Þjóðviljinn - 07.05.1988, Blaðsíða 10
Leikhús
Nýtt starf við
Þjóðleikhúsið
s
Arni Ibsen, nýráðinn leiklistarráðunautur við Þjóðleikhúsið:
„Þetta er fyrst og fremst hugsað sem ráðgjafastarf‘
Fyrsta mars síðastliðinn var
Árni Ibsen ráðinn leiklistar- og
bókmenntaráðunautur (dramat-
úrg) við Þjóðleikhúsið. Árni er
annar maðurinn sem er ráðinn
dramatúrgur við íslenskt leikhús,
sá fyrsti við Þjóðleikhúsið og sá
fyrsti sem gegnir stöðunni sem
fullu starfi. En Gunnar Gunnars-
son rithöfundur var ráðinn í hálft
starf sem leiklistarráðunautur
hjá Leikfélagi Reykjavíkur í
haust.
Árni stundaði nám í leikhús-
fræði og enskum bókmenntum
með sérstaka áherslu á dramat-
úrgíu við háskólann í Exeter, og
lauk B.A. prófi þaðan árið 1975.
Síðan hefur hann unnið ýmis
störf, til dæmis stundað kennslu,
verið leikstjóri, leikari, rithöf-
undur og þýðandi. Hann var
leikhúsritari Þjóðleikhússins frá
haustinu 1979 til síðustu ára-
móta.
Starf leiklistarráðunauts var á
sínum tíma fundið upp í Þýska-
landi, og er hlutverk hans meðal
annars að vera eins konar milli-
liður eða ráðgjafi höfunda og
leikstjóra. Leiklistarráðunautur
er gjarnan höfundur sjálfur, og
getur til að mynda komið með
hugmyndir um hvernig túlka beri
verk, umskrifað það og lagað að
aðstæðum, og jafnvel skrifað
nýja leikgerð í samvinnu við leik-
stjóra ef þurfa þykir. Núorðið
þykir dramatúrgur bráðnauðsyn-
legur við hverja sýningu sem sett
er upp í leikhúsum víða um lönd.
En annars mun starfssvið drama-
túrgsins oftast fara eftir aðstæð-
um á hverjum stað, sem getur
verið mjög breytilegt eftir
löndum og leikhúsum.
En hvað blasir viðfyrsta drama-
túrgi Þjóðleikhússins? Hvert verð-
ur starfssvið hans?
- Þetta er fyrst og fremst hugs-
að sem ráðgjafastarf, - segir
Árni. - Leiklistarráðunautur er
fyrst og fremst ráðgjafi leikhús-
stjóra og eins þeirra höfunda sem
þess óska. Hann þarf líka að
fylgjast með öllum nýjungum er-
lendis og reyna að finna leiðir til
að nýta listamennina og leiksvið-
in betur. Sem stendur er ég mest í
því að lesa leikrit og skipuleggja
næsta leikár með Þjóðleikhús-
stjóra og þeim sem sjá um fjár-
málin. Og í framhaldi af því má
segja að það sé í verkahring
leiklistarráðunautsins að skil-
greina hlutina, útskýra hvers
vegna við gerum þetta en ekki
hitt, og benda á forsendur fyrir
hverju verkefni.
- Svo kem ég til með að bera
ábyrgð á þýðingum, sjá um að
þær séu í lagi, og eins verður
vinnan með höfundunum mikil-
væg. Þeir menn sem hafa verið á
launum hjá leikhúsinu við að
skrifa leikrit hafa oftast verið al-
gjörlega úr tengslum við leikhús-
ið, og þó sumir vilji helst fá að
vera afskiptalausir þangað til þeir
hafa lokið sínum verkum, þá eru
aðrir sem gjarnan vilja hafa ein-
hvern að ráðfæra sig við á meðan
þeir eru með handritið í smíðum.
Og þá á ég að vera til taks til að
lesa handrit og gefa mína skoðun
á því sem menn eru að gera. Mér
finnst eðlilegra að leikhúsið hlúi
að leikritum sem er beinlínis ver-
ið að skrifa fyrir það, og það er
mikil nauðsyn á þessari ráðgjöf,
sérstaklega vegna þess að við
eigum mjög fáa leikritahöfunda.
