttur frá ísafirði.
Skammtímamarkmið ráðstefn-
unnar var að ræða áhrif fjárlag-
afrumvarps og aðgerða ríkis-
stjórnarinnar á jafnrétti og
byggðamál í landinu, svo og að
blása til samstöðu íbúa lands-
byggðarinnar. Mikill einhugur
ríkti meðal ráðstefnugesta og var
eftirfarandi ályktun einróma
samþykkt:
- Ráðstefnan ... skorar á alla
landsmenn að kynna sér þá stefn-
ubreytingu, sem felst í fjárlagafr-
umvarpi ríkisstjórnarinnar og
fjármálaráðherra áréttaði í um-
ræðum á Alþingi.
Greinilegt er að stefna, að-
gerðir og fjárlagafrumvarp ríkis-
stjórnarinnar er í engu samræmi
við kosningaloforð stjórnar-
flokkanna og má í því sambandi
benda á:
1. Að leggja á 25% söluskatt
á allar vörur um næstu áramót,
sem breytt verður í virðisauka-
skatt í ársbyrjun 1989, þar með
taldar allar matvörur.
2. Að lækka á tolla á ýmsum
aðfluttum vörum úr 80% í 30%
án tillits til samkeppnisaðstöðu
innlendrar framleiðslu.
3. Stefnt er að því að fella
niður allar niðurgreiðslur á inn-
lendum búvörum, svo sem áður
hefur komið fram hjá fjármála-
ráðherra og ýmsum öðrum frjáls-
hyggjupostulum, jafnframt því
sem tollar eru felldir niður á nið-
urgreiddum, erlendum landbún-
aðarvörum.
4. Að niðurgreiðsla á áburði
verði afnumin en af því leiðir að
áburðarverð hækkar um 46%,
sem veldur aftur verðhækkun á
landbúnaðarafurðum.
5. Að fella á niður eða draga
úr framlögum til ýmissa þátta
landbúnaðarins. Tilraunastöðvar
landbúnaðarins í héruðunum
verða felldar út af fjárlögum
nema ein, og dregið verulega úr
leiðbeiningaþjónustu við land-
búnaðinn.
6. Að draga á úr framlögum
til Iðnlánasjóðs og greiðslur til
iðnráðgjafar felldar niður.
7. Raunvextir á íslandi nálg-
ast nú heimsmet. Vextir hafa
meir en tvöfaldast á árinu, enda
hafa ávöxtunarmöguleikar fjár-
magnseigenda hækkað um 60% á
5 mánaða valdaferli ríkisstjórnar-
innar, samanber ríkisvíxlana.
Grái fjármagnsmarkaðurinn fær
að starfa án bindiskyldu eða
raunverulegs eftirlits.
8. í drögum að frumvarpi um
stjórn fiskveiða fyrir árin 1988-
1991 er gert ráð fyrir svo miklum
samdrætti í afla 6-10 tonna báta
að grundvöllurinn undir þeim at-
vinnurekstri er brostinn ef frum-
varpið verður samþykkt óbreytt.
9. í fjárlagafrumvarpinu eru
250 milj. kr. ætlaðar til hafnar-
framkvæmda, sem er aðeins lítill
hluti af brýnni þörf.
10. Launamunur hefur stór-
aukist og misrétti vaxið á flestum
sviðum. Ráðstefnan vill minna
landsmenn á, að í stefnuyfirlýs-
ingu ríkisstjórnarinnar er því
heitið að auka jafnrétti, lækka
vexti og stefna að hóflegum raun-
vöxtum. Þar er einnig talað um
að markmiðið sé að treysta starfs-
skilyrði í landbúnaði, bæta hag
bænda, bæta lífskjör og draga úr
verðbólgu. Greinilegt er að stefn-
an er eitt en framkvæmdin ann-
að.
Eins og að framan greinir sést,
að atvinnuvegirnir til lands og
sjávar eru í hættu og níðst er á
láglaunafólkinu og framleiðslu-
stéttunum í landinu. Gjaldþrot
blasir við fyrirtækjum og einstak-
lingum vegna vaxtaokurs. Frjáls-
hyggjan elur á misrétti og veitir
þeim, sem hafa fjármagn og að-
stöðu aukin völd á kostnað
hinna.
Nú verður hver og einn að gera
það upp við sig, hvort hann vill
styðja stefnu ríkisstjórnarinnar,
sem lýst er hér að framan, með
beinum stuðningi eða afskipta-
leysi, eða taka á með þeim, sem
vilja vinna að jafnrétti.
Minnumst þess, að sameinuð
erum við sterk en sundruð veik.
- bg/mhg
Framleiðsluráð
Nýr framkvæmdastjóri
Gunnar Guðbjartsson lætur af störfum - Gísli Karlsson tekur við
Gunnar Guðbjartsson hefur nú
látið af störfum sem fram-
kvæmdastjóri Framleiðsluráðs
landbúnaðarins. Við starfi Gunn-
ars tók Gísli Karlsson, sem und-
anfarið hefur verið sveitarstjóri í
Borgarnesi en var áður kcnnari
við Bændaskólann á Hvanneyri.
