Dagblaðið Vísir - DV - 28.02.1996, Blaðsíða 8

8
MIÐVIKUDAGUR 28. FEBRÚAR 1996
Útlönd
Blaðaútgefandinn sigraði óvænt í forkosningunum í Arizona:
Forbes gerði grín að
stjórnmálaspekingum
Blaðaútgefandinn Steve Forbes,
sem keppir um forsetaútnefningu
Repúblikanaflokksins, hæddist að
stjórnmálaspekingum í gærkvöldi
eftir að ljóst varð að hann hafði
sigrað í forkosningunum í Arizona
og sagði þá hafa skrifað pólitískar
minningargreinar um sig.
„Fyrir viku skrifuðu þeir minn-
ingargreinar um okkur,“ sagði For-
bes og ljómaði af ánægju framan í
stuðningsmenn sína á hóteli í
Phoenix í gærkvöldi. „En í kvöld
getum við kannski skrifað minning-
argreinar um venjulega stjórnmála-
speki eins og hún tíðkast í Amer-
íku.“
Sigur Forbes í Arizona var
óvæntur en Bob Dole, leiðtogi
repúblikana í öldungadeild Banda-
ríkjaþings, sigraði eins og búist var
við í forkosningunum í Suður- og
Norður-Dakóta. Kapphlaupið um
það hver fái að keppa við Bill Clint-
on í forsetakosningunum 5. nóvem-
ber í haust er því enn ruglingslegra
en áður.
Það kynnu að vera góðar fréttir
fyrir Clinton, sem ekki þarf að etja
kappi við neinn samherja úr Demó-
krataflokknum. Þá sýna nýjar skoð-
anakannanir að hann muni sigra
alla keppinauta sína úr Repúblik-
anaflokknum.
Forbes, sem varð fjórði í forval-
inu í Iowa og forkosningunum í
New Hampshire en sigraði síðan í
Delaware um síðustu helgi, eyddi
fjórum milljónum dollara í kosn-
ingabaráttuna í Arizona þar sem
hann hamraði á helsta kosninga-
máli sínu, flötum skatti fyrir alla.
Sjónvarpsstöðvar spáðu því í morg-
un að stjórnmálaskýrandinn og
íhaldsmaðurinn Pat Buchanan
mundi komast upp fyrir Dole en lít-
ill munur var á atkvæðafjölda
þeirra.
Buchanan varð fyrir vonbrigðum
í Arizona þar sem hann hafði von-
ast eftir að fá góðan hljómgrunn fyr-
ir íhaldssama stefnu sína gegn stór-
fyrirtækjum og innflytjendum.
Arizona liggur að landamærunum
að Mexíkó.
Dole lýsti yfir ánægju sinni með
sigurinn í Dakótafylkjunum. „Við
sigruðum í tveimur af þremur. Við
munum sigra i þremur af fjórum í
þessari viku. Við erum aftur komn-
ir á sigurbraut," sagði Bob Dole.
Reuter
Dæmd í 25 ára
fangelsi fyrir
herónínsmygl
Taílenskur dómstóll dæmdi í
morgun Söndru Gregory, 30 ára
breska konu, I 25 ára fangelsi fyrir
að gera tilraun til að smygla heróíni
út úr landinu. Robert Lock, breskur
jafnaldri hennar, var sýknaður.
Sandra hlaut upphaflega dauðadóm
en dómurinn var mildaður þar sem
hún játaði sig seka.
Sandra og Robert voru handtekin
á flugvellinum í Bangkok í febrúar
1993 þar sem þau voru að fara um
borð í vél á leið til Japans. Fundust
102 gröm af heróíni á Söndru. Hún
fullyrti strax að Robert hefði greitt
henni fyrir að smygla heróíni úr
landinu en hann kvaðst saklaus af
slíku.
Breskur tollvörður sagði fyrir
rétti að taílenskum tollyfirvöldum
hefði verið gert viðvart um að Ro-
bert Lock mundi reyna að að
smygla heróíni úr landinu. Þess
vegna var leitað á þeim báðum við
brottför.
Sandra kenndi ensku í Taílandi.