Einhvern veginn hefur legið
beinna við fyrir íslenska rithöf-
unda að skrifa prósa eða ljóð. Og
rétt eins og þarf að hlúa að höf-
undum þarf að hlúa að leik-
stjórum og ala upp nýja kynslóð
leikstjóra.
Kemur þú til með að hafa
eitthvað að segja um hvaða verk-
efni verða tekin fyrir á nœsta
leikári?
- Samkvæmt lögum hefur
leikhússtjóri endanlegt ákvarð-
anavald, sem þýðir í rauninni að
hann getur farið sínu fram og gert
það sem honum sýnist. En sér til
ráðuneytis hefur hann verkefna-
valsnefnd og leiklistarráðunaut
annars vegar, og hinsvegar fjár-
málastjóra og skipulagsstjóra.
Það hefur verið venjan hér í
Þjóðleikhúsinu að samráð sé haft
um verkefnaval, og ég veit fá
dæmi þess að leikhússtjóri hafi
beitt þessu valdi sínu til keyra
eitthvað í gegn, gegn vilja til
dæmis verkefnavalsnefndar. En
það er auðvitað undir sjálfum
mér komið hvað mín orð og mín
ráðgjöf vega þungt.
Þú kemur ekki til með að vinna
beint með leikstjórum ? Mér dettur í
hug samanburðurinn við Þýska-
land þar sem vinna dramatúrgsins
getur skipt sköpum um hvernig til
tekst með sýninguna.
- Þetta starf er nýtt hér á landi
og þarf að þróast. Nú er ég svo
nýbyrjaður að ég get eijinlega
ekki sagt neitt um þetta. Eg held
að ég þyrfti að hafa verið minnst
ár í starfinu til að vita hver mín
afskipti að sýningum verða. En ef
dramatúrgur ætti að hafa afskipti
af sýningum á svipaðan hátt og
REYKJHJIKURBORG
aíeutMVt Stödun.
Hitaveita Reykjavíkur
Óska eftir að ráða:
Járniðnaðarmann vanan pípusuðu
Vinnan felst í almennu viðhaldi dreifikerfis. Kraf-
ist er hæfnisvottorðs í pípusuðu, rafsuðu og log-
suðu, frá Rannsóknarstofu Iðnaðarins.
Starfsmann í notendaþjónustu
Pípulagningarmann, eða laghentan mann vanan
pípulögnum.
Upplýsingar um störfin veitir Örn Jensson, hjá
Hitaveitu Reykjavíkur, Grensásvegi 1, sími
82400.
FRA MENNTAMALARAÐUNEYTINU
Lausar stöður við framhaldsskóla.
Við NÝJA H JÚKRUNARSKÓLANN er laus til umsóknar ein og hálf
staða námstjóra. I stöðunum felst fagleg ábyrgð á námsbraut,
skipulagning og stjórn auk þess kennsluskylda að hluta til.
Viðfangsefni næsta ár verða:
gjörgæsluhjúkrun,
félags- og heilsuverndarhjúkrun,
hjúkrunarstjórnun
geðhjúkrun, svæfinga- og skurðhjúkrun.
Ráðið verður í stöðurnar til eins árs. Nánari upplýsingar eru veittar í
síma 622150 klukkan 10-12 alla virka daga.
Við FRAMHALDSSKÓLANN Á HÚSAVÍK eru lausar kennara-
stöður í eftirtöldum greinum: Þýsku, frönsku, ensku, viðskiptagrein-
um, stærðfræði, tölvufræði og hálf staða í tónmennt. Jafnframt er
óskað eftir sérkennara til að kenna nemendum með sérkennslu-
þarfir.
Við MENNTASKÓLANN OG IÐNSKÓLANN Á ÍSAFIRÐI eru
lausar eftirfarandi stöður:
Ein og hálf staða í íslensku og stærðfræði, heilar stöður í þýsku,
vélstjórnargreinum, rafvirkjun, rafeindavirkjun, grunnnámi rafiðna
og þjálffræði íþrótta og skíðaþjálfun,
tveir þriðju stöður í dönsku og skipstjórnarfræðum,
hálfar stöður í frönsku og eðlisfræði.