Gunnar Guðbjartsson varð
sjötugur á s.l. ári. Hann hóf bú-
skap á fæðingarbæ sínum, Hjarð-
arfelli í Miklaholtshreppi 1942 en
hafði áður stundað nám á
Laugarvatni og Hvanneyri. Hann
byrjaði snemma að starfa fyrir
bændasamtökin, fyrst sem for-
maður Búnaðarsambands Snæ-
fellinga. Á Búnaðarþingi sat
hann í 32 ár og fulltrúi á aðalfund-
um Stéttarsambandsins í 36 ár.
Formaður Stéttarsambandsins
varð hann árið 1963 og gegndi því
starfi í 18 ár. Hann var formaður
Framleiðsluráðs frá 1963-77 og
síðan framkvæmdastjóri þess frá
1. jan. 1980. Gunnar hefur verið
stjórnarformaður fjölmargra fyr-
irtækja og stofnana landbúnaðar-
ins og situr nú m.a. í stjórn
Mjólkursamsölunnar og Áburð-
arverksmiðjunnar. Trauðla er of-
mælt að Gunnar Guðbjartsson
görþekki íslenskan landbúnað
öllum mönnum betur. Gunnar er
kvæntur Ásthildi Teitsdóttur frá
Eyvindartungu í Laugardal. Eiga
þau 6 börn og 15 barnabörn.
Gísli Karlsson er fæddur á
Brjánslæk á Barðaströnd 1940.
Hann er búfræðingur frá Hvann-
eyri og lauk kandidatsprófi í
landbúnaðarhagfræði frá Búnað-
arskólanum í Kaupmannahöfn
1968. Starfaði síðan sem hag-
fræðiráðunautur á Jótlandi um
2ja ára skeið. Þá kennari við
Bændaskólann á Hvanneyri, síð-
an yfirkennari og skólastjóri um
skeið. Hefur samið kennslubæk-
ur í búnaðarhagfræði og búreikn-
ingum. Kona Gísla Karlssonar er
Ágústa Ingibjörg Hólm frá Vest-
mannaeyjum. Þau eiga tvo syni.
Gísli Karlsson er þriðji fram-
kvæmdastjóri Framleiðsluráðs.
Hinir eru Sveinn Tryggvason og
Gunnar Guðbjartsson. -mhg
Gunnar Guðbjartsson býður Gísla Karlsson velkominn til starfa.
Nýtt blað
Borgfirðingur
Ungmennasamband Borgar-
fjarðar og Verkalýðsfélag Bor-
garness hafa nú tekið höndum
saman um útgáfu héraðsfrétta-
blaðs. Er slíkt samstarf um blaða-
útgáfu nýlunda. Blaðið nefnist
Borgfirðingur. Gera útgefendur
sér vonir um að það nái til allra
Borgfirðinga, hvar á landinu sem
þeir hafa tekið sér bólfestu.
í leiðara segir að blaðið beri
ekki að skoða sem sérstakt mál-
gagn þeirra samtaka sem að því
standa, heldur sé því ætlað að
flytja alhliða fréttir og fróðleik og
er opið fyrir öllum skoðunum.
„Ritnefnd áskilur sér þó rétt til að
breyta greinum í samráði við
höfund, ef framsetning er þann-
ig, að hún telur að breytinga sé
þörf.“
Ritnefnd skipa: Baldur Jóns-
son, Jón Agnar Eggertsson, Sva-
va Kristjánsdóttir og Ingimundur
Ingimundarson, sem er ritstjóri
og ábyrgðarmaður. Auglýsinga-
stjóri er Sveinn G. Hálfdánarson
og heimilisfang Dílahæð 1, Borg-
arnesi, vinnusími 71411, heima-
sími 71777.
Borgfirðingur fer vel af stað og
er hið mesta myndarblað, fjöl-
breytt að efni og prýtt mörgum
myndum. Verði framhaldið í
samræmi við upphafið þarf Borg-
firðingur varla að kvíða framtíð-
inni.
- mhg
Frá liðnu ári
í desembermánuði bera blöðin
nokkuð annan svip en endranær.
Auglýsingar eru þá mun fyrir-
ferðarmeiri. Kynning á nýút-
komnum bókum sömuleiðis.
Þetta er í sjálfu sér ekki að lasta
því bæði er verið að þjóna lesend-
um og svo gefa auglýsingar trú-
lega einhverja aura í kassánn.
En á meðan þessi hrota gengur
yfir verður ýmislegt annað efni að
þoka. Landsbyggðin hefur t.d.
fundið fyrir því. Hún hefur ekki
litið dagsins ljós í háa herrans tíð.
Á hinn bóginn hefur umsjónar-
maður hennar ekki þorað annað
en að hafa tiltækt efni ef skyndi-
lega skyldi rofa til. En það varð
engin uppstytta og því er það
efni, sem hér birtist nú, lengi búið
að liggja óhreyft í skrifborðs-
skúffunni. Annað eins a.m.k.
gistir þó enn í þeirri góðu skúffu.
- mhg
Fimmtudagur 7. janúar 1988 ÞJÓÐVILJINN - SÍÐA 5