Þjóðviljinn - 03.05.1988, Blaðsíða 2

Handmokað upp úr lauginni
íþróttafólk í blakliöi Þróttar í Neskaupstað geröi sér lítið fyrir í
síðustu viku og handmokaði snjó uppúr sundlaug heimamanna. Sund-
laugin var á kafi í snjó, búningsklefa við laugarbarminn hafði einnig
fennt í kaf og segir það sitt um fannfergið. Blakfólkið mokaði undir
verkstjórn kínversks þjálfara síns og vann verkið á mettíma enda gott
skipulag á framkvæmdinni.
Aukning í brennivíni og rauðvíni
Heildarneysla áfengis jókst töluvert fyrstu þrjá mánuði þessa árs
miðað við sama tíma í fyrra, eða úr rúmlega 471 þúsund alkóhóllítra í
nærri 183 þús. lítra. Neysluaukningin er nær 7%. Mest er aukningin í
sölu brennivíns, rúm 24%, og 19% í sölu rauðvíns. Vodkasalan jókst
um rúm 5% á þessum tíma en sala á hvítvíni dróst saman um rúm 6%.
Þá jókst sala á vindlingum um 6,3% á þessum sama tíma, vindlum um
5,4% og á munntóbaki um rúm 18%. Hins vegar dró úr sölu á reyktó-
baki og neftóbaki.
Allir í strætó, eða hvað?
Fjarðarpósturinn og Útvarp Hafnarfjörður gangast fyrir opnum
borgarafundi í veitingahúsinu Gaflinum í Hafnarfirði í kvöld kl. 20.00
um almenningssamgöngur og málefni Landleiða sem hafa sérleyfi á
leiðinni milli Hafnarfjarðar og Reykjavíkur. Stutt framsöguerindi
flytja þeir Ágúst Hafberg forstjóri Landleiða, Jón Gestsson hópferða-
bflstjóri, Magnús Jón Arnason formaður bæjarráðs og Sevnd Aage
Malmberg, haffræðingurogfulltrúi farþegaáfundinum. Á eftirverður
svarað fyrirspurnum fundarmanna. Fundarstjórar verða þau Fríða
Proppé og Sigurður Sverrisson blaðamenn.
Sigurjón fær viðurkenningu
Sigurjón Sighvatsson kvik-
myndagerðarmaður í Bandaríkj-
unum fær góða dóma í hinu virta
kvikmyndatímariti „Millimeter“
þar sem hann er tilnefndur sem
einn af fimmtíu fremstu fram-
leiðendum sjónvarpsefnis í
Bandaríkjunum. Sigurjón rekur
ásamt félögum sínum kvik-
myndafyrirtækið Propaganda
Films sem m.a. hefur sérhæft sig í
gerð tónlistarmyndbanda sem
Sigurjón hefur haft umsjón með.
Meiri síldarsöltun en nokkru sinni fyrr
Lokatölur frá sfldarútvegsnefnd um síldarsöltun á síðustu vertíð
sýna að alls hafa verið saltaðar 289.640 tunnur sem er meira en nokkru
sinni fyrr í sögu Suðurlandssíldarinnar. Heildarsöltunin var um 60%
meiri en saltað var að meðaltali af Norðurlandssfld frá því síldarútvegs-
nefnd tók til starfa 1935. Hæsti söltunarstaðurinn á sl. vertíð var
Eskifjörður, þar var saltað tæpar 50 þús. tunnur á sjö söltunarstöðv-
um. A tveimur öðrum stöðvum komst söltunin yfir 20 þús. tunnur, hjá
Fiskimjölsverksmiðju Hornafjarðar og Pólarsíld á Fáskrúðsfirði.
Víkurverk ekki gjaldþrota
Vegna fréttar í Þjóðviljanum um að endurbygging á Laugaveginum
á milli Frakkastígs og Klapparstígs væri illa úr garði gerð, hafði fram-
kvæmdastjóri Víkurverks, Jón A. Jónsson er vann verkið, samband
við blaðið og vildi koma því á framfæri að það væri ekki rétt að
fyrirtækið væri gjaldþrota. Þvert á móti stæði það vel og væri í góðum
rekstri. Varðandi þá umsögn gatnamálastjóra borgarinnar að verkið
hefði misfarist vildi Jón taka fram, að verktakinn hefði unnið verkið
eftir verklýsingu og engu breytt þar í frá. Vísaði hann ummælum
gatnamálastjóra algerlega á bug.
Þjóðleiðin til Þingvalla
Ferðafélagið Útivist stendur fyrir gönguferð frá höfuðborginni til
Þingvalla eða þjóðleiðina til Þingvalla. Gengið verður í fjórum áföng-
um og verður fyrsta ferðin farin annað kvöld og þá gengið frá Árbæjar-
safninu að Langavatni. Reiknað er með að þessi fyrsti áfangi taki um
tvær klukkustundir.
FRÉTTIR
Samvinnutryggingar
Sótt að Guðjóni
Kappkosningar um Guðjón B. Ólafsson ístjórn
Samvinnutrygginga. Valur úrfelum og stjórnar opinberri
atlögu aðforstjóranum
Afulltrúaráðsfundi Samvinnu-
trygginga nú um helgina kom
til kosninga við val stjórnar-
manna, og var Guðjón B. Ólafs-
son forstjóri SIS naumlega kosinn
í stjórnina gegn frambjóðanda
Vals Arnþórssonar og Erlends
Einarssonar, Þorsteini Sveinssyni
kaupfélagsstjóra á Egilsstöðum.
