Þjóðviljinn - 19.01.1989, Blaðsíða 3

FRETTIR
Avöxtun
Búnir að vara menn við
Þórður Ólafsson: Niðurstöður skilanefndar koma mér ekki á óvart.
Pétur Björnsson annar eigandi Á vöxtunar taldi íhaust eignir sjóðanna
nœgar til að standa undir kröfum kröfuhafa. I dag er Ijóst aðþað
vantar 340 miljónir til þess
Niðurstöður skilanefndar, sem
hún kynnti í gær koma mér
ekkert á óvart. Það lá fyrir þegar
þetta mál kom upp sl. haust að
syona myndi fara, sagði Þórður
Ólafsson, forstöðumaður Banka-
eftirlitsins, um álit sitt á niður-
stöðum skilanefndar sem unnið
hefur að uppgjöri sjóða Ávöxtun-
ar sf.
Eins og kom fram í Þjóðviljan-
um í gær er ljóst að þeir sem ætl-
uðu að ávaxta fé sitt í þessum
sjóðum hafa tapað umtalsverð-
um fjárhæðum. Þórður sagði það
sína skoðun að þegar Bankaeftir-
litið hefði kært Ávöxtun sf. til
ríkissaksóknara fyrir nokkrum
árum, þar sem eftirlitið taldi að
starfsemi fyrirtækisins bryti í
bága við lög, hefði átt að halda
þeirri rannsókn áfram. Þá hefði
verið hægt að koma í veg fyrir
þessi áföll núna, sagði hann.
Niðurstaða ríkissaksóknara-
embættisins á þeim tíma var sú að
í stað þess að ákæra þá Pétur
Björnsson og Ármann Reynisson
gerði ríkissaksóknarembættið
samkomulag við þá um breyting-
ar á rekstri fyrirtækisins þannig
að hann samrýmdist lögum. I
kjölfar þessa samkomulags var
ákæran felld niður. Þórður sagði
að við athugun á rekstri Ávöxt-
unar sf., sem gerð var í haust,
hafði komið í ljós að fyrirtækið
hefði að hluta til starfað áfram í
sama farvegi þrátt fyrir
samkomulagið við ríkissaksókn-
araembættið.
Eins og kunnugt er kærði
Bankaeftirlitið þá Pétur og Ár-
mann öðru sinni fyrir brot á
lögum um verðbréfamiðlun, eftir
að Ijóst varð að fyrirtækið gat
ekki staðið við þær innlausnar-
Kaupmannahöfn
Fjórír landar
handteknir
Danska lögreglan handtók í
gær þrjá íslendinga og einn Hol-
lending í Kaupmannahöfn sem
eru sakaðir um umfangsmikið
smygl og sölu á fíkniefnum.
Fólkið sem er á aldrinum 26-33
ára hefur verið búsett í Kaup-
mannahöfn um nokkurt skeið.
Það hefur verið úrskurðað í 27
daga gæsluvarðhald.
Lögreglan hafði fylgst með
ferðum fólksins um nokkurt
skeið áður en það var handtekið
og m.a. hlerað símtöl þess.
Þá handtók lögregian ungan
mann sem talinn er viðriðinn
málið. Hefur verið krafist gæslu-
varðhalds í 4 daga yfir mannin-
Sjóslys
Happ í óhappi
Sjómann tók út af netabátnum
Ágústi Guðmundssyni laust fyrir
kl. 19 í gærkveldi. í 5 mfnútur
tróð hann marvaðann í ísköldum
sjónum skammt undan Garð-
skagavita áður en honum varð
bjargað um borð í gúmbjörgun-
arbát Stafnessins.
Þyrla flutti sjómanninn kaldan
mjög og þrekaðan á Borgar-
spítalann. Er hann úr lífshættu og
þykir mesta mildi að ekki skyldi
fara verr.
beiðnir sem bárust í kjölfar mikil-
la umræðna um fjárfestingarsjóð-
ina sl. haust. Ríkissaksóknari
sendi málið til rannsóknarlög-
reglunnar í byrjuri september.
