Þjóðviljinn - 07.12.1988, Blaðsíða 1
Axarfíörður
Olía - eða þingeyskt gas?
Olíuvonir eftir að orkustofnun finnur lífrœnt gas í borholu í Öxarfirði.
Ólafur Flóvenz: Frekari rannsóknir nauðsynlegar
Örlítill vottur af lífrænu gasi
hefur fundist í borholu í Axarfirði
sem Orkustofnun boraði í sam-
ráði við heimamenn sl. haust.
Það gefur vísbendingu um að olíu
geti verið að finna í setlögum í
fírðinum.
Að sögn Ólafs Flóvenz jarð-
eðlisfræðings hjá Orkustofnun
kom þessi niðurstaða vísinda-
mönnum Orkustofnunar á óvart
því fæstir höfðu búist við að finna
lífrænt gas úr þessari holu, sér-
staklega eftir árangurslausar bor-
anir í Flatey á Skjálfanda. Ólafur
sagði að ekki mætti búast við að
hægt yrði að vinna olíu úr jörðu í
firðinum þrátt fyrir þennan fund.
Hann sagði að þarna væru samt
sem áður Iífræn setlög sem gætu
brotnað niður en það væri for-
senda þess að þarna gæti verið
olía.
Ólafur sagði allt óljóst um
framhaldið í þessu máli en fleiri
sýni verða væntanlega send til
Englands til frekari rannsókna.
Þegar hafa verið boraðar 6 - 7
holur í Axarfirði fyrir fisk- og
eldisfyrirtækið Silfurstjörnuna og
hafa borið góðan árangur. Enda
vonast heimamenn eftir að fisk-
eldið verði framtíðaratvinnu-
grein heimamanna í ljósi þeirra
miklu erfiðleika sem hefðbund-
inn landbúnaður í sveitinni á við
að etja og sjávarútvegur á Kópa-
skeri.
-grh
Skátar
Viðbúnir
í dósimar
Söfnun á einnota
drykkjarumbúðum.
íslendingar tœma um
50 miljónir umbúða á
nœsta ári
- Þetta er mikið þjóðþrifamál,
og ég vona að stjórnvöld taki sér
tak, sagði Tryggvi Páll Friðriks-
son formaður Landssambands
hjálparsveita skáta, þegar skáta-
hreyfingin kynnti í gær hugmynd-
ir sínar um að taka að sér söfnun á
einnota umbúðum um land allt.
Áætlað er að á næsta ári tæmi
íslendingar allt að 50 miljónir
einnota umbúðir fyrir öl og gos-
drykki árlega. Þetta kemur fram í
greinargerð sem skátar hafa sent
frá sér vegna þessa máls. Þar
kemur einnig fram að skátar vilja
fá uppí söfnunarkostnað með
gjaldi á allar einnota umbúðir.
-sg
Gunnar Eyjólfsson skátahöfðingi og leikari er hér ásamt nokkrum öðrum skátum að koma áldósum í sérstaka vél sem pressar þær
saman þannig að hentugt er að senda þær utan til endurvinnslu. (Mynd Jim Smart.)
Uppruni tegundanna
Naut hakkað úr svínunum
Verðlagsstofnun: Dœmi um svínakjöt og kindakjöt í nautahakki. Lítil
tengsl á milli verðs og gœða
Komið hefur á daginn að
nautahakk er stundum ekki
nautahakk heldur blanda úr ýms-
um kjöttegundum, úr svínum,
kindum og nautum, og sem Verð-
lagsstofnunarmenn segja ekkert
annað en vörusvik. Þá eru lítil
tengsl á milli verðs og gæða.
Þetta eru niðurstöður könnun-
ar sem Verðlagsstofnun gerði í
nóvember um verð á nautahakki í
32 verslunum og hjá 7 kjötiðnað-
arstöðvum. Keypt voru sýni og
send til greiningar hjá
Rannsóknastofnun landbúnaðar-
ins og þar kom í ljós að í mörgum
tilfellum var ekki um að ræða
hreint nautahakk heldur blöndu
úr margvíslegum tegundum. Þá
reyndist vera lítið samband á
milli fituinnihalds og verðs. Dýr-
asta hakkið sem kostaði 630
krónur kílóið frá Kjörmarkaði
KEA var feitast með 12% fitu.
Ódýrast var það hinsvegar hjá
Vogaveri eða 420 krónur kílóið
með 7,5% fitu.
Þeir sem hafa ástundað þessi
vörusvik og upp komst f um í
könnun Verðlagsstofnunar voru
kjötvinnslan Goði og verslanirn-
ar Arnarhraun og Kostakaup
sem blönduðu nautahakkið með
svínakjöti. Aftur á móti
blönduðu eftirtaldir aðilar nauta-
hakkið með kindakjöti: Kaupfé-
lag Hafnarfjarðar, Miðvangur,
Kjötbúr Péturs, Kjötvinnsla
Dúdda Akureyri og Kjörmark-
aður KEA á Akureyri.
í framhaldi af niðurstöðum
þessarar könnunar telur Verð-
lagsstofnun að setja þurfi á-
kveðna framleiðslustaðla fyrir
vörur eins og nautahakk til að
fyrirbyggja vörusvik á nauta-
hakki í framtíðinni.
-grh
Risaveldin
Gorbatsjov
vestra
Míkhaíl Gorbatsjov, Raísa
kona hans, Shevardnadze utan-
ríkisráðherra og fleira sovéskt
stórmenni flaug til Bandaríkj-
anna í gær.
í dag verður aðalritarinn og
forsetinn einkar önnum kafinn
maður. Fyrst mun hann ávarpa
Alsherjarþing Sameinuðu þjóð-
anna og er búist við undrum og
stórmerkjum.
Að því loknu fer hann á fund
þeirra fóstbræðra og „forseta-
feðga“ Georges Bush og Rónalds
Reagans. Þar verður margt skraf-
að drjúga stund.
Forsetahjónin gersku halda til í
New York á meðan á heimsókn-
inni stendur og gista í híbýlum
sendinefndar Sovétmanna hjá
Sameinuðu þjóðunum.
Sjá síðu 13.
Bindindismenn
Fríðindi verði afnumin
/ andstöðu við heilbrigðisstefnu
Samvinnunefnd bindindis-
manna hefur beint þeim tilmæl-
um til stjórnvalda að afnumin
verði öll fríðindi einstaklinga og
stofnana varðandi áfengiskaup.
Telja bindindismenn að með
slíkum fríðindum sé í raun verið
að stýra framboði og ýta undir
áfengisneyslu, en það sé vandséð
að áfengar veitingar á vegum
ríkisins séu heiliavænlegar í bráð
eða lengd. Því beri ríkinu að
vinna að því að boðnar séu óá-
fengar veitingar.
Áfengisfríðindi samræmist
ekki jöfnuði í skattlagningu á
neysluvöru og „eru í beinni and-
stöðu við þá heilbrigðisstefnu
sem miðar að því að draga úr á-
fengisneyslu um fjórðung til alda-
móta,“ eins og segir í fréttatil-
kynningu.