Þjóðviljinn - 07.04.1990, Blaðsíða 3
FRETTIR
Alþingi
Fóstureyðing
á spólu
Ásgeir Hannes Eiríksson þing-
maður Borgaraflokksins vill nota
myndbandsspólu sem fylgiskjal
með frumvarpi sem hann hyggst
leggja fram, þar sem sýnd er með
aðstoð sónarstækis hvernig fóst-
ureyðing er framkvæmd. Guð-
rún Helgadóttir forseti sameinað-
as þings segir Ásgeir Hannes ekki
hafa borið þetta undir sig en þetta
komi hins vegar ekki til greina að
hennar áliti.
Að sögn Ásgeirs Hannesar vill
hann dreifa myndbandinu til
þingmanna vegna þess að á því
séu upplýsingar sem ekki komist
til skila öðruvísi. Hann sagðist
vilja leggja myndbandið fram
sem þingskjal, ekki nægi að hann
dreifí þessu án þeirrar forsendu
til þingmanna.
Guðrún Helgadóttir segir að
samkvæmt þingskaparlögum sé
ekki hægt að leggja myndband
fram sem þingskjal þar sem þau
skuli vera í prentuðu formi.
Þingskjöl þurfí að vera þess eðlis
að allir þingmenn geti kynnt sér
þau. Persónulega geti hún til
dæmis ekki kynnt sér myndband
þar sem hún eigi ekkert mynd-
bandstæki. „Það getur varla verið
ætlast til þess að fólk fari að leigja
slíka hluti til að brjótast í gegnum
þingskjöl, ef maður á að kalla
myndband slíku nafni, þannig að
ég held að þetta komi ekki til
mála,“ sagði Guðrún Helgadótt-
ir.
-hmp
Sigurður T. Sigurðsson
VSI fer með lygar
m miðjan dag í gær gengu Sig-
urður T. Sigurðsson, formað-
ur Hlífar, Gylfi Ingvarsson yfir-
trúnaðarmaður og varamaður
hans Baldur Baldursson á fund
forsætisráðherra og iðnaðarráð-
herra til að skýra ráðherrunum
frá sjónarmiðum sínum varðandi
álversdeiluna. Sigurður segir að-
alástæðuna fyrir því að Hlífar-
menn felldu samningsdrögin vera
túlkun VSÍ á 1. grein samkomu-
lags ASÍ og VSÍ frá því 1. febrúar
um framlengingu gildandi kjara-
samninga og það skilyrði VSI að
binda framlengingu 3. greinar
gildandi samnings við fækkun
starfsmanna og vinnubrögð
þeirra.
í samtali við Þjóðviljann sagði
Sigurður að hann hefði reynt allt
frá því á árunum 1977-1978 að fá
ÍSAL til að ræða mönnunarmál í
álverinu en svarið hefði alltaf ver-
ið hið sama; að ÍSAL ræddi alls
ekki mönnunarmál í tengslum við
samninga. Nú væri það allt í einu
skilyrði fyrir samningum um
framlengingu gildandi kjara-
samnings samkvæmt samkomu-
lagi ASÍ og VSÍ, að mönnum
verði fækkað og vinnubrögð
starfsmanna almennt skilgreind.
Síðan fullyrtu forsvarsmenn VSÍ
að starfsmenn vildu ekki ræða
þessi mál. „Ég kann ekki nein
önnur orð yfír þetta en að VSÍ
fari með hreina lygi,“ sagði Sig-
urður.
Sigurður sagði að Þórarinn V.
Þórarinsson, formaður VSÍ,
hefði sagt þann 30. mars hjá ríkis-
sáttasemjara að tómt mál væri að
tala um framlengingu 3. greinar,
þar sem það væri túlkun ISALs
að hún ætti ekki að framlengjast.
Þessi túlkun lá ekki fyrir í ASI- og
VSf-samkomulaginu að sögn Sig-
urðar og kom honum því á óvart.
Þórarinn hefði hins vegar sagt að
honum ætti að vera kunnugt um
þessa túlkun ÍSALs. Sigurður
sagði Örn Friðriksson, varafors-
eta ASÍ, vera sér sammála, hann
kannaðist heldur ekki við túlkun
Þórarins.
Samningsdrögin voru felld í
Hlíf með 98 atkvæðum gegn 77,4
seðlar voru auðir og einn ógildur.
Allt bendir til að álverinu verði
lokað eftir viku.
-hmp
Listnemar vilja sameina tónlist, leiklist og myndlist í nýja Sláturfélagshúsinu. Mynd: Jim Smart.
