Dagblaðið Vísir - DV - 12.10.2002, Blaðsíða 12

12
LAUGARDAGUR 12. OKTÓBER 2002
Helgarblað_________________________________________________________________________________________________DV
Brjáluð leyniskytta veldur miklum ótta í Bandaríkjunum:
Velur fórnarlömb
af handahófi
Fórnarlömbin syrgð
Sjö manns hafa falliö fyrir hendi leyniskyttunnar það sem af er og óttast aö hún muni
halda drápunum áfram. Mikil skelfing hefur því griþiö um sig í Washington og ná-
grenni þar sem skyttan hefur níu sinnum látiö til skarar skríöa til þessa. Hvar næst?
Mikiö hvílir á lögreglunni
Charles Moose, yfírmaöur lögreglunnar í Montgomery-sýslu, sem fer með stjórn
rannsókn máisins, brást ókvæða viö því aö starfsmenn hans skyldu leka út uþþ-
lýsingum um tarot-spiliö til fjölmiöla. Hann vill fá friö til þess aö vinna sín verk og
segir aö uþþlýsingaleki geti haft alvarlegar afíeiöingar.
sín
Þegar þetta er skrifað standa lög-
regluyfirvöld í Bandaríkjunum enn þá
ráðþrota frammi fyrir þeirri ráðgátu,
hver eða hverjir hafi staðið fyrir níu
aðskildum morðárásum á jafnmarga
óbreytta borgara í nágrenni Was-
hington-borgar síðustu daga - árásum
sem leitt hafa til dauða sjö manns og
slasað tvo.
Engar vísbendingar, utan eitt tarot-
spil, liggja heldur fyrir og ekkert sem
bent gæti til ástæðunnar fyrir árásun-
um eða nokkuð sem tengir fómar-
lömbin seunan. Þau virðast hafa verið
valin af handahófi og eru eins ólík og
þau eru mörg. Um er að ræða konur
og karla á aldrinum 13 td 72 ára, sem
fátt eiga sameiginlegt, það eina
kannski að öll vöru þau að sinna eig-
in málum í daglegu amstri þegar þau
urðu fyrir árásunum.
Fyrsta fórnarlambið
7 Fyrsta fórnarlambið, hinn 55 ára
gamli James D. Martin, starfsmaður
bandarísku hafrannsóknarstofnunar-
innar, var skotinn þar sem hann stóð
fyrir utan stórmarkað í bænum Whea-
ton í Maryland á sjöunda tímanum á
miðvikudagskvöldið í síðustu viku, en
þar hugðist hann kaupa inn fyrir
söfnuðinn sinn, sem hann starfar mik-
ið fyrir í frístundum. Martin, sem var
einnig mikill áhugamaður um ætt-
fræði og sögu bandarísku borgara-
styrjaldarinnar, lætur eftir sig konu
og ellefu ára son.
Aðeins klukkustund áður en Mart-
in var skotinn, eða um klukkan hálf
sex, hafði lögreglunni á Aspen Hili-
svæðinu verið tilkynnt um að skotið
haíði verið að byggingavörumarkaði,
en þar hafði enginn orðið fyrir skaða
þegar rúður brotnuðu undan skotun-
um.
Með gott hjartalag
Annað fórnarlambið var James
„Sonny“ Buchanan, 39 ára sonur fyrr-
um lögreglumanns í Montgomery-
sýslu. Hann var maður með óvenju
gott hjartalag og alltaf tiibúinn til
þess að hjálpa öðrum. Hann var mjög
virkur í starfi í æskulýðsmiðstöð
heimabæjarins, Arlington í Virginíu.
Sonny var einng mikill áhugamaður
um ljóðlist, orti eitthvað sjálfur auk
þess sem hann kenndi börnunum
garðyrkju.
„Það má með sanni segja að Sonny
hafi verið uppalandi 400 bama. Hann
kom í æskulýðsheimilið tvisvar til
þrisvar í viku og hjálpaði börnunum
m.a. með heimaverkefnin," sagði Gre-
gory Wims, sem einnig starfar sem
sjálfboðaliði með bömunum.
Buchanan hafði áður rekið garð-
yrkjufyrirtæki en var nýbúinn að
selja það þegar hann var skotinn til
bana, með skoti í brjóstið, þar sem
hann var að aðstoða fyrrum viðskipta-
vin sinn við garðyrkju á White Flint-
svæðinu í nágrenni Rockville í Mar-
yland, snemma á fimmtudagsmorgun,
öörum degi skotárásanna.