Hún grét meðan dómur var upp
kveðinn og hélt fast við fyrri fram-
burð sinn. Lögmaður Söndru segir
mögulegt að hún verði náðuð seinna
á árinu, þegar konungur Taílands
fagnar 50 árum á valdastóli. Reuter
1
Taílenskir fangaverðir fyigja Söndru Gregory, 30 ára breskri konu, til dómsalar í Bangkok í morgun. Hlaut Sandra 25
ára fangelsisdóm fyrir tilraun til að smygla heróíni úr landinu. Á innfelldu myndinni er hún flutt á brott með tárvot
augu. Símamynd Reuter
Peres setur
Arafat skilyrði
Símon Peres, forsætisráðherra
ísraels, sagði í gær að svo kynni
að fara að brottfór ísraelskra
hermanna frá bænum Hebron á
Vesturbakkanum yrði slegið á
frest vegna sjálfsmorðsárásar
harðlínumúslíma í ísrael á
sunnudag þar sem 25 manns fór-
ust, ef Yasser Arafat gengur ekki
milli bols og höfuðs á hryðju-
verkamönnum. Samkvæmt frið-
-arsáttmálanum eiga ísraelsku
hersveitimar að fara frá borg-
inni í næsta mánuði.
Simpson bú-
inn að selja
glæsiíbúðina
Ruðningskappinn O.J. Simp-
son er búinn að selja glæsiíbúð-
ina sína í New York fyrir um sjö-
tíu milljónir króna, að sögn slúð-
urdálkahöfundarins Cindy Ad-
ams 1 blaðinu New York Post.
íbúðin er í 50 hæða glæsibygg-
ingu í einu fínasta hverfinu á
Manhattan. Hún haföi verið í
sölu frá því í september 1994.
Kaupandinn var einhver R.M.
Frome sem skráður er til heimil-
is í sama húsi. Reuter
Útlægir Kúbverjar í Flórída boða skyndferðir í átt að Kúbu:
Kúbverjar tilbúnir að
verjast óboðnum gestum
Yfirvöld á Kúbu tilkynntu í gær
að herinn væri í viðbragðsstöðu og
mundi verjast óboðnum gestum
með öllum tiltækum ráðum. Yfirlýs-
ing þess efnis kom í kjölfar frétta
um að útlægir Kúbverjar í Flórída
hygðust fara í skyndiferðir í átt að
Kúbu bæði á láði og legi. Er ætlun-
in að fara að staðnum þar sem tvær
kúbverskar herþotur skutu tvær
litlar og óvopnaðar flugvélar niður
á laugardag. Yfirvöld á Kúbu halda
fast í þá skoðun að vélarnar hafi rof-
ið lofthelgi Kúbu en bandarísk yfir-
völd eru á annarri skoðun.
Raul Castro, varnarmálaráðherra
landsins og bróðir Fiedels, sagði að
ríkisstjórnin mundi leggja meginá-
herslu á varnir landsins svo lengi
sem heimsvaldastefna væri við lýði.
„Reynslan sýnir að þeir sem ekki
gera það munu deyja,“ sagði ráð-
herrann.
Á sama tíma og hersveitir gengu
fylktu liöi fyrir kúbverska sjón-
varpsáhorfendur og hermenn sögð-
ust reiðubúnir að verja land sitt fór
fram fundur í Öryggisráði Samein-
uðu þjóðanna þar sem atburðurinn
Roberto Robaina, utanríkisráðherra
Kúbu, mætti á fund öryggisráðs SÞ
í gær. Símamynd Reuter.
á laugardag var fordæmdur.
Roberto Robaina, utanríkisráðherra
Kúbu, mætti til fundarins og
ítrekaði þar að bandarísku
flugvélarnar hafi verið innan
lofthelgi landsins þegar þær voru
skotnar niður.
