Þjóðviljinn - 10.08.1988, Blaðsíða 4

FRÉTTIR
Japanir vilja meiri ullarvörur
Forráðamenn Álafoss reikna með að selja ullarvörur til Japans á
næsta ári fyrir um 2,5 miljarða bandaríkjadala, að því er fram kemur í
nýútkomnu fréttabréfi fyrirtækisins. Nýlega voru hér á ferð forstjóri
stærsta viðskiptafyrírtækis Álafoss í Japan og forstjóri umboðsfyrir-
tækis Álafoss í Japan. Hefur verið gengið frá hönnun á fatnaði sem fer
til Japans á næsta ári og ráðgera Japanir að hefja sölu og kynningu á
ullarvörunum þegar í desember n.k.
Eitt kaupfélag á Suðurlandi
Kaupfélag Árnesinga á Selfossi hefur yfirtekið allan rekstur Kaupfé-
lags Skaftfellinga frá og með 7. ágúst sl. Engu starfsfólki hefur verið
sagt upp vegna þessarar yfirtöku sem er fyrsti áfangi að því marki að
sameina rekstur allra kaupfélaganna á Suðurlandi til að auka hag-
kvæmni í verslunarrekstrinum.
Draumabíll á Veröldinni ‘88
Á 18. vörusýningu Kaupstefnunnar hf., sem opnuð verður í Laugar-
dalshöllinni um næstu mánaðamót, verður m.a. til sýnis stærsta limús-
ína sem smíðuð hefur verið í heiminum. Bifreiðin er 18 m á lengd og
undir henni eru 16 hjól. Meðal þæginda um borð í þessari „bifreið" er
sundlaug með stökkbretti, heitur pottur, vatnsrúm, risa-
sjónvarpsskermur og sérstakur lendingarpallur fyrir þyrlu er á bílnum
sem vegur aðeins 10 tonn. Tveir bílstjórar aka bifreiðinni sem getur
flutt allt að 50 manns í einu.
Kringlan ársgömul
Á laugardaginn kemur er rétt ár liðið frá því verslunarmiðstöðin
Kringlan var formlega opnuð. í tilefni þessara tímamóta verður afmæl-
ishátíð í Kringlunni á föstudag og laugardag þar sem ýmislegt verður til
skemmtunar. Á þvi ári sem liðið er frá því að verslunarhöllin var
opnuð hafa komið þangað um 3,5 miljónir manna til að versla eða litast
um. Samkvæmt könnun sem gerð hefur verið eru Reykvíkingar um
65% viðskiptavina, um fjórðungur kemur úr næstu nágrannabyggðum
og tíundi hluti viðskiptavina Kringlunnar er búsettur úti á landi.
Myndir fyrir nornir og böðla
Bókafélagið Tunglið hefur sent frá sér sína þriðju bók. Hún nefnist
„Myndir fyrir nornir og böðla“ og er eftir þá Sveinbjörn Gröndal og
Jón Egil Bergþórsson en myndir í bókina teiknaði Helga Óskarsdóttir.
Efni verksins er að sögn útgefenda í anda þjóðfélagslegs raunsæis með
rómantískum blæ og súrrealískri undiröldu. Klassíska heiðríkju má
víða finna en þó má segja að hún sé oft undir dadaískum áhrifum í
bland við síðfútúrisma, nýrómantík og tilvistarstefnu.
Mál og menning gaf út
í viðtali við Jakobínu Sigurðardóttir rithöfund, í Nýja helgarblað-
inu, slæddist sú villa með að Skuggsjá var sögð hafa gefið út Snöruna.
Hið rétta er að Mál og menning gaf út Snöruna. Viðkomandi eru
beðnir velvirðingar á þessum mistökum.
Il&l Fóstrur
Forstööumann, deildafóstrur vantar til starfa hjá
ísafjarðarkaupstað.
Útvegum húsnæði - önnur hlunnindi.
Upplýsingar veitir félagsmálastjóri í síma 94-
3722.
Félagsmálastjóri
Laus staða
Staða bókavarðar í Landsbókasafni íslands er laus til umsóknar.
Æskilegt er að umsaskjendur hafi próf í bókasafnsfræði.
Laun samkvæmt launakerfi starfsmanna ríkisins.
Umsóknir ásamt upplýsingum um menntun og starfsferil skulu hafa
borist menntamálaráðuneytinu fyrir 1. september næstkomandi.
