Þjóðviljinn - 30.03.1988, Blaðsíða 12
KJORIN
Kjarasamningarnir
Fjögur félög hafa samþykkt
Framsókn og Framtíðin staðfestu Akureyrarsamninginn. Samningurinn samþykktur á Kópaskeri ogÞórshöfn.
Björn Grétar Sveinsson, Höfn: Alsherjaratkvœðagreiðslu lýkur á morgun.
Verður trúlega mjótt á mununum. Hefði verið hœgt að ná lengra í Garðastrœti
Verkakvennafélögin Framsókn
í Reykjavík og Framtíðin í
Hafnarfirði hafa samþykkt Akur-
eyrarsamninginn. Á félagsfundi í
Framsókn í gær var samningur-
inn samþykktur með 115 at-
kvæðum gegn átta, en mjórra var
á mununum í Framtíðinni, en þar
voru 50 með en 24 á móti.
Verkalýðsfélag Presthóla-
hrepps á Kópaskeri, samþykkti
einnig samninginn í gær með 17
atkvæðum gegn 1 og í Verka-
lýðsfélagi Þórshafnar greiddu 19
með en 12 voru á móti.
- Það var mat okkar að lengra
yrði ekki komist með þessum
hætti og því rétt að gefa félögun-
um kost á því að eiga lokaorðið,
sagði Björn Grétar Sveinsson,
formaður verkalýðsfélagsins
Jökuls á Höfn í Hornafirði, en í
gær voru atkvæði greidd um
samninginn á vinnustöðum á
Höfn og verður atkvæðagreiðslu
framhaldið á vinnustöðum í dag.
Félagskonur í Verkakvennafé-
laginu Framsókn í Reykjavík fjöl-
menntu í Sóknarsalinn í gær til að
greiða atkvæði um Akureyrar-
samninginn. Samningurinn var
samþykktur með yfirgnæfandi
fjölda atkvæða. Mynd-Sig.
Kjarasamningarnir
Þeir sem einhverra hluta vegna
hafa ekki neytt atkvæðisréttar á
vinnustöðum eiga þess kost að
greiða atkvæði á félagsfundi í
Jökli í kvöld og mun niðurstaða
liggja fyrir í fundarlok.
- Ég hef haldið því fram að
þegar Garðastrætissamningarnir
voru gerðir, hafi verið hægt að ná
lengra. Þess vegna skrifaði ég
ekki undir þá. A Akureyri var
eins langt gengið og hægt var án
undangenginna harðvítugra
verkfallsaðgerða, sagði Björn
Grétar.
Björn Grétar sagði að þótt
launaliðirnir væru fjarri því sem
þeir þyrftu að vera, mættu menn
ekki líta framhjá því að þau
ákvæði í Verkamannasambands-
samningnum sem fólk hefði verið
hvað óánægðast með hefðu verið
felld á brott í þessum samningi,
svo sem ákvæði um breytilegan
dagvinnutíma, refsiákvæði fyrir
að mæta of seint til vinnu og til-
færslu á helgidögum.
Neskaupstaður
Síldar-
vinnslan með
VSÍ-liðinu
Þrautalending hvað launin varöar
HrafnkellA. Jónsson, Eskifirði: Samningsstaða okkar varðþrengri með hverju
félaginu sem samdi. Skil vel óánœgjufólks. Launaliðirnir eru langtfráþvíað vera
viðunandi. Lengra varð ekki komist án harðra aðgerða
- Ég heyri það á mínu fólki að
það er síður en svo ánægt með
samninginn. Launaliðirnir eru
ekki í neinu samræmi við það sem
fólk þarf. Þannig að ég hygg að
úrslit verði tvísýn, sagði
Hrafnkell A. Jónsson, formaður
verkalýðsfélagsins Árvakurs á
Eskifirði, en atkvæði um samn-
inginn voru greidd á vinnustöð-
um á Eskifírði í gær og niður-
staða úr atk væðagreiðslunni mun
liggja fyrir eftir félagsfund í Ár-
vakri í kvöld.
- Samninganefnd Alþýðusam-
bands Austurlands var sammála
um að hver sem niðurstaðan yrði
myndi hver og einn okkar hlýta
meirihlutavilja, enda gerðu
menn sér grein fyrir því að staða
einstakra félaga sem skæru sig úr
væri mjög erfið. Mér er það engin
launung að ég lagði það til að
gengið yrði að þessu samkomu-
lagi, en ég hefði hlítt meirihluta-
vilja á hvorn veg sem farið hefði.
Hrafnkell sagðist ekki hafa trú
á því að hægt hefði verið að ná
meiru fram hvað launaliði varð-
ar, án harðra aðgerða.
- Samningar annarra sniðu
okkur óneitanlega mjög þröngan
ramma til að fylla útí. Það breytti
ekki miklu þó að samningar vers-
lunarfólks væru felldir hjá Vers-
lunarmannafélagi Reykjavíkur,
þegar fjölmörg félög Verka-
mannasambandsins á suðvestur-
horni landsins höfðu samþykkt
samninga, Vestfirðingar og Iðja.
Samningsstaðan versnaði með
hverju félaginu sem gekkst inná
þann launaramma sem var
mótaður í fyrstunni, sagði
Hrafnkell.
Aðspurður um útgöngu
Vestmannaeyjafélaganna og Ak-
urnesinga á samningafundi á
föstudag, sagði Hrafnkell að það
væri ekki traustvekjandi til
lengdar að taka þátt í samninga-
viðræðum og koma alltaf út úr
þeim með frítt spil.
Hrafnkell sagði að, þó hann
hefði ekki við reynslu að styðjast
af samningum sem þessum, væri
ljóst að fyrirkomulag samninga-
viðræðnana hefði sett mjög ann-
an svip á viðræðurnar en menn
ættu að venjast.
