Þjóðviljinn - 27.01.1988, Síða 3

Framtíð
framhaldsskóla
í Hafnarfirði verður umfjöllunar-
efni ráðstefnu sem bæjaryfirvöld
þar í bæ efna til á laugardaginn í
Flensborgarskóla. Fjölmörg er-
indi verða flutt á ráðstefnunni þar
sem ma. verður fjallað um aukið
samstarf framhaldsskóla í bæn-
um og einnig samstarf við ná-
grannasveitarfélög.
Kaupið aldrei
fatnað eða aðra vefnaðarvöru án
meðferðarleiðbeininga og efn-
islýsingar frá framleiðanda,
nema að seljandi gefi skriflega
yfirlýsingu um þessi efni, segir í
ás’korun sem Neytendasamtökin
hafa sent frá sér. Segir í áskorun-
inni að fjölmörg dæmi séu um að
fatnaður eyðileggist í þvotti og fá-
ist ekki bættur af því og seljanda
og kaupanda greini á um þær
munnlegu leiðbeiningar sem
gefnar voru við sölu.
Stofnun Sigurðar
Nordals
hefur tekið til starfa í Þingholts-
stræti 29 í Reykjavlk undir stjórn
dr. Úlfars Bragasonar. Sími
stofnunarinnar er 26220 en í
stjórn sitja þeir Davíð Ólafsson,
dr. Jónas Kristjánsson og Svavar
Sigmundsson. Hlutverk stofnun-
arinnar er að efla í hvívetna í
heiminum rannsóknir og kynn-
ingu á íslenskri menningu að
fornu og nýju og tengsl íslenskra
og erlendra færðimanna á því
sviði.
Kynjamismunun
í auglýsingum í dagblöðum er
greinilega á undanhaldi, sam-
kvæmt könnun sem Jafnréttisráð
hefur gert. Alþýðublaðið stendur
sig best, þar var mismunun
hvergi að finna f auglýsingum
sem birtust í októbermánuði sl. í
einu tilviki var auglýst sérstak-
lega eftir konu f Þjóðviljanum og í
13 skipti í Morgunblaðinu en DV
stendur sig sínu verst, þar var 20
sinnum auglýst sérstaklega eftir
konum og 3var eftir körlum í
þessum sama mánuði.
2 nýir prestar
voru vígðir um sl. helgi. Það eru
þau Stína Gísladóttir og Jens
Hvidfeldt Nielsen sem erdanskur
að ætt og uppruna. Hann lauk
guðfærðiprófi frá HÍ sl. vor og
hefur verið settur prestur í Hjarð-
arholtsprestakalli í Dölum. Stína
Gísladóttir lauk einnig guð-
fræðiprófi sl. vor og hefur veriö
ráðin annar farprestur Þjóðkirkj-
unnar. Hún mun fyrst þjóna Þing-
eyrarprestakalli.
Byggingarstaðlaráð
er nýr vettvangur stöðlunar í
byggingariðnaði og verður form-
lega stofnað á föstudaginn sam-
kvæmt nýsettum reglum um
Staðlaráð fslands. Staðlaráð
tekur við hlutverki Iðntæknistofn-
unar á þessu sviði. Þeir sem
áhuga hafa á að gerast aðilar að
nýja ráðinu, geta haft samband
við deildarstjóra Staðladeildar í
símar 687000.
FRÉniR
Vestfjarðasamningurinn
Vart til eftirbreytni
Guðmundur Þ. Jónsson, Landssambandi iðnverkafólks: Óneitanlega lágar tölur -
ekki til viðmiðunar fyrir iðnverkafólk
Eg hef ekki séð samning Al-
þýðusambands Vestfjarða.
Það er því erfitt fyrir mig að meta
hann. Hitt sýnist mér alveg ljóst
að tölurnar séu ærið lágar í
launalið samningsins og lítt
freistandi, sagði Guðmundur Þ.
Jónsson, formaður Landssam-
bands iðnverkafólks og Iðju fé-
lags verksmiðjufólks.
- Ég get ekki litið þannig á að
iðnverkafólk geti haft þennan
samning til viðmiðunar. Það virð-
ist vera að uppskurðurinn á bón-
usfyrirkomulaginu með hluta-
skiptum í fiskvinnslu geti gefið
eitthvað í aðra hönd. Flestir okk-
ar félagar eru á föstu taxtakaupi
og því er ekki um að ræða að
breytingar á bónusfyrirkomulagi
geti nýst iðnverkafólki, sagði
Guðmundur Þ.
- Það sem náðist fram í orlofs-
málum er ekkert til að sjá ofsjón-
um yfir. Við höfum haft betur í
þeim málum nokkuð lengi, sagði
Guðmundur Þ.
Guðmundur Þ. sagði að allt
sæti við það sama í kjaramálum
iðnverkafólks frá því í desember,
er rætt hefði verið við atvinnu-
rekendur og þeim kynntar kröfur
iðnverkafólks.
Stjórn og trúnaðarmannaráð
Iðju kom saman í dag til að ræða
stöðuna í samningamálunum og
stjórnarfundur í Landssambandi
iðnverkafólks er boðaður á
fimmtudag, þar sem kjaramálin
verða ofarlega á baugi.
