Þjóðviljinn - 15.12.1990, Page 7

Gunnar Kristinsson er á beininu
Ástandiö tekur
út yfirallan
þjófabálk
blendingar stæra sig gjaman af þvf að þeir híti upp hús sín
með heitu vatni. Nafn borgarínnar er dregið
af gufu úr heitum hvenim. En undanfarið hefur hrtinn
bmgðist íbúum Reykjavíkur og nágrennis.
Hverju er um að kenna að menn sitja víða inni
í úlpum og lopaleistum? er fyrsta spumingin sem iögð
er fyrír Gunnar Kristinsson hitaveitustjóra
semerábeininuídag.
Gunnar Kristinsson hitaveitustjóri. Mynd: Jim Smart.
Það er fyrst og fremst vegna
óhreininda í kerfmu. Þetta byijaði
í september, eins og venjulega. Á
haustin fer alltaf af stað það sem í
pípunum liggur af sandi, ryði og
alls konar dóti, byggingavörum
meira að segja, sem komast inn í
kerfið þegar verið er að leggja ný
rör. Ofan á þetta bætist útfelling
af magnesíumsílikati, sem stafar
frá Nesjavallavirkjun, og verður
til þegar blandast saman vatnið
þaðan og vatnið ffá Reykjum.
Þetta var nú heldur meira í ár en
venjulega.
Þannig að þetta kemur allt-
af fyrir á haustin?
Ekki magnesíumsílikatútfell-
ing, það er nýtt. En aðburður af
óhreinindum og stíflaðar síur eru
algengar á haustin, einhversstaðar
í bænum.
Nú er þetta mjög víða, þótt
kvartanir hafi aðallega borist ífá
Hafnarfirði, Garðabæ og Kópa-
vogi um síðustu helgi.
Þetta var um allt þangað til í
síðustu viku, þá virtist það vera
mun meira en venjulega í Halhar-
firði og Kópavogi. Afleiðingin af
því varð sú að við fórum að mæla
þrýstifallið í leiðslum suðureftir.
Þá kom í ljós að þrýstifallið var
óvenjumikið, eða um 50 prósent.
Það reyndist vera vegna þess að
það hafði myndast húð af magne-
síumsílikati innan á pipunum.
Þessi húð hafði þau áhrif að það
varð meira þrýstifall en á að vera
og gert er ráð fyrir.
Hvað á að gera í því?
Til bráðabirgða á að setja
dælu inn á leiðsluna, og verður
hún komin í gagnið fyrir jól.
Var ekki vitað fyrir að þessi
útfelling gæti átt sér stað?
Nei, þetta gerðist á fyrstu
fimmtíu dögunum sem við vorum
að keyra Nesjavallavirkjun. Við
urðum varir við þetta 18. október.
Þá hafði verið sent vatn í bæinn,
að vísu í smáum stíl til að prufu-
keyra, síðan í endaðan ágúst. Út-
fellingin hélt áffam eftir að við
fundum þetta, fram undir 20. nóv-
ember þegar við náðum loksins
taki á því að stýra þessu þannig að
það félli ekki út. Þetta eru fimm-
tiu dagar, sem sagt.
Var Nesjavallavirkjun opn-
uð of snemma?
Nei, nú segi ég, ég veit ekki.
Hún átti að fara í gagnið árinu
fyrr. En þetta var hlutur sem
menn vissu alltaf af, svona útfell-
ingar myndast þegar maður hitar
vatn og býr til hitaveituvatn og
blandar saman við hveravatn. Það
var búin að vera í gangi hjá okkur
rannsókn milli áranna 1984 og
1987, en þá var ég ekki hér. Menn
töldu sig sjálfsagt vera búna að fá
þau svör sem þeir þyrftu til að
ákveða að blanda þessu saman,
þetta væri allt í lagi. Síðan kom
annað í ljós, og það geta verið
margar orsakir fyrir því, t.d. að
þegar verið var að setja þetta í
gang, þá tók það okkur heilan
mánuð bara að koma stillitækjun-
um í rétt horf. Síðan tók það tíma
í viðbót að koma þessari blöndu í
rétt horf. Ég held að það hafi nú
aldrei staðið fyrir mönnum að
þeir ættu ekki von á einhverju.
