Dagblaðið Vísir - DV - 29.01.2001, Blaðsíða 12

12
______________________MÁNUDAGUR 29. JANÚAR 2001
Skoðun x>V
Spurning dagsíns
Á að selja léttvín í
matvöruverslunum?
Kári Guölaugsson nemi:
Já, af hverju ekki?
Saga Ýrr Jónsdóttir nemi:
Já, þaö myndi auövelda
mér lífiö mikiö.
Ellý Vilhjálmsdóttir:
Já, þaö eru sjátfsögö mannréttindi.
Viö eigum aö fylgja hinum
Noröurlöndunum.
Aöalmundur Sævars:
Já, fáránlegt aö ríkiö hafi
einkasölu á áfengi.
Garðar Sverrisson, Steingrímur J. Sigfússon, Össur Skarphéöinsson.
Hljóta aö verða ofsalega glaöir viö málalyktir.
Pólitískt lýðskrum
Óiafur Gíslason
skrifar:
Jæja, þá verður farið í það að
borga út um það bil einn milljarð til
þeirra öryrkja sem vegna hjúskap-
arstöðu sinnar höfðu það einna
skást i peningalegu tilliti. Þá hljóta
þeir Össur Skarphéðinsson, Garðar
Sverrrisson, Steingrímur J. Sigfús-
son, og allir verkalýðsforingjarnir
að verða ofsalega glaðir.
Sennilega er þjóðin líka kát yfir
því að þessu máli sé að nokkru lok-
ið. En það er þó ekki svo. Garðar,
formaður Öryrkjasambandsins, seg-
ir það svartasta dag í sögu lýðveld-
isins að ekki skyldi borgað meira til
þessa hóps. - Upphæðin sem fer til
þeirra sem mest var dregið af vegna
hárra tekna maka er um það bil ein
og hálf milljón.
Ef farið hefði verið að vilja ofan-
„Þegar upp verður staðið og
moldviðrinu slotar má
reikna með að velferðar-
kerfi okkar verði orðið svo
dœldað og skemmt að mörg
ár taki að vinna sig út úr
óskapnaðinum. “
nefndra dánumanna hefði upphæð-
in verið um þrjár milljónir. í við-
talstíma á Skjá einum, sl. mánudag,
sagðist Vilborg Traustadóttir, for-
maður MS-félagsins, fá eina milljón,
en vinkona hennar sem er öryrki og
tveggja barna móðir í basli fengi
ekkert. Sennilega vegna þess að hún
á ekki vel skaffandi maka.
Eitt tilvik þekki ég þar sem
stöndug hjón létu verða af því að
endumýja Mercedes Benz-bifreið
sína. Hvort þau gerðu það vegna
þess að annað þeirra er öryrki og á
ávísun upp á eina og hálfa miiljón á
leið í pósti hef ég ekki hugmynd um.
Einhvern veginn held ég að al-
menningur hafi ekki almennt áttað
sig á þvi að hér er á ferðinni eitt-
hvert ljótasta pólitíska lýðskrum í
sögu lýðveldisins. Jafnaðarmennska
og gömlu gildin - að hjálpa þeim er
verst standa - fokin út í veður og
vind. Þegar upp verður staðið og
moldviðrinu slotar má reikna með
að velferðarkerfi okkar verði orðið
svo dældað og skemmt að mörg ár
taki að vinna sig út úr óskapnaðin-
um. Ágætu landsmenn og sérstak-
lega íjölmiðlamenn; Vöknum og
stöndum vörð um þá er minnst
mega sín. Ofannefndir piltar gera
það ekki!
Dómsorð hæstaréttar
- um greiðslur til öryrkja
Ingibjörg Sigtryggsdóttir
skrifar:
Stefnda, Tryggingastofnun ríkis-
ins, var óheimilt frá 1. janúar 1994 á
grundvelli 2. mgr. 4. gr. reglugerðar
nr. 485/1995 að skerða tekjutryggingu
örorkulífeyrisþega í hjúskap með þvi
að telja helming samanlagðra tekna
beggja hjóna til tekna lífeyrisþegans í
því tilviki er maki lífeyrisþegans er
ekki lífeyrisþegi.
Mér er spurn: Hvernig var mögu-
legt að rangtúlka og/eða snúa út úr
þessum dómsorðum?
Dómurinn segir skýrt, að skerðing
tekjutryggingar vegna tekna maka sé
óheimil og enginn vafi leikur á þvi
að ríkisstjórninni ber að sjá til þess
að Tryggingastofnun greiði þeim ör-
yrkjum sem hér eiga hlut að máli það
„Enginn vafi leikur á að
dómurinn gildir einnig um
kjör ellilífeyrisþega þar sem
þeir hafa mátt sæta svipuð-
um skerðingum á lífeyris-
greiðslum frá Trygginga-
stofnun. “
sem á vantar tekjutryggingu, ásamt
með vöxtum, fyrir það tímabil sem
hér um ræðir, eða frá 1. janúar 1994.