Ennfremur starf húsbónda, húsmóður og ritara, allt hálfar stöður.
Umsóknir ásamt upplýsingum um menntun og fyrri störf sendist
menntamálaráðuneytinu, Hverfisgötu 6,150 Reykjavík fyrir 25. maí
næstkomandi.
Árni Ibsen: Ýmsar stórfréttir verða gerðar opinberar alveg á næstunni.
tíðkast víða erlendis, þyrfti að
ráða minnst sex manns í fullt starf
við leikhúsið. Einn maður getur
alls ekki komist yfir að sinna slíku
af alefli.
Nú hefur þú verið leikhúsritari í
átta ár. Finnstþér vera mikill mun-
ur á starfi leikhúsritarans og
leiklistarráðunautsins?
- Það er óneitanlega mikill
munur, ég hef miklu betri yfirsýn
yfir það sem er að gerast í
leikhúsinu. Nú er ég til að mynda
með hugann við næsta leikár í
stað þess að vera bara í vinnunni
frá degi til dags og sinna þeim
verkefnum sem liggja fyrir,
kannski án þess að hafa hugmynd
um hvert framhaldið verður. Ég
fæ óhjákvæmilega miklu betri
innsýn í hvernig stofnunin er
byggð upp, og hvernig hlutirnir
ganga fyrir sig.
Þýðir þessi nýja staða að það
verði breyting á stefnu Þjóðleik-
hússins til dœmis hvað varðar
verkefnaval?
- Eg vona það. Ég held að það
hljóti að vera, vegna þess að bæði
koma inn fleiri sjónarmið með
nýjum manni, og eins fleiri
möguleikar á að leita fanga víðar
og fara nýjar leiðir þegar leikhús-
stjóri hefur ráðgjafa sér við hlið.
Og eins í þessu tilfelli núna, þegar
leiklistarráðunautur hefur öðru-
vísi menntun en Þjóðleikhús-
stjóri, hljóta að koma upp önnur
sjónarmið.
Geturðu sagt mér eitthvað frá
því sem er fyrirhugað að gera á
nœsta leikári?
- Það er aðeins of snemmt að
tala um það núna. En það eru
ýmsir spennandi hlutir á döfinni,
- og ýmsar stórfréttir sem verða
gerðar opinberar alveg á næst-
unni. LG
Auglýsing
um verklegt próf
í endurskoðun
Samkvæmt reglugerð nr. 208/1979, sbr. reglu-
gerð nr. 1/1980 verður haldið verklegt próf til
löggildingar til endurskoðunarstarfa og er áætlað
að það verði á tímabilinu frá 20. október til 10.
nóvember 1988.
Þeir sem hyggjast þreyta prófraun sendi próf-
nefnd löggiltra endurskoðenda, c/o fjármála-
ráðuneytið, tilkynningu þar að lútandi fyrir 13. júlí
nk. Tilkynningunni skulu fylgja skilríki um að
fullnægt sé skilyrðum til að þreyta prófraun sbr.
lög nr. 67/1976.
Prófnefndin mun boða til fundar með próf-
mönnum í september nk.
Reykjavík, 3. maí 1988
Prófnefnd löggiltra endurskoðenda
Utboð
Byggingarnefnd Foldaskóla óskar eftirtilboðum í
gerð fastra innréttinga í annan áfanga Folda-
skóla í Grafarvogi. Um er að ræða fasta skápa,
borð o.fl.
Útboðsgögn eru afhent á teiknistofu Guðmundar
Þórs Pálssonar, Óðinsgötu 7,3. h. til hægri, gegn
kr. 5.000.- skilatryggingu.
Tilboðin verða opnuð á sama stað miðvikudag-
inn 18. maí nk. kl. 11.30.
Byggingarnefnd Foldaskóla
Menntamálaráðuneytið
10 SÍÐA - ÞJÓÐViLJINN