- Ég get ekki séð að skatta-
ívilnanir kæmu að miklu haldi
fyrir þorra okkar félagsmanna.
Hækkun skattleysismarka mundi
ekki breyta miklu fyrir fólk sem
er alveg við núverandi skattleys-
ismörk, að ekki sé nú talað um þá
sem eru þar fyrir neðan, sagði
Guðmundur Þ. Jónsson.
-rk

Alltof
lágt
Sigurður T. Sigurðsson,
Hlífí Hafnarfirði:
Fjandsamlegri ríkisstjórn
gert auðveldara um vik
- Launaliður samningsins er
allt of lágur - um það þarf ekki að
fjölyrða frekar. Þessi samningur
verður ekki til neins annars en að
gcra ríkisstjórn, sem hefur fjand-
skapast út í láglaunafólk, hægara
um vik að sitja áfram, sagði Sig-
urður T. Sigurðsson, formaður
verkamannafélagsins Hlífar í
Hafnarfirði, en félagið hefur gert
kröfu um að lágmarkstaun nemi
rúmum 40.000 krónum á mán-
uði, eða þvl sem samsvarar skatt-
leysismörkum.
- í þessum samningi er gefinn
ákveðinn tónn, en það er ekki sá
eini sanni. Fólk sem vinnur fram-
leiðslustörfin verður að fá bætta
kjaraskerðinguna að undanförnu
og það launaskrið sem aðrir hafa
notið. Það er ekki um neitt slíkt
að ræða í þessum samningi, sagði
Sigurður T.
Helsta kost við samkomulagið
á Vestfjörðum taldi Sigurður fe-
last í því að bónusnum og þeirri
vinnuþrælkun sem hann elur af
sér, væri varpað fyrir róða. - En
staðreyndin er sú að það þarf
meira til, sagði Sigurður T. -rk
Framtíð þessarar ungu stúlku ræðst meðal annars af því hvemig til tekst með nýja samninga. Myndina tók Siq. í qær í
Gullvík hf. í Grindavík.
Mál Vestfirðinga -
ekki annarra
Karvel Pálmason,
varaformaðurVerkamannasambandsins:
Segi ekkert um samning sem ég hefekki séð. Aðalatriðið er að
Vestfirðingar telji sig geta vel við unað.
Skammtímasamningar enn í fullu gildi
Eg hef ekki lagt það í vana minn
að tjá mig um samninga sem
ég hef ekki séð. Ég vil bara minna
á hvatningu Verkamannasam-
bandsins og Alþýðusambandsins
þess efnis að félögin hvert um sig
freistuðu þess að ná samningum,
væri það unnt. Þetta hafa
Vestfirðingar gert og ég var einn
af hvatamönnum þess að samn-
ingar væru reyndir til þrautar
fyrir vestan, sagði Karvel Pálma-
son, varaformaður Verkamanna-
sambandsins.
- Meginmálið er að ef þeir sem
eiga að búa við þetta samkomu-
lag, sætta sig við það, geta aðrir
lítið sagt, sagði Karvel.
Karvel sagðist hafa verið á
þeirri skoðun að rétt væri að
þrautreyna hvort Verkamanna-
sambandið gæti samið til skamms
tíma. Samningurinn á Vestfjörð-
um hafi í engu breytt fyrri skoðun
hans. - Á mæli fólks sem ég hef
rætt við vítt um landið að undan-
fömu, er að heyra að fólk vilji
láta reyna á samninga til skamms
tíma, svo tóm gefist til að huga að
leiðum til að rétta frekar hlut lág-
launafólks, sagði Karvel.
Ekki reyndist unnt að fá við-
brögð hjá Guðmundi J. Guðm-
undssyni, formanni Verka-
mannasambandsins, við Vestf-
jarðasamningnum, en hann var
sagður vant við látinn í allan gær-
dag. -rk
Grunnskólanemendur
15% vilja
hætta
Um 15% nemenda í 7., 8. og 9.
bekk vildu gjarnan eiga þess kost
að hætta í skóla, samkvæmt
könnun sem gerð var meðal 234
grunnskólanema í 5 skólum á
Vesturlandi.
í könnuninni, sem var fram-
kvæmd af Ástþóri Ragnarssyni
sálfræðingi hjá Fræðsluskrifstofu
Vesturlands, kemur jafnframt
fram að 20% nemenda telja sig fá
of erfið verkefni í skólanum.
Segir Ástþór í fréttabréfi
Fræðsluskrifstofunnar að þessi
niðurstaða sé í samræmi við ýms-
ar kannanir á þörf fyrir sérkenns-
lu, en samkvæmt þeim hafi 20%
nemenda þörf fyrir sérkennslu.
Þá segjast um 20% nemenda gef-
ast fljótt upp við heimanám.
Ástþór segir það mest áber-
andi í könnuninni hversu illa
nemendum geðjast að því að
standa upp frammi fyrir bek-
kjarfélögum sínum og tjá sig og
það sé greinilegt að það megi stó-
refla þann þátt í skólastarfinu.
Miðvikudagur 27. janúar 1988Í ÞJÖÐVILJINN - SÍÐA 3