Þjóðviljinn - 22.11.1988, Blaðsíða 13
Pakistan
Frestur er á
illu bestur
Pakistansforseti hyggst bíða
átekta og sjá hverju fram vindur í
nokkra daga, taka Benazír
Bhutto tali og koma að máli við
svarna fjendur hennar, áður en
hann útnefnir forsætisráðherra.
Ghulam Ishaq Khan lét þetta
boð út ganga í gær. Kvaðst hann
hafa boðað frú Bhutto og helsta
keppinaut hennar, Nawaz Sharif,
ráðherra Punjabhéraðs, á sinn
fund í dag. Sá síðarnefndi er
oddviti íslamska lýðræðisbanda-
lagsins.
Alþýðuflokkur Bhuttos fékk
sem kunnugt er flesta menn
kjörna í þingkosningunum um
daginn eða92. Hefði hann hreppt
17 þingsæti til viðbótar væri
Bhutto nú leiðtogi þjóðar sinnar
því alls skipa 217 menn löggjaf-
arsamkunduna.
fslamska lýðræðisfylkingin
fékk 55 sæti í sinn hlut og hinir
ýmsu smáflokkar trúaðra og van-
trúaðra 68 sæti.
Bæði Sharif og Bhutto þykjast
vera vongóð um að geta klastrað
saman ríkisstjórn. Sá fyrrnefndi
sagði í gær að skynsamlegast væri
fyrir Ishaq Khan að halda að sér
höndum fram yfir þingsetningu.
Kjör þingforseta yrði prófsteinn
á styrkleika öndverðra fylkinga.
Reuter/-ks.
Sovétríkin
Ákvæði lögð
í bleyti
Kremlverjar koma til
móts við Eistlendinga,
Letta og Litháa
Sovésk þingnefnd hyggst
breyta verulega drögum að afar
umdeildum viðbótarákvæðum
stjórnarskrár Sovétríkjanna.
Þetta er bersýnilega gert í því
augnamiði að lægja öldur reiði og
óánægju í Eistlandi, Lettlandi og
Litháen.
Pravda birti í gær orðrétt hin
nýju drög. Fréttamenn Reuters í
Moskvu hófu lestur og á daginn
kom að tvær afar umdeildar máls-
greinar höfði verið „lagðar í
bleyti", svo vitnað sé beint í frétt-
askeytið.
Þessar klásúlur kváðu á um
aukna miðstýringu ríkisins, færa
átti ýms mál sem nú heyra undir
ráðstjórn lýðvelda beint í umsjá
ráðstjórnarinnar í Moskvu. Þetta
olli miklum mótmælum í Eystar-
saltsríkjunum og kom fyrir ekki
þótt Kremlverjar legðu áherslu á
að lýðræði yrði aukið við val á
fulltrúum á löggjafarsamkund-
una.
Ennfremur kom fram í Prövdu
að ákvæði sem tryggja átti
kommúnistaflokknum og útibú-
um hans visst hlutfall þingsæta er
horfið úr bálkinum. Ekki svo að
skilja að forréttindi þessi hafi ver-
ið rifin úr höndum flokksmanna.
Nei, ónei. En hægara þykir að
hafa klásúluna í kosningalögum
fremur en stjórnskipunarlögum.
Að sögn Prövdu kom þing-
nefndin saman til fundar á laug-
ardag og gekk frá téðum
breytingum. Hún sætti ennfrem-
ur færi og tók á dagskrá yfirlýs-
ingar Eistlandsþings um að lög
frá því væru æðri Sovétlögum.
Var öllu slíku vísað til föðurhús-
anna enda bryti það í bága við
stjórnarskrána.
Ekki er búist við öðru en að
forsætisnefnd Æðsta ráðsins leggi
blessun sína yfir þessi nýmæli en
það kemur saman til fundar
seinna í vikunni. Stjórnarskrár-
breytingar og ný kosningalög
koma þvínæst til kasta fullskipaðs
Æðsta ráðs þann 29. nóvember.
Reuter/-ks.
