Dagblaðið Vísir - DV - 12.01.2002, Page 16

16
LAUGARDAGUR 12. JANÚAR 2002
Helgarblað_________________________________________________________________________________________________X>V
§j|í
DV-MYNDIR HILMAR ÞÓR
Bernd Koberling íslandsvinur nr. 1.
Hann segir aö tengslin viö bókmenntaheiminn opni honum nýja sýn. „Þaö er svo margt í myndlistarheiminum sem fer í taugarnar á mér; græögi,
heimska, yfirborösmennska og ýmislegt sem ég þoli varla lengur. “
Andstæðurnar í lífi
og list Koberlings
Bernd Koberling er spurður af ljós-
myndaranum hvort hann sé á landinu
í fyrsta skipti. „Nei, ég hef verið að
koma og fara í tuttugu ár,“ segir lista-
maðurinn og glottir. Hann er enn á ný
kominn til íslands, nú til þess að
halda sýningu í Listasafni Reykjavík-
ur. Á sýningunni eru olíu- og vatns-
litamyndir sem Koberling hefur unn-
ið á árunum 1988 til dagsins í dag, en
hann hefur bæði fengist við figúratíft
og abstrakt málverk. Sýningin er sam-
starfsverkefni Malmö Konstahall og
Saarland Museum 1 Saarbrúcken i
Þýskalandi. Um likt leyti og sýningin
er opnuö kemur út hjá Máli og menn-
ingu ljóðabók Gyrðis Elíassonar,
Tregahornið, sem Koberling hefur
myndskreytt. Bókin kom fyrst út í
Þýskalandi en myndir hennar eru
meðal þeirra sem sýndar eru í Lista-
safni Reykjavíkur.
Aöskilin en nátengd
Þegar Koberling er spurður um
tengsl sín við Gyrði Elíasson og til-
drög þess að hann myndskreytti
Tregahornið, segir hann frá þessari
áráttu sinni að mála skáldskap. „For-
leggjari kom til min fyrir mörgum
árum og benti mér á ljóð Snorra
Hjartarsonar og spurði mig hvort ég
vildi ekki mála myndir í þýsku útgáf-
una af bókinni. Ég hafði unaðslega
gaman af því, enda eru ljóð Snorra lit-
rík og fógur. Fyrir tveimur árum kom
svo út bók með ljóðum Baldurs Ósk-
arssonar og myndum mínum. Það
kom til vegna þess að ég þekki Baldur
persónulega. Svo var mér réttur Gyrð-
ir.“
Koberling segir að ekki þýði að
gera sig listfræðingalegan í andlitinu
þegar sagt er frá vinnu hans við bók-
verkin. Fyrst og fremst sé það auðvit-
að tilflnningin sem skipti máli.
„Það er erfitt - verkin verða að
vera fullkomlega aðskilin, en samt ná-
tengd. Það er varla hægt að skýra það
þannig að það hljómi rökrétt. Mynd-
imar verða að vera sjálfsprottnar eins
og ljóðin eru sjálfsprottin."
- Og hvemig þóttu þér textar Gyrð-
is?
„Ég náði strax sterkum tengslum
við þá. Ég barst með depurðinni og
fegurðinni og losnaði ekki við þá til-
fmningu að ég þekkti umhverfi text-
anna. Þessar litlu trébryggjur og fjöll-
in ..." segir Koberling dreyminn.
Skýringuna á þeim sterku tengslum
er ef til vill að finna í þeirri staðreynd
aö Gyrðir Elíasson sækir umhverfi
sagna sinna að hluta til austur á land,
en þar var hann i sveit sem barn. Ko-
berling hefur dvalið í Loðmundarfirði
fleiri sumur en tölu verður á komið.
Það var Dieter Roth sem kynnti hann
fyrir fegurð Austfjarða, en áður hafði
hann hrifist af norðrinu í Noregi.
„Mér finnst langskemmtilegast að
vera fyrir austan," segir myndlistar-
maðurinn. „Ég hef prófað að dvelja
fyrir vestan, en Vestfirðir komast
ekki í hálfkvisti við Austfirðina.
Kyrrðin sem skapast, fjöllin og náttúr-
an öh. Þetta er ólýsanlegt."