25 ára brúðkaupsafmæli
Um það bil hálfri stundu síðar, eða
upp úr klukkan átta, var hinn 54 ára
gamli Prem Kumar Walekar skotinn
tii bana á svipuðum slóðum, þar sem
hann var staddur á bensínstöð á
Aspen Hill-svæðinu og stóð við að
setja bensin á bifreið sína daginn sem
hann átti 25 ára brúðkaupsafmæli.
Hann var leigubílstjóri í hlutastarfi og
hefði að venju ekki átt að vera að
vinna á þessum tíma, en valdi að taka
vaktina fyrr af þvi að hann ætlaði að
halda upp á daginn með fjölskyldunni
heima hjá sér í bænum Olney.
Walekar var fæddur í Indiana og
hafði vonast til þess að verja ellinni
þar. „Ég vil að allir viti hvernig mað-
ur faðir minn var. Hann var besti
maður í öllum heiminum og ég þakka
guði fyrir að hafa átt hann sem foð-
ur,“ sagði sorgmæddur sonur hans,
Andrew Walekar.
Blóðugur fimmtudagur
Þar með hafði leyniskyttan drepið
þrjá menn að morgni þessa blóðuga
dags. Hann hafði samt ekki enn feng-
ið fikn sinni fullnægt og hélt því
áfram. Nú var komið að þeim Söru
Ramos og Lori Ann Lewis-Rivera sem
báðar létu lífið þannan morgun.
Sara var 34 ára innflytjandi frá E1
Salvador og hafði helgað líf sitt störf-
um fyrir nokkra kirkjusöfnuði, auk
þess sem hún vann við heimilishjálp
og barnapössun.
„Það sem var svo sérstakt við Söru
var að þegar hún gekk um húsið þá
hafði maður það á tilfinningunni að
hún væri ekki alveg ein. Það var eins
og einhver yfimáttúrulegur kraftur,
eitthvað ljómandi fylgdi henni eftir.
Eitthvað sem fyllti húsið hlýju,“ sagði
Larry Gaffigan, einn vinnuveitandi
hennar.
Sara var stödd fyrir utan pósthús í
heimabæ sinum, Siver Spring, þegar
hún var skotin til bana um klukkan
hálfníu, en þar sat hún á bekk og las í
bók. Hún lætur eftir sig eiginmann og
sjö ára gamlan son.
Klukkustund milli morða
Rúmri klukkustund síðar, eða rétt
fyrir klukkan tíu, var síðan komið að
hinni 25 ára gömlu Lori Ann Lewis-
Rivera, en hún var skotin til bana þar
sem hún var stödd á bensínstöð í
heimabæ sínum Kensington við að
ryksuga og þrifa bilinn sinn.
Hún var alin upp í smábæ í Idaho
og hafði nýlega flutt til Washington-
svæðisins ásamt eiginmanni sínum og
dóttur á forskólaaldri.
„Hún var mjög indæl og vinnusöm
ung kona og var sífellt á spani. Ég er
miður mín og á engin orð til þess að
lýsa hræðilegri skelfingu rninni,"
sagði nágrannakona hennar.
Síðasta fórnarlamb fimmtudagsins
var Pascal Charlot, 72 ára gamall Was-
hington-búi sem flutti til borgarinnar
fyrir nokkrum árum frá Haiti, þar
sem hann var fæddur og uppalinn.
Charlot var trésmiður á eftirlaunum
og sá eini fórnarlambanna sem skot-
inn hefur verið innan höfuðborgar-
innar, þar sem hann var á gangi á tí-
unda tímanum um kvöldið. Hann læt-
ur eftir sig aldraða eiginkonu.
Tvö lifðu árásirnar af
Um tvö næstu fórnarlömb, sem
bæði lifðu árásir leyniskyttunnar af,
er lítið vitað og hefur lögreglan af ör-
yggisástæðum ákveðið að halda nöfn-
um þeirra leyndum. Fyrri árásin átíi
sér stað eftir hádegi á föstudeginum,
en þá fékk 43 ára gömul kona skot í
bakið úr riffli leyniskyttunnar, þar
sem hún var stödd á bílastæði fyrir
utan verslunarmiðstöð í bænum
Fredericksburg í Virginíu-ríki um
það bil áttatíu kílómetra suður af
Washington. Hún særðist illa en fékk
að fara heim af spítalanum á þriðju-
dag eftir aðgerð.