Þið hafið sagt að í kulda-
kastinu í fyrra hafið þið sloppið
fyrir horn.
Já, við gerðum það, meira að
segja með olíukatla í fullum
gangi. 42 miljónir fóru í oliu á
þessu ári.
Var það þess vegna sem þið
vilduð opna Nesjavallavirkjun
sem fyrst?
Já, það var alltaf meiningin að
koma henni í gagnið sem fyrst.
Það var farið að minnka á að-
veitusvæðum í bænum. Við höfð-
um verið búnir að pína þau of
mikið, sjálfsagt í nokkur ár.
Margir undanfamir vetur hafa
verið mildir, og ekki horfði til
vandræða fyrr en í kuldakastinu í
fyrra.
Er ekki mögulegt að þetta
ástand skapist á ný ef kólnar í
veðri, og getum við átt von á því
að borða jólasteikina með ullar-
vettlinga á höndum?
Næstu vikur verða örugglega
einhver vandræði í Hafnarfirði og
Garðabæ, og jafhvel víðar. Þá fer
þetta rusl af stað aftur. Það hefur
verið rólegt núna síðustu dagana
en mest af því að það er svo lítið
streymi í pípunum, lítið álag.
Þannig að það kemur aftur, en
vonandi minnkar það smám sam-
an og klárast.
Er Hitaveitan ekki í erfiðri
aðstöðu; fólk er mjög óánægt
og kvörtunum rignir yfir ykk-
ur?
Þú hefur nú heyrt það. Það er
ekki nóg með að það sé hringt
hingað, heldur í fréttastofur. Þeir
hringja í okkur, og það er eðlilegt.
En það er annað sem ég vil benda
á, að síðan 1968 í janúar hefur
aldrei orðið vamslaust. Það hafa
bara verið vandræði við að koma
því til skila. Sérstaklega í Hafnar-
firði og Garðabæ hefur fólk búið
við mjög góða hitaveitu í 15 ár,
svo góða að sumir þeirra vita ekki
einu sinni lengur hvar mælirinn
er. Fólk hefur engar áhyggjur
þurft að hafa af þessu, það gerir
okkur náttúrlega erfiðara fyrir því
að þegar maður er að reyna að
segja fólki til í gegnum síma þá
skilur það ekki hvað um er að
ræða. Það hefur ekkert þurft að
skipta sér af þessu. Það er miklu
betra héma í bænum, þar sem fólk
veit miklu meira um kerfið sitt.
Það er vanara þessu.
En vandræði á borð við
þessi hafa ekki orðið áður, er
það?
Ekkert i þessum dúr. Á hverju
einasta hausti hefur á vissum
stöðum í kerfinu orðið skítsöfhun
í síum, en þetta tekur nú út yfir
allan þjófabálk. Þetta er miklu
meira áður.
Ber Hitaveitan skaða, sem
af kann að hljótast?
Ég veit varla til þess að skaði
hafi hlotist af. Það eina sem ég get
ímyndað mér er að eitthvað af
finna dóti sem er á floti fari inn i
stýritæki, það er hugsanlegt, á
milli og svoleiðis, en yfirleitt
skolast það bara í gegn.
En ef einhver gæti sýnt
fram á að vegna þessa þyrfti að
skipta um ofna eða eitthvað
slíkt. Myndi þá Hitaveitan bera
skaðann?
Að sjálfsögðu myndum við
skoða hvert tilfelli fyrir sig, og
það gæti verið okkar mál að
greiða skaðann.
Snúum okkar frá hitaleysi
og upp í Öskjuhlíð. Hvers
vegna höfðuð þið ekki fyrir því
að afla tilskilinna leyfa áður en
þið fóruð að grafa fyrir jarð-
hýsinu þar?
Þetta er ekki rétt. Það var far-
ið með þetta strax í byggingar-
nefhd, út af athugasemd sem gerð
var. Nú er ég að segja frá því sem
aðrir segja mér, ég var ekki í
þessu sjálfur. Það vantaði leyfi frá
brunamálayfirvöldum. Þessi yfir-
lýsing skilst mér að hafi verið til
en hún var hjá byggingafulltrúan-
um sjálfum og hann var lasinn.