ERLENDAR FRÉTTIR
Tveir hlýðnir kassídasnáðar grípa fyrir ásjónu sér. Þeir sem „trúa
réttu“ eru gyðingar, aðrir ekki.
✓
Israel! Bandaríkin
Hvað er
gyðingur?
„Rétttrúaðir“ vilja nýja skilgreiningu sem
útilokar flesta bandaríska Davíðsniðja
Bandarískir gyðingar eru uppá
kant við Yitzhak Shamir,
leiðtoga Líkúdbandalagsins og
forsætisráðherra Israels, sökum
vissrar undanlátssemi hans
gagnvart væntanlcgum rekkju-
nautum í ríkisstjórn.
Þorri bandarískra gyðinga (um
6 miljónir alls) heyrir til
svonefndum Umbóta- og fhald-
shreyfingum gyðingdómsins. í 40
ár hafa þeir verið Ísraelsríki
traustur bakhjarl, stutt það með
ráðum og dáð á alþjóðavettvangi
og ennfremur séð til þess að það
fengi á ári hverju væna fúlgu úr
bandarískum sjóðum (um 3,2
miljarðar dollara í ár).
En að skilningi „rétttrúnaðar-
manna“ eru fæstir þessarra vel-
gjörðarmanna af ætt og húsi Da-
víðs. Hinum „rétttrúuðu" óx ás-
megin í þingkjörinu sem fram fór
í ísrael nýskeð. Og það sem
meira er: Shamír hyggst freista
þess að fá þá til samstarfs um rík-
isstjórn, telur það fýsilegri kost
en að eiga frekari samvinnu við
„friðardúfurnar" í Verkamann-
aflokknum.
Og hinir „rétttrúuðu" setja
honum ýmsa afarkosti. Þeir
krefjast til að mynda breytinga á
lögum þeim er skilgreina gyðing.
Þar skuli standa að sá einn sé gyð-
ingur er „trúi réttu".
Nú er það svo, ef marka má
flest sólarmerkja, að forsætisráð-
herrann hefur fallist á að færa of-
annefnda skilgreiningu í lög verði
af myndun „rétttrúnaðarstjórn-
ar“. Og segir með því við þorra
bandarískra gyðinga: „Þið eruð
ekki gyðingar lengur!“
Því gegnir síst furðu að banda-
rískir gyðingar séu ævareiðir og
hugleiði að snúa baki við ísra-
elsríki samþykki þjóðþingið nýju
lögin, lög sem geri þá snimm-
hendis að „fyrrverandi" gyðing-
um. Teddy Kollek, borgarstjóri í
Jerúsalem, er nýkominn heim úr
vesturför og sagðist hann aldrei
hafa vitað bandaríska gyðinga
jafn sára og móðgaða útí frændur
sína og frænkur í ísrael.
Reuter/-ks.
ísrael! Egyptaland
Snurða hlaupin á þráðinn
Israelar harma „frumhlaup“ Egypta ogsegjaþað brotá Camp David
samningnum. Arafatgengur áfundMubaraks
Egypska stjórnin veitti nýstofn-
uðu ríki Palestínumanna
viðurkenningu og blessun sína í
fyrradag. ísraelskir ráðamenn
brugðust ókvæða við þessu í gær
og sökuðu kollega sína í Kaíró um
rof á Camp David samningnum.
Jassír Arafat gladdist hinsvegar
að vonum og sagði að sér byði í
grun að egypska stjórnin myndi
innan skamms taka höndun sam-
an við PLO um að knýja fram
ráðstefnuhald um frið í Austur-
löndum nær.
bága við málsgrein Camp David
um að ástand skyldi vera óbreytt
á herteknu svæðunum Gaza og
vestan Jórdanar uns samningar
hefðu tekist um nýskipan mála.
Arafat kom í gær í heimsókn til
Hosni Mubaraks Egyptalands-
forseta. Kvaðst hann hafa í
hyggju að kynna gestgjafanum
ályktanir Þjóðarráðsins og ák-
varðanir, viðurkenningu á álykt-
un Sameinuðu þjóðanna númer
242 um tilverurétt Ísraelsríkis og
stofnun ríkis Palestínumanna á
herteknu svæðunum við ísrael.
