Þjóðviljinn - 19.01.1988, Blaðsíða 15

FRETTIR
Jafn dýr á kostum
Hunda- og kattamatur hœkkar ekki. Ótollaðursem áður.
Söluskattsskyldur uppá 25%
Erlendir ferðamenn
Aldrei
fleiri til
landsins
Alls komu 129.315 erlendir
ferðamenn til landsins á nýliðnu
ári, ýmist með flugi eða skipum
og eru það fleiri ferðamenn en
nokkru sinni fyrr á einu ári.
Rúmlega 142 þús. íslendingar
komu erlendis frá í fyrra og eru
það mun fleiri ferðalangar en á
síðustu árum.
Til samanburðar má nefna, að
árið 1986 komu rúmlega 113 þús.
erlendir ferðamenn og nær 112
þús. innlendir. Árið 1981 voru
innlendir ferðamenn nær 78 þús-
und og erlendir ríflega 71 þús.
talsins.
Af þeim erlendu ferða-
mönnum sem komu til landsins í
fyrra voru langflestir frá Banda-
ríkjunum, 35.669 talsins. Ríflega
16 þúsund komu frá Danmörku,
15.614 frá Svíþjóð, 14.011 frá
Vestur Þýskalandi, 10.579 frá
Stóra Bretlandi og 10.165 frá
Noregi.
Mun færri komu frá öðrum
löndum en athyglisvert er í yfirliti
Útlendingaeftirlitsins hversu
víða úr heiminum menn sækja ís-
land heim. Þannig kom einn
ferðamaður á sl. ári frá hverju
eftirtalinna landa: Barbados,
Benin, Bermuda, Botswana,
Eþíópíu, Guatemala, Haiti, Mo-
sambiq, Mali, Rúmeníu, Samein-
uðu arabísku furstadæmunum,
Víetnam og Zambíu.
->g-
Hunda- og kattamatur er alls
ósnortinn af breytingum á
tollalögum og matarskatti. Fóður
kjölturakka og heimiliskatta er
ótollað, en með 25% söluskatti og
hefur svo verið lengi. Á sama tima
hefur verðlag matvara hækkað i
kjölfar söluskattsbreytinganna.
Á Tollstofunni fengust þær
upplýsingar að hunda- og katta-
matur hefði verið ótollskyldur
um langt árabil.
Aftur á móti er gæludýrafóður
söluskattsskylt. í 13. gr. reglu-
gerðar um söluskatt frá 1982 segir
að fóðurmjöl og annað dýrafóður
sé undanþegið söluskatti, þó því
aðeins að það sé ekki selt í smá-
söluvöruumbúðum og í pakkn-
ingum undir fimm kílógrömm-
um.
- rk
Fiskmarkaðir
Fram úr
björtustu
vonum
Seldu 24 þúsund tonnfyrir 754 milljónir
króna. Einar Sveinsson, framkvœmda-
stjóri: Erfitt að spá um þróunina á þessu
ari
Asíðasta ári, sem var fyrsta
starfsár fiskmarkaða hér á
landi, seldu þeir 24 þúsund tonn
af fiski fyrir 754 milljónir króna.
Frá þessu er greint í nýjasta tölu-
blaði Fiskifrétta.
Þar kemur fram að fiskmark-
aðurinn í Hafnarfirði seldi lang-
mest af þeim öllum, eða samtals
13.723 tonn fyrir 418.293
milljónir króna og meðalverðið
var 30,48 krónur.
Að sögn Einars Sveinssonar,
framkvæmdastjóra fiskmarkað-
arins fór þessi mikla sala fram úr
björtustu vonum. Einar sagði að
þrátt fyrir þessa miklu sölu á síð-
asta ári, væri mjög erfitt að segja
nokkuð til um það hver þróunin
verði á þessu ári, þar sem ekki
væri lengur um frjálst fiskverð að s
ræða.
Samkvæmt Fiskifréttum seldi
Faxamarkaðurinn 6.920,1 tonn
fyrir 197.496 milljónir króna og
meðalverðið var 28,54 krónur.
Fiskmarkaður Suðurnesja seldi
samtals 3.404 tonn fyrir 126,7
milljónir króna og meðalverðið
var 37,21 króna. En Fiskmarkað-
ur Norðurlanda á Akureyri seldi
aðeins 303,4 tonn fyrir 10,2
milljónir króna og meðalverð þar
var 33,59 krónur.
Þrátt fyrir þessar góðu fisk-
sölur á mörkuðunum ber þess að
gæta að þeir fyrstu hófú ekki
starfsemi sína fyrr en á moðju ári
1987 og hinir nokkuð seinna.
- grh
L
þiÓÐyiLJINN
0 68 13 33
Trniinn
0 68 18 66
0 68 63 00
Blaöburöur er
BESTA TRIMMIÐ
og borgar sig
BLAÐBERAR ÓSKAST
Þriðjudagur 19. janúar 1967 ÞJÓÐVIUiNN - SÍÐA 19
Víðs
vegar
um
borgina
Hafðu samband við okkur
þlÓÐVILIINN
Síðumúla 6
0 68 13 33