Enginn vafi leikur á að dómurinn
gildir einnig um kjör eliilífeyrisþega
þar sem þeir hafa mátt sæta svipuð-
um skerðingum á lífeyrisgreiðslum
frá Tryggingastofnun. Enginn vafi
leikur heldur á að hækka verður
bætur almannatrygginga til þeirra
sem minnst hafa, því það er þjóðar-
skömm að ætla öryrkjum og ellilíf-
eyrisþegum að lifa langt undir nauð-
synlegum afkomutekjum.
Forsætisráðherra hefur lagt mikla
áherslu á að fræða landsmenn um
það að verið sé að krefjast kjarabóta
fyrir hátekjufólk. Þá hafa verið nefnd-
ar tekjur upp á 200.000 til 500.000 kr.
Ef til vill vita þessir menn ekki við
hvaða tekjumörk tekjutrygging ör-
orkulífeyrisþega byrjar að skerðast.
Þá þurfa þeir að fræðast um það.
Hvergi annars staðar gæti ríkis-
stjórn setið óáreitt áfram eftir slíka
framgöngu. Ríkisstjórninni ber því
að segja af sér. - Framganga hennar
er orðin þjóðinni til skammar um all-
an hinn siðmenntaða heim.
Dagfari
Engan fjandans flugvöll
Reykjavíkurflugvöllur er bölvuð kvöl og
pína. Dagfari er alveg sammála öllum þeim
sérlunduðu Reykvikingum og Kársnesbúum
sem vilja flugvöllin burt og þá er alveg
sama hvurt. Hvað eiga Reykvíkingar svo
sem að vera að púkka upp á flugbrautir inni
í miðri höfuðborginni. Flugbrautir sem taka
upp óhemju pláss þar sem byggja mætti í
það minnsta flmm eða sex nýjar Kringlur
eða Tvíbökur eða hvað sem menn vilja ann-
ars kalla þessar verslunarmaskínur.
Það eru líka ýmsir aðrir fletir á þessu
blessaða flugvallarmáli sem Dagfari skilur
hreint ekkert i. Hvernig i ósköpunum hefur
það fengið að viðgangast undir stjórn vinstri-
manna í borginni að það sé verið að flagga og
jafnvel dásama í bæklingum á kostnað borgar-
innar hernaðarmannvirki? Hvar eru nú friðar-
sinnar og herstöðvaandstæðingar? Ef mönnum
skjátlast ekki, þá var Reykjavíkurflugvöllur frá
upphafi hannaður undir vígvélar og drápstól.
Það var breski herinn sem hróflaði þessu upp
eftir að hafa hertekið ísland. Eins og þeim var
einum lagið þá völdu þeir fúlan forarpytt undir
þessa starfsemi í miðri Vatnsmýrinni, sannar-
lega staður sem hæfði svo göfugu hlutverki. Nú,
en með fjandans seiglunni, þá tókst Tjöllunum
Því skal nú henda flugvellinum
burt, skítt þó einhver þjónustufyr-
irtœki í borginni tapi viðskiptum
og borgin um leið aðstöðugjöldum
og útsvari. Hann skal samt burt.
að troða svo miklu grjóti í drullusvaðið að það
hætti að vera mýri. í áranna rás hefur svo enn
verið bætt um betur og nú er leitun að því fyrir-
bæri sem eitt sinn hét með réttu Vatnsmýri.
Eins og íslendingum var einum lagið, þá þótti
tilhlíðilegt að græða á þessu fjandans
hermangi og nýta mannvirki til einhvers
brúks. Var því komið upp aðstöðu fyrir inn-
anlandsflug og þótti bara skrambi gott að
hafa það svona steinsnar frá miðbænum.
Fluginu óx fiskur um hrygg og einnig öll-
um þeim þjónustuaðilum sem í dag græða
stórar fúlgur á þjónustu við Reykjavíkurflug-
völl. Það þurfti heldur ekki lengi að bíða eft-
ir því að fleiri en flugrekstraraðilar ásældust
flugvallarstæðið í Vatnsmýrinni. Einhverjir
snjallir hagspekingar hafa nefnilega fundið
það út að peningar verði til í fjandans mýr-
inni. Þvi skal nú henda flugvellinum burt,
skítt þó einhver þjónustufyrirtæki í borginni
tapi viðskiptum og borgin um leið aðstöðugjöld-
um og útsvari. Hann skal samt burt. Dagfari er
líka á því að þegar í stað verði ákveðið að byggja
nýjan Reykjavíkurflugvöll eins langt frá borgar-
miðju og kostur er. Þá fyrst verður öruggt að
landsbyggðarhyskið steinhættir að nota flugið til
að komast til Reykjavíkur, það verður hreinlega
fljótlegra og ódýrara að keyra landleiðina! Þá
erum við lika komin að kjarna málsins, það þarf
engan Qandans flugvöll, - ekki heldur höfuðborg
ef þvi er að skipta.