Menntamálaráðuneytið, 8. ágúst 1988
Alþýðubandalagsfólk í Grundarfirði hefur unnið hörðum höndum við að koma upp félagsheimili og nú er
það saltfiskurinn sem á að fjármagna húsakaupin.
AB Grundarfirði
Selja saltfisk
uppí húsakaup
Alþýðubandalagsmenn í Grundarfirði á handfœraveiðum.
Að undanförnu hafa félagar í
Alþýðubandalaginu í Grund-
arfírði stundað sjóróðra af kappi
og verkað aflann í salt til fjáröfl-
unar vegna húsnæðiskaupa
félagsins.
Að sögn Ólafs Guðmunds-
sonar hafa veiðarnar gengið vel
og bjóða Grundfirðingarnir nú til
sölu úrvals saltfiskflök fyrir að-
eins 350 kr. kílóið.
Hverri pöntun fylgir tillaga að
matreiðslu eftir listamatargerð-
armanninn Rúnar Marvinsson.
Hægt er að gera pantanir á kvöld-
in í síma 93-86715 í Grundarfirði
eða 91-15530 í Reykjavík. Pant-
anir verða síðan afgreiddar á Óð-
insgötu 6 í Rvík fyrir íbúa á höf-
uðborgarsvæðinu, laugardaginn
13. ágúst milli kl. 13-16 eða eftir
nánara samkomulagi.
Hvetur Ólafur alla stuðnings-
menn og áhugamenn um góðan
saltfisk að styðja gott málefni
með því að tryggja sér úrvals salt-
fisk frá Grundarfirði. -Ig.
Fatlaðir
Námskeið fyrir foreldra
Skráning hafin á tvenns konar haustnámskeið. Ferðakostnaður
foreldra af landsbyggðinni greiddur. Ennþáflytjaforeldra til
Reykjavíkur vegna fatlaðra barna
Skráning er hafin á tvenns kon-
ar námskeið sem verða í haust
fyrir foreldra fatlaðra barna. Frá
árinu 1984 hafa Þroskahjálp,
Styrktarfélag lamaðra og fatl-
aðra, Styrktarféiag vangefinna
og Sjálfsbjörg landssamband fatl-
aðra staðið fyrir námskeiðum
fyrir foreldra fatlaðra barna.
Mikil þörf hefur reynst vera fyrir
námskeið af þessu tagi og hefur
Öryrkjabandalagið nú ákveðið
að styrkja þessa starfsemi.
Fyrra námskeiðið verður hald-
ið dagana 24. til 25. september og
er það ætlað foreldrum fatlaðra
unglinga. Seinna námskeiðið,
sem er fyrir foreldra fatlaðra
barna á forskólaaídri á fyrstu
skólaárum, verður síðan haldið
29. til 30. október. Bæði nám-
skeiðin verða í Reykjadal í Mos-
fellssveit.
Kristín Jónsdóttir þroskaþjálfi
er framkvæmdastjóri námskeið-
anna. Hún sagði Þjóðviljanum að
nú hefðu um 300 foreldrar sótt
námskeið af þessu tagi og
reynslan af þeim væri góð. Lækn-
ar, sálfræðingar og félagsráðgjaf-
ar héldu fyrirlestra og foreldrarn-
ir kynntust öðrum foreldrum og
miðluðu reynslu sinni í hópvinnu.
„Allir aðilar námskeiðanna eru á
staðnum allan tímann þannig að
fólk nær vel saman og tengsl hafa
myndast á milli foreldra sem síð-
an hafa oft haldist áfram,“ sagði
Kristín.
Félögin greiða ferðakostnað
fyrir foreldra sem koma utan af
landi og sagði Kristín þetta stuðla
að aðstöðujöfnun á milli fólks úr
Reykjavík og af landsbyggðinni.
Ennþá þekktist það að foreldrar
flyttu til Reykjavíkur vegna fatl-
aðs barns en ástandið hefði þó
heldur lagast síðan svæðastjórn-
irnar komu til 1984.
Að sögn Kristínar komast 15
foreldrar að á hverju námskeiði.
Hún hvetti því foreldra til að hafa
samband hið fyrsta og láta skrá
sig. Þátttökugjaldið væri 1.500
krónur
-hmp
4 SÍÐA - ÞJÖÐVILJINN Miðvikudagur 10. ágúst 1988