Þjóðviljinn - 28.05.1988, Blaðsíða 7
Ný plata
Höfuðlausnir Megasar
Megas: Ég er löngu búinn að átta migá þvíað það er
ekki til neitt réttlœti
Þá er hún loksins komin, nýja
platan hans Megasar. Heitir
Höfuðlausnir og innihcldur Tæ-
blús, Borgarblús og Leiðrétting-
arblús og fleira og lleira. Það hef-
ur verið von á plötunni síðan í
febrúar en, - hvernig er það
Megas, var þetta eitthvert sérs-
takt sölutrix hjá ykkur að auglýsa
plötuna og draga svo að koma
með hana í eina þrjá mánuði?
- Nei, alls ekki. Platan var til-
búin í lok febrúar, en það voru
svona ýmsar ástæður fyrir því að
henni seinkaði. Þetta var ekkert
sem við ætluðum að gera.
Ertu haldinn eitthvað sérstök-
um fítonskrafti núna úrþví þú
gefur út plötu svona stuttu eftir
að þú gafst út Loftmyndina? Hef-
urðu svona mikið að segja?
- Þetta er ekkert sérstakur
kraftur. Þegar ég vinn þá vinn ég
mikið, en annars er ég frekar
latur. Það sem rekur mig áfram er
einfaldlega það sama og rekur
alla fslendinga áfram. Það er
markaður fyrir þessi sönglög svo
ég held þessu áfram svo lengi sem
ég þarf peninga til að lifa og ís-
lenska þjóðin þarf á sönglögum
að halda.
- Það er ekkert mikið að gera
nýja plötu á fjórum til sex mán-
uðum. Þettaereinungisóeðlilega
stuttur tími markaðarins vegna.
Astæðan fyrir því að fólk gefur
ekki út plötu nema svona einu
sinni á ári er að það er ekki talið
borga sig. Menn hugsa sem svo
að fólk kaupi ekki tvær plötur
eftir sarna manninn með stuttu
millibili. Þess vegna eru sex mán-
uðir algjör lágmarksfrestur fyrir
markaðinn. Loftmyndin kom út í
byrjun nóventber í fyrra svo þetta
er lágmarkstími.
- En ef ég væri ekki bundinn af
markaðnum gæti ég nánast gefið
út plötu svona á mánaðar fresti.
Ég myndi kannski byrja á plötu
með eigin verkum, gefa svo út
plötu með íslenskum sönglögum
sem mér fyndust eiga erindi á
plötu og sem ég vildi spreyta mig
á. Taka fyrir hluti sent mig lang-
aði til að flytja. Og svo rnyndi ég
auðvitað gefa út nýja útgáfu af
Passíusálmunum á hverju ári.
Enginn meðvitaður
skandall
Hvað finnst þér um þá
breytingu sem hefur orðið á þinni
stöðu sem músíkants hér á landi?
Ég á við að þegar þú gafst út þínar
fyrstu plötur þá voru margir
hneykslaðir. Sumir töluðu um að
þú værir algjör skandall, en núna
ertu orðinn viðurkennt fyrirbæri.
- Ég veit ekki til þess að ég hafi
nokkurntíma verið skandall. Ég
hef að minnsta kosti aldrei verið
að reyna að hneyksla neinn. Ekki
þegar ég gaf út mínar fyrstu
plötur frekar en núna. Ég var
bara að reyna að lifa lífinu með
mínum eigin aðferðum, en þær
trufluðu eitthvað sumt fólk. Fóru
í taugarnar á því og hneyksluðu
það. En ég var enginn meðvitað-
ur skandall. Ég man heldur ekki
til þess að ég hafi verið þannig að
fólki hefði þurft að finnast vera
ástæða til að hneykslast á mér.
En ég var náttúrlega fullur og
dópaður einsog aðrir íslending-
ar.
- Eins held ég ekkert að ég sé
eitthvað sérstaklega viðurkennd-
ur núna. Öðru nær. Eftir því sem
mér skilst eru einhverjir menn á
fullu við að búa til einhverjar
sögur urn ntig. Og þá get ég bara
sagt að maður veit ekki hvort
maður á að hlæja eða fyrtast þeg-
ar Gróa er allt í einu kornin með
útsendingu. Svo segi ég ekki
meira um það, ekki nema einsog
gula pressan, nomina sont odi-
osa, ég nefni engin nöfn.
Bara venjulegur
einstaklingur
Varstu eitthvað byrjaður að
vinna Höfuðlausnir þegar þú
laukst við Loftmynd?
- Ég veit ekki alntennilega
hvað langan tíma hráefnisgerðin
hefur tekið. Sjálf platan er unnin
á einum mánuði, og tvö laganna
eru frá því um það leyti sent ég
var að gera hana. 6 laganna eru
eitthvað eldri, ég hef verið með
þau í gangi síðan í fyrrasumar, en
fannst þau ekki eiga erindi á
Borgarplötuna. Og þau tvö elstu
hef ég svo verið nteð á tónleikum
en aldrei spilað inn á plötu.
Nú vorum við að hlusta þarna á
lag um manninn sem fær ekki lán
hjá ljóskunni í lánasjóðnum.
Ertu með einhverja sérstaka
stefnu í textagerðinni...
- Boðskap áttu við? Ég er ekki
með neinn boðskap því ég er bara
venjulegur einstaklingur. Ég
held ekki að normalt fólki lifi
eftir einhverjum boðskap eða
þurfi alltaf að vera að predika
eitthvað. Ég held að það sé bara
eitthvað skrítið fólk, eða anormal
einstaklingar sem eru alltaf með
einhvern boðskap.