1 kjölfar fundarins hélt Madeleine
Albright, sendiherra Bandaríkjanna
hjá Sameinuðu þjóðunum, blaða-
mannafund þar sem leikin var upp-
taka af saipskiptum kúbversku her-
flugmannanna við stjórnstöð á
jörðu niðri. Af upptökunum mátti
ráða að flugmennnirnir vissu að
bandarísku flugvélarnar voru
óvopnaðar og að engin ógn fælist í
þeim. En þeir fengu leyfi frá stjórn-
stöð til að skjóta. Sigri hrósandi við-
höfðu flugmennirnir niðrandi orð
um fórnarlömbin. Albright kallaði
flugmennina hins vegar hugleys-
ingja.
Atburðurinn var fordæmdur um
allan heim og Bandaríkjaforseti
boðaði hertar refsiaðgerðir gegn
Kúbu. Var áætlunarflugi til Kúbu
hætt, ferðir sendimanna Kúbu í
Bandaríkjunum takmarkaðar og
starfsemi útvarpsstöðvar sem
sendir efni í átt að Kúbu efld.
En eyjarskeggjar hunsuðu allar
hótanir og sögðust mundu halda
sínu striki. Reuter
Stuttar fréttir x> v
Frakkartapa
Alríkisdómari í Bandaríkj-
unum neitaði að verða við kröfú
franskra stjómvalda um að vísa
frá málshöfðun Grænfriðunga
vegna skipstöku Frakka.
Ráðherrar hittast í dag
Forsætisráðherrar Bretlands
og írlands hittast i Lundúnum í
dag til að reyna að koma aftur
einhverri hreyfingu á friðarum-
leitanirnar á Norður-írlandi.
Christopher lofar
Warren
Christopher,
utanríkisráð-
herra Banda-
ríkjanna, kom
til Chile í gær
og bar lof á
velsældina af
völdum hins
frjálsa markaðshagkerfis en var
að sama skapi fámáll um fyrri
loforð um að hleypa landinu inn
i fríverslunarsamtök Norður-
Ameríku.
Bosníu-Serbar fagna
Bosníu-Serbar fagna því að
viðskiptaþvingunum hefur ver-
ið aflétt vegna hlýðni þeirra við
hernaðarþátt Dayton-friðarsam-
komulagsins en fjöldaflótti
þeirra frá Sarajevo heldur þó
áfram.
í Evrópuráðið
Rússar veröa teknir formlega
inn í Evrópuráðið í dag og af því
tilefni lofa þeir að virða mann-
réttindi og lýðræði.
Nýsjálenska leiðin
íhaldsstjórnin á Nýja-Sjálandi
undirritaði samstarfssamning
við miðjuflokk til að hægt væri
að lögfesta frumvarp um skatta-
lækkanir og draga úr líkunum á
kosningum fyrir tímann.
Chirac enn upp á við
Stuðningur
fransks al-
mennings við
Jacques
Chirac forseta
er heldur að
aukast og nýt-
ur hann nú
trausts 43 pró-
senta þjóðarinnar en forsætis-
ráðherra Frakklands, Alain
Juppé, getur ekki sagt það
sama.
Morðingi lífiátinn
Maður sem játaði að hafa
stungið sjö manns til bana í
Texas var tekinn af lífi með eit-
ursprautu í ríkisfangelsinu í
Huntsville í nótt, eftir að hæsti-
réttur Bandarikjanna hafnaði
beiðni um frestun.
Olía fyrir mat
Viðræður SÞ og íraksstjórnar
um olíusölu til að kaupa mat-
væli hefjast aftur í mars.
Flugslys í Súdan
Níutíu og einn maður fórst
þegar súdönsk herflugvél hrap-
aði til jarðar suður af höfuð-
borginni Khartoum á mánu-
dagskvöld.
Kóngur vill breyta
Hussein
Jórdaníukon-
ungur sagði í
gær að það
væri skylda
sín að hvetja
til þess að
breytingar
yrðu gerðar
hið fyrsta í írak eftir að tveir
tengdasynir Saddams íraksfor-
seta voru myrtir skömmu eftir
að þeir sneru heim úr útlegð.
Ríkidæmi í ESB
Ríkustu svæðin í löndum Evr-
ópusambandsins eru í kringum
Hamborg, Brussel og París. en
mest er fátæktin á suðurjaðrin-
um, í Portúgal, á Spáni og
Grikklandi. Reuter