Kröfufundur
Ekkert kvak, við viljum þak“
99
Igærmorgun söfnuðust mynd-
listar-, leiklistar- og tónlistar-
nemar saman til að krefjast þess
að hús Sláturfélagsins, sem ríkið
hyggst kaupa, verði notað undir
starfsemi skólanna þriggja. Nem-
arnir afhentu aðstoðarmanni
menntamálaráðherra, Guðrúnu
Ágústsdóttur, beiðnibréf fyrir
utan Stjórnarráðið og gengu svo
syngjandi út í Laugarnes að nýja
Sláturfélagshúsinu.
Þar voru haldnar ræður áður
en listnemar og velunnarar þeirra
skoðuðu húsakynni. Húsnæð-
ismál listnema í landinu eru í
miklum ólestri og núverandi
húsnæði skólanna allra er óhent-
ugt og þröngt. Samkvæmt úttekt
menntamálaráðuneytisins er
húsnæði SS mjög hentugt fyrir
starfsemi listaskóla. Húsið er
rúmlega tíu þúsund fermetrar að
stærð og er þar bæði hátt til lofts
og vítt til veggja.
Bjarni Daníelsson, skólastjóri
Myndlista- og handíðaskólans,
sagði í ræðu sinni að mun ódýrara
væri að reka skólana i einu húsi í
stað þess að borga leigu fyrir mið-
ur gott húsnæði á víð og dreif um
bæinn.
Fyrir Alþingi liggur nú þings-
ályktunartillaga um stofnun
Listaháskóla lslands og verði af
henni sameinast áðurnefndir
skólar í eina stofnun.
ÞR/HMK
Stykkishólmur
M-hátíð sett í dag
Fjölbreytt dagskrá íFélagsheimilinu, friðarsýning opnuð, hátíðarsýn-
M-hátíðin í Stykkishólmi hefst
í dag með hátíðardagskrá í
Félagsheimili Stykkishólms. Hát-
íðin er þáttur í Menningarhátíð
Vesturlands 1990, sem sett var í
Reykholti síðastliðinn laugardag
og mun nú halda áfram í hverju
bæjar- og sveitarfélaginu af öðru
á öllu Vesturlandi.
Lúðrasveit Stykkishólms leik-
ur undir stjórn Daða Þórs Einars-
son við setningu hátíðarinnar í
Félagsheimilinu í dag. Ávörp
flytja Sturla Böðvarsson bæjar-
stjóri og menntamálaráðherra,
Svavar Gestsson, og Ásgeir Ás-
geirsson sagnfræðingur mun
flytja erindi sem hann nefnir Saga
bæjarins.
Barnakór Grunnskólans í
Stykkishólmi syngur undir stjórn
Jóhönnu Guðmundsdóttur, Ron-
ald W. Turner syngur einsöng við
undirleik Erlends Jónssonar pí-
anóleikara og kór Stykkishólms-
kirkju syngur undir stjórn Turn-
ers. Einnig munu nemendur úr 8.
og 9. bekk Grunnskólans flytja
leiklesna dagskrá undir stjórn
Guðjóns Inga Sigurðssonar.
Stjórnandi hátíðardagskrárinnar
er Lúðvíg Halldórsson skóla-
stjóri.
Sýning á friðarveggspjöldum
hefur verið sett upp í Grunnskól-
anum í tilefni af hátíðinni og þá
sýningu opnar Ellert Kristinsson
forseti bæjarstjórnar kl. 17 í dag.
Veggspjöldin eru eftir nemendur
skólans og unnin undir kjörorð-
inu Friður á jörðu. í kvöld kl.
20:30 hefst síðan hátíðarsýning á
leikritinu Saumastofunni eftir
Kjartan Ragnarsson í leikstjórn
Guðjóns Inga Sigurðssonar.
ing hjá leikfélaginu
M-hátíðin í Stykkishólmi
stendur til 23. júní og verða fjöl-
margir menningarviðburðir í
tengslum við hana. Þar ber hæst
hlut heimamanna, en einnig er
von á Skagaleikflokknum í heim-
sókn. Enn fremur er stefnt að
tónleikum Sinfóníuhljómsveitar
íslands og leikför Þjóðleikhúss-
ins til Stykkishólms í tengslum
við hátíðina.
LG
Smekkleysa
Dymbilvaka
í Tunglinu
Smekkleysa efnir til dymbil-
vöku á efstu hæð Tunglsins
annað kvöld. Verður þá haldin
mikil veisla með þátttöku fjölda
listamanna og er tilgangurinn að
efla þjóðerni og menningu ís-
lands.
Kvikmynd Óskars Jónassonar,
Sérsveitin Laugarásvegi 25, verð-
ur sýnd, Laufey Sigurðardóttir
fiðluleikari og Páll Eyjólfsson
gítarleikari fremja músík í félagi
og Megas treður upp. Af
skáldum galdra þau Einar Már
Guðmundsson, Sigfús
Bjartmarsson. Halla Frímanns-
dóttir, Bragi Olafsson, Einar Örn
Benediktsson og Bárður R. Jóns-
son. Einnig verður lesið úr trú-
arljóðum eftir Vestur-
fslendinginn Harald C.
