Dagblaðið Vísir - DV - 15.06.2000, Blaðsíða 32

36
FIMMTUDAGUR 15. JÚNÍ 2000
Tilvera DV
Sjeikspír alla
leið
Þeir eru ekki lengi að hag-
ræða eftir sameininguna,
drengimir í hinu nýstofnaða
Leikfélagi íslands. Nú er Sjeik-
spír eins og hann leggur sig
fluttur af fjölum Iðnó yfir í Loft-
kastalann kl. 20. Það ætti samt
ekki að hafa nein áhrif á leikar-
ana í stykkinu, þau Halldóru
Geirharðsdóttur, Friðrik Frið-
riksson og Halldór Gylfason. Öll
þykja þau fara á kostum, sér-
staklega Halldóra Geirharðs.
Verkið er í leikstjórn Benedikts
Erlingssonar og í þýðingu Gísla
Rúnars Halldórssonar.
Krár
■ FREDRICK GAMARITH A ROM-
ANCE Lifandi tónlist er á Café Rom-
ance öll kvöld. Fredric Gamarith er
mættur í annað sinn til að skemmta
landanum. Hann skemmtir frá í
- kvöld frá 20-1.
Klassík
É FINNSKUR KÓR I SÁLNIÍIVÍ Boð^
ið verður upp á kórtónleika í Saln-
um, Kópavogi kl. 20:30 í kvöld. Það
er finnski kórinn Kansallis Kuoro
undir stjórn Johanna Rouhianen-
Sakari sem flytur fjölbreytta efnis-
skrá kórlaga, finnskra og íslenskra.
■ FLAUTUTÓNLEIKAR í ÝMI
Flaututónleikar verða í Ymi viö .
Skógarhlíð í kvöld. Fram koma Ás-
hildur Haraldsdóttir, Anna Guöný
Guömundsdóttir, Bryndís Halia
Gylfadóttir, Guöni Franzson, Atli
Heimir Sveinsson og Steef van
Oosterhout. Tónleikarnir hefjast kl.
20.30 og eru jafnframt hluti af Tón-
. skáldahatíðinni og Listahátíð.
■ BJARTAR NÆTUR í NORRÆNA
HUSINU Gunnar Kvaran sellóleikari
og Jens Bang-Rasmussen gítarleik-
ari spila á tónleikaröð Norræna
hússins, Bjartar nætur, í kvöld kl.
22. íslenskur matur er borinn fram
frá 20.30 en ekki er skylda aö fá
sér mat.
Leikhús
■ DRAUMUR A JONSMESSUNOTT
Þjóöleikhúsiö sýnir Shakespeare-
leikritið Draum.á Jónsmessunótt á
stóra sviðinu. í stórum dráttum fjall-
ar verkiö um elskendur sem flýja út í
skóg á Jónsmessunótt og stunda
galdra og töfra. Leikstjóri er
Baltasar Kormákur og meðal fjölda
leikenda eru Atli Rafn Siguröarson,
Beri 'r Þór Ingólfsson, Brynhildur
Guö' isdóttir, Björn Jörundur, Hilm-
ir Snær og Steinunn Ólína Þor-
stelnsdóttir.
■ USTDANSSKÓLIÍSLANPS Átta
stúlkur á aldrinum 15-17 ára, í
Listdansskóla íslands halda glæsi-
lega ballettsýningu í Islensku óp-
erunni kl. 20.30 í kvöld. Sýningin
er próf stúlknanna upp í nemenda-
dansflokk Listdansskólans sem
er elsti flokkur skólans.
Fundir
1 HADEGISFUNDUR I LÆKNÁ-
GARÐI Jóhannes Helgason lífeölis-
fræðingur flytur erindið Ahrif lactate-
jónar á öndun á hádegisfundiLífeðl-
isfræðistofnunar í kaffistofu á 5.
hæð í Læknagaröi, Vatnsmýrarvegi
16, í dag kl. 12:05-13.
Sjá nánar: Lífiö eftir vinnu á Vísi.is
íslendingur leggur úr höfn 17. júní:
Dómtúlkur
leggst í víking
Á þjóðhátíðardaginn leggur vík-
ingaskipið íslendingur úr höfh í
fjögurra mánaða leiðangur til Nýju
Jórvikur með viðkomu í Eystri-
byggð á Grænlandi, Nýfundna-
landi og Kanada. Meðal skipverja
er Ellen Ingvadóttir sem sker sig
ekki aðeins frá öðrum í áhöfninni
sakir kyns sins. Hún er nefnilega
löggiltur dómtúlkur og skjalaþýð-
andi en þeir munu ekki vera al-
gengir meðal áhafna víkingaskipa
hvort heldur til foma eða í dag.
Þekkír ólíkar hliöar
hafsins
„Leiðir okkar Gunnars Marels
Eggertssonar skipstjóra lágu sam-
an fyrir tveimur árum þegar ég
átti þess kost að sigla með íslend-
ingi á milli Eyja og Reykjavíkur.
Meðan á ferðinni stóö spurði ég í
nokkrum sjógangi kankvíslega
hvort ég mætti ekki koma með til
Ameríku og hann tók mig á orð-
inu,“ segir Ellen um tilurð þess að
hún heldur nú í þessa miklu ferð.