„Þvínæst munum við skegg-
ræða stöðu mála og taka ákvarð-
anir um aðgerðir sem þoka eiga
okkur nær alþjóðlegri ráðstefnu
um frið í Austurlöndum nær.“
Reuter/-ks.
Júgóslavía
Fimmti göngudagur Albana
Vlasi ogJasari enn utan embœtta
Utanríkisráðherrar Evrópu-
bandalagsríkja komu saman í
Brússel um helgina og var Palest-
ínuríkið efst á baugi. Þótt þeir
hefðu ekki veitt því formíega
viðurkenningu kváðu þeir á-
kvarðanir Þjóðarráðsins hinar
merkustu og geta stuðlað að
samningagerð í álfunni.
Nú hafa stjórnvöld í 35 löndum
viðurkennt ríki Palestínumanna.
Þorri þessara landa er byggður
aröbum eða trúbræðrum þeirra í
tignun guðsins Allahs og Mú-
hameðs spámanns hans.
Sem að ofan getur eru ísraelsk-
ir valdhafar sárgramir Egyptum.
í gær kvaddi Shimon Peres utan-
ríkisráðherra egypska sendiher-
rann á sinn fund. Hann harmaði
gjörðir valdsherranna í Kaíró og
sagði „frumhlaup“ þeirra síður
en svo greiða götu friðarsinna.
Flokksbróðir Peresar úr Verkó
og keppinautur um leiðtogahlut-
verk þar, Yitzhak Rabín varnar-
málaráðherra, tók dýpra í árinni.
Viðurkenning Egyptalands-
stjórnar á „Palestínuríki" bryti í
Júgóslavar af albönsku þjóð-
erni héldu í gær áfram að mót-
mæla brottvikningu tveggja for-
ystumanna sinna úr störfum.
Þrömmuðu þeir daglangt um göt-
ur Pristínu, höfuðborgar Kosovo-
héraðs, og hrópuðu slagorð gegn
Serbum. Þeir hafa nú gengið í
andófsskyni þessu fimm daga í
röð.
Fréttir herma að rúta fylgi rútu
inní Pristínu frá degi til dags með
fullfermi af Albönum úr sveita-
þorpum. Til dæmis hafi um 12
þúsund manns frá bæjunum Ora-
hovac og Klina arkað höfuðstað-
inn þveran og endilangan í þágu
fyrrnefndra tvímenninga. Þeir
heita sem kunnugt er Kacusa Jas-
ari og Azem Vlasi.
Göngumenn sungu baráttu-
söngva og hrópuðu slagorð.
Luku þeir miklu lofsorði á Jósef
Broz Tító, fyrrum þjóðhöfðing-
ja, og fóru þess á leit við yfirvöld
að þeir Vlasi og Jasari gengju til
fundar við sig.
En ráðamaðurinn Nebi Gazi
kvað vera ógjörning að efna til
fundar með þeim þar eð þeir
væru fjarri góðu gamni. Hinsveg-
ar reyndist eiginkona Vlasis, hin
ljóshærða Nadira, nærhendis.
Avarpaði hún viðstadda og sagð-
ist vera himinlifandi yfir því ást-
ríki sem þeir Vlasi og Jasari nytu
meðal héraðsbúa. Hinsvegar
væri þeim mestur sómi sýndur
með því að menn héldu heim.
Reuter/-ks.
ALÞÝÐUBANDALAGIÐ
AB Suðurlandi
Fundur í
Aratungu
Steingrímur J. Sigfússon og Margrét S. Frímannsdóttir alþm. verða á
opnum fundi í Aratungu, fimmtudaginn 24. nóv. kl. 8.30. Allir velkomnir.
Alþýðubandalagið í uppsveitum Árnessýslu
Þriðjudagur 22. nóvember 1988 ÞJÓÐVILJINN - SÍÐA 13