Átökum æðstu manna í SÍS-
veldinu lauk engan veginn með
samþykktinni um launamál
Guðjóns ytra, og um helgina
lagðist Valur Arnþórsson stjórn-
arformaður SÍS og framkvæmda-
stjóri KEA, sterkasta kaupfé-
lagsins, í fyrsta sinn opinberlega
gegn Guðjóni forstjóra í einstæð-
um kosningum á Samvinnutrygg-
ingafundinum.
Á slíkum fundum er allajafha
búið að ákveða fyrirfram hver
verður hvað, og fara fundirnir
fram í „kirkjulegu andrúmslofti"
einsog einn viðmælandi blaðsins
komst að orði. Á fundinum um
helgina var loft hinsvegar lævi
blandið.
Erlendur Einarsson fyrrver-
andi stjórnarformaður gekk nú
úr stjórninni, meðal annars
vegna fyrri þrýstings frá Guðjóni
B. - sem öfugt við Erlend hefur
talið rétt að valdapóstar Erlends
og bitlingar allir fylgi forstjóra-
stólnum til sín. Valur Arnþórs-
son, sem var fundarstjóri á full-
trúa-ráðsfundinum, stakk hins-
vegar uppá sjálfum sér sem
stjórnarformanni og var á það
fallist án kosningar. Þrír aðrir
stjórnarmenn voru valdir án at-
kvæðagreiðslu, þeir Ingólfur Ól-
afsson (KRON), Geir Gunn-
laugsson (Marvel) og Karvel Ög-
mundsson útgerðarmaður.
Auk þeirra stingur Valur síðan
uppá Þorsteini Sveinssyni. Kem-
ur nú nokkurt fát á fundarmenn
og upp stendur Sveinn Guð-
mundsson Akranesi og segir það
vantraust á forstjóra SIS að kjósa
hann ekki í stjórnina og býður
Guðjón fram gegn Þorsteini.
Eftir það rökstyður Valur fram-
boð Þorsteins, meðal annars með
tilvísun til landsbyggðarsjónar-
miða, og eftir rafmagnað fundar-
hlé er gengið til atkvæða. Guðjón
fékk 13 atkvæði, Þorsteinn 8, og
urðu þeir Valur og Erlendur
þarmeð undir í fyrstu opinberu
orrustu hinna andstæðu afla í
SÍS.
-m/mj
Á Reykjavíkurflugvelli: Þangað hröktust Flugleiðamenn með utanlandsflugið í gær, og höfðu þá fengið sig
fullsadda af að etja kappi við árvökula verkfallsverði Verslunarmannafélags Suðurnesja. Mynd: sg.
Flugleiðir
Utanflug á hrakhólum
Tvisvarflogið úr Vatnsmýrinni ígærmorgun. Verkfallsvarsla
Flugleiðavél á leið til
Kaupmannahafnar fór í loftið
um fimmleytið í gær og kom
nokkuð á óvart að verkfallsverðir
skyldu láta flugið átölulaust, þar
sem þeir komu í veg fyrir brottför
tveggja véla fyrr um daginn.
Tveimur vélum Flugleiða var
flogið utan í gærmorgun frá
Reykjavíkurflugvelli, annarri til
Kaupmannahafnar en hinni til
London. Gerði önnur þeirra
stuttan stans á Keflavíkurflug-
velli og tók nokkra farþega sem
sloppið höfðu í gegnum raðir
verkfallsvarða fyrr um morgun-
inn.
í Leifsstöð hert
Farþegar félagsins voru
innritaðir til flugs en verkfalls-
verðir komu í veg fyrir að þeir
færu í gegnum vegabréfseftirlit.
Flugleiðamenn gripu þá til þess
ráðs að aka farþegunum og fljúga
flugvélunum til Reykjavíkur, og
fljúga síðan þaðan til útlanda.
-Við erum ekki í verkfalli
lengur og höfum því ekkert um
þetta mál að segja, sagði Pétur
Maack hjá Verslunarmannafé-
lagi Reykjavíkur, aðspurður um
þetta mál í gær.
-Við teljum að þeir menn sem
bera beina ábyrgð á rekstri stöðv-
arinnar megi vinna, enda þótt
þeir sinni ekki viðkomandi störf-
um daglega, sagði Bogi Ágústs-
son, blaðafulltrúi Flugleiða.
Hann vitnaði til Hæstaréttar-
dóms frá 1986 máli sínu til stuðn-
ings, en hann var á þá lund að
háskólarektori var leyfilegt að
ganga í störf húsvarðar í verkfalli
BSRB það ár.
Fjóla Sigurðardóttir, Verslun-
armannafélagi Suðurnesja, sagði
að ekkert uppgjafarhljóð væri í
félagsmönnum; þvert á móti
hefði fólk þjappast saman í
átökum síðustu daga og ætlaði að
mæta tvíeflt til verkfallsvörslu í
Leifsstöð í dag. HS
2 SÍÐA - ÞJÓÐVILJINN Þriðjudagur 3. maí 1988