Þetta er fyrsta frestun. Önnur
frestun, það heitir svo í fúndar-
gerð að hún hafi verið vegna
ónógrar þátttöku í atkvæða-
greiðslu, en það var búið að gera
athugasemd við það að stafsfólk
hefði enga aðstöðu í húsinu og
reyndar vantaði geymslu líka. En
allan tímann vorum við með svo-
kallað graftarleyfi, eða bráða-
birgðaleyfi sem gefið er út ef
byggingafulltrúa líst þannig á að
það sé ekkert stórvægilegt sem að
er, og menn muni laga það. Það
leyfi var fyrir hendi allan tímann.
En eru þetta ekki nokkur
hundruð fermetrar sem bæta
þarf við?
Þetta eru 300 fermetrar allt í
allt.
Hver er heildarkostnaður-
inn við skopparakringluna?
Það eru mörg nöfh á henni.
Heildarkosmaðurinn verður á
milli 10 og 11 hundruð miljónir.
Þá er ég að framreikna allt.
Nægir peningar virðast til í
fjárhirslum Hitaveitunnar, en
fólk er óánægt með þjónustuna
og finnst viðbrögð við kvörtun-
um hæg.
Það er nú misskilningur að
við eigum nóg af peningum, þótt
við höfúin ekki þurft að kvarta
undan peningaleysi, það er rétt.
En vatnsverð hér er með því
lægsta á landinu, það hefur staðið
í stað síðan í desember 1989. Ég
var að hugsa um að fá hækkun, en
ég fæ hana víst ekki. Það hefði
raskað því jafnvægi sem ríkir í
landinu.
einna verst er jafneinfaldur hlutur
og símaborðið. Suma daga nær
fólk ekki inn.
Er það rétt að kvörtunum sé
ekki sinnt eftir klukkan fimm á
daginn? Starfsmenn okkar hafa
verið fram á nætur suma daga, og
síðastliðinn laugardag og sunnu-
dag unnu þeir einnig. Við höfum
bætt við okkur mannskap. Og
jafnvel tekið þá sem vanalega
skipta um mæla og eru i lokunum
vegna vanskila. Undanfarið hefúr
því hvorki verið skipt um mæla
né lokað hjá fólki.
Að lokum, er heitt hjá þér,
herra hitaveitustjóri?
Já, ég fékk hitaveitu í nóvem-
ber 1975, og það lækkaði hitunar-
kosmaðinn úr 20 þúsund krónum
á mánuði niður í 5 þúsund. Ég
held að það séu þær albestu kjara-
bætur sem ég hef á ævinni fengið.
Það skal ég segja þér að þegar bil-
aði hjá mér kyndingin þá þýddi
nú lítið að hringja i olíufélögin.
Kólnaði eitthvað hjá þér um
daginn?
Nei, þiýstingurinn féll tals-
vert en ég er nú einn af þeim sem
fikta, ég lækkaði hjá mér og stillti
mfna ventla.
Það sem hefúr komið
BE
Félagsmálastofnun Reykjavíkurborgar
Síðumúla 39-108 Reykjavík - Sími 678 500
Á hverfaskrifstofu okkar í Álfabakka 12 eru
lausar stöður bæði í móttöku- og meðferðar-
hópi.
Við leitum nú að áhugasömum samstarfsmönn-
um. Félagsráðgjafar og fólk með menntun svo
sem í félagsfræði, uppeldisfræði, sálfræði,
hjúkrun, kennara, kemur sterklega til greina.
Það kostar lítið að kynna sér hvað við bjóð-
um/óskum eftir. Komdu í Álfabakka 12 á mið-
vikudag n.k. eftir kl. 15:00 og spjallaðu við okk-
ur.
ATH. I boði eru stöður til frambúðar.
Einnig er hægt að hringja í síma 74544 og ræða
við Auði Matthíasdóttur yfirfélagsráðgjafa.
Laugardagur 15. desember 1990 ÞJÓÐVILJINN — SÍÐA 7