Þjóðviljinn - 09.11.1988, Blaðsíða 1

Þjóðviljinn - 09.11.1988, Blaðsíða 1
Loðna Úttalegur ræfili „Þetta er búiö að vera ótta- legur ræfill þessa vikuna og lítið sem ekkert að hafa á miðunum. Þó er búið að landa um 77 þúsund tonnum sem er mun meira en veiddist á sama tíma í fyrra," sagði Filip Höskuldsson hjá Loðnunefnd. Þó svo að heildaraflinn sé orð- inn mun meiri en hann var á sama tíma í fyrra er hann ekkert til að hrópa húrra fyrir þegar það er haft í huga að loðnuvertíðin er búin að standa yfir í rúma þrjá mánuði. Enda er hljóðið orðið þungt í loðnusjómönnum sem hafa lítið borið úr býtum annað en kauptrygginguna þrátt fyrir mikla útiveru í allt að 100 sjómíl- um norður í hafi í von um góða veiði þá og þegar. -grh Sameinuðu bjóðirnar Undrandi á Islandi Jón Baldvin létIsland sitja hjá um Israelstillögu hjá SÞ. Geir Gunnarsson: Vakti athygli og undrun íNew York. JóhannEinvarðsson: Skilstaðfyrirvarinn hafi verið stuttur. Hjörleifur Guttormsson:Alþingi íleikinn Hjáseta íslands við atkvæða- greiðslu um ályktun á Allsherjar- þingi Sameinuðu þjóðanna, þar sem aðgerðir ísraelsmanna á her- teknu svæðunum voru for- dæmdar, vakti bæði athygli og undrun að sögn Geirs Gunnars- sonar alþingismanns sem sat þingið. Jóhann Einvarðsson for- maður utanríkisnefndar segir að nefndin hafi ekki vitað af þessu máli en sér skiljist að tími utan- ríkisráðuneytisins til að mynda sér afstöðu hafi verið stuttur. Helgi Ágústsson hjá utanríkis- ráðuneytinu sagði Þjóðvitjanum að að hér hafi verið um að ræða algerlega nýja tillögu en ekki sömu tillögu og íslendingar greiddu atkvæði sitt á þinginu í fyrra eins og haldið hefði verið fram. Geir Gunnarsson sagði að það hefði verið afstaða Norður- landanna að vera með í fordæm- ingu á aðgerðir ísraelsrrianna. Hann hefði persónulega greitt til- lögunni atkvæði hefði hann haft með ákvörðunina að gera. Miðvikudaginn 2. október fékk utanríkisráðuneytið álykt- unina senda ásamt sameiginlegri ræðu Norðurianda með tillög- unni. Atkvæðagreiðsla fór síðan fram á föstudag. Helgi Ágústsson sagði þennan stutta tíma hafa gert ráðuneytinu erfitt með að Guðrún Agnarsdóttir og Kristín Halldórsdóttir Kvennalistaþingmenn þjóð tæplega 900 þúsund í biðlaun. Áform um að þær segi af sér á miðju kjörtímabili gætu kostað þing og Biðlaun þingmanna Kosta útskiptin miljón? Þriggja mánaða biðlaun greiddefKvennalistaþingmenn hœtta á miðju tímabili? Kristín Halldórsdóttir: Ekkert rœtt málið - vissi ekki afþessu Samkvæmt gildandi reglum um biðlaun alþingismanna gætu skipti Kvennalistans á tveimur þingmönnum kostað ríkissjóð tæp níu hundruð þúsund. Kristín Halldórsdóttir og Guðrún Agn- arsdóttir þingmenn Kvennalist- ans eiga rétt á 3 mánaða bið- launum þegar þær fara af þingi. Matthías Bjarnason þingmaður Sjálfstæðisflokksins á líka rétt á biðlaunum en hann hefur til- kynnt að hann muni ekki sitja þing eftir næstu kosningar. Kristín Halldórsdóttir sagði Þjóðviljanum að hún og Guðrún Agnarsdóttir hefðu ekki rætt þetta mál við skrifstofu þingsins og þær hefðu ekki reiknað með biðlaunum sjálfar. Hún hefði reiknað með því að varamaður hennar tæki einnig við laununum hennar þegar hún færi inn á þing. „Ég.hef sjálf verið að búa mig Síldarkvótinn Hluturinn ekki mikill Veiðieftirlitið: lóþúsundtonn hafa veriðframseld. 