Þjóðviljinn - 16.12.1989, Blaðsíða 1

Þjóðviljinn - 16.12.1989, Blaðsíða 1
Laugardagur 16. desember 1989 217. tölublað 54. órgangur. Jólahreingerningin hafin. Mynd - Kristinn. Sáfímmti PottaskefiH Hún Melkorka, 3ja ára, sendi okkur þessa stórfínu mynd af Hurðaskelli. í dag kemur reyndar Pottaskefill til byggða en þar sem ekkert blað kemur út á mánudag, þegar Hurðaskellir heimsækir bórnin, birtum við þessa fínu teikningu núna. Það er svo Aska- sleikir sem mætir á sunnudag. Á þriðjudaginn birtist svo mynd af áttunda sveininum. Herinn Rússamir koma í III i Nató UtanríkisráðherrarNató leggja til gagnkvœmt eftirlit hernaðarbandalaganna með vígbúnaði. Rússar munu komafjórum sinnum á ári tiljslands að skoða hernaðarmannvirki. Jón Baldvin Hannibalsson: Afvopnunartillögur um risavaxinn niðurskurð hefðbundinna vopna samþykktar Utanríkisráðherrar Atlants- hafsbandalagsins samþykktu á fundi sínu m í Brussel áætlun um gagnkvæmt eftirlit og rétt ríkja Atlantshafsbandalagsins og ríkja Warsjárbandalagsins til þess að senda eftirlitsmenn og tíl þess að stunda vfirflug til kðnnunar á varnarvígbúnaði hjá hinu banda- laginu. „Þetta mál varðar okkur ís- lendinga beint því réttur War- sjárbandalagsins til yfirflugs og skoðunar á Keflavíkurflugvelli og öðrum varnarmannvirkjum á íslandi er tryggður fjórum sinn- um á ári," sagði Jón Baldvin Hannibalsson utanríkisráðherra við Þjóðviljann í gær. Jón Baldvin sagði að þessar til- lögur væru að frumkvæði Atl- antshafsbandalagsins en Kanada- menn hefðu einkum beitt sér fyrir þeim. í framhaldi af því hefur utanríkisráðherra Kanada boðað til sérstakrar ráðstefnu ráðherra beggja bandalaganna í febrúar á næsta ári í Ottawa til þess að freista þess að ná samkomulagi um þessa tillögu. „Stærsta mál þessa fundar var þó að á fundinum var endanlega gengið frá samþykkt á afvopnun- artillögum Atlantshafsbanda- lagsríkjanna varðandi hefðbund- in vopn, en sú stefna var mótuð í fyrra. Síðan hafa Vínarviðræð- urnar farið fram á þessu ári en nú er komið að þeim t/mapunkti að leggja fram það sem við getum kallað, innan sviga, endanlegar tillögur. Þessar tillögur eru mjög rót- tækar og fela í sér risavaxinn niðurskurð á hefðbundnum vopnum og herjum. Nái þær fram að ganga er herafli hvors aðila fyrir sig, frá Atlantshafi að Úral- fjöllum, um 275 þúsund manns. Tillögurnar fela í sér eyðilegg- ingu á þúsundum og aftur þús- undum af skriðdrekum, stór- skotaliðsvopnabúnaði og flugvél- um. Þetta er risavaxinn niður- skurður," sagði Jón Baldvin. Hann sagði það mat manna og að það hefði komið fram í við- ræðum á fundinum, að menn gerðu sér raunsæjar vonir um að það tækist að ljúka þessum samn- ingum á næsta ári. „Jafnframt eru menn mjög bjartsýnir á, eftir langa mæðu, að það náist samningar um helm- ingsniðurskurð á langdrægum kjarnavopnum og að þeir samn- ingar verði tilbúnir áður en næsti leiðtogafundur þeirra Bush og Gorbatsjof verður haldinn í júní á næsta ári, einsog áformað er." Jón Baldvin sagði að afvopnun á höfunum hefði ekki verið á dag- skrá fundarins, en hann hefði rætt þau mál á lokuðum fundi ráðherranna þar sem þróun al- þjóðastjórnmála voru rædd, en þær umræður væru trúnaðarmál. „Það er þó ekkert launungarmál að þarna var rædd þróunin í Evr- ópu og mér gafst tækifæri til þess að greina frá viðræðum Eftaríkj- anna við EB og það gladdi mig að okkar stefna fékk mikinn stuðn- ing. Meginmálið var að leggja mat á þróun mála í Austur- og Mið-Evrópu. Það er ljóst að það er allshcr jarsamstaða í hópi utan- ríkisráðherra Atlantshafsbanda- lagsríkjanna um meginstemu í þessu máli, þ.e.a.s. að það sé sameiginleg stefna að gera allt sem í okkar valdi stendur til þess að koma til stuðnings við um- bótaöfl, en forðast gersamlega nokkra íhlutun í þau mál." ^Sáf Chile Herforingjaeinræði lokið Aylwin kjörinhforseti. Heitirhernum sakaruppgjöf ogfátœkum kjarabótum Patricio Aylwin, 71 árs stjórnmálamaður og lögfræð- ingur og frambjóðandi 17 flokka bandalags ands tæðinga Pinochets einræðisherra, vann mikinn sigur í forsetakosningunum í Chile í fyrradag. Samkvæmt bráða- birgðaniðurstöðum var líklegt að Aylwin, sem er leiðtogi flokks kristilegra demókrata, fengi rúm- lega 55 af hundraði atkvæða og hefur enginn frambjúöandi kom- ist hærra í forsetakosningum þar- lendis á þessarí ðld. ,Þar sem Aylwin fær að öllum líkindum yfir helming greiddra atífvæða þarf ekki að kjósa aftur ogtekur hann við forsetaembætti ll.i mars n.k. Lætur Pinochet harðstjóri þá af því embætti og á þar með svo að heita að öll Suður-Ameríkuríki hafi tekið upp lýðræði, þótt það sé í skötu- líki þar víðast. Þetta voru fyrstu frjálsu kosningarnar í Chile síðan 1970 er sósíalistinn Salvador Al- lende var kosinn forseti. Aylwin var ákaft fagnað af miklum mannfjölda á aðaltorg- inu í Santiago er kosningatölur fóru að berast. Hann hét á lands- menn til sátta og samstöðu, en óvíst er hvernig fer með það, því að mörg sár eru ógróin eftir hryðjuverk einræðisstjórnarinn- ar og ekki sleppir herinn völdun- um með góðu. Til að mýkja her- inn hefur Aylwin lofað að sleppa liðsmönnum hans og lögreglu- stofnana við málsókn út af morð- um, pyndingum og öðrum mannréttindabrotum, en hætt er jvið að taargir stuðningsmanna ^ylwins séu ekki reíðubúnir að safetta sigj við það. Efna- hagsmálum lofar Aylwin að halda áfram að stjórna sam- kvæmt lögmálum hins frjálsa markaðar, eins og verið hefur, en' auka útgjöld til félagsmála þeim fátækustu til góða, en þeir hafa orðið mjög útundan á stjórnartíöv Pinochets. Reuter/-dþ.

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.