- Rannsóknarlögreglan lauk
sinni rannsókn á málum Ávöx-
tunar sf. í fyrradag. Við erum að
byrja að skoða þetta mál hér.
Niðurstöður ættu að liggja fyrir
um miðjan febrúar, sagði
Hallvarður Einvarðsson ríkis-
saksóknari í samtali við Þjóðvilj-
ann í gær. Hann sagði að auk sín
myndi Bragi Steinarsson fara í
þetta mál, en þeir hafa að sögn
Hallvarðs fylgst náið með rann-
sókn RLR.
Pétur Björnsson, annar
eigenda Ávöxtunar sf., sagði í
haust þegar hann var sviptur leyfi
til verðbréfaviðskipta, að hann
teldi að eignir sjóðanna myndu
standa undir öllum kröfum spar-
ifjáreigendanna sem ættu inni h]á
sjóðunum. Annað hefur nú kom-
ið á daginn. Samkvæmt niður-
stöðum skilanefndarinnar vantar
um 340 miljónir upp á til þess að
það fólk sem treysti Pétri og Ár-
manni fyrir sparifé sínu fái sína
peninga til baka.
-sg
Kátir bæjarfulltrúar í Neskaupstað á afmælisfundinum ásamt bæjarstjóra og fjármálastjóra. Mynd-hb.
Neskaupstaður
Bæjarsagan í afmælisgjöf
Þrjár afmælisgjafir á hátíðarfundi. Söguskráning, varðveiðsla gam-
alla kvikmynda og átak í umhverfismálum
Bæjarstjórn Neskaupstaður
samþykkti á sérstökum hátíð-
arfundi sínum á dögunum í tilefni
60 ára afmælis kaupstaðarins á
nýársdag, að láta hefja þegar
skráningu á sögu bæjarins.
Stefnt skal að því að fyrsta
bindi af sögu Neskaupstaðar
komi út í lok þessa árs eða á því
næsta. Þá ákvað bæjarstjórn að
láta varðveita og endurvinna
gamlar kvikmyndir frá Neskaup-
stað og Norðfirði.
Einnig var gerð samþykkt á
hátfðarfundinum um sérstakt
átak í umhverfismálum og mun
bæjarstjórn leita samstarfs við
fyrirtæki og einstaklinga til að
tryggja sem bestan árangur í
þessu átaki. Umhverfisráði verð-
ur jafnframt falið að láta sérfróða
menn gera úttekt á stöðu um-
hverfismála í bænum og vinna að
framkvæmdaáætlun til nokkurra
ára. Skal verja 1% útsvarstekna
bæjarins til þessa verkefnis ár-
lega.
Þá hefur verið ákveðið að
halda afmælishátíð bæjarins dag-
ana 16.-18. júní í sumar. Verður
haldin sérstök samkeppni skóla-
barna um gerð veggspjalds fyrir
afmælishátíðina.
-Ig/hb. Neskaupstað
Kvikmyndir
Meffí
w
I
Á œtlaður kostnaður um
200 miljónir króna.
Þekktar stjörnur í aðal-
hlutverkum
Síðari hluta maí mánaðar hefj-
ast væntanlega tökur á kvik-
myndinni Meffí sem er önnur
mynd Hilmars Oddssonar í fullri
lengd. Áætiaður kostnaður við
gerð myndarinnar er um 200
mifiónir króna sem er meira en
þekkst hefur á Norðurlöndum.
Það er kvikmyndafélagið Bíó
hf. sem framleiðir myndina en
stjórnarformaður þess er Jón Ól-
afsson. í samtali við Þjóðviljann
sagðist Jón hafa þegar gert samn-
ing við Columbia Pictures um
dreifingu á Meffí í kvikmyrida-
hús, sjónvarpsstöðvar og mynd-
bandafyrirtæki utan Bandaríkj-
anna og Kanada. Samningurinn
tryggir framleiðendum nærri
hundrað miljónum króna í lág-
markstekjur sem er einsdæmi um
norræna kvikmynd. Um þessar
mundir standa yfir samningarvið-
ræður við nokkur fyrirtæki um
dreifingu myndarinnar í Banda-
ríkjunum og Kanada.