Eftir tveggja daga hlé á laugardag
og sunnudag lét leyniskyttan aftur til
skarar skríða á mánudagsmorgun, en
þá særði hún þrettán ára gamlan
dreng illa með skoti i kviðarholið.
Drengurinn var staddur fyrir utan
skólann sinn í Prince George-sýslu í
Maryland og var nýstiginn út úr bíl
frænku sinnar, sem keyrt hafði hann
í skólann, þegar hann varð fyrir skot-
inu. Hann var fluttur með sjúkraþyrlu
tO Washington þar sem hann gekkst
undir erfiða skurðaðgerð, en fiarlægja
þurfti miltað, brisið og hluta af mag-
anum. Hann liggur nú á gjörgæslu í
öndunarvél og mun ekki enn úr lífs-
hættu að sögn lækna.
Hvítur sendibíll sást tvisvar
Síðasta fórnarlambið, hinn 53 ára
gamli Dean Harold Meyers, frá bæn-
um Gaithersburg í Maryland, var
skotinn til bana á níunda tímanum á
miðvikudagskvöldið, þar sem hann
var að dæla bensíni á bifreið sína á
bensínstöð í bænum Manassas í Vir-
giníu, um fimmtíu kílómetra suð-vest-
ur af Washington. Meyers er níunda
fómarlamb leyniskyttunnar og það
sjöunda sem hún skýtur til bana.
Hann mun hafa fengið kúlu í höfuðið
og skotinn aðeins einu skoti eins og
öll hin fómarlömbin og mjög líklega
af löngu færi sem í öllum tilfellum er
talið vera um eða vel yfir 100 metrar.
Af þessari upptalningu má sjá að
það eru engin sjáanleg tengsl á milli
fómarlambanna og eins og áður sagði
auðséð að þau eru valin af handahófi.
Einn eða tveir
Sumir halda þvi fram að tveir
menn hljóti að vinni saman að árás-
unum, annar sem skytta en hinn sem
bUstjóri sem auðveldi þeim að komast
óséðir í burtu af vettvangi. í tvígang
hafa lögreglunni borist fregnir af því
að sést hafi tU tveggja manna á hvít-
um sendiferðabU í nágrenni morð-
staðanna, núna síðast þegar síðasta
fórnarlambið var skotið í Manassas
og þykir það styðja tUgátuna um að
tveir menn séu saman að verki.
Lögreglan viröist þó hafa horfið frá
þeirri tUgátu og virðist írekar telja að
um einn og sama manninn sé að
ræða. Þá hafa einnig heyrst kenning-
ar um það að hugsanlega gæti verið
um hryðjuverk í kjölfar umræðunnar
um hernaðaraðgerðir gegn írökum, að
ræða, en af sérfræðingum þykir það
ólíklegt og fátt sem bendi tU þess.
Þarf ekki að vera góð skytta
Þrátt fyrir að vera ýmsu vanir hef-
ur mikUl ótti gripið um sig meðal
íbúa í Washington og nágrenni og þá
sérstaklega meðal foreldra ungra
barna og unglinga eftir árásina á
skóladrenginn á mánudaginn. Þar tel-
ur lögreglan sig hafa fundið bæli tU-
ræðismannsins í grasbarði í rúmlega
hundrað metra fiarlægð frá skólanum
og nærri því tarot-spU með handskrif-
uðum skUaboðum tU lögreglunnar á
bakinu. Þar segir: „Kæri lögreglu-
þjónn, ég er Guð.“
SpUið er fyrsta haldbæra sönnunar-
gagniö í málinu fyrir utan kúlur og
skothylki sem hugsanlega gæti leitt
lögregluna á sporið og hjálpað sér-
fræðingum við að greina persónuleika
tilræðismannsins, en um persónu-
leika hans hafa verið skiptar skoðanir
þó flestir séu á því að hann sé haldinn
brjálsemi. „Hann gæti verið hermað-
ur, veiðimaður eða markskytta. Hann
gæti í raun verið hvað sem er og ekk-
ert víst að hann sé einu sinni góð
skytta. Það sem þarf til er góður riffUl
í bland við brjálsemina og af hvoru
tveggja er víst nóg í Bandaríkjunum,"
sagði einn sérfræðingurinn.
