Dagblaðið Vísir - DV - 28.08.1996, Blaðsíða 6

MIÐVIKUDAGUR 28. ÁGÚST 1996 UV
22 skólar og námskeið
ik
TM-hugleiðsla, áhrifarík leið til að minnka kvíða og streitu:
Alhliða heilsubót
og þroskaleið
- segir Guðjón Kristjánsson kennari
TM-hugleiðsla (innhverf íhugun)
kemur frá ævafornri þekkingu
Veda eða nánar tiltekið Rig- Veda.
Hún er ekki trú, heimspeki eða lífs-
viðhorf og krefst ekki breytinga á
skoðunum eða venjum. Iðkun henn-
ar er einfóld, auðlærð og áreynslu-
laus og veitir afar djúpa og endur-
nærandi hvíld,“ sagði Guðjón
Kristjánsson, kennari í TM-hug-
leiðslu hjá TM-kennslumiðstöðinni
sem starfar á vegum íslenska íhug-
unarfélagsins. Tæplega þrjú þúsund
manns hafa að hans sögn þegar lært
TM-hugleiðslu hér á landi.
Iðkandinn situr í þægilegri stell-
ingu og er vakandi en þó með lokuð
augun í þær 15-20 mín. sem iðkun-
in stendur kvölds og morgna. „Heil-
brigðiskerfl okkar þarfnast ein-
faldra og áhrifaríkra aðferða til að
auka mannlegt atgervi og heilbrigði
sem á sama tima minnkar þjáning-
ar og kostnað samfélagsins vegna
sjúkdóma og félagslegra vandamála.
TM-hugleiðsla er hluti af kerfi Ma-
harishi Ayurveda sem samanstend-
ur af um 20 mismunandi aðferðum
til að auka heilbrigði. Hún hefur
verið rannsökuð meira en nokkur
önnur þroskaleið og hafa birst um
350 rannsóknir í um 100 vísinda-
tímaritum síðastliðin 25 ár,“ sagði
Guðjón.
Hann sagði þetta án vafa vera
áhrifaríkustu leiðina til að minnka
streitu og kvíöa og að minni streita
leiöi til aukinnar einbeitingar,
framleiðni og meiri snerpu. „Þetta
er alhliða heilsubót og þroskaleið,"
sagði Guðjón.
-ingo
Fullorðinsfræðslan
Matshæft nám: skólanám eða fjarnám
Grunnnám, fornám og fyrstu 4 áfangar
framhaldsskóla í kjarnagreinum allt árið
Þýska og þýska fyrir ferðaþjónustu, spænska,
norska, sænska, tölvugrunnur, kynning á Interneti,
ICELANDIC og NÁMSAÐSTOÐ: öll stíg
Tungumál
Raungreinar
Gerðubergi 1
s. 5571155
HeimasíSa: http//www/ice.is/fraedslan/
Netfang: fraedslan@ice.is
Hóptímar
Láttu
rauminn
rætast!
Einkatímar
Hópnámskeið fyrir byrjendur og lengra komna
Barna- og unglinganámskeið aldursskipt söngnámskeið
Einsöngsnám fyrir byrjendur og lengra komna
Sveifludeild söngleikjatónlist, gospel, jass og blues
Sönghópur Móður jarðar gospel og heimstónlist
Jass • blues
í vetur mun kanadíska jass/blues
söngkonan Tena Palmer kenna við
skólann - frábær söngkona sem unnið
hefur til fjöida verðlauna fyrir söng sinn!
SÖIUGSIVIIÐJAiy ehf.
Söngskóli og söngsmiðja
HVERFISGÖTU 76
REYKJAVÍK A
Upplýsingar og innritun í síma: 561 2455 • faxi: 561 2456
eða á skrifstofu skólans, virka daga frá kl. 11-18. C3
—' IMMl
Um 400 manns hafa sótt nám viö Sálarrannsóknarskólann á sl. tveimur árum. Hér kennir Magnús einum bekknum.
400 nemendur hafa sótt nám við Sálarrannsóknarskólann:
Allt um lífið eftir dauðann
- veitir fólki heilmikla innsýn í lífið og tilveruna
„Þetta er eitt af því fáa sem þú
finnur í nútíma samfélagi sem gefur
ögn af skilningi á tilverunni. Eftir
að hafa verið í skólanum sér fólk
hlutina frekar í samhengi og skilur
betur tilgang lífsins og að það skipti
máli hvemig maður hagar sér.
Fyrst og fremst er þetta skemmtun
en í leiðinni veitir þetta fólki vem-
lega mikla innsýn í lífið og tilver-
una,“ sagði Magnús Skarphéðins-
son, skólastjóri Sálarrannsóknar-
skólans. Skólinn var stofnaður árið
1994 og frá upphafi hafa um 400
nemendur sótt þar nám. Sjálfur er
Magnús að læra sagnfræði við HÍ og
fjallar lokaverkefni hans um sögu
og þróun spíritisma á íslandi í al-
þjóðlegu ljósi.
„Þetta er skóli fyrir almenning
sem langar að vita allt sem vitað er
um líf eftir dauðann, hvers eðlis
þessi andaheimur okkar er, hvaða
þjóðfélag er þar, hvernig hægt er að
hafa samband þangað og hversu
mikið er hægt að treysta þeim upp-
lýsingum. í skólanum er farið í
rannsóknir á dulsálarfræði, spírit-
isma og miðilsstarfsemi, fjallað um
hvernig miðlar starfa og hversu
marktækir þeir em og hvaða rann-
sóknir hafa verið gerðar á þeim.
