Þjóðviljinn - 27.07.1989, Blaðsíða 1

Þjóðviljinn - 27.07.1989, Blaðsíða 1
Fimmtudagur 27. júlf 1989 129. tðlublað 54. árgangur Akureyri Atvinnuhorfur dökkar SigurðurP. Sigmundsson: Fjárhagsstaðafyrirtœkja verri en ífyrra. Kvótinn hjá ÚtgerðarfélagiAkureyrar búinn íoktóber. Unglingum sagt upp sumarvinnu Sigurður P. Sigmundsson, framkvæmdastjóri Iðnþróun- arfélags Eyjafjarðar, segir augljóst af könnun sem hann stóð fyrír, að fjárhagsstaða fyrirtækja á Akureyri sé yfirleitt verri en í júní í fyrra. Helsta áhygjuefni Akurey ringa sé að kvóti skipa Út- gerðarfélags Akureyrar verði að öllum líkinduin uppurinn í októ- ber. Hjá ÚA vinna 400 manns þannig að kvótaleysi gæti komið illa við atvinnulíf á Akureyri. UA Húsnœði öryrkja K _ _ -¦ hefur þegar sagt upp unglingum sem ráðnir voru í smnarvinnu í vor. Könnun Iðnþróunarfélagsins náði til 80 fyrirtækja á Akureyri og var sambærileg könnun gerð í júní í fyrra. Sigurður sagði Þjóð- viljanum að ekki virtist bjart framundan í atvinnumálunum í haust. Ástandið væri misjafnt á milli greina. Þótt flestir ætluðu ekki að bæta við sig fólki, ætluðu sumir að gera það. Oftast væri sú leið farin að ráða ekki nýja starfs- menn fyrir þá sem hætta en fyrir- tækin reyndu að komast hjá upp- sögnum. ÚA sendir þó allt sitt starfsfólk í þriggja vikna sumarfrí í næsta mánuði til að treina kvót- ann og hefur slfkt ekki átt sér stað hjá fyrirtækinu áður. Að sögn Sigurðar hafa ekki mörg fyrirtæki lent í gjaldþroti á Akureyri. Fyrirtækin væru frekar traust og þess vegna ætti sér ekki stað bylgja gjaldþrota eins og fyrir sunnan. Menn væru varkár- ari í stofnun nýrra fyrirtækja og þau sem fyrir væru stæðu á traustum grunni. Af þessum sökum sagði Sigurður skipta miklu máli hvað væri að gerast hjá þessum fyrirtækjum. „Atvinnuástand annarsstaðar í Eyjafirði er all þokkalegt," sagði Sigurður. Ágætt ástand væri t.a.m. á Dalvík og allt horfði til betri vegar á Ólafsfirði eftir að nýja frystihúsið, Frystihús ÓI- afsfjarðar, tók til starfa fyrir skömmu. Viss vandi hefði verið á Grenivík en nýr bátur til staðar- ins hefði bætt úr því. Sigurður sagði mun betra ástand ríkja al- mennt á Eyjafjarðarsvæðinu en á svæðunum austan- og vestan- megin við það. -tamp Sjá SÍðU 5 II I I Félagsmálastofnun útvegar öryrkjum húsnœðimeð stórhœttulegri verönd. Sannkölluð dauðagildra r Íhúsnæði að Vatnsstíg 11 í Reykjavík, sem borgin leigir og framleigir svo til öryrkja, er ver- önd á þriðju hæð sem er hreint stórhættuleg. Handrið sem var á veröndinni, var fyrir nokkrum mánuðum brotið af og nú er ekk- ert til varnar. Það myndi enginn lifa af fall af þessari verðnd. íbúar í húsinu eru allir öryrkjar og reyndar eiga allir nema einn við andlega vanheilsu að stríða. Sumir eru einnig drykkjumenn, þannig að mikið af óreglufólki er á þvælingi um húsið, og það þyrfti ekki að spyrja að leikslokum ef einhver þeirra færi út á verönd- ina. Einn íbúi hússins sem Þjóðvilj- inn ræddi við, sagði að þegar hann hefði flutt inn fyrir nokkr- um árum, hefði læknir sinn sagt sér að engin óregla og ekkert ónæði væri í húsinu. Annað hefði komið á daginn, því langflestir íbúarnir væru atvinnulausir og ættu við alvarlega andlega sjúk- dóma að stríða, auk þess sem sumir væru drykkjumenn. Fyrir slíkt fólk væri þessi verönd dauðagildra. ns. Ólqfsfjörður m r <W streymir suður Þorsteinn Þorvaldsson: Sjómenn hérgreiddu 32 miljónir króna íiðgjöldtilLífeyrissjóðs sjómanna á síðasta ári sem alltfór suður Á síðasta ári greiddu sjómenn Á myndinni sést af verondinni og niður. Það myndi enginn lifa af fall af þessari verönd. Mynd: Jim Smart. hér hvorki meira né minna en 32 miljónir króna í iðgjöld til Líf- eyrissjóðs sjómanna sem ávax- taður er í Landsbankanum í Reykjavík og á móti lánaði sjóð- uriiin hingað um 500 þúsund krónur. Auk þess eru