Cvfu
Háir vextir, og veröbótaþættir að auki
Útskýringar vantar.
Engin vaxtalækkun?
Óskar Sigurðsson hringdi:
Það er reyndar að bera í bakkafull-
an lækinn að ræða um hávaxtastefnu
íslensku bankanna. En vextir hér eru
þeir hæstu í allri Vestur-Evrópu. Að
ekki sé minnst á Bandaríkin og
Kanada. En látum nú vera þótt útláns-
vextir séu þetta háir, væri ekki tvö-
faldur verðbótaþáttur líka ofan á öll-
um afborgunum af lánum. Hér leggst
svokailaður „verðbótaþáttur" á vext-
ina og „verðbótaþáttur" á höfuðstól-
inn, svo að hann hækkar sífellt. Fáir
vita hvernig verðbótaþáttur er reikn-
aður ofan á vexti, en í landi með lága
verðbólgu eins og hér hlýtur verðbóta-
þáttur að vera lækkandi. En er hann
það? Það veit enginn og enginn fæst til
að ræða verðbótaþáttinn, bara vext-
ina. - Einkennileg efnahagsumræða!!
Lélegar skyrtuverslanir
Torfi hringdi:
Ég hef hvað eftir annað gert mér
það erfiði að leita að venjulegum en
almennilegum herraskyrtum, en
aldrei fundið neina. Því kaupi ég mér
vanalega skyrtur fari ég eitthvað til
útlanda, þar sem ég fæ skyrtur við
hæfi. Nú eru skyrtuverslanir hér í
Reykjavík ekki skyrtulausar, en þær
eru allar fjandans ólán. Og nú skal ég
greina það sem ég á við: Mínar skyrt-
ur skulu vera eins og aðrar skyrtur að
því viðbættu að hafa vasa vinstra
megin (helst báðum megin) og með
hnappi á vasanum svo að þar geti ég
geymt t.d. greiðslukort og því um líkt,
þvi þar er það helst varðveitt, t.d. fyr-
ir vasaþjófum sé maður staddur í
mannþröng. Já, hér er ófullkomin
þjónusta í skyrtuverslunum.
í sumariö og sólina.
En veröiö hækkar ár frá ári.
Ofurverð á ferðum
Steinn skrifar:
Allir sem ég hef rætt við eru sam-
mála um að svokallaðar pakkaferðir
til sólarlanda hafa hækkað gífurlega
mikið. Nú er t.d. farið að segja frá ferð-
um til nýrra sólarstaða í Eyjahafi (á
Kýpur, Krít og þar austur frá). Þetta
eru ofurverð sem maður sér að þar
eiga að gilda. Einnig eru bara einfóld
flugfargjöld til sólarlanda (án hótels
eða annars) orðin óviðráðanleg. Það er
því ekki furða þótt fólk bíði þess að
GO-flugfélagið eða einhver annar
bjargvættur birtist erlendis frá sem
býður okkur hér i einangruninni við-
ráðanlegt verð í sólarferðimar næsta
sumar, eða bara einföld fargjöld þar
sem maður sér sjálfur um gistingu og
ferðir t.d. á meginlandinu.
Ferðakostnaður
B.Ó.S. skrifar:
Það hlýtur að vera rannsóknarefni
hinnar opinberu stjómsýslu hvernig
risnu- og ferðakostnaður hækkar ár
frá ári vegna ferðalaga opinberra
starfsmanna. Ferðakosmaðurinn einn
hækkaði um 172 milljónir milli áranna
1998 og 1999, og tæpir 2 milljarðar
króna vegna ráðuneyta og ríkisstofn-
ana árið 1999!! Ef ekki er hægt að
lækka þennan kostnað á tímum tölvu-
samskipta verður hreinlega að koma
upp þröngum kvóta fyrir ráðuneytin
og Alþingi til ferðalaga og dagpeninga-
greiðslna vegna þessara stofnana.
Lesendur geta hringt allan sólarhring-
inn í síma: 550 5035.
Eöa sent tölvupóst á netfangið:
gra@ff.is
Eða sent bréf til: Lesendasíöa DV,
Þverholti 11.105 Reykjavík.
Lesendur eru hvattir til að senda mynd
af sér til birtingar með bréfunum á
sama póstfang.