Græðgin í myndlistarheiminum
„Sýningin hefur verið lengi í bí-
gerð og það má segja að henni hafi
seinkað um 12 ár,“ segir listamaður-
inn og hlær. „Eins og ég get nú verið
snar í snúningum get ég líka verið
ákaflega hægur,“ segir hann. And-
stæðurnar i lífi Bemds Koberlings
era nefnilega miklar eins og í verkum
hans. Þegar hann lónar ekki í eyði-
flrðinum sem kenndur er við Loð-
mund þá býr hann í Berlín. Hann seg-
ir að þetta sé meðvitað val. Hann geti
ekki dvalið á stöðum sem eru hvorki
né. Annaðhvort verði hann að vera
úti í náttúrunni eða hreinlega í ein-
hvers konar borgarskrímslum. Mynd-
irnar hans spanna líka allar stærðir.
Þegar gengið er um sýninguna blasa
við meira en mannhæðarhá verk í
dökkum litum, en einnig litlar mynd-
ir í ljósum litum. Þær stærstu eru svo
stórar að það er líkamlega erfitt að
fást við þær.
- En hvað er fram undan? Fleiri
bækur?
„Já, ég er byrjaður að tala við enn
einn íslenskan höfund, Sjón, um
næstu bók,“ segir Koberling. „Þó að
peningarnir séu miklu minni í bók-
menntum heldur en myndlist, þá vil
ég halda þessu áfram. Það er svo
margt í myndlistarheiminum sem fer
í taugarnar á mér; græðgi, heimska
og yfirborðsmennska - og ýmislegt
sem ég þoli varla lengur. Ég held
samt áfram vegna þess að ég hef starf-
að svo lengi við myndlist, en þessi
tengsl við bókmenntimar eru mér
mjög mikUvæg og veita mér aðra sýn.
Sýningin verður opnuð í Listasafni
Reykjavíkur - Hafnarhúsi í dag kl. 16.
-þhs
íslensk erfðagreining er það ís-
lenskra fyrirtækja sem er hvað oft-
ast í fréttum
og nú síðast
vegna kaupa
eða samruna
við stórt am-
erískt líf-
tæknifyrir-
tæki. Sá sem
stýrir frétta-
flutningi af
þessu merka
fyrirtæki er
gamalvanur fréttahaukur, Páll
Magnússon sem sýnir lesendum á
sér hina hliðina að þessu sinni.
Fullt nafn:
Páll Magnússon.
Fæðingardagur og ár:
17. júní 1954.
Maki;
Hildur Hilmarsdóttir.
Börn:
Eir, Hlín, Edda Sif
og Páll Magnús.
Bifreið:
Pajero.
Skemmtilegast að gera:________
Að veiða og vera með
fjölskyldunni.
Leiðinlegast að gera:
Rífast við konuna mína.
Uppáhaldsmatur:
íslensk hreindýralund.
Uppáhaldsdrykkur:
Espressokaffi.
Fremstur iþróttamanna:
Roberto Carlos.
Fallegasta kona utan maka:
Dætur minar.
Með eða móti ríkisstjórninni:
Með.
Hvern langar þig að hitta?
Palla litla - son minn - fæ aldrei
nóg af því.
Uppáhaldsleikari:____________
Anthony Hopkins.
Uppáhaldsleikkona:___________
Ingrid Bergman.
Uppáhaldstónlistarmaður:
Bubbi.
Uppáhaldsrithöfundur:
Sá sem skrifaöi Njálu.
Uppáhaldsbók:________________
Njála.
Uppáhaldsstjórnmálamaður:
Nelson Mandela.
Besta teiknimyndapersónan:
Tommi og Jenni (báðir).
Eftirlætissjónvarpsefni:
Dýralífsmyndir og fótbolti.
Uppáhaldssjónvarpsstöð:
National Geographic og Sýn.
Uppáhaldssjónvarpsmaður:
Sir Robin Day.
Uppáhaldsskemmtistaður:
íslensk erfðagreining.
Hverju stefnirðu að?_________
Að vera sæmilegur maður.
Hvað óttastu mest?___________
Að eitthvað slæmt komi
fyrir börnin min.
Hvaða eftirmæli viltu fá?
Hann var sæmilegur maður.