Erlendar fréttir vikum
Bush fær að fara í stríð
Bandaríkjaforseti hef-
X'* y ur fengið leyfi beggja
deUda þingsins tU að
H| EjS Saddam Hussein
■yiS íraksforseta, ef ekki
tekst að afvopna hann
með friðsamlegum leiðum. Bæði fuU-
trúadeUdin og öldungadeUdin sam-
þykktu heimildina tU forsetans með
miklum meirihluta atkvæða á
fimmtudag. Þreifingar halda svo
áfram í Öryggisráði Sameinuðu þjóð-
anna um að fá það tU að samþykkja
nýja harðoröa ályktun um Irak. Tony
Blair, forsætisráðherra Bretlands, fór
tU Moskvu á fimmtudag tU að reyna
að fá Rússa á band sitt og Bush um
nauðsyn hernaðaraðgerða. Rússar
hafa verið tregir í taumi.
Leyniskyttan ófundin
Sjö manns liggja nú í valnum eftir
leyniskyttu sem hefur skotið af löngu
færi á fólk í nágrenni Washington DC,
höfuðborgar Bandaríkjanna, í á aðra
viku. Síðasta fómarlambið, maður á
sextugsaldri, var drepið á miðviku-
dagskvöld. Tveir tU viðbótar hafa
særst af völdum skyttunnar. Lögregl-
an stendur ráðþrota frammi fyrir
ódæðisverkunum og mikUl ótti hefur
gripið um sig meðal almennings. Eng-
in vitni eru að skotárásunum sem
hafa átt sér stað á almannafæri.
Fjöldamannfall á Gaza
Ariel Sharon, for-
sætisráðherra ísraels,
hélt í vikunni uppi H
vörnum fyrir árásir gsjH
ísraelska hersins á I
bæinn Khan Younis á r "/1
Gaza í upphafi vik- / M JM
unnar. Sextán manns L—: ~ ká
féUu í skriðdrekaárásinni, sem gerð
var um miðja nótt. Palestínsk yfirvöld
köUuðu aðgerðirnar fiöldamorð. Shar-
on harmaði mannfaU úr röðum
óbreyttra borgara en sagði það aðeins
sanna að hryðjuverkamenn væru
hvergi óhultir, jafnvel ekki innan um
allan almenning.
Tíu ný ríki samþykkt í ESB
Framkvæmdastjórn Evrópusam-
bandsins tUkynnti í vikunni að ákveð-
ið hefði verið að ljúka aðUdarviðræð-
um fyrir áramót við tíu ríki sem hafa
sótt um að komast inn í sambandið.
Ef áUt fer samkvæmt áætlun verða
nýju ríkin tekin inn í helgidóminn á
árinu 2004. Þá verða aðUdarriki ESB
orðin tuttugu og fimm. Ríkin sem nú
voru samþykkt eru Eistland, Lettland,
Litháen, PóUand, Tékkland, Slóvakía,
Ungverjaland, Slóvenía, Kýpur og
Malta. Á sama fundi var tUkynnt að
ekkert hefði enn verið ákveðið um að-
Udarviðræður við Tyrki, þrátt fyrir
þrýsting Bandaríkjamanna um að
þessir bandamenn þeirra í NATO fái
inngöngu í ESB.
Borgarstjóri stunginn
---yHBRPHH Bertrand Dela-
I noé, borgarstjóri
I Parísar, liggur enn
á sjúkrahúsi eftir að
■ að myrða hann um
;™ síðustu helgi. Geð-
I truflaður maður
veittist að borgarstjóranum í ráðhús-
inu og stakk hann í kviðinn. TUræðis-
manninum mun hafa verið í nöp við
bæði stjórnmálamenn og homma en
Delanoe tUheyrir báðum fylkingum.
Líklega hryðjuverk
Rannsóknarmenn sögðu undir
vikulok að margt benti tU þess að
sprengingin um borð í franska risaol-
íuskipinu Limburg undan ströndum
Jemens síðastliðinn sunnudag hefði
verið hryðjuverk. Meira að segja ráða-
menn í Jemen hafa ljáð því máls að
svo gæti verið, þótt þau hafi lengi
haldið sig fast viö þá skýringu að um
slys heföi verið að ræða. Brak úr litl-
um báti hefur fundist á Limburg og
þykir það styðja kenninguna um
hryðjuverk. Ráðamenn í Jemen hafa
um nokkurt skeið reynt að hrista af
sér orðspor um að land þeirra sé grið-
arstaður fyrir hryðjuverkamenn úr
röðum al-Qaeda.