Vakan hefst kl. 21 og er að-
gangseyrir 500 kr. Kynnir verður
Stefán Jónsson leikari. lq
Laugardagur 7. aprfl 1990 ÞJÓÐVILJINN - SÍÐA 3
HELGARRÚNTURINN
ÞJÓÐÞRIF kallast átak sem skátar og Hjálparstofnun kirkjunnar
standa fyrir, en það felst í því að safna tómum öl- og gosdrykkjaum-
búðum. Nú umhelgina bjóðast skátar tilað sækjadósirogflöskur
heim til fólks sem ekki nennir eða getur farið sjálft með umbúðirnar á
næstu bensínsölustöð eða í stórmarkaði. Hringið í síma 26440 eða
621319 og þar bíða skátar ávallt viðbúnir.
SÖNGSVEITIN Filharmónía að þrjátíu ára starfsafmæli um þessar
mundir og í tilefni af því flytur sveitin Þýska sálumessu eftir Jóhannes
Brahms í Langholtskirkju í dag kl. 16.30 og á morgun kl. 20.30.
Stjórnandi er Úlrik Ólason og einsöngvarar þau Sigrún Hjálmtýsdóttir
og Loftur Erlingsson. Hljómsveit undir stjórn Símonar Kuran leikur
undir. Smekkleysa efnir til Dimbilvöku í Tunglinu á sunnudagskvöld
kl. 21 og koma þar fram ýmsir listamenn til eflingar þjóðerni og
menningu fslands, bæði skáld og tónlistarmenn. Kynnir erStefán
Jónsson leikari.f Hafnarfirði gengst málfundafélagið Magni fyrir
Magnavöku í Hafnarborg kl. 14 í dag þar sem flutt verður tónlist og
lesin upp Ijóð. í Heita pottinum í Duushúsi djamma FriðrikTheódórs-
son og félagar á sunnudagskvöld. Bandaríski gítarleikarinn Michael
Chapdelaineer með tónleika í Norræna húsinu á sunnudagkl. 20.30og
Kammersveit Reykjavíkur með tónleika í Islensku óperunni kl. 15 á
sunnudag.
ÓPERUUNNENDUR sem ekki hafa þegar séð Carmina Burana og
Pagliacci ættu að storma í Óperuna í kvöld því þá er síðasta sýning á
verkinu. Hjartatrompetinn er í Skeifunni 3c í kvöld og annað kvöld.
Þjóðleikhúsið er flutt með Stcfnumót í Iðnó og er sýning þar í kvöld.
Endurbygging er hinsvegar í Háskólabíói annað kvöld. Núeruþrjú
barnaleikrit á fjölunum á höfuðborgarsvæðinu. Töfrasprotinn í Borg-
arleikhúsinu en síðustu sýningar á honum eru í kvöld og annað kvöld.
Hrói höttur er sýndur í Bæjarbíói í Hafnarfirði í dagog á morgun. í
Félagsheimili Kópavogs er svo Virgill litli í dag.
TÖLVUGRAFÍK er það nýjasta í myndlistinni og geta forvitnir nú virt
fyrir sér slíka myndlist eftir Bandaríkjamanninn Darcy Gerbarg í
Menningarstofnun Bandaríkjanna. Ákureyringurinn Örn Ingi sýnir í
sýningarsal FÍM í Garðastræti og Ragnheiður Jónsdóttir opnar sýn-
ingu á teikningum í Norræna húsinu í dag. Sýningu Kristbergs Ó.
Péturssonar í Gallerí einn einn lýkur nú um helgina. Á Kjarvalsstöðum
er yfirlitssýning á verkum Guðmundu Andrésdóttur, auk þess sem þau
Jón Axel og Sóley Eiríksdóttir sýna olíuverk og skúlptúra.
SKEIFUKEPPNI Bændaskólans á Hvanneyri verður haldin á j ílma-
sunnudagog hefst kl. 10 árdegismeð keppni í A- ogB-flokkiga linga.
Kl. 13 verðurhópreiðfrákirkjunniensjálf Skeifukeppnin hefst 1.14
og að henni lokinni verður kaffi í boði skólans og verðlaunaafhei ling.
Félag sálfræðinema við HÍ gengst fyrir málþingi í dag sem kallast
Verða sálfræðingar sérfræðingar? Það er haldið í Tæknigarði og t 'fst
kl. 14. Klúbbur 17, samtök ungra ökumanna, efnir til fundar á Hót '
Lindídagkl. 11. Fjallaðverðurumn1 •..einiungraölkumannaogm ð
hvaða hætti megi fækka slysum í þeirra hópi. Óska ég svo ykkur svo
góðrar helgar og fer í vetrarfrí.