Aðalhlutverkið í myndinni er í
höndum ekki ófrægari manns en
Erics Robberts sem kunnastur er
fyrir leik sinn í The Runaway
Train, en tveir aðrir samlandar
hans hafa látið í ljós áhuga á þátt-
töku í myndinni. Að sögn Hilm-
ars Oddssonar eru þessir leikarar
ekki síður þekktir hér á landi en
Robberts, en þar sem samning-
um er ekki lokið vildi hann ekki
tjá sig um nöfn þeirra. Helgi
Björnsson, Ylfa Edelstein,
Þröstur Leó Gunnarsson og
Hjálmar Hjálmarsson leika einn-
ig stór hlutverk í myndinni.
Kvikmyndin Meffí hafði hlotið
10 miljón króna styrk úr kvik- .
myndasjóði en þar sem handrit-
inu var breytt töluvert dró sjóð-
urinn styrkinn til baka. Því sóttu
þeir hjá Bíói hf. um styrkinn á ný
og er umsóknin nú til afgreiðslu.
Núverandi umsókn hljóðar upp á
eina miljón dollara, eða tæpar 50
miljónir króna, en sú upphæð
verður borguð til baka verði næg-
ur hagnaður af myndinni.
-þóm
Ólafsfjörður
475 metra inn
í Múlann
BjörnA. Harðarson staðarverkfrœðingur: Alltsam-
kvœmt áœtlun og áfallalaust. Göngin verða þau
stœrstu hérlendis, um 3.130 metrar, og mikil sam-
göngubót. Tilbúin í árslok 1990
Jarðgangagerðin í gegnum Mú-
lann gengur samkvæmt áætl-
un og í dag erum við komnir um
475 metra inn í fjallið en alls
verða göngin um 3.130 metra
löng og þau stærstu hér á landi.
Hingað til hefur vinnan gengið
áfallalaust fyrir sig og gott að eiga
við bergið,“ sagði Björn A. Harð-
arson staðarverkfræðingur á Ól-
afsfirði.
Björn sagði að vel væri fylgst
með jarðgangagerðinni jafrit af
heimamönnum sem öðrum og þá
ekki síst af stjórnmálamönnum
enda væri hér að mörgu leyti um
prófmál að ræða í vegagerð sem
tekið yrði mið af í gerð ganga í
öðrum landsfjórðungum ss. á
Vestfjörðum og Austurlandi.
Kostnaður við Ólafsfjarðar-
göngin er áætlaður 600 miljónir
króna og sagðist Björn ekki sjá
fram á annað en að sú áætlun
mundi standa.
Með þessum framkvæmdum
Teikningar af staðsetningu jarðganganna í Múlanum úr kynningarriti
Vegagerðarinnar.
sjá Ólafsfirðingar sem og aðrir
vegfarendur nyrðra loksins fram
á varanlega samgöngubót. Ve-
gurinn um Múlann hefur löngum
þótt erfiður og varasamur vegna
snjóþyngsla og ofanflóða. Að
meðaltali fara um 180 bflar um
veginn daglega yfir allt árið en
250 að sumri til.
Jarðgöngin verða með einni
akrein og útskot með um 160 m
bili. Þau verða upplýst og með
bundnu slitlagi. Við gangamunna
verða steyptir vegskálar með
tveimur akreinum, 165 m að
lengd Ólafsfjarðarmegin og 100
m Dalvíkurmegin.
Framkvæmdir hófust í sept-
ember 1988 og áætlað er að þeim
verði að mestu lokið í árslok
1990. Yfirstjórn verksins er í
höndum Vegagerðar ríkisins en
verktaki er Kraftverk sf.
-grh
Fimmtudagur 19. janúar 1989 ÞJÓÐVILJINN — SÍÐA 3