- Hinsvegar ef ég gengi hérna
um borgina og tæki myndir færi
ekki hjá því að inná myndina slys-
aðist eitthvað sent ekki væri svo
óskaplega gott. Hrörlegt hús, fá-
tæk fjölskylda, eitthvað í þá átt-
ina því þannig er lífið. Þetta er
nokkuð sem er fyrir hendi og þess
vegna væri það líka á myndunum.
En maður á mínum aldri er löngu
búinn að átta sig á því að það er
ekki til neitt réttlæti. Þó ég segi til
dæmis frá ljóskunni í Lánasjóðn-
um sem segir að ég liafi of há laun
til að geta fengið lán fyrir mjólk
er ég ekkert að ergja mig yfir því
eða hneykslast. Ég er bara að
segja frá hlutum sem eru fyrir
hendi.
Eins og
líkindareikningur
Þú lítur kannski á lögin þín eins
og myndir af borginni og
mannlífinu?
- Mín aðferð er kannski nokk-
uð oft að segja sögu, og til að
segja sögu fer ég mjög oft þá
leiðina að teikna upp mynd, eða
myndir. Þetta er ekki svo ósvipað
teikniseríunum. Ég var mjög
hrifinn af þeim þegar ég var ung-
lingur og það hefur kannski haft
áhrif á mína lagagerð.
- Það liggur oft mynd að baki
mínum lögurn. Kannski mynd
sem ekki kemur beint fram í text-
anum, en sent hefur ntikið að
segja unt hvernig hann er. Sög-
una vinn ég úr myndum, úr
reynslu minni og annarra, alls
konar hlutum og brotum. Svo
þarf einhverja ákveðna innlifun,
og þannig get ég sagt frá hlut sem
ég hef aldrei upplifað, í fyrstu
persónu eintölu. Þannig get ég
fjallað um meira en nákvæmlega
mína reynslu og fengið nokkuð
sanna ntynd af hlutnum án þess
að hafa reynt hann. Þetta er eins
og að setja saman líkinda-
reikning, og þetta get ég notað
mér til dæmis til að segja sögu
eyðnisjúklings sem er að deyja.
Nýjar leiðir
Ertu ánægður með Höfuð-
lausnir?
Megas: „Það liggur oft mynd að baki mínum lögum.'
- Mér finnst það vera meira
spennandi plata en sú síðasta.
Loftmyndin. Þegar ég gerði hana
gerði ég hlutina eins og ég var
vanur, ég fór mjög varlega í að
gera tilraunir og synti aldrei
lengra frá ströndinni en svo að ég
gæti komist til baka. Ég fór sem
sagt mikið mínar eigin troðnu
slóðir þegar ég gerði hana.
gera hluti sem ntér hafði ekki
dottið í hug að ég myndi nokk-
urntíma gera.
-Égheldaðþað sémeiri músík
á þessari plötu en á síðustu
tveimur plötum. Þær voru svona
Kalvínískari. Þar er undirspilið
yfirleitt bara undirspil, hefur
ekkert annað hlutverk en að
þjóna textanum. Þarna er músík-
MENNING
Umsjón: Lilja Gunnarsdóttir
- Á þessari plötu hellti ég mér
út í að gera hluti sem ég er alls
ekki vanur að gera, og þar skipti
samstarfið við Hilmar nokkuð
miklu máli. Ég var með einhverj-
ar hugmyndir að hlutum sem ég
vildi reyna, og eins voru ákveðnir
hlutir sem ég vissi að Hilmar gæti
náð fram, svo í byrjun gaf ég hon-
um frjálsar hendur áð nokkru
leyti. Síðan fóru alit í einu að
opnast einhverjar dyr, nýjar
leiðir að koma í ljós og ég fór að
in kannski allt í einu farin að
teikna hlutina. Oröin sjálfstæð og
farin að segja ákveðna sögu. Ég
held að þetta sé talsverð
breyting. Og þess vegna er
kannski erfitt að hlusta á hana ef
menn eru að búast við því sama
og venjulega.
- Annars þótti mér Loftmynd
mjög spennandi þegar ég var að
gera hana, og þar var ég með á-
kveðna tilraunastarfsemi. Ég
gerði hluti sem þá voru nýir fyrir
mér og þar með breyttist viðmið-
unin, eða sá púnktur sem ég gekk
út frá. Á þessari plötu geri ég svo
alla hluti öðruvísi en venjulega
svo að þegar ég geri næstu plötu
verð ég kominn með enn aðra
viðmiðun. Það er jú ekkert varið í
að gera alltaf sömu hlutina. Ég er
í þessu starfi því að mér finnst
skemmtilegt að vinna fyrir mér á
þennan hátt, og þá reyni ég
auðvitað að gera hluti sent ég hef
grun um að séu skemmtilegir.
Þú ert kannski farinn að undir-
búa næstu plötu nú þegar?
- Nei, ég er alls ekkert byrjað-
ur á því. Ég býst við að öll
plötupæling liggi niðri um stund,
ég er búinn að ofgera markaðn-
um með því að gefa út tvær plötur
með svona stuttu millibili.
Höfuðlausnir er tekin upp og
hljóðblönduð í Sýrlandi í janúar
og febrúar. Megasi til aðstoðar
eru söngkonurnar lnga Guð-
mundsdóttir, Björk Guðntunds-
dóttir og Rose McDowall, Guð-
laugur Kristinn Óttarsson spilar á
gítar og bassa, Hilmar Örn Hilm-
arsson sér unt hljómborð, slag-
verk, bassa og fortónun. LG
Laugardagur 28. maí 1988 ÞJÓÐVILJINN - SÍÐA 7