- í samningagerðinni tók
stærri hópur af verkafólki sem
var komið beint af gólfinu, en oft
áður. Tvímælalaust var það mik-
ill styrkur fyrir okkur hina að
hafa þetta fólk nærri okkur og
samningsstaða okkar var betri en
ella.
Ég á ekki von á því að þeir sem
tóku þátt í þessum samningavið-
ræðum fáist aftur til að semja á
heimavelli atvinnurekenda. Að
mínum dómi hlýtur það að vera
ófrávíkjanleg regla að verkalýðs-
hreyfingin sækist ekki eftir að
semja í salarkynnum VSÍ, sem
því miður hefur alloft viljað
brenna við. -rk
Krístinn Jóhannsson,
stjórnarformaður: Síld-
arvinnslan situr við sama
borð og önnurfisk-
vinnslufyrirtæki á
Austurlandi. Ekkileitað
eftir samningum við
okkur
- Síldarvinnslan situr vitan-
lega við sama borð og físk-
vinnslan almennt, sagði Kristinn
Jóhannsson, stjórnarformaður
Sfldarvinnslunnar í Neskaupstað
og forseti bæjarstjórnar, er hann
var inntur eftir því hverju það
gegndi að fyrirtæki sem væri í fé-
lagslegri eign, hefði ekki samið
við sitt fólk, í stað þess að eiga
aðild að samninganefnd VSÍ, en
Finnbogi Jónsson, framkvæmda-
stjóri fyrirtækisins var fulltrúi at-
vinnurekenda í samningaviðræð-
unum á Akureyri.
- Ég veit ekki til þess að verka-
lýðsfélagið hafi leitað eftir samn-
ingum við okkur og við buðum
félaginu ekki uppá samninga. Al-
þýðusamband Austurlands fór
fram á viðræður við atvinnurek-
endur í fjórðungnum, sagði
Kristinn.
Kristinn sagði að Sfldar-
vinnslan ætti ekki beina aðild að
Vinnuveitendasambandinu. Að-
ildin lægi í gegnum Sölumiðstöð
hraðfrystihúsanna og Landssam-
band útvegsmanna, sem Síldar-
vinnslan er aðili að.
Að sögn Kristins hefur Sfldar-
vinnslan greitt sínu verkafólki
sambærileg laun og almennt tíðk-
ast í sambærilegum störfum.
- Það var nokkuð lengi sem
kauptaxtar Verkalýðsfélags
Norðfirðinga voru um tveimur til
þremur prósentum hærri en gerð-
ist annarsstaðar, sagði Kristinn.
Hann sagði að Sfldarvinnslan
hefði ekki samið sér í langan
tíma, eða frá því um og uppúr
1960 er samflot verkalýðsfélag-
anna hófst og félögin hættu að
semja sér. -rk
Kjarasamningarnir
Vinnst betur utan Reykjavíkur
Málhildur Sigurbjörnsdóttir, fiskverkakona í Granda: Þegar ræðst er við utan
Reykjavíkurgefa menn sig óskipta að samningunum. Þann skugga ber á samning-
ana að þrjú félög gengu út
- Það ber vissulega þann
skugga á þessa samningagerð að
þrjú verkalýðsfélög sáu sig knúin
til að ganga út áður en til undir-
ritunar kom, sagði Málhildur
Sigurbjörnsdóttir, fískverkakona
í Granda, en hún tók þátt í samn-
ingaviðræðunum á Akureyri
fyrir hönd Verkakvennafélagsins
Framsóknar.
- En þegar svo var komið í
samningaviðræðunum á föstu-
dagskvöldið að járn var í jám og
það margt fengist fram af rétt-
indamálum sem miklu skipta, var
okkur ekki stætt á öðru en að
taka þessu, sagði Málhildur.
Málhildur sagðist vera sérstak-
lega meðmælt því fyrirkomulagi
sem var viðhaft við þessar samn-
ingaviðræður. - Ég held að það
hafi átt stóran þátt í því að þó
þetta náðist fram að viðræðurnar
voru utan Reykjavíkur, að ekki
sé talað um í Garðastræti.
- í Garðastræti eru atvinnu-
rekendur kóngar í sínu ríki og þar
af leiðandi er tómt mál að tala um
að samninganefndir verkalýðsfé-
laganna sitji við sama borð og
þeir þegar viðræðurnar fara fram
í bækistöðvum Vinnuveitenda-
sambandsins.
Ef ég fengi einhverju ráðið um
fyrirkomulag og staðsetningu
næstu kjaraviðræðna, vildi ég að
viðræðurnar ættu sér stað utan
Reykjavíkur. Þegar fólk er kom-
ið saman utan höfðuborgar-
innnar, hefur það ekki nema um
eitt að hugsa, - samningana,
sagði Málhildur.
Málhildur sagði að sín reynsla
af samningaviðræðum í Reykja-
vík væri sú að þar gæfu menn sig
ekki óskipta að samningaviðræð-
unum.
- Þegar mætt var til ríkissátta-
semjara, var maður jafnvel að
koma úr vinnu, þreyttur og illa
fyrir kallaður og átti svo að sitja á
fundi frameftir.
Málhildur sagðist ekki hafa
getað heyrt annað á samninga-
nefndafólki á Akureyri á dögun-
um en að það hefði verið hæst
ánægt með það að viðræður fóru
fram utan Reykjavíkur. - Ég
held ég megi segja að flestum hafi
litist svo á að þetta sé sé háttur
sem upplagt er að viðhafa næst
þegar semja þarf um kaup og kjör
verkafólks, sagði Málhildur.
12 SÍÐA - ÞJÓÐVILJINN