Þama er farið í mismunandi miðil-
stegundir, transmiðla, lækningar-
miðla, heilara, spákonur og íleira og
síðan minna þekktar tegundir eins
og ljósmyndamiðla, segul-
bandsmiðla og líkamningamiðla.
Svo er farið yfir allt sem vitað er
um álfa og huldufólk, tröll, tíva og
aðrar dulrænar hulduverur og síð-
an fjallað um hvernig almenningur
getur hagnýtt sér þessar upplýsing-
ar, bæði varðandi orkustöðvar lík-
amans og hættur í andlegum mál-
um,“ sagði Magnús.
Við skólann starfa 32 kennarar,
ýmist miðlar, vísindamenn, sagn-
fræðingar eða aðrir sem að málinu
koma. Námið tekur 2 ár og er skipt
niður í 1.-4. bekk. Kennt er eitt
kvöld í viku, eða einn laugardagseft-
irmiðsdag, og eru nemendur á öll-
um aldri að sögn Magnúsar en held-
ur fleiri konur. „Það sem kemur
fólki mest á óvart er hversu margar
rannsóknir hafa verið gerðar á þess-
um hlutum og hversu mikið er í
raun vitað um þetta. Það er þessi
hefðbundna deila vísinda og trúar-
bragða. Vísindin hafa ekki viður-
kennt spíritismann og því alltaf ýtt
þessu til hliðar hugsunarlaust. Það
er mjög mikil þekking um þetta en
henni er ekki haldið á lofti heldur
vísvitandi ýtt niður af vísindum
samtímans," sagði Magnús. Námið
er í formi fyrirlestra, umræðna,
glærusýninga og jafnvel miðils-
funda í framhaldsbekkjunum. „Ég
hef aldrei verið í skóla þar sem
nemendur hafa skemmt sér eins vel
og haft eins gaman af náminu,“
sagði Magnús að lokum.
-ingo
Biblíuskólinn með fræðslu um kristna trú:
Hagnýt hjálp í trú,
lífi og starfi
- markmið að auka biblíuþekkingu og biblíulestur
„Tilgangur Biblíuskólans er að
veita fræðslu um kristna trú, inn-
sýn í rit Biblíunnar og vera einstak-
lingum til hjálpar í að þroskast og
eflast í trúnni á Jesú Krist. Skólinn
hefur það að markmiði að auka
biblíuþekkingu og biblíulestur fólks
og að vera hagnýt hjálp i trú, lífi og
starfi," sagði Ragnar Gunnarsson,
framkvæmdastjóri KFUM og K í
Reykjavík.
„Við erum með nokkur námskeið
í gangi. Eitt þeirra er sérstaklega
hugsað fyrir bama- og unglinga-
starfsmenn, annað heitir Alfa-nám-
skeið og er mjög opið og almennt
um kristna trú og innihald hennar,
eitt námskeiðið er um kristniboð og
annað um eitt af ritum Gamla testa-
mentisins. Öll tengjast þau að ein-
hverju leyti kristinni trú því þannig
er skólinn hugsaður," sagði Ragnar.
Námskeiðin hafa að hluta til ver-
ið unnin í samvinnu við æskulýðs-
starf eða fræðsludeild kirkjunnar
en Biblíuskólinn er rekinn af KFUM
og K í Reykjavík, Landssambandi
KFUM og K, Sambandi íslenskra
kristniboðsfélaga og Kristilegu
skólahreyfingunni.
„Námskeiðið fyrir þátttakendur í
kristilegu bama- og unglingastarfi
er hugsað fyrir byrjendur á því
sviði. Það em mest unglingar á
aldrinum 15-18 ára þó það sé öllum
opið og Alfa-námskeiðið er t.d.
hugsað fyrir alla frá 18 ára aldri og
upp úr,“ sagði Ragnar. Alfa-nám-
skeiðin em sérstaklega ætluð fyrir
þá sem vilja forvitnast um kristna
trú, em spyrjandi og vilja fá betri
innsýn í hvað er að vera kristinn og
hver er meginkjami kristinnar trú-
ar.
Biblíuskólinn er líka með leikja-
námskeið fyrir 6-8 ára böm í ágúst
í samvinnu við Ássókn og Laugar-
nessókn. Námskeiðin standa yfir frá
kl. 13-17 og er þá fariö í stuttar ferð-
ir með börnin, farið í leiki, sungið,
mikið, verið úti, föndrað og stund-
aðar einhverjar íþróttir. Einnig eru
samverustundir með söngvum og
biblíufrásögnum.
Eitt námskeiðið er sérstaklega
haldið fyrir ungt fólk þar sem fjall-
að er um ástina, samband kynjanna,
kynlífið og hjónabandið. Kyn-
fræðsla í skólum og fjölmiðlum og
áreiti í því efni verður skoðað með
gagnrýnu hugarfari. Kennslan fer
fram í stuttum fyrirlestrum, um-
ræðum í hópum, spurningum og
svörum og m.a. verður skoðað
myndbandið Sex, videotapes and
the truth. „Vetrarstarf KFUM og K
fellur svo e.t.v. frekar undir al-
mennt félagsstarf en námskeið.
Starfað verður á 12-14 stöðum í
u.þ.b. 30 deildum," sagði Ragnar að
lokum.
-ingo