Þjóðviljinn - 25.10.1988, Blaðsíða 2
Þjóðkirkjan
Kirkjuþing
sett í dag
____________FRETTIR____________________
Afkoma
Hækkanir í verðstöðvun
Fjölmargar vörutegundir hafa hœkkað í verði. Georg Ólafsson: Mis-
skilnings gœtir á framkvœmd þeirrar verðstöðvunar sem nú er í gildi
Skipulag kirkjunnar hefur ekki
fylgt eftir þeim miklu breytingum
sem orðið hafa í byggðaþróun, er
niðurstaðan í álitsgerð um endur-
skoðun á skipan prestakalla og
prófastsdæma, sem lagt verður
fyrir 19. Kirkjuþing þjóðkirkj-
unnar sem sett verður í Bústaða-
kirkju í dag. 20 kjörnir fulltrú-
ar, leikmenn og prestar og bi-
skupar sitja þingið sem stendur í
10 daga. Yfir 30 prestaköll í
landinu telja 500 manns eða færri
en 6 stærstu prestaköllin telja yfir
7000 manns hvert. í tillögum sem
liggja fyrir þinginu er lögð
áhersla á að halda nokkrum fá-
mennum prestaköllum í af-
skekktum byggðalögum vegna
sérstakra aðstæðna.
Fjölmargar vörutegundir hafa
hækkao í verði a yfirstand-
andi verðstöðvunartímabili.
Flestar hafa þessar hækkanir
gengið sjálfkrafa í gegn vegna 3%
gengisfellingarinnar á dögunum,
en einnig hefur Verðlagsstofnun
veitt nokkrar undanþágur. Milli
20 og 25 fyrirtæki hafa tilkynnt
um hækkanir sem stofnunin hef-
ur ekki gert athugasemdir við,
þar sem orsakanna hefur verið að
leita í verðhækkunum á aðföng-
um.
Þetta kom fram á fundi með
fréttamönnum sem forráðamenn
Verðlagsstofnunar boðuðu til í
gær til að kveða niður misskilning
sem þeir segja að hafi gætt á
framkvæmd þeirrar verðstöðvun-
ar sem nú er í gildi.
Georg Ólafsson, verðlags-
stjóri, sagði að nokkuð væri um
að fólk teldi algjöra verðstöðvun
enn í gangi, þrátt fyrir það að
henni hefði lokið 30. september
síðastliðinn, og þá verið í gildi frá
27. ágúst.
Georg sagði að ríkisstjórnin
hefði ákveðið að viðhalda verð-
stöðvuninni um fimm mánaða
skeið í septemberlok, en með
þeim breytingum helstum að
heimilt væri að hækka söluverð
vegna hækkunar á erlendu
innkaupsverði, og væru gengis-
breytingar með í því dæmi.
Við upphaf verðstöðvunar
lækkuðu egg og kjúklingar nokk-
uð í verði, en Verðlagsstofnun
hefur nú með vísan til ríkisstjórn-
arbreytinga þessara á fram-
kvæmd verðstöðvunar fallist á
hækkunarbeiðnir, og er verðið
nú orðið svipað aftur.
Á blaðamannafundi Verð-
lagsstofnunar kom fram að mest
hefur verðhækkunin orðið á
ýmsu korni, matarolíum og fóð-
urfeiti, þó mest í síðasttalda vöru-
flokknum eða allt að 40% í
sumum tilfellum.
Talsmenn Verðlagsstofnunar
töldu lítil sem engin brögð að því
að reynt væri að fara í kringum
gildandi reglur, og að menn
kynntu sér þær áður en hækkun-
arbeiðnir væru settar fram.
Sögðu þeir að góð samvinna
hefði tekist við kaupmenn og
heildsala um þessi mál. Aðspurð-
ir um hve Iengi gerlegt væri að
halda verðstöðvuninni úti sögðu
þeir að slíkt færi eftir breytingum
á kostnaðarhækkunum og eftir-
spum, en að verðstöðvun í tvo til
þrjá mánuði ætti fullan rétt á sér.
Þeir sögðu að ef verðstöðvun
væri haldið úti mjög lengi færu
ókostirnir að vega þyngra en
kostirnir, og vísuðu í því sam-
bandi til verðstöðvunarlaganna
sem hér voru í gildi frá 1. nóvem-
ber 1970 og allt fram á árið 1982.
HS
Barnaklám
Norska
myndin
ókomin
í fréttatíma Sjónvarpsins í fyrr-
akvöld var sýndur hluti af nýrri,
norskri kvikmynd um barnaklám
og kynferðislegt ofbeldi gagnvart
börnum, en hún hefur undanfar-
ið vakið mikla athygli og umtal.
Eintak af kvikmyndinni hefur þó
enn ekki borist til landsins, held-
ur var um að ræða bút frá frétta-
ritara Sjónvarpsins í Kaup-
mannahöfn.
- Myndin er ekki í húsi, en ég
býst við að við setjum hana snar-
lega á dagskrá þegar hún kemur,
sagði Pétur Guðfinnsson, fram-
kvæmdastjóri Sjónvarpsins, af
þessu tilefni í gær. Hann sagði að
dreifingarfyrirtæki í London sæi
um að útvega myndina en ekki
norska sjónvarpið, og hefði þetta
fyrirkomulag valdið lítillegum
töfum.