Hún hefur þó siglt töluvert áður,
m.a. með eiginmanni sinum, Þor-
steini Inga Kragh, sem starfaði á
árum áður sem vélstjóri hjá Eim-
skip, og segist þekkja bæði mildu
hlið hafsins svo og hina. Hvemig
honum lítist nú á þetta ævintýri
svarar Ellen þessu til: „Ég nýt
hans stuðnings til fullnustu. Auð-
vitað mun ég sakna hans og ætt-
ingja og vina en tæknin er orðin
þannig að auðvelt er að ná sam-
bandi heim og það mun ég nýta
mér óspart.“
Full eftirvæntingar
Áhöfnin sefur i kojum í sameig-
inlegu svefnrými og aðstaða er til
eldamennsku, og vel er séð fyrir
snyrtimálum að sögn Ellenar. Hún
hefur enga sérstöðu meðal áhafn-
arinnar og ekki að heyra á henni
að hún hefði tekið slíkt í mál:
„Áhöfnin mun öll vinna hvers ann-
ars störf. Við munum standa sex
tíma vaktir og þar munum við
hver um sig sinna þeim skyldum
sem á herðar okkar eru lagðar -
undir stjóm skipstjórans Gunnars
Marels. Áhöfnin er góður hópur
samheldinna einstaklinga og ég tel
það mikinn heiður og áskorun að
vera einn áhafnarmanna."
Nú styttist óðiun í að skipið
leggi úr höfn og er engan bilbug á
Ellen að finna: „Þetta leggst af-
skaplega vel í mig og ég er full eft-
irvæntingar. Þetta er stórkostlegt
ævintýri sem ég bæði hlakka til og
er stolt af að taka þátt í.“
-BÆN
Lundúnir kalla
Háskólabíó - Wonderland: ir'k'k
Björn Æ.
Norðfjörö
skrifar gagnrýni
um kvikmyndir
Það sem Robert Altman gerði fyrir Los Angeles í Short Cuts gerir Michael
Winterbottom fyrir London í Wonderland.
Undralandið sem titill myndar-
innar vísar til er Lundúnir. Þetta er
sneiðmynd af borginni og tilfinn-
ingalífi íbúa hennar. Vissulega er
fjallað um tilbúnar persónur en það
er sem þær séu íbúar valdir af
handahófi - auk þess sem persón-
umar, sem bera uppi myndina, eru
óvenju margar. Þær virðast í fyrstu
ekki tengjast hver annarri ýkja
mikið en það breytist er líður á.
Nadia (Gina McKee), Debbie
(Shirley Henderson) og Molly
(Molly Parker) eru systur á þrítugs-
aldri sem eiga allar í makavandræð-
um þótt ólík séu. Foreldrar þeirra
(Jack Shepherd og Kika Markham)
eiga einnig við erfiðleika að etja í
sínu sambandi. Loks verður að
minnast á son Debbiear, Jack (Peter
Marfleet), og föður hans, Dan (Ian
Hart), sem er ekki fyflilega áreiðan-
legur í uppeldishlutverkinu.
Það segir nokkuð margt um þessa
mynd að enn er ótalinn fjöldi mikil-
vægra persóna. Handritshöfundur-
inn Laurence Coriat segir mynd Ro-
berts Altmans, Short Cuts (1993),
hafa veitt sér innblástur við gerð
handritsins. Það kemur ekki á óvart
því það er einkar sjaldgæft að reynt
sé aö koma jafnmörgum persónum
til skila og í þessum tveimur mynd-
um. Margt skilur þó á milli þeirra
enda ber Wonderland sterkan keim
af raunsæishefð Breta sem á lítið
skylt við glamúr-áferðina í
Hollywood - þótt Altman hafi nú
reyndar gert sitt til að brjóta hana
niður í gegnum tíðina. Leikstjórinn
Michael Winterbottom beitir ýms-
um meðulum til að ná ímynd raun-
sæis: óstöðugri myndavél, engri lýs-
ingu, spunnum texta, ótilbúnum
sviðsmyndum o.s.frv. Jú, þetta
minnir óneitanlega á stefnuyfirlýs-
ingu þeirra Dogme-manna en
Winterbottom neitar því að hún
hafi verið höfð að leiðarljósi - og
bendir á að myndin hafi verið kom-
in í framleiðslu áður en Festen og
Idioteme voru frumsýndar. Hvað
við köflum tækni hans skiptir ekki
öflu heldur það að hún heppnast
vel. Myndinni tekst að skapa yfir-
ferð raunsæis líkt og Bretum einum
er lagið - og kannski einnig Dönum!
Ég veit ekki hvort rétt sé að kalla
Wonderland óð til Lundúna því
myndin sem hún dregur upp af
borginni er á köflum þrúgandi og
fráhrindandi. Engu að síður varpar
hún á borgina heillandi sjarma og á
stundum langar mann helst að drífa
sig í te eða bjór til stórborgarinnar.
Og ætli maður yrði nokkuð hissa
þótt einhver persóna Undralandsins
sæti við næsta borð. Segir það allt
um ágæti myndarinnar.
Leikstjórn: Michael Winterbottom.
Handrit: Laurence Coriat. Aðalhlutverk:
Gina McKee, Shirley Henderson, Molly
Parker og lan Hart.