hér 2-3 ein- staklingar sem fá lífeyri úr sjóðn- um," sagði Þorsteinn Þorvalds- son sparisjóðsstjóri á Ólafsfirði. Megn óánægja er meðal íbúa á Ólafsfirði sem og á Dalvík yfir gegndarlausum fjármagnsflutn- ingum þaðan og suður til Reykja- víkur án þess að þeir fái nokkuð af því til baka. Á Dalvík hafa að undanförnu gengið undirskrift- arlistar til stuðnings því að stofn- aður verði lífeyrissjóður í bænum og hið sama átti sér stað á Ólafs- firði fyrir ári. Þegar Húsnæðis- stofnun ákvað lánveitingar til byggingar félagslegra íbúða á dögunum urðu Olafsfirðingar út- undan og þá fékk hugmyndin um stofnun lífeyrissjóðs byr undir báða vængi á nýjan leik. Að sögn Þorsteins Þorvalds- sonar er sú nauðsyn alveg borð- liggjandi að stofna sameiginlegan lífeyrissjóð fyrir íbúa á Dalvík og í Ólafsfirði því ekki verður unað öllu lengur þessum gegndarlausu fjármagnsflutningum suður á höfuðborgarsvæðið til þess eins að efla uppbyggingu þar á meðan greiðendur nyrðra fá ekkert til baka. Reynt hefur verið án ár- angurs til þessa að fá stjórn Líf- eyrissjóðs sjómanna til að ávaxta lífeyrisiðgjöldin heima í héraði en að sögn Þorsteins hefur við- kvæðið ávallt verið hið sama: Við skiptum bara við Landsbanka ís- lands. -_* Loðnuveiðar Þórshöfn út? Jóhann A. Jónsson: Verðum að nýtaþessa auðlind á sem hagkvœmastan hátt en ekki að viðhalda rándýrri útgerð. Skiptir engu hvort loðna er veidd með innlendum eða erlendum skipum Eg sé ekki annað í stöðunni eins og hún er í dag en að bjóða hreinlega loðnuveiðarnar út og þá verður þeim tilboðum tekið sem hagkvæmust verða. Skiptir þá engu hvort veiðiskipin verða innlend eða erlend. Það sem skiptir máli er að nýta þessa auð- lind sem hagkvæmast en ekki að viðhalda rándýrri útgcrð þótt iimlend sé," sagði Jóhann A. Jónsson framkvæmdastjóri Hraðfrystihúss Þórshafnar. Eins og fram hefur komið treysta útgerðarmenn loðnuskipa sér ekki til að hcl'ja loðnuveiðar um þessar mundir sökum þess hve loðnan er langt frá landi og eins þykir þeim það verð sem verksmiðjurnar bjóða svo lágt að það svari ekki kostnaði að láta úr höfn. í upphafi vertíðar er loðnu- kvótinn um 900 þúsund tonn og þar af mega íslendingar veiða um 600 þúsund tonn. Mismunurinn kemur í hlut Norðmanna og Grænlendinga. Þeir síðastnefndu hafa selt veiðiréttinn til EB og Færeyinga en höfnuðu tiiboði ís- lenskra útvegsmanna í græn- lenska kvótann. Loðnuverksmiðjan á Þórshöfn er í eigu Hraðfrystihússins og sveitarfélagsins og þykir heima- mönnum það heldur súrt f broti að hún skuli ekki vera komin í gagnið eingöngu vegna sér- hagsmuna útgerðarmanna. Fyrir fbúana skiptir það hins vegar afar miklu máli að loðnuvertíðin hefj- ist sem fyrst með tilheyrandi verðmætasköpun sem henni fylg- ir í stað þess að bíða svo og svo lcngi eftir að einhverjum utanað- komandi þyki sér henta að byrja. En sjálfir eiga þeir ekki skip til veiðanna. -^rh Vesturbœr Grútarfýla fyllti öll vit Á inánudaginn kom gat á lifr- argrútartank hjá Lýsi hf. á Grandavegi með þeim afleiðing- um að illa lyktandi innihaldið lak út og megn ólykt gaus upp. Ibúar í nágrenni verksmiðjunnar fóru ekki varhluta af loftmenguninni og varð fólk að halda fyrir nefið utandyra og loka öllum gluggum hýbýla sinna seinni part mánu- dagsins. í gærmorgun var lyktin mun minni og að sögn Ágústs Ein- arssonar framkvæmdarstjóra var lokið við að hrcinsa upp lifrar- grútinn f gær og ætti þvf öll lykt að vera horfín núna. - Þetta hefur ekki komið fyrir hjá okkur áður að svona tankur hafi skemmst en um þessar mundir hafa staðið yfir tikaunir hjá okkur með varðveislu lifrar- grúts með maurasýru. Það er al- veg rétt að lyktin var hræðileg. Ég varð að halda ilmvatni að vit- um mér til að geta komist í gegn- um verksmiðjuna, sagði Ágúst.

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.