Mynd þessi hefur verið sýnd f
Danmörku auk heimalandsins,
og vakið mikla athygli og sterk
viðbrögð. Búturinn sem Sjón-
varpið sýndi barst frá fréttaritara
þess í Kaupmannahöfn, Friðrik
Páli Jónssyni.
HS
Beint lýðræði í borg Davíðs; frá fyrsta degi vikulangrar afstöðukönnunar um hundahald. Mynd: Jim Smart.
Hundar
Könnun, en ekki kosning
Atkvæðagreiðsla meðal borg-
arbúa um hundahald hófst í
gær, og er á ráðamönnum borg-
arinnar að skilja að fremur sé um
að ræða viðhorfskönnun en
bindandi kosningu.
Staður og stund er anddyri
Laugardalshallarinnar frá klukk-
an 4 til 7 út vikuna.
Þessi vikulanga lýðræðistiltekt
í Reykjavík hófst með rólegasta
móti í gær, en ljósmyndara blaðs-
ins, Jim Smart, tókst þó að festa
einn þátttakanda á filmu. Sá er
hinn góðkunni útvarpsmaður
Stefán jón Hafstein sem hér fylgir
með á mynd, og með þátttöku
sinni verður hann víst seint vænd-
ur um þann illræmda menningar-
sjúkdóm skoðunarleysið, en
heimagangar í Unuhúsi fyrr á
öldinni sem áttu eftir að verða
heimsfrægir ritsnillingar höfðu
það eftir húsmóður sinni, Unu,
að slík ávöntun væri upphaf ó-
farnaðar í lífinu.
En alltént má þátttakan í
könnuninni taka við sér ef hún á
ekki að fara í hundana.
HS
Stálverksmiðja
Samið um
rafmagnskaup
Undirritaður hefur verið
samningur millir Landsvirkjunar
og íslenska stálfélagsins hf. um
rafmagnskaup vegna væntan-
legrar stálverksmiðju sunnan við
Hafnarfjörð.
Stálfélagið ætlar að kaupa ár-
lega af Landsvirkjun allt að 16
MW og 14 miljón kWst af ó-
tryggðu rafmagni fyrir bræðs-
luna, en miðað er við framleiðslu
á allt að 20 þús. tonnum af stálh-
leifum á ári með bræðslu á brota-
jámi. Framleiðslugeta verk-
smiðjunnar verður hins vegar um
60 þús. tonn. á ári.
->g-
Efnahagsmál
Þorsteinn týndi öllum áttum
Einar Oddur Kristjánssonform. forstjóranefndarinnar: Sjálfstœðisflokknum hefur
gersamlega mistekist að stjórna efnahagsmálum þjóðarinnar
r
Eg get ekki betur séð en Þor-
steinn Pálsson og aðrir ráð-
herrar hafi týnt áttum. Það eina
sem mátti ekki gerast gerðist, það
slitnaði upp úr stjórnarsamstarf-
inu, segir Einar Oddur Kristjáns-
son formaður forstjóranefndar
fyrrverandi forsætisráðherra í
viðtali við tímaritið Heimsmynd.
Einar Oddur segir mikil mistök
að niðurfærsluleiðin hafi ekki
verið farin og líst illa á aðgerðir
núverandi stjórnar. Harkaleg-
ustu útreiðina fær hins vegar for-
ysta Sj áifstæðisflokksins.
- Sj álfstæðisflokkurinn er bú-
inn að vera í stjórn síðan 1983 þar
til nú í lok september. Þennan
tíma hefur flokkurinn þóst hafa
það að markmiði að berjast gegn
verðbólgu og hefur það gersalega
mistekist. Við höfum sullað í 25-
30% verðbólgu að meðaltali og
þetta bara gengur ekki. Utflutn-
ingsframleiðslan er dæmd til að
tapa þegar slík efnahagsósköp
rfkja. Ríkisfjármálin hafa verið
úti um víðan völl og ríkissjóður
rekinn með bullandi tapi. Hingað
hefur verið stöðugt innstreymi af
erlendum Iánum. Hvorki ríkis-
stjórn Steingríms Hermanns-
sonar né ríkisstjórn Þorsteins
Pálssonar hefur tekið á þessum
vanda, segir Einar Oddur.
Hann bætir því við að forystu-
menn í atvinnulífinu hafí varað
stjórnvöld við því árum saman að
þetta hlyti að enda með skelf-
ingu. - Okkur hefur verið svarað
út í hött og útgerðarmenn kallað-
ir grátkór og aulabárðar, sem geti
ekki staðið sig í rekstri. Hér hefur
allt verið gefið frjálst nema
gengið sem orsakar óbærilega
stöðu fyrir útflutningsatvinnu-
vegina, segir fyrrum formaður
ráðgj afarnefndar fráfarandi for-
sætisráðherra.
-*g-
2 SÍÐA - ÞJÓÐVILJINN Þrlðjudagur 25. október 1986