5 snaparará miðunum það sem af er vertíðinni, en upp- haflega fengu 88 bátar kvóta. Oftast nær er hér um hagræðingu útgerðar að ræða og er þá síldar- kvótinn fluttur á milli báta við- komandi útgerðar í stað þess að gera marga báta út á síld og hver með aðeins þúsund tonn. Á yfirstandandi síldarvertíð eru 5 svokallaðir snaparar á mið- unum. Þessir bátar eru ekki með síldarnætur né önnur veiðarfæri en engu að síður með kvófa og Hásetahluturinn fyrir áhöfn sfldarbáts á vertíðinni í dag er um 150-170 þúsund krónur fyrir 1000 tonna kvótann en hlutur skip- stjóra er helmingi meiri. Þetta þykir ekki mikið og telja sjómenn að ef vel ætti að vera þyrfti kvóti hvers báts að vera helmingi meiri. Að sögn Björns Jónssonar veiðieftirlitsmanns hafa um 16 síldarbátar framselt um 16 þús- und tonna kvóta til annarra báta koma oft á tíðum með dágóðan afla að landi eftir hverja veiði- ferð. Síldina fá þeir frá öðrum skipum sem hafa fengið stór köst sem þau ráða ekki við. Að óathuguðu máli mætti gera ráð fyrir að snapararnir væru illa séðir af flotanum en staðreyndin er önnur. Þessir bátar þykja sjálf- sagðir á miðunum og hafa þeir bjargað ómældum verðmætum sem annars hefði þurft að henda í sjóinn. -g«"h undir að hætta með því að leggja fyrir smá upphæð í hverjum mán- uði inn á ábótarreikning," sagði Kristín. Þær hefðu ekki gert sér grein fyrir því að þingmenn sem hætta á miðju kjörtímabili fá laun. „Ég hélt að það væri bara bundið við kosningar," sagði Kristín. Þau nýmæli er að finna í fjár- lagafrumvarpi fyrir næsta ár að gert er ráð fyrir biðlaunum fyrir tvoþingmenn í eitt ár. Friðrik Ól- afsson skrifstofustjóri alþingis segir að menn hafi rekið sig illí- lega á við að gera ekki ráð fyrir þessum kostnaðarlið, ef ekki væri gert ráð fyrir biðlaunum þing- manna gæti það þýtt halla á rekstri Alþingis. Um væri að ræða biðlaun tveggja þingmanna í ár. Þingmaður sem setið hefur 10 þing á rétt á 6 mánaða bið- launum en sá sem setið hefur skemur fær biðlaun í 3 mánuði og gæti fjárveitingin því dugað fleirum en tveimur þingmönnum. Ákvörðun Kvennalistaþing- mannanna hefði ekkert með það að gera að þessi liður færi inn í fjárlagafrumvarpið. -hmp halda fundi um málið. En niður- staðan hefði verið sú að bæði til- lagan og ræðan væru of hart orð- aðar. í báðum tilvikum hefði ver- ið um að ræða mjög einhliða for- dæmingu á ísrael og ekki verið bent á neinar leiðir til lausnar málinu. ísland sat hjá ásamt 15 öðrum ríkjum við atkvæðagreiðsluna, ríkjum eins og Bretlandi, Kana- da, Costa Rica og El Salvador. Aðeins Bandaríkin og ísrael greiddu atkvæði gegn tillögunni en 130 ríki með. Jóhann Einvarðson sagði í gær að utanríkismálanefnd ætti að vera ráðherra til ráðgjafar en það væri ráðherrans að taka ákvarð- anir í málum sem þessum. Hann reiknaði með því að ýmis mál sem snertu starfið hjá Sameinuðu þjóðunum kæmu inn á borð hjá nefndinni á næstunni. Hjörleifur Guttormsson full- trúi Alþýðubandalagsins í utan- ríkisnefnd sagði að niðurstaða utanríkisráðherra væri sér engan veginn að skapi. Það hefði tví- mælalaust átt að greiða þessari tillögu atkvæði enda væri ástand- ið búið að vera þannig í Palestínu síðan í desember, að full ástæða væri til harðra ályktana. Hann hefði á þeim tveimur fundum sem haldnir hefðu verið í nefndinni lagt til að málefni Palestínu væru tekin þar fyrir. Það væri eðlilegt að nefndin reyndi að koma sér saman um tillögu að ályktun um þetta mál sem síðan yrði lögð fyrir Alþingi. -hmp Hvíta húsið Nýr Bli I i Grimmilegt og œrumeiðandi kosningastríð til lykta leitt Tugir miljóna Bandaríkja- manna sátu heima í gær þegar fram fóru forsetakosningar í landiþeirra. Aðeins rúmur hehn- ingur kjósenda ómakaði sig á kjörstað til þess að gera upp á milli þeirra Georges Bush vara- forseta og Michaels Dukakisar fylkisstjóra í Massachussetts. Veður var með miklum ágæt- um um gervöll Bandaríkin þótt nýfallin mjöll ylli kuldahrolli í ýmsum hreppa Idaho og Mont- ana. Fjendurnir héldu hvor til síns heima í gærmorgun eftir erilsama og tannhvassa kosningabaráttu. Dukakis greiddi atkvæði í Mass- achussetts en Bush kaus á kúrek- aslóðum, nánar tiltekið í Houst- onborg í Texasfylki. Sjá síðu 9

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.