Dagblaðið Vísir - DV - 15.03.2000, Page 7

MIÐVIKUDAGUR 15. MARS 2000
7
I>V
Frettir
Hæstiréttur ómerkir héraðsdóm:
Stundarsigur fyrir mig
- segir dr. Gunnar Þór Jónsson og telur uppsögn á starfi sínu hjá Sjúkrahúsi Reykjavíkur ólögmæta
Dr. Gunnari Þór Jónssyni var
sagt upp starfl yfirlæknis bæklun-
arlækningadeildar hjá Sjúkrahúsi
Reykjavíkur vegna meintrar van-
rækslu í starfi þann 22. júlí 1999.
Höfðaði hann mál og krafðist
ógildingar þeirrar uppsagnar. Hér-
aðsdómur Reykjavikur sýknaði
sjúkrahúsið af kröfu Gunnars, en
nú hefur Hæstiréttur ómerkt hér-
aðsdóminn og sent málið til baka.
Dr. Gunnar Þór Jónsson gegndi
áðumefndri stöðu jafnframt því að
vera prófessor í slysalækningum
við læknadeild Háskóla íslands.
Honum var sagt upp störfum í júlí
sl. í kjölfar áminninga vegna ætl-
aðra slælegra vinnubragða hans
varðandi skil á umbeðnum vott-
orðum og greinargerðum.
Héraðsdómur ómerktur
Gunnar höfðaði mál og stefndi
Sjúkrahúsi Reykjavíkur þann 25.
október 1999. Krafðist Gunnar þess
að viðurkennt verði með dómi að
uppsögn hans á ráðningu sinni við
spítalann sé ógild. Fékk málið
flýtimeðferð í kerfinu en héraðs-
dómur sýknaði sjúkrahúsið af
Hæstiréttur ómerkti héraðsdóminn
Ómerkingin er stundarsigur tyrir mig, segir dr. Gunnar Þór Jónsson.
kröfum Gunnars. Var málinu þá
áfrýjað til Hæstaréttar. I niður-
stöðu Hæstaréttar er úrskurður
héraðsdóms ómerktur á þeirri for-
sendu að ekki hafi þar verið tekið
tillit til allra þátta í málflutningi
Gunnars. Var málinu því vísað
heim í hérað til málflutnings og
dómsálagningar að nýju.
Alvarlegt mál
Gunnar sagði í samtali við DV
að hann vildi meina að lækninga-
forstjóri hafi veitt sér áminningar
á afar hæpnum og að hluta til
fölskum forsendum. „Ég hef lagt
fram gögn sem styðja mál mitt,
m.a. álit stjórnar Bæklunarlækna-
félags íslands sem er mér sam-
mála. Það er geysilega alvarlegt
mál ef embættismaður er að mis-
nota aðstöðu sína til að setja fram
hluti sem ekki eiga sér stoð i veru-
leikanum. Það er nú búið að
ómerkja héraðsdóminn og það er
stundarsigur fyrir mig,“ segir
Gunnar sem á von á að ný niður-
staða liggi fyrir hjá héraðsdómi I
byrjun apríl.
-HKr.
DV-MYND ARNHEIÐUR.
Frá Vogum á Vatnsleysuströnd
Vogarnir vel
markaðssettir
__________________________
I DV, SUDURNESJUM:_________
Auglýsing um markaðssetningu
Voga á Vatnsleysuströnd fékk tvenn
I verðlaun á uppskeruhátíð ísmarks
| um athyglisverðustu auglýsingar árs-
1 ins 1999.
Þetta var tilkynnt á hátíð sem hald-
in var í Háskólabíói nýlega. Veitt
voru verðlaun í tólf flokkum og vann
auglýsingin um markaðssetningu
i Voga í tveimur flokkum, þ.e. sem
besti markpósturinn og sem óvenju-
■ legasta auglýsing ársins.
j í flokknum besti markpósturinn
var auglýsingin valin úr 40 innsend-
um auglýsingum. í flokknum óvenju-
! legasta auglýsing ársins var auglýs-
ingin valin úr rúmlega 600 innsend-
um auglýsingum eða öllum auglýs-
ingum sem sendar voru í keppnina.
Það var auglýsingastofan Hvíta
Ihúsið sem gerði auglýsinguna og var
ótvíræður sigurvegari hátíðarinnar,
vann átta verðlaun af tólf. -AG
Norðurland eystra:
Síbrotamað-
ur dæmdur
DV, AKUREYRI:____________
Héraðsdómur Norðurlands eystra
hefur fellt dóm yfir rúmlega þrítug-
um Húsvíkingi vegna tveggja
líkamsárása sem maðurinn gerði
sig sekan um á síðasta ári.
