Þjóðviljinn - 10.08.1988, Blaðsíða 16

"■SPURNINGIN™
Teluröu íslendinga vera
uppfulla af kvíöa og ang-
ist?
Guðmundur Bergmann
trésmiður:
Nei ég er ekki viss um það.
Aftur á móti er mikill barlómur í
fólki út af efnahagsmálunum og
dýrtíðinni. Að öðru leyti tel ég
okkur vera glaðsinna að eðlisfari.
þlÚÐVILIINN
Miðvikudaour 10. óflúst 1988 178. tðlublað 53. órgangur
Geðlœknaþing á íslandi
Fróðir og fræknir þinga
22. þing norrænna geðlœkna sett íkvöld. Aðalviðfangsefniþunglyndi
og kvíði. Stœrsta norrœna geðlœknaþing sem haldið hefur verið og
með stœrstu lœknaþingum sem haldin hafa verið hér á landi
SÍMI 681333
Á KVÖLDIN
681348
ÁLAUGARDÖGUM
681663
Á svona þingi er jafnvel enn meira miðlað upplýsingum í einkasamræðum undir borðum en i beinum
fyrirlestrum, segir Tómas Helgason. Mynd Ari.
Þórdís Gísladóttir
háskólanemi:
Ég held að við séum hvorki
kvíðnari né haldnir meiri angist
en til dæmis fólk í nágranna-
löndum okkar. Að vísu er fólk
hérna kvíðafullt yfir efnahagsá-
standinu en ekki svo að við
skerum okkur úr í samanburði við
aðrar þjóðir í þessum efnum.
Ásdís Runólfsdóttir
afgreiöslustúlka:
Já örugglega í veðri sem
þessu þar sem rok og rigning ein-
kenna veðurfarið. Ástæðan er að
við erum svo kærulaus að meira
að segja veðrið hefur meiri áhrif
en óáran í efnahagslífinu.
Sæmundur Guðmundsson
deildarstjóri:
Nei. Ég hef enga trú á að svo
sé. Það er vegna þess að við
erum svo bjartsýn og lífsglatt fólk
að eðlisfari. Það fleytir okkur yfir
alla þröskulda sem kunna að
verða á vegi okkar í lífinu.
Helga FriðbjörnBdóttir
kennari:
Nei, það tel ég ekki vera og
mér finnst við ekki hafa neina á-
stæðu til þess þar sem við búum í
svo góðu landi. En hinsvegar er
því ekki að leyna að það fyrir-
finnst fólk hér sem er kvíða- og
angistarfullt en það ber ekki
mikið á því sem betur fer.
í kvöld verður sett 22. þing nor-
rænna geðlækna í Listasafni ís-
lands og er þetta í annað sinn sem
þing sem þetta er haldið hér á
landi. Fyrra þingið var haldið hér
1973. Eiginlegt þinghald fer svo
fram í ýmsum byggingum Há-
skóla Islands og eru skráðir þátt-
takendur, auk förunauta, nærri
900. Að sögn Högna Oskars-
sonar, geðlæknis og fram-
kvæmdastjóra þingsins, er þetta
stærsta norræna geðlæknaþing
sem haldið hefur verið á Norður-
löndunum.
Aðalefni þingsins snýr að
þunglyndi og kvíða en það eru
einmitt einkenni afar margra
geðsjúkdóma og því rúmast
innan þess viðfangsefnis umfjöll-
un um allar helstu hliðar geð-
lækninga. Þetta efni var því valið
sérstaklega til að sem flestir gætu
tjáð sig á þinginu.
Á morgun og föstudag verða
haldnir stórfundir í Háskólabíói,
en eftir hádegi verða svo minni
fundir um hliðarviðfangsefni
þingsins og verða þar flutt erindi
sem bæði tengjast kvíða og þung-
lyndi og svo ýmsum öðrum þátt-
um geðlæknisfræðinnar.
Litlu fundirnir taka á geðræn-
um kvillum barna og unglinga,
alkóhólisma og meðferð við hon-
um, réttargeðlækningum, skipu-
lagi geðheilbrigðisþjónustu,
sjálfsmorðum, svefntruflunum,
dagspítölum, geðlífeðlisfræði,
öldrunargeðlækningum og kynn-
ingum á nýlegum geðlyfjum, auk
annarra viðfangsefna.
Á morgun verður farið með
förunauta þinggestanna í skoð-
unarferðir en á föstudag verður
„Fun run“, eða skemmtiskokk,
þinggesta og hafa um 150 skráð
sig, - svo ef fólk vill berja augum
hálft annað hundrað hálfberra
geðlækna þá er ráðið að vera í
grennd við Vesturbæjarlaugina
um hádegisbilið á föstudaginn,
segir Högni, en hlaupið hefst
klukkan 12.30. Á föstudeginum
halda kvengeðlæknarnir á þing-
inu sérstakt þing í Átthagasal
Hótel Sögu, og seinna um kvöld-
ið verður hátíðarkvöldverður á
Hótel íslandi.
Þingið er ætlað geðlæknum og
öðrum innan heilbrigðisstéttanna
en almenningi er því miður ekki
ætlað að hlýða á fyrirlestrana sem
fluttir verða. Kynnt verða
rannsóknaverkefni frá öllum
Norðurlöndunum og eru íslensk
erindi alls um 30 - 40 talsins en
flest þeirra fjalla um niðurstöður
kannana sem gerðar hafa verið á
undanförnum árum á geð-
heilbrigði íslendinga.
Tómas Helgason, prófessor og
forseti þingsins, segist þess
fullviss að það verði örvandi fyrir
íslenska geðlækna og geð-
heilbrigðisstéttina að fá hingað til
lands svo mikinn fjölda sérfróðra
og lærðra í heimsókn.
- Það leikur ekki nokkur vafi á
því að sá fróðleikur sem þarna
verður miðlað á eftir að efla ís-
lensku geðheilbrigðisstéttina og
auka við þekkingu íslenskra geð-
iækna. Þetta verður ómetanleg
reynsla, segir Tómas.
Hannes Pétursson, formaður
Geðlæknafélagsins og fræðilegur
talsmaður þingsins, telur þung-
lyndi og kvíða einmitt ákjósanleg
viðfangsefni svona þings því um-
fjöllun um þau leiði fram þver-
skurð af öllu því sem er að gerast
á hinum Norðurlöndunum á
þessu sviði. - Það verður tekið
breitt á þeim málum sem við
erum að kljást við og því ætti
þetta þing að geta aukið okkur
víðsýni, segir Hannes.
Þinginu verður slitið laugar-
daginn 13. ágúst og ef veður leyfir
er áætlað að þingslit fari fram í
skeifunni fyrir framan aðalbygg-
ingu Háskólans.
-tt