Maðurinn kastaði grjóti í dyra-
vörð á skemmtistaðnum Gamla-
Bauk á Húsavík i ágúst með þeim
afleiðingum að dyravörðurinn hlaut
mar og eymsli á bringu yfir vinstra
viðbeini. I október kastaði maður-
inn bjórflösku í andlit annars
manns með þeim afleiðingum að sá
hlaut tvo skurði í andlit, glóðarauga
á báðum augum og fleiri áverka.
Frá árinu 1995 hefur maðurinn,
sem dæmdur var, þrívegis gengið
undir sektargreiðslur með sátta-
gjörðum vegna húsbrots og brota á
umferðarlögum og þrívegis hefur
hann hlotið dóma vegna þjófnaðar,
líkamsárása, eignaspjalla og áfeng-
islagabrots.
Með athæfi sínu nú rauf maður-
inn skilorð. Hann var dæmdur í 6
mánaða fangelsi en afplánum fjög-
urra mánaða frestað til þriggja ára,
haldi maðurinn almennt skilorð. Þá
var hann dæmdur til að greiða öðru
fórnarlamba sinna 125 þúsund
króna bætur og til greiðslu alls
málskostnaðar. -gk
Leiðrétting
vegna kvik-
myndagreinar
í grein í Helgarblaði DV um ís-
lenskar kvikmyndir í 20 ár og styrk-
veitingar Kvikmyndasjóðs til þeirra
var rangt farið með fáein atriði.
Kvikmyndin Dalalíf, sem Þráinn
Bertelsson gerði 1984, var ekki á
lista yfir hlutfall milli styrkja og að-
sóknar. Dalalíf er meðal best sóttu
íslenskra kvikmynda frá upphafi en
fékk engan styrk úr Kvikmynda-
sjóði. Þráinn Bertelsson var í grein-
inni sagður hafa gert 3 myndir en
rétt tala mun vera 7 kvikmyndir.
Ari Kristinsson var í sömu töflu
sagður hafa gert 5 myndir en rétta
talan er tvær.
Enn fremur má deila um þá túlk-
un að Hrafn Gunnlaugsson hafi ver-
ið styrktur af Kvikmyndasjóði til að
gera Myrkrahöfðingjann þar sem ís-
lenska kvikmyndasamsteypan fram-
leiddi myndina og fékk til hennar
styrk. -PÁÁ
Véistu hverjir eru kostir þess
db jeppi sé byggður ó grind?
Vitara er eini 5 dyra grindarbyggði jeppinn
með hátt og lágt drif í sínum verðflokki.
Grindarbyggingin eykur styrk bílsins veru-
lega og einangrar hann jafnframt frá veg-
hljóði. Það er mikið lagt í hann, staðalbún-
aður er ríkulegur, bæði öryggis- og þæginda-
búnaður. Sumir láta hækka Vitara upp
um 4 cm fyrir 30 tommu dekk sem
kostar 120 þúsund krónur en þá ertu
kominn með bíl sem ræður við jafnvel
erfiðustu aðstæður. SUZUKI Vitara er
auk þess alveg fullkominn fjölskyldu-
bíll, rúmgóður og öruggur.
Vitara - Þægilegi jeppinn
TEGUND: VERÐ:
JLXSE 5d 1.840.000 KR.
Sjálfskiptinq 150.000 KR.
SUZUKIBILAR HF
Skeifunni 17. Sími 568 51 00.
www.suzukibilar.is
vrrnnA
MimwA}
SUZUKI Vitara - Þér býðst enginn annar 5-dyra alvöru jeppi ó svona veröi
SUZUKI SÖLUUMBOÐ: Akranes: Ólafur G. Ólafsson, Garðabraut 2, sími 431 28 00. Akureyri: BSA hf., Laufásgötu 9, simi 462 63 00. Hafnarfjörður: Guðvarður Elíasson,
Grænukinn 20, sími 555 15 50. Hvammstangi: Blla- og búvélasalan, Melavegi 17, slmi 451 26 17. Isafjörður: Bílagarður ehf., Grænagarði, simi 456 30 95.
Keflavik: BG bílakringlan, Grófinni 8, slmi 421 12 00. Selfoss: Bilasala Suðurlands, Hrismýri 5, simi 482 37 00.